Dasaratha Krutha Sri Shani Stotram – ஶ்ரீ ஶநைஶ்சர ஸ்தோத்ரம் (த³ஶரத² க்ருதம்)

ஸ்தோத்ரநிதி → நவக்³ரஹ ஸ்தோத்திரங்கள் → ஶ்ரீ ஶநைஶ்சர ஸ்தோத்ரம் (த³ஶரத² க்ருதம்)

த்⁴யாத்வா ஸரஸ்வதீம் தே³வீம் க³ணநாத²ம் விநாயகம் ।
ராஜா த³ஶரத²꞉ ஸ்தோத்ரம் ஸௌரேரித³மதா²கரோத் ॥ 1 ॥

த³ஶரத² உவாச ।
நம꞉ க்ருஷ்ணாய நீலாய ஶிதிகண்ட²நிபா⁴ய ச ।
நமோ நீலமயூகா²ய நீலோத்பலநிபா⁴ய ச ॥ 2 ॥ [மதூ⁴காய]

நமோ நிர்மாம்ஸதே³ஹாய தீ³ர்க⁴ஶ்மஶ்ருஜடாய ச ।
நமோ விஶாலநேத்ராய ஶுஷ்கோத³ர ப⁴யாநக ॥ 3 ॥

நம꞉ பருஷகா³த்ராய ஸ்தூ²லரோமாய வை நம꞉ ।
நமோ நித்யம் க்ஷுதா⁴ர்தாய நித்யதப்தாய வை நம꞉ ॥ 4 ॥ [த்ருப்தாய]

நம꞉ காலாக்³நிரூபாய க்ருதாந்தக நமோ(அ)ஸ்து தே ।
நமஸ்தே கோடராக்ஷாய து³ர்நிரீக்ஷ்யாய வை நம꞉ ॥ 5 ॥

நமோ கோ⁴ராய ரௌத்³ராய பீ⁴ஷணாய கராளிநே ।
நமஸ்தே ஸர்வப⁴க்ஷாய வலீமுக² நமோ(அ)ஸ்து தே ॥ 6 ॥

ஸூர்யபுத்ர நமஸ்தே(அ)ஸ்து பா⁴ஸ்கரே ப⁴யதா³யக । [பா⁴ஸ்வரோ]
அதோ⁴த்³ருஷ்டே நமஸ்துப்⁴யம் வபு꞉ஶ்யாம நமோ(அ)ஸ்து தே ॥ 7 ॥ [ஸம்வர்தக]

நமோ மந்த³க³தே துப்⁴யம் நிஸ்த்ரிம்ஶாய நமோ நம꞉ । [நிஷ்ப்ரபா⁴ய]
தபஸா த³க்³த⁴தே³ஹாய நித்யயோக³ரதாய ச ॥ 8 ॥ [ஜ்ஞாந]

நமஸ்தே ஜ்ஞாநநேத்ராய காஶ்யபாத்மஜஸூநவே ।
துஷ்டோ த³தா³ஸி வை ராஜ்யம் ருஷ்டோ ஹரஸி தத் க்ஷணாத் ॥ 9 ॥ [க்ருத்³தோ⁴]

தே³வாஸுரமநுஷ்யாஶ்ச பஶுபக்ஷிஸரீஸ்ருபா꞉ ।
த்வயா விளோகிதா꞉ ஸௌரே தை³ந்யமாஶு வ்ரஜந்தி ச ॥ 10 ॥

ப்³ரஹ்மா ஶக்ரோ யமஶ்சைவ ருஷய꞉ ஸப்ததாரகா꞉ ।
ராஜ்யப்⁴ரஷ்டாஶ்ச தே ஸர்வே தவ த்³ருஷ்ட்யா விளோகிதா꞉ ॥ 11 ॥

தே³ஶா நக³ரக்³ராமாஶ்ச த்³வீபாஶ்சைவாத்³ரயஸ்ததா² ।
ரௌத்³ரத்³ருஷ்ட்யா து யே த்³ருஷ்டா꞉ க்ஷயம் க³ச்ச²ந்தி தத் க்ஷணாத் ॥ 12 ॥

ப்ரஸாத³ம் குரு மே ஸௌரே வரார்தே²(அ)ஹம் தவாஶ்ரித꞉ ।
ஸௌரே க்ஷமஸ்வாபராத⁴ம் ஸர்வபூ⁴தஹிதாய ச ॥ 13 ॥

இதி த³ஶரத² க்ருத ஶ்ரீ ஶநைஶ்சர ஸ்தோத்ரம் ॥

---

மேலும் நவக்ரஹ ஸ்தோத்திரங்கள் காண்க.

---