Ayodhya Kanda Sarga 68 – அயோத்⁴யாகாண்ட³ அஷ்டஷஷ்டி²தம꞉ ஸர்க³꞉ (68)


॥ தூ³தப்ரேஷணம் ॥

தேஷாம் ஹி வசநம் ஶ்ருத்வா வஸிஷ்ட²꞉ ப்ரத்யுவாச ஹ ।
மித்ராமாத்யக³ணாந் ஸர்வாந் ப்³ராஹ்மணாம்ஸ்தாநித³ம் வச꞉ ॥ 1 ॥

யத³ஸௌ மாதுலகுலே த³த்தராஜ்ய꞉ பரம் ஸுகீ² ।
ப⁴ரத꞉ வஸதி ப்⁴ராத்ரா ஶத்ருக்⁴நேந ஸமந்வித꞉ ॥ 2 ॥

தச்சீ²க்⁴ரம் ஜவநா தூ³தா க³ச்ச²ந்து த்வரிதை꞉ ஹயை꞉ ।
ஆநேதும் ப்⁴ராதரௌ வீரௌ கிம் ஸமீக்ஷாமஹே வயம் ॥ 3 ॥

க³ச்ச²ந்த்விதி தத꞉ ஸர்வே வஸிஷ்ட²ம் வாக்யமப்³ருவந் ।
தேஷாம் தத்³வசநம் ஶ்ருத்வா வஸிஷ்டோ² வாக்யமப்³ரவீத் ॥ 4 ॥

ஏஹி ஸித்³தா⁴ர்த² விஜய ஜயந்தாஶோக நந்த³ந ।
ஶ்ரூயதாமிதிகர்தவ்யம் ஸர்வாநேவ ப்³ரவீமி வ꞉ ॥ 5 ॥

புரம் ராஜக்³ருஹம் க³த்வா ஶீக்⁴ரம் ஶீக்⁴ரஜவை꞉ ஹயை꞉ ।
த்யக்தஶோகைரித³ம் வாச்ய꞉ ஶாஸநாத்³ப⁴ரதோ மம ॥ 6 ॥

புரோஹிதஸ்த்வாம் குஶலம் ப்ராஹ ஸர்வே ச மந்த்ரிண꞉ ।
த்வரமாணஶ்ச நிர்யாஹி க்ருத்யமாத்யயிகம் த்வயா ॥ 7 ॥

மா சாஸ்மை ப்ரோஷிதம் ராமம் மா சாஸ்மை பிதரம் ம்ருதம் ।
ப⁴வந்த꞉ ஶம்ஸிஷுர்க³த்வா ராக⁴வாணாமிமம் க்ஷயம் ॥ 8 ॥

கௌஶேயாநி ச வஸ்த்ராணி பூ⁴ஷணாநி வராணி ச ।
க்ஷிப்ரமாதா³ய ராஜ்ஞஶ்ச ப⁴ரதஸ்ய ச க³ச்ச²த ॥ 9 ॥

த³த்தபத்²யஶநா தூ³தாஜக்³மு꞉ ஸ்வம் ஸ்வம் நிவேஶநம் ।
கேகயாம்ஸ்தே க³மிஷ்யந்தோ ஹயாநாருஹ்ய ஸம்மதாந் ॥ 10 ॥

தத꞉ ப்ராஸ்தா²நிகம் க்ருத்வா கார்யஶேஷமநந்தரம் ।
வஸிஷ்டே²நாப்⁴யநுஜ்ஞாதா தூ³தா꞉ ஸந்த்வரிதா யயு꞉ ॥ 11 ॥

ந்யந்தேநாபரதாலஸ்ய ப்ரளம்ப³ஸ்யோத்தரம் ப்ரதி ।
நிஷேவமாணாஸ்தே ஜக்³முர்நதீ³ம் மத்⁴யேந மாலிநீம் ॥ 12 ॥

தே ஹஸ்திநாபுரே க³ங்கா³ம் தீர்த்வா ப்ரத்யங்முகா² யயு꞉ ।
பாஞ்சாலதே³ஶமாஸாத்³ய மத்⁴யேந குருஜாங்க³ளம் ॥ 13 ॥

ஸராம்ஸி ச ஸுபூர்ணாநி நதீ³ஶ்ச விமலோத³கா꞉ ।
நிரீக்ஷமாணாஸ்தே ஜக்³முர்தூ⁴தா꞉ கார்யவஶாத்³த்³ருதம் ॥ 14 ॥

தே ப்ரஸந்நோத³காம் தி³வ்யாம் நாநாவிஹக³ஸேவிதாம் ।
உபாதிஜக்³முர்வேகே³ந ஶரத³ண்டா³ம் ஜநாகுலாம் ॥ 15 ॥

நிகூலவ்ருக்ஷமாஸாத்³ய தி³வ்யம் ஸத்யோபயாசநம் ।
அபி⁴க³ம்யாபி⁴வாத்³யம் தம் குலிங்கா³ம் ப்ராவிஶந் புரீம் ॥ 16 ॥

அபி⁴காலம் தத꞉ ப்ராப்யதே போ³தி⁴ப⁴வநாச்ச்யுதாம் ।
பித்ருபைதாமஹீம் புண்யாம் தேருரிக்ஷுமதீம் நதீ³ம் ॥ 17 ॥

அவேக்ஷ்யாஞ்ஜலிபாநாம்ஶ்ச ப்³ராஹ்மணாந் வேத³பாரகா³ந் ।
யயுர்மத்⁴யேந பா³ஹ்லீகாந் ஸுதா³மாநம் ச பர்வதம் ॥ 18 ॥

விஷ்ணோ꞉ பத³ம் ப்ரேக்ஷமாணா விபாஶாம் சாபி ஶால்மலீம் ।
நதீ³ர்வாபீஸ்தடாகாநி பல்வலாநி ஸராம்ஸி ச ॥ 19 ॥

பஸ்யந்தோ விவிதா⁴ம்ஶ்சாபி ஸிம்ஹவ்யாக்³ரம்ருக³த்³விபாந் ।
யயு꞉ பதா²(அ)திமஹதா ஶாஸநம் ப⁴ர்துரீப்ஸவ꞉ ॥ 20 ॥

தே ஶ்ராந்தவாஹநா தூ³தா꞉ விக்ருஷ்ணேந பதா² தத꞉ ।
கி³ரிவ்ரஜம் புரவரம் ஶீக்⁴ரமாஸேது³ரஞ்ஜஸா ॥ 21 ॥

ப⁴ர்து꞉ ப்ரியார்த²ம் குலரக்ஷணார்த²ம்
ப⁴ர்துஶ்ச வம்ஶஸ்ய பரிக்³ரஹார்த²ம் ।
அஹேட³மாநாஸ்த்வரயா ஸ்ம தூ³தா꞉
ராத்ர்யாம் து தே தத்புரமேவ யாதா꞉ ॥ 22 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அயோத்⁴யாகாண்டே³ அஷ்டஷஷ்டி²தம꞉ ஸர்க³꞉ ॥ 68 ॥

அயோத்⁴யாகாண்ட³ ஏகோநஸப்ததிதம꞉ ஸர்க³꞉ (69) >>


ஸம்பூர்ண வால்மீகி ராமாயணே அயோத்⁴யகாண்ட³ பார்க்க.


గమనిక: "శ్రీ లక్ష్మీ స్తోత్రనిధి" ముద్రణ పూర్తి అయినది. Click here to buy

Report mistakes and corrections in Stotranidhi content.

Facebook Comments
error: Not allowed
%d bloggers like this: