Read in తెలుగు / ಕನ್ನಡ / தமிழ் / देवनागरी / English (IAST)
॥ சித்ரகூடவநப்ரேக்ஷணம் ॥
தயா மஹத்யா யாயிந்யா த்⁴வஜிந்யா வநவாஸிந꞉ ।
அர்தி³தா யூத²பா மத்தா꞉ ஸயூதா²꞉ ஸம்ப்ரது³த்³ருவு꞉ ॥ 1 ॥
ருக்ஷா꞉ ப்ருஷதஸங்கா⁴ஶ்ச ருரவஶ்ச ஸமதந்த꞉ ।
த்³ருஶ்யந்தே வநராஜீஷு கி³ரிஷ்வபி நதீ³ஷு ச ॥ 2 ॥
ஸ ஸம்ப்ரதஸ்தே² த⁴ர்மாத்மா ப்ரீதோ த³ஶரதா²த்மஜ꞉ ।
வ்ருதோ மஹத்யா நாதி³ந்யா ஸேநயா சதுரங்க³யா ॥ 3 ॥
ஸாக³ரௌக⁴நிபா⁴ ஸேநா ப⁴ரதஸ்ய மஹாத்மந꞉ ।
மஹீம் ஸஞ்சா²த³யாமாஸ ப்ராவ்ருஷித்³யாமிவாம்பு³த³꞉ ॥ 4 ॥
துரங்கா³கை⁴ரவததா வாரணைஶ்ச மஹாஜவை꞉ ।
அநாலக்ஷ்யா சிரம் காலம் தஸ்மிந்காலே ப³பூ⁴வ பூ⁴꞉ ॥ 5 ॥
ஸ யாத்வா தூ³ரமத்⁴வாநம் ஸுபரிஶ்ராந்தவாஹந꞉ ।
உவாச ப⁴ரத꞉ ஶ்ரீமாந் வஸிஷ்ட²ம் மந்த்ரிணாம் வரம் ॥ 6 ॥
யாத்³ருஶம் லக்ஷ்யதே ரூபம் யதா² சைவ ஶ்ருதம் மயா ।
வ்யக்தம் ப்ராப்தா꞉ ஸ்ம தம் தே³ஶம் ப⁴ரத்³வாஜோ யமப்³ரவீத் ॥ 7 ॥
அயம் கி³ரிஶ்சித்ரகூட இயம் மந்தா³கிநீ நதீ³ ।
ஏதத்ப்ரகாஶதே தூ³ராந்நீலமேக⁴நிப⁴ம் வநம் ॥ 8 ॥
கி³ரே꞉ ஸாநூநி ரம்யாணி சித்ரகூடஸ்ய ஸம்ப்ரதி ।
வாரணைரவம்ருத்³யந்தே மாமகை꞉ பர்வதோபமை꞉ ॥ 9 ॥
முஞ்சந்தி குஸுமாந்யேதே நகா³꞉ பர்வதஸாநுஷு ।
நீலா இவாதபாபாயே தோயம் தோயத⁴ரா க⁴நா꞉ ॥ 10 ॥
கிந்நராசரிதம் தே³ஶம் பஶ்ய ஶத்ருக்⁴ந பர்வதம் ।
ம்ருகை³꞉ ஸமந்தாதா³கீர்ணம் மகரைரிவ ஸாக³ரம் ॥ 11 ॥
ஏதே ம்ருக³க³ணா பா⁴ந்தி ஶீக்⁴ரவேகா³꞉ ப்ரசோதி³தா꞉ ।
வாயுப்ரவித்³தா⁴ ஶரதி³ மேக⁴ராஜிரிவாம்ப³ரே ॥ 12 ॥
குர்வந்தி குஸுமாபீடா³ந் ஶிரஸ்ஸு ஸுரபீ⁴நமீ ।
மேக⁴ப்ரகாஶை꞉ ப²லகைர்தா³க்ஷிணாத்யா யதா² நரா꞉ ॥ 13 ॥
நிஷ்கூஜமிவ பூ⁴த்வேத³ம் வநம் கோ⁴ரப்ரத³ர்ஶநம் ।
அயோத்⁴யேவ ஜநாகீர்ணா ஸம்ப்ரதி ப்ரதிபா⁴தி மா ॥ 14 ॥
கு²ரைருதீ³ரிதோ ரேணுர்தி³வம் ப்ரச்சா²த்³ய திஷ்ட²தி ।
தம் வஹத்யநில꞉ ஶீக்⁴ரம் குர்வந்நிவ மம ப்ரியம் ॥ 15 ॥
ஸ்யந்த³நாம்ஸ்துரகோ³பேதாந் ஸூதமுக்²யைரதி⁴ஷ்டி²தாந் ।
ஏதாந்ஸம்பதத꞉ ஶீக்⁴ரம் பஶ்ய ஶத்ருக்⁴ந காநநே ॥ 16 ॥
ஏதாந்வித்ராஸிதாந்பஶ்ய ப³ர்ஹிண꞉ ப்ரியத³ர்ஶநாந் ।
ஏதமாவிஶத꞉ ஶீக்⁴ரமதி⁴வாஸம் பதத்த்ரிண꞉ ॥ 17 ॥
அதிமாத்ரமயம் தே³ஶோ மநோஜ்ஞ꞉ ப்ரதிபா⁴தி மா ।
தாபஸாநாம் நிவாஸோ(அ)யம் வ்யக்தம் ஸ்வர்க³பதோ² யதா² ॥ 18 ॥
ம்ருகா³ ம்ருகீ³பி⁴꞉ ஸஹிதா ப³ஹவ꞉ ப்ருஷதா வநே ।
மநோஜ்ஞரூபா லக்ஷ்யந்தே குஸுமைரிவ சித்ரிதா꞉ ॥ 19 ॥
ஸாது⁴ஸைந்யா꞉ ப்ரதிஷ்ட²ந்தாம் விசிந்வந்து ச காநநே ।
யதா² தௌ புருஷவ்யாக்⁴ரௌ த்³ருஶ்யேதே ராமலக்ஷ்மணௌ ॥ 20 ॥
ப⁴ரதஸ்ய வச꞉ ஶ்ருத்வா புருஷா꞉ ஶஸ்த்ரபாணய꞉ ।
விவிஶுஸ்தத்³வநம் ஶூரா꞉ தூ⁴மம் ச த³த்³ருஶுஸ்தத꞉ ॥ 21 ॥
தே ஸமாலோக்ய தூ⁴மாக்³ரமூசுர்ப⁴ரதமாக³தா꞉ ।
நாமநுஷ்யே ப⁴வத்யாக்³நிர்வ்யக்தமத்ரைவ ராக⁴வௌ ॥ 22 ॥
அத² நாத்ர நரவ்யாக்⁴ரௌ ராஜபுத்ரௌ பரந்தபௌ ।
மந்யே ராமோபமா꞉ ஸந்தி வ்யக்தமத்ர தபஸ்விந꞉ ॥ 23 ॥ [அந்யே]
தச்ச்²ருத்வா ப⁴ரதஸ்தேஷாம் வசநம் ஸாது⁴ஸம்மதம் ।
ஸைந்யாநுவாச ஸர்வாம்ஸ்தாநமித்ரப³லமர்த³ந꞉ ॥ 24 ॥
யத்தா ப⁴வந்தஸ்திஷ்ட²ந்து நேதோ க³ந்தவ்யமக்³ரத꞉ ।
அஹமேவ க³மிஷ்யாமி ஸுமந்த்ரோ கு³ருரேவ ச ॥ 25 ॥
ஏவமுக்தாஸ்தத꞉ ஸர்வே தத்ர தஸ்து²꞉ ஸமந்தத꞉ ।
ப⁴ரதோ யத்ர தூ⁴மாக்³ரம் தத்ர த்³ருஷ்டிம் ஸமாத³தா⁴த் ॥ 26 ॥
வ்யவஸ்தி²தா யா ப⁴ரதேந ஸா சமூ-
-ர்நிரீக்ஷமாணா(அ)பி ச தூ⁴மமக்³ரத꞉ ।
ப³பூ⁴வ ஹ்ருஷ்டா நசிரேண ஜாநதீ
ப்ரியஸ்ய ராமஸ்ய ஸமாக³மம் ததா³ ॥ 27 ॥
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அயோத்⁴யாகாண்டே³ த்ரிநவதிதம꞉ ஸர்க³꞉ ॥ 93 ॥
அயோத்⁴யாகாண்ட³ சதுர்நவதிதம꞉ ஸர்க³꞉ (94) >>
ஸம்பூர்ண வால்மீகி ராமாயணே அயோத்⁴யகாண்ட³ பார்க்க.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
