Read in తెలుగు / ಕನ್ನಡ / தமிழ் / देवनागरी / English (IAST)
॥ விஶாலாக³மநம் ॥
ஸப்ததா⁴ து க்ருதே க³ர்பே⁴ தி³தி꞉ பரமது³꞉கி²தா ।
ஸஹஸ்ராக்ஷம் து³ராத⁴ர்ஷம் வாக்யம் ஸாநுநயோ(அ)ப்³ரவீத் ॥ 1 ॥
மமாபராதா⁴த்³க³ர்போ⁴(அ)யம் ஸப்ததா⁴ விப²லீக்ருத꞉ ।
நாபராதோ⁴(அ)ஸ்தி தே³வேஶ தவாத்ர ப³லஸூத³ந ॥ 2 ॥
ப்ரியம் து கர்துமிச்சா²மி மம க³ர்ப⁴விபர்யயே ।
மருதாம் ஸப்த ஸப்தாநாம் ஸ்தா²நபாலா ப⁴வந்த்விமே ॥ 3 ॥
வாதஸ்கந்தா⁴ இமே ஸப்த சரந்து தி³வி புத்ரக ।
மாருதா இதி விக்²யாதா தி³வ்யரூபா மமாத்மஜா꞉ ॥ 4 ॥
ப்³ரஹ்மலோகம் சரத்வேக இந்த்³ரளோகம் ததா²꞉ ।
தி³வி வாயுரிதி க்²யாதஸ்த்ருதீயோ(அ)பி மஹாயஶா꞉ ॥ 5 ॥
சத்வாரஸ்து ஸுரஶ்ரேஷ்ட² தி³ஶோ வை தவ ஶாஸநாத் ।
ஸஞ்சரிஷ்யந்தி ப⁴த்³ரம் தே தே³வபூ⁴தா மமாத்மஜா꞉ ॥ 6 ॥
த்வத்க்ருதேநைவ நாம்நா ச மாருதா இதி விஶ்ருதா꞉ ।
தஸ்யாஸ்தத்³வசநம் ஶ்ருத்வா ஸஹஸ்ராக்ஷ꞉ புரந்த³ர꞉ ॥ 7 ॥
உவாச ப்ராஞ்ஜலிர்வாக்யம் தி³திம் ப³லநிஷூத³ந꞉ ।
ஸர்வமேதத்³யதோ²க்தம் தே ப⁴விஷ்யதி ந ஸம்ஶய꞉ ॥ 8 ॥
விசரிஷ்யந்தி ப⁴த்³ரம் தே தே³வபூ⁴தாஸ்தவாத்மஜா꞉ ।
ஏவம் தௌ நிஶ்சயம் க்ருத்வா மாதாபுத்ரௌ தபோவநே ॥ 9 ॥
ஜக்³முதுஸ்த்ரிதி³வம் ராம க்ருதார்தா²விதி ந꞉ ஶ்ருதம் ।
ஏஷ தே³ஶ꞉ ஸ காகுத்ஸ்த² மஹேந்த்³ராத்⁴யுஷித꞉ புரா ॥ 10 ॥
தி³திம் யத்ர தப꞉ ஸித்³தா⁴மேவம் பரிசசார ஸ꞉ ।
இக்ஷ்வாகோ(அ)ஸ்து நரவ்யாக்⁴ர புத்ர꞉ பரமதா⁴ர்மிக꞉ ॥ 11 ॥
அலம்பு³ஸாயாமுத்பந்நோ விஶால இதி விஶ்ருத꞉ ।
தேந சாஸீதி³ஹ ஸ்தா²நே விஶாலேதி புரீ க்ருதா ॥ 12 ॥
விஶாலஸ்ய ஸுதோ ராம ஹேமசந்த்³ரோ மஹாப³ல꞉ ।
ஸுசந்த்³ர இதி விக்²யாதோ ஹேமசந்த்³ராத³நந்தர꞉ ॥ 13 ॥
ஸுசந்த்³ரதநயோ ராம தூ⁴ம்ராஶ்வ இதி விஶ்ருத꞉ ।
தூ⁴ம்ராஶ்வதநயஶ்சாபி ஸ்ருஞ்ஜய꞉ ஸமபத்³யத ॥ 14 ॥
ஸ்ருஞ்ஜயஸ்ய ஸுத꞉ ஶ்ரீமாந்ஸஹதே³வ꞉ ப்ரதாபவாந் ।
குஶாஶ்வ꞉ ஸஹதே³வஸ்ய புத்ர꞉ பரமதா⁴ர்மிக꞉ ॥ 15 ॥
குஶாஶ்வஸ்ய மஹாதேஜா꞉ ஸோமத³த்த꞉ ப்ரதாபவாந் ।
ஸோமத³த்தஸ்ய புத்ரஸ்து காகுத்ஸ்த² இதி விஶ்ருத꞉ ॥ 16 ॥
தஸ்ய புத்ரோ மஹாதேஜா꞉ ஸம்ப்ரத்யேஷ புரீமிமாம் ।
ஆவஸத்பரமப்ரக்²ய꞉ ஸுமதிர்நாம து³ர்ஜய꞉ ॥ 17 ॥ [அமர]
இக்ஷ்வாகோ(அ)ஸ்து ப்ரஸாதே³ந ஸர்வே வைஶாலிகா ந்ருபா꞉ ।
தீ³ர்கா⁴யுஷோ மஹாத்மாநோ வீர்யவந்த꞉ ஸுதா⁴ர்மிகா꞉ ॥ 18 ॥
இஹாத்³ய ரஜநீம் ராம ஸுக²ம் வத்ஸ்யாமஹே வயம் ।
ஶ்வ꞉ ப்ரபா⁴தே நரஶ்ரேஷ்ட² ஜநகம் த்³ரஷ்டுமர்ஹஸி ॥ 19 ॥
ஸுமதிஸ்து மஹாதேஜா விஶ்வாமித்ரமுபாக³தம் ।
ஶ்ருத்வா நரவரஶ்ரேஷ்ட²꞉ ப்ரத்யுத்³க³ச்ச²ந்மஹாயஶா꞉ ॥ 20 ॥
பூஜாம் ச பரமாம் க்ருத்வா ஸோபாத்⁴யாய꞉ ஸபா³ந்த⁴வ꞉ ।
ப்ராஞ்ஜலி꞉ குஶலம் ப்ருஷ்ட்வா விஶ்வாமித்ரமதா²ப்³ரவீத் ॥ 21 ॥
த⁴ந்யோ(அ)ஸ்ம்யநுக்³ருஹீதோ(அ)ஸ்மி யஸ்ய மே விஷயம் முநி꞉ ।
ஸம்ப்ராப்தோ த³ர்ஶநம் சைவ நாஸ்தி த⁴ந்யதரோ மம ॥ 22 ॥
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே பா³லகாண்டே³ ஸப்தசத்வாரிம்ஶ꞉ ஸர்க³꞉ ॥ 47 ॥
பா³லகாண்ட³ அஷ்டசத்வாரிம்ஶ꞉ ஸர்க³꞉ (48) >>
ஸம்பூர்ண வால்மீகி ராமாயணே பா³லகாண்ட³ பார்க்க.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
