Read in తెలుగు / ಕನ್ನಡ / தமிழ் / देवनागरी / English (IAST)
ஹ்ருத³ம்போ⁴ஜே க்ருஷ்ண꞉ ஸஜலஜலத³ஶ்யாமலதனு꞉
ஸரோஜாக்ஷ꞉ ஸ்ரக்³வீ முகுடகடகாத்³யாப⁴ரணவான் |
ஶரத்³ராகானாத²ப்ரதிமவத³ன꞉ ஶ்ரீமுரளிகாம்
வஹந்த்⁴யேயோ கோ³பீக³ணபரிவ்ருத꞉ குங்குமசித꞉ || 1 ||
பயோ(அ)ம்போ⁴தே⁴ர்த்³வீபான்மம ஹ்ருத³யமாயாஹி ப⁴க³வன்
மணிவ்ராதப்⁴ராஜத்கனகவரபீட²ம் நரஹரே |
ஸுசிஹ்னௌ தே பாதௌ³ யது³குலஜ நேனேஜ்மி ஸுஜலை꞉
க்³ருஹாணேத³ம் தூ³ர்வாப²லஜலவத³ர்க்⁴யம் முரரிபோ || 2 ||
த்வமாசாமோபேந்த்³ர த்ரித³ஶஸரித³ம்போ⁴(அ)திஶிஶிரம்
ப⁴ஜஸ்வேமம் பஞ்சாம்ருதரசிதமாப்லாவ்யமக⁴ஹன் |
த்³யுனத்³யா꞉ காளிந்த்³யா அபி கனககும்ப⁴ஸ்தி²தமித³ம்
ஜலம் தேன ஸ்னானம் குரு குரு குருஷ்வா(அ)சமனகம் || 3 ||
தடித்³வர்ணே வஸ்த்ரே ப⁴ஜ விஜயகாந்தாதி⁴ஹரண
ப்ரலம்பா³ரிப்⁴ராதர்ம்ருது³லமுபவீதம் குரு க³ளே |
லலாடே பாடீரம் ம்ருக³மத³யுதம் தா⁴ரய ஹரே
க்³ருஹாணேத³ம் மால்யம் ஶதத³ளதுலஸ்யா விரசிதம் || 4 ||
த³ஶாங்க³ம் தூ⁴பம் ஸத்³வரத³ சரணாக்³ரே(அ)ர்பிதமயே
முக²ம் தீ³பேனேந்து³ப்ரப⁴வரஜஸா தே³வ கலயே |
இமௌ பாணீ வாணீபதினுத ஸகர்பூரரஜஸா
விஶோத்⁴யாக்³ரே த³த்தம் ஸலிலமித³மாசாம ந்ருஹரே || 5 ||
ஸதா³ ம்ருஷ்டான்னம் ஷட்³ரஸவத³கி²லவ்யஞ்ஜனயுதம்
ஸுவர்ணாமத்ரே கோ³க்⁴ருதசஷகயுக்தே ஸ்தி²தமித³ம் |
யஶோதா³ஸூனோ தத்பரமத³யயா(அ)ஶா ஸஸகி²பி⁴꞉
ப்ரஸாத³ம் வாஞ்ச²த்³பி⁴꞉ ஸஹ தத³னு நீரம் பிப³ விபோ⁴ || 6 ||
ஸசந்த்³ரம் தாம்பூ³லம் முக²ருசிகரம் ப⁴க்ஷய ஹரே
ப²லம் ஸ்வாது³ ப்ரீத்யா பரிமளவதா³ஸ்வாத³ய சிரம் |
ஸபர்யாபர்யாப்த்யை கனகமணிஜாதம் ஸ்தி²தமித³ம்
ப்ரதீ³பைராரார்திம் ஜலதி⁴தனயாஶ்லிஷ்ட ருசயே || 7 ||
விஜாதீயை꞉ புஷ்பைரதிஸுரபி⁴பி⁴ர்பி³ல்வதுலஸீ
யுதைஶ்சேமம் புஷ்பாஞ்ஜலிமஜித தே மூர்த்⁴னி நித³தே⁴ |
தவ ப்ராத³க்ஷிண்யக்ரமணமக⁴வித்⁴வம்ஸி ரசிதம்
சதுர்வாரம் விஷ்ணோ ஜனிபத²க³திஶ்ராந்த விது³ஷாம் || 8 ||
நமஸ்காரோ(அ)ஷ்டாங்க³꞉ ஸகலது³ரிதத்⁴வம்ஸனபடு꞉
க்ருதம் ந்ருத்யம் கீ³தம் ஸ்துதிரபி ரமாகாந்த த இத³ம் |
தவ ப்ரீத்யை பூ⁴யாத³ஹமபி ச தா³ஸஸ்தவ விபோ⁴
க்ருதம் சி²த்³ரம் பூர்ணம் குரு குரு நமஸ்தே(அ)ஸ்து ப⁴க³வன் || 9 ||
ஸதா³ ஸேவ்ய꞉ க்ருஷ்ண꞉ ஸஜலக⁴னநீல꞉ கரதலே
த³தா⁴னோ த³த்⁴யன்னம் தத³னு நவனீதம் முரளிகம் |
கதா³சித்காந்தானாம் குசகலஶபத்ராளிரசனா
ஸமாஸக்த꞉ ஸ்னிக்³தை⁴꞉ ஸஹ ஶிஶுவிஹாரம் விரசயன் || 10 ||
மணிகர்ணேச்ச²யா ஜாதமித³ம் மானஸபூஜனம் |
ய꞉ குர்வீதோஷஸி ப்ராஜ்ஞஸ்தஸ்ய க்ருஷ்ண꞉ ப்ரஸீத³தி ||
இதி ஶ்ரீமத்³வல்லபா⁴சார்யவிரசிதா ப⁴க³வன்மானஸபூஜா |
மேலும் ஶ்ரீ க்ருஷ்ண ஸ்தோத்திரங்கள் பார்க்க.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
