Nava Narasimha Mangala Shlokah – ஶ்ரீ நவநாரஸிம்ஹ மங்க³ளஶ்லோகா꞉

ஸ்தோத்ரநிதி → ஶ்ரீ ந்ருஸிம்ஹ ஸ்தோத்திரங்கள் → ஶ்ரீ நவநாரஸிம்ஹ மங்க³ளஶ்லோகா꞉

ஶ்ரீபராங்குஶயோகீ³ந்த்³ர ஶடா²ரிப்ரமுகா²ந் கு³ரூந் ।
மங்க³ளாஶாஸநபராந் மஹிதாநநிஶம் ப⁴ஜே ॥

ஜக³ஜ்ஜந்மாதி³ளீலாய ஜக³தா³நந்த³ஹேதவே ।
ஜக³ச்சக்ஷுர்நிவாஸாய ஶ்ரீந்ருஸிம்ஹாய மங்க³ளம் ॥

நவநாரஸிம்ஹ மூர்தய꞉ –
ஜ்வாலா(அ)ஹோப³ல மாலோல க்ரோட³ காரஞ்ஜ பா⁴ர்க³வா꞉ ।
யோகா³நந்த³ ச்ச²த்ரவட பாவநா நவமூர்தய꞉ ॥

1। ஜ்வாலா நரஸிம்ஹ –
ஹிரண்யஸ்தம்ப⁴ஸம்பூ⁴தி ப்ரக்²யாத பரமாத்மநே ।
ப்ரஹ்லாதா³ர்திமுஷே ஜ்வாலாநரஸிம்ஹாய மங்க³ளம் ॥ 1 ॥

2। அஹோப³ல நரஸிம்ஹ –
ஶ்ரீஶடா²ரியதீந்த்³ராதி³ யோகி³ஹ்ருத்பத்³மபா⁴நவே ।
ஸர்வத்ர பரிபூர்ணாயா(அ)ஹோபி³லேஶாய மங்க³ளம் ॥ 2 ॥

3। மாலோல நரஸிம்ஹ –
வாரிஜாவாரிதப⁴யைர்வாணீபதிமுகை²꞉ ஸுரை꞉ ।
மஹிதாய மஹோதா³ர மாலோலாயா(அ)ஸ்து மங்க³ளம் ॥ 3 ॥

4। க்ரோட³ நரஸிம்ஹ –
வராஹகுண்டே³ மேதி³ந்யை வாராஹார்த²ப்ரதா³யிநே ।

த³ந்தலக்³ந ஹிரண்யாக்ஷ த³ம்ஷ்ட்ரஸிம்ஹாய மங்க³ளம் ॥ 4 ॥

5। காரஞ்ஜ நரஸிம்ஹ –
கோ³பூ⁴ஹிரண்யநிர்விண்ணகோ³பி⁴லஜ்ஞாநதா³யிநே ।
ப்ரப⁴ஞ்ஜந ஶுநாஸீர காரஞ்ஜாயா(அ)ஸ்து மங்க³ளம் ॥ 5 ॥

6। பா⁴ர்க³வ நரஸிம்ஹ –
பா⁴ர்க³வாக்²ய தபஸ்வீஶ பா⁴வநாபா⁴விதாத்மநே ।
அக்ஷய்யதீர்த²தீரஸ்த² பா⁴ர்க³வாயா(அ)ஸ்து மங்க³ளம் ॥ 6 ॥

7। யோகா³நந்த³ நரஸிம்ஹ –
சதுராநநசேதோ(அ)ப்³ஜசித்ரபா⁴நுஸ்வரூபிணே ।
வேதா³த்³ரிக³ஹ்வரஸ்தா²ய யோகா³நந்தா³ய மங்க³ளம் ॥ 7 ॥

8। ச²த்ரவட நரஸிம்ஹ –
ஹாஹாஹூஹ்வாக்²யக³ந்த⁴ர்வந்ருத்தகீ³தஹ்ருதாத்மநே ।
ப⁴வஹந்த்ரு தடச்ச²த்ர வடஸிம்ஹாய மங்க³ளம் ॥ 8 ॥

9। பாவந நரஸிம்ஹ –
பா⁴ரத்³வாஜ மஹாயோகி³ மஹாபாதகஹாரிணே ।
தாபநீயரஹஸ்யார்த² பாவநாயா(அ)ஸ்து மங்க³ளம் ॥ 9 ॥

மங்க³ளாஶாஸநமித³ம் மாநிவாஸ முநீரிதம் ।
மஹநீயம் பட²ந் ஶ்ருண்வந் மங்க³ளாயதநம் ப⁴வேத் ॥

இதி ஶ்ரீ நவநாரஸிம்ஹ மங்க³ளஶ்லோகா꞉ ।

---

மேலும் ஶ்ரீ ந்ருஸிம்ஹ ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.