Balakanda Sarga 26 – பா³லகாண்ட³ ஷட்³விம்ஶ꞉ ஸர்க³꞉ (26)


॥ தாடகாவத⁴꞉ ॥

முநேர்வசநமக்லீப³ம் ஶ்ருத்வா நரவராத்மஜ꞉ ।
ராக⁴வ꞉ ப்ராஞ்ஜலிர்பூ⁴த்வா ப்ரத்யுவாச த்³ருட⁴வ்ரத꞉ ॥ 1 ॥

பிதுர்வசநநிர்தே³ஶாத்பிதுர்வசநகௌ³ரவாத் ।
வசநம் கௌஶிகஸ்யேதி கர்தவ்யமவிஶங்கயா ॥ 2 ॥

அநுஶிஷ்டோ(அ)ஸ்ம்யயோத்⁴யாயாம் கு³ருமத்⁴யே மஹாத்மநா ।
பித்ரா த³ஶரதே²நாஹம் நாவஜ்ஞேயம் ச தத்³வச꞉ ॥ 3 ॥

ஸோ(அ)ஹம் பிதுர்வச꞉ ஶ்ருத்வா ஶாஸநாத்³ப்³ரஹ்மவாதி³ந꞉ ।
கரிஷ்யாமி ந ஸந்தே³ஹஸ்தாடகாவத⁴முத்தமம் ॥ 4 ॥

கோ³ப்³ராஹ்மணஹிதார்தா²ய தே³ஶஸ்யாஸ்ய ஸுகா²ய ச ।
தவ சைவாப்ரமேயஸ்ய வசநம் கர்துமுத்³யத꞉ ॥ 5 ॥

ஏவமுக்த்வா த⁴நுர்மத்⁴யே ப³த்³த்⁴வா முஷ்டிமரிந்த³ம꞉ ।
ஜ்யாகோ⁴ஷமகரோத்தீவ்ரம் தி³ஶ꞉ ஶப்³தே³ந நாத³யந் ॥ 6 ॥

தேந ஶப்³தே³ந வித்ரஸ்தாஸ்தாடகாவநவாஸிந꞉ ।
தாடகா ச ஸுஸங்க்ருத்³தா⁴ தேந ஶப்³தே³ந மோஹிதா ॥ 7 ॥

தம் ஶப்³த³மபி⁴நித்⁴யாய ராக்ஷஸீ க்ரோத⁴மூர்சி²தா ।
ஶ்ருத்வா சாப்⁴யத்³ரவத்³வேகா³த்³யத꞉ ஶப்³தோ³ விநி꞉ஸ்ருத꞉ ॥ 8 ॥

தாம் த்³ருஷ்ட்வா ராக⁴வ꞉ க்ருத்³தா⁴ம் விக்ருதாம் விக்ருதாநநாம் ।
ப்ரமாணேநாதிவ்ருத்³தா⁴ம் ச லக்ஷ்மணம் ஸோ(அ)ப்⁴யபா⁴ஷத ॥ 9 ॥

பஶ்ய லக்ஷ்மண யக்ஷிண்யா பை⁴ரவம் தா³ருணம் வபு꞉ ।
பி⁴த்³யேரந்த³ர்ஶநாத³ஸ்யா பீ⁴ரூணாம் ஹ்ருத³யாநி ச ॥ 10 ॥

ஏநாம் பஶ்ய து³ராத⁴ர்ஷாம் மாயாப³லஸமந்விதாம் ।
விநிவ்ருத்தாம் கரோம்யத்³ய ஹ்ருதகர்ணாக்³ரநாஸிகாம் ॥ 11 ॥

ந ஹ்யேநாமுத்ஸஹே ஹந்தும் ஸ்த்ரீஸ்வபா⁴வேந ரக்ஷிதாம் ।
வீர்யம் சாஸ்யா க³திம் சாபி ஹநிஷ்யாமீதி மே மதி꞉ ॥ 12 ॥

ஏவம் ப்³ருவாணே ராமே து தாடகா க்ரோத⁴மூர்சி²தா ।
உத்³யம்ய பா³ஹூ க³ர்ஜந்தீ ராமமேவாப்⁴யதா⁴வத ॥ 13 ॥

விஶ்வாமித்ரஸ்து ப்³ரஹ்மர்ஷிர்ஹுங்காரேணாபி⁴ப⁴ர்த்ஸ்ய தாம் ।
ஸ்வஸ்தி ராக⁴வயோரஸ்து ஜயம் சைவாப்⁴யபா⁴ஷத ॥ 14 ॥

உத்³தூ⁴ந்வாநா ரஜோ கோ⁴ரம் தாடகா ராக⁴வாவுபௌ⁴ ।
ரஜோமோஹேந மஹதா முஹூர்தம் ஸா வ்யமோஹயத் ॥ 15 ॥

ததோ மாயாம் ஸமாஸ்தா²ய ஶிலாவர்ஷேண ராக⁴வௌ ।
அவாகிரத்ஸுமஹதா ததஶ்சுக்ரோத⁴ ராக⁴வ꞉ ॥ 16 ॥

ஶிலாவர்ஷம் மஹத்தஸ்யா꞉ ஶரவர்ஷேண ராக⁴வ꞉ ।
ப்ரதிஹத்யோபதா⁴வந்த்யா꞉ கரௌ சிச்சே²த³ பத்ரிபி⁴꞉ ॥ 17 ॥

ததஶ்சி²ந்நபு⁴ஜாம் ஶ்ராந்தாமப்⁴யாஶே பரிக³ர்ஜதீம் ।
ஸௌமித்ரிரகரோத்க்ரோதா⁴த்³த்⁴ருதகர்ணாக்³ரநாஸிகாம் ॥ 18 ॥

காமரூபத⁴ரா ஸத்³ய꞉ க்ருத்வா ரூபாண்யநேகஶ꞉ ।
அந்தர்தா⁴நம் க³தா யக்ஷீ மோஹயந்தி ச மாயயா ॥ 19 ॥ [ஸ்வமாயயா]

அஶ்மவர்ஷம் விமுஞ்சந்தீ பை⁴ரவம் விசசார ஸா ।
ததஸ்தாவஶ்மவர்ஷேண கீர்யமாணௌ ஸமந்தத꞉ ॥ 20 ॥

த்³ருஷ்ட்வா கா³தி⁴ஸுத꞉ ஶ்ரீமாநித³ம் வசநமப்³ரவீத் ।
அலம் தே க்⁴ருணயா ராம பாபைஷா து³ஷ்டசாரிணீ ॥ 21 ॥

யஜ்ஞவிக்⁴நகரீ யக்ஷீ புரா வர்தே⁴த மாயயா ।
வத்⁴யதாம் தாவதே³வைஷா புரா ஸந்த்⁴யா ப்ரவர்ததே ॥ 22 ॥

ரக்ஷாம்ஸி ஸந்த்⁴யாகாலேஷு து³ர்த⁴ர்ஷாணி ப⁴வந்தி ஹி ।
இத்யுக்தஸ்து ததா³ யக்ஷீமஶ்மவ்ருஷ்ட்யாபி⁴வர்ஷதீம் ॥ 23 ॥

த³ர்ஶயந் ஶப்³த³வேதி⁴த்வம் தாம் ருரோத⁴ ஸ ஸாயகை꞉ ।
ஸா ருத்³தா⁴ ஶரஜாலேந மாயாப³லஸமந்விதா ॥ 24 ॥

அபி⁴து³த்³ராவ காகுத்ஸ்த²ம் லக்ஷ்மணம் ச விநேஷுதீ³ ।
தாமாபதந்தீம் வேகே³ந விக்ராந்தாமஶநீமிவ ॥ 25 ॥

ஶரேணோரஸி விவ்யாத⁴ ஸா பபாத மமார ச ।
தாம் ஹதாம் பீ⁴மஸங்காஶாம் த்³ருஷ்ட்வா ஸுரபதிஸ்ததா³ ॥ 26 ॥

ஸாது⁴ ஸாத்⁴விதி காகுத்ஸ்த²ம் ஸுராஶ்ச ஸமபூஜயந் ।
உவாச பரமப்ரீத꞉ ஸஹஸ்ராக்ஷ꞉ புரந்த³ர꞉ ॥ 27 ॥

ஸுராஶ்ச ஸர்வே ஸம்ஹ்ருஷ்டா விஶ்வாமித்ரமதா²ப்³ருவந் ।
முநே கௌஶிக ப⁴த்³ரம் தே ஸேந்த்³ரா꞉ ஸர்வே மருத்³க³ணா꞉ ॥ 28 ॥

தோஷிதா꞉ கர்மணா தேந ஸ்நேஹம் த³ர்ஶய ராக⁴வே ।
ப்ரஜாபதே꞉ க்ருஶாஶ்வஸ்ய புத்ராந்ஸத்யபராக்ரமாந் ॥ 29 ॥

தபோப³லப்⁴ருதாந்ப்³ரஹ்மந்ராக⁴வாய நிவேத³ய ।
பாத்ரபூ⁴தஶ்ச தே ப்³ரஹ்மம்ஸ்தவாநுக³மநே த்⁴ருத꞉ ॥ 30 ॥

கர்தவ்யம் ச மஹத்கர்ம ஸுராணாம் ராஜஸூநுநா ।
ஏவமுக்த்வா ஸுரா꞉ ஸர்வே ஜக்³முர்ஹ்ருஷ்டா யதா²க³தம் ॥ 31 ॥

விஶ்வாமித்ரம் புரஸ்க்ருத்ய தத꞉ ஸந்த்⁴யா ப்ரவர்ததே ।
ததோ முநிவர꞉ ப்ரீதஸ்தாடகாவத⁴தோஷித꞉ ॥ 32 ॥

மூர்த்⁴நி ராமமுபாக்⁴ராய இத³ம் வசநமப்³ரவீத் ।
இஹாத்³ய ரஜநீம் ராம வஸேம ஶுப⁴த³ர்ஶந ॥ 33 ॥

ஶ்வ꞉ ப்ரபா⁴தே க³மிஷ்யாமஸ்ததா³ஶ்ரமபத³ம் மம ।
விஶ்வாமித்ரவச꞉ ஶ்ருத்வா ஹ்ருஷ்டோ த³ஶரதா²த்மஜ꞉ ॥ 34 ॥

உவாஸ ரஜநீம் தத்ர தாடகாயா வநே ஸுக²ம் ।
முக்தஶாபம் வநம் தச்ச தஸ்மிந்நேவ ததா³ஹநி ।
ரமணீயம் விப³ப்⁴ராஜ யதா² சைத்ரரத²ம் வநம் ॥ 35 ॥

நிஹத்ய தாம் யக்ஷஸுதாம் ஸ ராம꞉
ப்ரஶஸ்யமாந꞉ ஸுரஸித்³த⁴ஸங்கை⁴꞉ ।
உவாஸ தஸ்மிந்முநிநா ஸஹைவ
ப்ரபா⁴தவேலாம் ப்ரதிபோ³த்⁴யமாந꞉ ॥ 36 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே பா³லகாண்டே³ ஷட்³விம்ஶ꞉ ஸர்க³꞉ ॥ 26 ॥

பா³லகாண்ட³ ஸப்தவிம்ஶ꞉ ஸர்க³꞉ (27) >>


ஸம்பூர்ண வால்மீகி ராமாயணே பா³லகாண்ட³ பார்க்க.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed