Dvadasa jyothirlinga Stotram – த்³வாத³ஶ ஜ்யோதிர்லிங்க³ ஸ்தோத்ரம்

ஸ்தோத்ரநிதி → ஶ்ரீ ஶிவ ஸ்தோத்திரங்கள் → த்³வாத³ஶ ஜ்யோதிர்லிங்க³ ஸ்தோத்ரம்

ஸௌராஷ்ட்ரதே³ஶே விஶதே³திரம்யே
ஜ்யோதிர்மயம் சந்த்³ரகலாவதம்ஸம் ।
ப⁴க்தப்ரதா³நாய க்ருபாவதீர்ணம்
தம் ஸோமநாத²ம் ஶரணம் ப்ரபத்³யே ॥ 1 ॥

ஶ்ரீஶைலஶ்ருங்கே³ விவித⁴ப்ரஸங்கே³
ஶேஷாத்³ரிஶ்ருங்கே³(அ)பி ஸதா³ வஸந்தம் ।
தமர்ஜுநம் மல்லிகபூர்வமேநம்
நமாமி ஸம்ஸாரஸமுத்³ரஸேதும் ॥ 2 ॥

அவந்திகாயாம் விஹிதாவதாரம்
முக்திப்ரதா³நாய ச ஸஜ்ஜநாநாம் ।
அகாலம்ருத்யோ꞉ பரிரக்ஷணார்த²ம்
வந்தே³ மஹாகாலமஹாஸுரேஶம் ॥ 3 ॥

காவேரிகாநர்மத³யோ꞉ பவித்ரே
ஸமாக³மே ஸஜ்ஜநதாரணாய ।
ஸதை³வ மாந்தா⁴த்ருபுரே வஸந்தம்
ஓங்காரமீஶம் ஶிவமேகமீடே³ ॥ 4 ॥

பூர்வோத்தரே ப்ரஜ்வலிகாநிதா⁴நே
ஸதா³ வஸந்தம் கி³ரிஜாஸமேதம் ।
ஸுராஸுராராதி⁴தபாத³பத்³மம்
ஶ்ரீவைத்³யநாத²ம் தமஹம் நமாமி ॥ 5 ॥

யாம்யே ஸத³ங்கே³ நக³ரே(அ)திரம்யே
விபூ⁴ஷிதாங்க³ம் விவிதை⁴ஶ்ச போ⁴கை³꞉ ।
ஸத்³ப⁴க்திமுக்திப்ரத³மீஶமேகம்
ஶ்ரீநாக³நாத²ம் ஶரணம் ப்ரபத்³யே ॥ 6 ॥

மஹாத்³ரிபார்ஶ்வே ச தடே ரமந்தம்
ஸம்பூஜ்யமாநம் ஸததம் முநீந்த்³ரை꞉ ।
ஸுராஸுரைர்யக்ஷமஹோரகா³த்³யை꞉
கேதா³ரமீஶம் ஶிவமேகமீடே³ ॥ 7 ॥

ஸஹ்யாத்³ரிஶீர்ஷே விமலே வஸந்தம்
கோ³தா³வரீதீரபவித்ரதே³ஶே ।
யத்³த³ர்ஶநாத்பாதகமாஶு நாஶம்
ப்ரயாதி தம் த்ர்யம்ப³கமீஶமீடே³ ॥ 8 ॥

ஸுதாம்ரபர்ணீஜலராஶியோகே³
நிப³த்⁴ய ஸேதும் விஶிகை²ரஸங்க்²யை꞉ ।
ஶ்ரீராமசந்த்³ரேண ஸமர்பிதம் தம்
ராமேஶ்வராக்²யம் நியதம் நமாமி ॥ 9 ॥

யம் டா³கிநீஶாகிநீகாஸமாஜே
நிஷேவ்யமாணம் பிஶிதாஶநைஶ்ச ।
ஸதை³வ பீ⁴மாதி³பத³ப்ரஸித்³த⁴ம்
தம் ஶங்கரம் ப⁴க்தஹிதம் நமாமி ॥ 10 ॥

ஸாநந்த³மாநந்த³வநே வஸந்த-
-மாநந்த³கந்த³ம் ஹதபாபப்³ருந்த³ம் ।
வாராணஸீநாத²மநாத²நாத²ம்
ஶ்ரீவிஶ்வநாத²ம் ஶரணம் ப்ரபத்³யே ॥ 11 ॥

இலாபுரே ரம்யவிஶாலகே(அ)ஸ்மின்
ஸமுல்லஸந்தம் ச ஜக³த்³வரேண்யம் ।
வந்தே³ மஹோதா³ரதரஸ்வபா⁴வம்
க்⁴ருஷ்ணேஶ்வராக்²யம் ஶரணம் ப்ரபத்³யே ॥ 12 ॥

ஜ்யோதிர்மயத்³வாத³ஶலிங்க³காநாம்
ஶிவாத்மநாம் ப்ரோக்தமித³ம் க்ரமேண ।
ஸ்தோத்ரம் படி²த்வா மநுஜோ(அ)திப⁴க்த்யா
ப²லம் ததா³ளோக்ய நிஜம் ப⁴ஜேச்ச ॥ 13 ॥

இதி த்³வாத³ஶ ஜ்யோதிர்லிங்க³ ஸ்தோத்ரம் ॥

---

மேலும் ஶ்ரீ ஶிவ ஸ்தோத்திரங்கள் பார்க்க.

Did you see any mistake/variation in the content above? Click here to report mistakes and corrections in Stotranidhi content.