Read in తెలుగు / ಕನ್ನಡ / தமிழ் / देवनागरी / English (IAST)
॥ அஸ்த்ரக்³ராமப்ரதா³நம் ॥
அத² தாம் ரஜநீமுஷ்ய விஶ்வாமித்ரோ மஹாயஶா꞉ ।
ப்ரஹஸ்ய ராக⁴வம் வாக்யமுவாச மது⁴ராக்ஷரம் ॥ 1 ॥
பரிதுஷ்டோ(அ)ஸ்மி ப⁴த்³ரம் தே ராஜபுத்ர மஹாயஶ꞉ ।
ப்ரீத்யா பரமயா யுக்தோ த³தா³ம்யஸ்த்ராணி ஸர்வஶ꞉ ॥ 2 ॥
தே³வாஸுரக³ணாந்வாபி ஸக³ந்த⁴ர்வோரகா³நபி ।
யைரமித்ராந்ப்ரஸஹ்யாஜௌ வஶீக்ருத்ய ஜயிஷ்யஸி ॥ 3 ॥
தாநி தி³வ்யாநி ப⁴த்³ரம் தே த³தா³ம்யஸ்த்ராணி ஸர்வஶ꞉ ।
த³ண்ட³சக்ரம் மஹத்³தி³வ்யம் தவ தா³ஸ்யாமி ராக⁴வ ॥ 4 ॥
த⁴ர்மசக்ரம் ததோ வீர காலசக்ரம் ததை²வ ச ।
விஷ்ணுசக்ரம் ததா²(அ)த்யுக்³ரமைந்த்³ரமஸ்த்ரம் ததை²வ ச ॥ 5 ॥
வஜ்ரமஸ்த்ரம் நரஶ்ரேஷ்ட² ஶைவம் ஶூலவரம் ததா² ।
அஸ்த்ரம் ப்³ரஹ்மஶிரஶ்சைவ ஏஷீகமபி ராக⁴வ ॥ 6 ॥
த³தா³மி தே மஹாபா³ஹோ ப்³ராஹ்மமஸ்த்ரமநுத்தமம் ।
க³தே³ த்³வே சைவ காகுத்ஸ்த² மோத³கீ ஶிக²ரீ உபே⁴ ॥ 7 ॥
ப்ரதீ³ப்தே நரஶார்தூ³ள ப்ரயச்சா²மி ந்ருபாத்மஜ ।
த⁴ர்மபாஶமஹம் ராம காலபாஶம் ததை²வ ச ॥ 8 ॥
பாஶம் வாருணமஸ்த்ரம் ச த³தா³ம்யஹமநுத்தமம் ।
அஶநீ த்³வே ப்ரயச்சா²மி ஶுஷ்கார்த்³ரே ரகு⁴நந்த³ந ॥ 9 ॥
த³தா³மி சாஸ்த்ரம் பைநாகமஸ்த்ரம் நாராயணம் ததா² ।
ஆக்³நேயமஸ்த்ரம் த³யிதம் ஶிக²ரம் நாம நாமத꞉ ॥ 10 ॥
வாயவ்யம் ப்ரத²நம் நாம த³தா³மி ச தவாநக⁴ ।
அஸ்த்ரம் ஹயஶிரோ நாம க்ரௌஞ்சமஸ்த்ரம் ததை²வ ச ॥ 11 ॥
ஶக்தித்³வயம் ச காகுத்ஸ்த² த³தா³மி தவ ராக⁴வ ।
கங்காலம் முஸலம் கோ⁴ரம் காபாலமத² கங்கணம் ॥ 12 ॥
தா⁴ரயந்த்யஸுரா யாநி த³தா³ம்யேதாநி ஸர்வஶ꞉ ।
வைத்³யாத⁴ரம் மஹாஸ்த்ரம் ச நந்த³நம் நாம நாமத꞉ ॥ 13 ॥
அஸிரத்நம் மஹாபா³ஹோ த³தா³மி ந்ருவராத்மஜ ।
கா³ந்த⁴ர்வமஸ்த்ரம் த³யிதே மாநவம் நாம நாமத꞉ ॥ 14 ॥ [மோஹநம்]
ப்ரஸ்வாபநப்ரஶமநம் த³த்³மி ஸௌரம் ச ராக⁴வ ।
த³ர்பணம் ஶோஷணம் சைவ ஸந்தாபநவிளாபநே ॥ 15 ॥
மத³நம் சைவ து³ர்த⁴ர்ஷம் கந்த³ர்பத³யிதம் ததா² ।
[* கா³ந்த⁴ர்வமஸ்த்ரம் த³யிதம் மாநவம் நாம நாமத꞉ । *]
பைஶாசமஸ்த்ரம் த³யிதம் மோஹநம் நாம நாமத꞉ ॥ 16 ॥
ப்ரதீச்ச² நரஶார்தூ³ள ராஜபுத்ர மஹாயஶ꞉ ।
தாமஸம் நரஶார்தூ³ள ஸௌமநம் ச மஹாப³ல ॥ 17 ॥
ஸம்வர்தம் சைவ து³ர்த⁴ர்ஷம் மௌஸலம் ச ந்ருபாத்மஜ ।
ஸத்யமஸ்த்ரம் மஹாபா³ஹோ ததா² மாயாத⁴ரம் பரம் ॥ 18 ॥
கோ⁴ரம் தேஜ꞉ப்ரப⁴ம் நாம பரதேஜோ(அ)பகர்ஷணம் ।
ஸௌம்யாஸ்த்ரம் ஶிஶிரம் நாம த்வாஷ்ட்ரமஸ்த்ரம் ஸுதா³மநம் ॥ 19 ॥
தா³ருணம் ச ப⁴க³ஸ்யாபி ஶிதேஷுமத² மாநவம் ।
ஏதாந்ராம மஹாபா³ஹோ காமரூபாந்மஹாப³லாந் ॥ 20 ॥
க்³ருஹாண பரமோதா³ராந் க்ஷிப்ரமேவ ந்ருபாத்மஜ ।
ஸ்தி²தஸ்து ப்ராங்முகோ² பூ⁴த்வா ஶுசிர்முநிவரஸ்ததா³ ॥ 21 ॥
த³தௌ³ ராமாய ஸுப்ரீதோ மந்த்ரக்³ராமமநுத்தமம் ।
ஸர்வஸங்க்³ரஹணம் யேஷாம் தை³வதைரபி து³ர்லப⁴ம் ॥ 22 ॥
தாந்யஸ்த்ராணி ததா³ விப்ரோ ராக⁴வாய ந்யவேத³யத் ।
ஜபதஸ்து முநேஸ்தஸ்ய விஶ்வாமித்ரஸ்ய தீ⁴மத꞉ ॥ 23 ॥
உபதஸ்துர்மஹார்ஹாணி ஸர்வாண்யஸ்த்ராணி ராக⁴வம் ।
ஊசுஶ்ச முதி³தா꞉ ஸர்வே ராமம் ப்ராஞ்ஜலயஸ்ததா³ ॥ 24 ॥
இமே ஸ்ம பரமோதா³ரா꞉ கிங்கராஸ்தவ ராக⁴வ ।
[* அதி⁴கபாட²꞉ –
யத்³யதி³ச்ச²ஸி ப⁴த்³ரம் தே தத்ஸர்வம் கரவாம வை ।
ததோ ராம꞉ ப்ரஸந்நாத்மா தைரித்யுக்தோ மஹாப³லை꞉ ।
*]
ப்ரதிக்³ருஹ்ய ச காகுத்ஸ்த²꞉ ஸமாலப்⁴ய ச பாணிநா ।
மாநஸா மே ப⁴விஷ்யத்⁴வமிதி தாநப்⁴யசோத³யத் ॥ 25 ॥
தத꞉ ப்ரீதமநா ராமோ விஶ்வாமித்ரம் மஹாமுநிம் ।
அபி⁴வாத்³ய மஹாதேஜா க³மநாயோபசக்ரமே ॥ 26 ॥
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே பா³லகாண்டே³ ஸப்தவிம்ஶ꞉ ஸர்க³꞉ ॥ 27 ॥
பா³லகாண்ட³ அஷ்டாவிம்ஶ꞉ ஸர்க³꞉ (28) >>
ஸம்பூர்ண வால்மீகி ராமாயணே பா³லகாண்ட³ பார்க்க.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
