Balakanda Sarga 25 – பா³லகாண்ட³ பஞ்சவிம்ஶ꞉ ஸர்க³꞉ (25)

॥ தாடகாவ்ருத்தாந்த꞉ ॥

அத² தஸ்யாப்ரமேயஸ்ய முநேர்வசநமுத்தமம் ।
ஶ்ருத்வா புருஷஶார்தூ³ள꞉ ப்ரத்யுவாச ஶுபா⁴ம் கி³ரம் ॥ 1 ॥

அல்பவீர்யா யதா³ யக்ஷா꞉ ஶ்ரூயந்தே முநிபுங்க³வ ।
கத²ம் நாக³ஸஹஸ்ரஸ்ய தா⁴ரயத்யப³லா ப³லம் ॥ 2 ॥

தஸ்ய தத்³வசநம் ஶ்ருத்வா ராக⁴வஸ்ய மஹாத்மந꞉ ।
[* ஹர்ஷயந் ஶ்லக்ஷ்ணயா வாசா ஸலக்ஷ்மணமரிந்த³மம் । *]
விஶ்வாமித்ரோ(அ)ப்³ரவீத்³வாக்யம் ஶ்ருணு யேந ப³லோத்தரா ॥ 3 ॥

வரதா³நக்ருதம் வீர்யம் தா⁴ரயத்யப³லா ப³லம் ।
பூர்வமாஸீந்மஹாயக்ஷ꞉ ஸுகேதுர்நாம வீர்யவாந் ॥ 4 ॥

அநபத்ய꞉ ஶுபா⁴சார꞉ ஸ ச தேபே மஹத்தப꞉ ।
பிதாமஹஸ்து ஸுப்ரீதஸ்தஸ்ய யக்ஷபதேஸ்ததா³ ॥ 5 ॥

கந்யாரத்நம் த³தௌ³ ராம தாடகாம் நாம நாமத꞉ ।
ப³லம் நாக³ஸஹஸ்ரஸ்ய த³தௌ³ சாஸ்யா꞉ பிதாமஹ꞉ ॥ 6 ॥

ந த்வேவ புத்ரம் யக்ஷாய த³தௌ³ ப்³ரஹ்மா மஹாயஶா꞉ ।
தாம் து ஜாதாம் விவர்த⁴ந்தீம் ரூபயௌவநஶாலிநீம் ॥ 7 ॥

ஜம்ப⁴புத்ராய ஸுந்தா³ய த³தௌ³ பா⁴ர்யாம் யஶஸ்விநீம் ।
கஸ்யசித்த்வத² காலஸ்ய யக்ஷீ புத்ரம் வ்யஜாயத ॥ 8 ॥

மாரீசம் நாம து³ர்த⁴ர்ஷம் ய꞉ ஶாபாத்³ராக்ஷஸோ(அ)ப⁴வத் ।
ஸுந்தே³ து நிஹதே ராம ஸாக³ஸ்த்யம் முநிபுங்க³வம் ॥ 9 ॥

தாடகா ஸஹ புத்ரேண ப்ரத⁴ர்ஷயிதுமிச்ச²தி ।
ப⁴க்ஷார்த²ம் ஜாதஸம்ரம்பா⁴ க³ர்ஜந்தீ ஸா(அ)ப்⁴யதா⁴வத ॥ 10 ॥

ஆபதந்தீம் து தாம் த்³ருஷ்ட்வா அக³ஸ்த்யோ ப⁴க³வாந்ருஷி꞉ ।
ராக்ஷஸத்வம் ப⁴ஜஸ்வேதி மாரீசம் வ்யாஜஹார ஸ꞉ ॥ 11 ॥

அக³ஸ்த்ய꞉ பரமக்ருத்³த⁴ஸ்தாடகாமபி ஶப்தவாந் ।
புருஷாதீ³ மஹாயக்ஷீ விரூபா விக்ருதாநநா ॥ 12 ॥

இத³ம் ரூபம் விஹாயாத² தா³ருணம் ரூபமஸ்து தே ।
ஸைஷா ஶாபக்ருதாமர்ஷா தாடகா க்ரோத⁴மூர்சி²தா ॥ 13 ॥

தே³ஶமுத்ஸாத³யத்யேநமக³ஸ்த்யசரிதம் ஶுப⁴ம் ।
ஏநாம் ராக⁴வ து³ர்வ்ருத்தாம் யக்ஷீம் பரமதா³ருணாம் ॥ 14 ॥

கோ³ப்³ராஹ்மணஹிதார்தா²ய ஜஹி து³ஷ்டபராக்ரமாம் ।
ந ஹ்யேநாம் ஶாபஸம்ஸ்ப்ருஷ்டாம் கஶ்சிது³த்ஸஹதே புமாந் ॥ 15 ॥

நிஹந்தும் த்ரிஷு லோகேஷு த்வாம்ருதே ரகு⁴நந்த³ந ।
ந ஹி தே ஸ்த்ரீவத⁴க்ருதே க்⁴ருணா கார்யா நரோத்தம ॥ 16 ॥

சாதுர்வர்ண்யஹிதார்தா²ய கர்தவ்யம் ராஜஸூநுநா ।
ந்ருஶம்ஸமந்ருஶம்ஸம் வா ப்ரஜாரக்ஷணகாரணாத் ॥ 17 ॥

பாதகம் வா ஸதோ³ஷம் வா கர்தவ்யம் ரக்ஷதா ஸதா³ ।
ராஜ்யபா⁴ரநியுக்தாநாமேஷ த⁴ர்ம꞉ ஸநாதந꞉ ॥ 18 ॥

அத⁴ர்ம்யாம் ஜஹி காகுத்ஸ்த² த⁴ர்மோ ஹ்யஸ்யா ந வித்³யதே ।
ஶ்ரூயதே ஹி புரா ஶக்ரோ விரோசநஸுதாம் ந்ருப ॥ 19 ॥

ப்ருதி²வீம் ஹந்துமிச்ச²ந்தீம் மந்த²ராமப்⁴யஸூத³யத் ।
விஷ்ணுநா ச புரா ராம ப்⁴ருகு³பத்நீ த்³ருட⁴வ்ரதா ॥ 20 ॥

அநிந்த்³ரம் லோகமிச்ச²ந்தீ காவ்யமாதா நிஷூதி³தா ।
ஏதைரந்யைஶ்ச ப³ஹுபீ⁴ ராஜபுத்ர மஹாத்மபி⁴꞉ ॥ 21 ॥

அத⁴ர்மநிரதா நார்யோ ஹதா꞉ புருஷஸத்தமை꞉ ।
தஸ்மாதே³நாம் க்⁴ருணாம் த்யக்த்வா ஜஹி மச்சா²ஸநாந்ந்ருப ॥ 22 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே பா³லகாண்டே³ பஞ்சவிம்ஶ꞉ ஸர்க³꞉ ॥ 25 ॥

பா³லகாண்ட³ ஷட்³விம்ஶ꞉ ஸர்க³꞉ (26) >>


ஸம்பூர்ண வால்மீகி ராமாயணே பா³லகாண்ட³ பார்க்க


గమనిక: "శ్రీ శివ స్తోత్రనిధి" పుస్తకము ముద్రణ చేయుటకు ఆలోచన చేయుచున్నాము.

Facebook Comments

You may also like...

error: Not allowed
%d bloggers like this: