Devi Narayaniyam Dasakam 37 – ஸப்தத்ரிம்ஶ த³ஶகம் (37)- விஷ்ணுமஹத்த்வம்

ஸ்தோத்ரநிதி → தே³வீ நாராயணீயம் → ஸப்தத்ரிம்ஶ த³ஶகம் (37)- விஷ்ணுமஹத்த்வம்

புரா ஹரிஸ்த்வாம் கில ஸாத்த்விகேந
ப்ரஸாத³யாமாஸ மகே²ந தே³வி ।
ஸுரேஷு தம் ஶ்ரேஷ்ட²தமம் சகர்த²
ஸ தேந ஸர்வத்ர ப³பூ⁴வ பூஜ்ய꞉ ॥ 37-1 ॥

அத⁴ர்மவ்ருத்³தி⁴ஶ்ச யதா³ த்ரிலோகே
த⁴ர்மக்ஷயஶ்சாபி ததா³ ப⁴வத்யா ।
த⁴ர்மம் ஸமுத்³த⁴ர்துமத⁴ர்மம்ருத்³த⁴ம்
மார்ஷ்டும் ச தே³வ்யேஷ நியுஜ்யதே ஹி ॥ 37-2 ॥

ஸ ஈட்³யதே ஸர்வத ஏவ ஸர்வை꞉
பத்ந்யா ச பூ⁴தைஶ்ச ஸமம் கி³ரீஶ꞉ ।
இலாவ்ருதே(அ)பூருஷஸந்நிதா⁴நே
ஸங்கர்ஷணாக்²யம் ப⁴ஜதே முராரிம் ॥ 37-3 ॥

தமேவ ப⁴த்³ரஶ்ரவஸோ ஹயாஸ்யம்
ப⁴த்³ராஶ்வவர்ஷே முநய꞉ ஸ்துவந்தி ।
ப்ரஹ்லாத³ உச்சைர்ஹரிவர்ஷவாஸீ
விஶ்வார்திஶாந்த்யை ந்ருஹரிம் ச நௌதி ॥ 37-4 ॥

ஶ்ரீ꞉ கேதுமாலே க²லு காமரூபம்
தம் ரம்யகே மத்ஸ்யதநும் மநுஶ்ச ।
ஹிரண்மயே கூர்மஶரீரபா⁴ஜம்
ஸ்துவந்தி நாராயணமர்யமா ச ॥ 37-5 ॥

மஹாவராஹம் குருஷூத்தரேஷு
பூ⁴ ராக⁴வம் கிம்புருஷே ஹநூமாந் ।
தம் நாரதோ³ பா⁴ரதவர்ஷவர்தீ
நரம் ச நாராயணமாஶ்ரயந்தே ॥ 37-6 ॥

ஸத்கர்மபூ⁴மிர்ப⁴ரதஸ்ய ராஜ்யம்
ஸந்த்யத்ர வைகுண்ட²கதை²கஸக்தா꞉ ।
தீர்தா²நி புண்யாஶ்ரமபர்வதாஶ்ச
ஜந்மாத்ர தே³வா꞉ ஸ்ப்ருஹயந்த்யஜஸ்ரம் ॥ 37-7 ॥

ப்ரஹ்லாத³பௌத்ர꞉ ஸுதளாதி⁴வாஸ꞉
ஸுரக்ஷிதஶ்சாத்மநிவேத³நேந ।
வார்த⁴க்யரோக³க்லமபீ⁴திமுக்தோ
மஹாப³லிர்வாமநமேவ நௌதி ॥ 37-8 ॥

ஸஹஸ்ரஶீர்ஷ꞉ ஶிரஸா த³த⁴த் க்ஷ்மாம்
ஹலீ ஹரேஸ்தாமஸமூர்திரார்யை꞉ ।
ஸம்ஸ்தூயமாந꞉ ஸஹநாக³கந்ய꞉
பாதாலமூலே ச ஸலீலமாஸ்தே ॥ 37-9 ॥

விசித்ரரூபம் ஜக³தாம் ஹிதாய
ஸர்வே ஸ்துவந்த்யச்யுதமித்³த⁴ப⁴க்த்யா ।
ஏநம் குரு த்வம் வரதா³நத³க்ஷம்
மாத꞉ க்ருபார்த்³ரே வரதே³ நமஸ்தே ॥ 37-10 ॥

அஷ்டாத்ரிம்ஶ த³ஶகம் (38) – சித்தஶுத்³தி⁴ப்ராதா⁴ந்யம் >>

---

ஸம்பூர்ண தே³வீ நாராயணீயம் பார்க்க.

Did you see any mistake/variation in the content above? Click here to report mistakes and corrections in Stotranidhi content.