Ayodhya Kanda Sarga 38 – அயோத்⁴யாகாண்ட³ அஷ்டாத்ரிம்ஶ꞉ ஸர்க³꞉ (38)


॥ ஜநாக்ரோஶ꞉ ॥

தஸ்யாம் சீரம் வஸாநாயாம் நாத²வத்யாமநாத²வத் ।
ப்ரசுக்ரோஶ ஜந꞉ ஸர்வோ தி⁴க்த்வாம் த³ஶரத²ம் த்விதி ॥ 1 ॥

தேந தத்ர ப்ரணாதே³ந து³꞉கி²த꞉ ஸ மஹீபதி꞉ ।
சிச்சே²த³ ஜீவிதே ஶ்ரத்³தா⁴ம் த⁴ர்மே யஶஸி சாத்மந꞉ ॥ 2 ॥

ஸ நிஶ்ஶ்வஸ்யோஷ்ணமைக்ஷ்வாகஸ்தாம் பா⁴ர்யாமித³மப்³ரவீத் ।
கைகேயி குஶசீரேண ந ஸீதா க³ந்துமர்ஹதி ॥ 3 ॥

ஸுகுமாரீ ச பா³லா ச ஸததம் ச ஸுகோ²சிதா ।
நேயம் வநஸ்ய யோக்³யேதி ஸத்யமாஹ கு³ருர்மம ॥ 4 ॥

இயம் ஹி கஸ்யாபகரோதி கிஞ்சி-
-த்தபஸ்விநீ ராஜவரஸ்ய கந்யா ।
யா சீரமாஸாத்³ய ஜநஸ்ய மத்⁴யே
ஸ்தி²தா விஸஞ்ஜ்ஞா ஶ்ரமணீவ காசித் ॥ 5 ॥

சீராண்யபாஸ்யாஜ்ஜநகஸ்ய கந்யா
நேயம் ப்ரதிஜ்ஞா மம த³த்தபூர்வா ।
யதா²ஸுக²ம் க³ச்ச²து ராஜபுத்ரீ
வநம் ஸமக்³ரா ஸஹ ஸர்வரத்நை꞉ ॥ 6 ॥

அஜீவநார்ஹேண மயா ந்ருஶம்ஸா
க்ருதா ப்ரதிஜ்ஞா நியமேந தாவத் ।
த்வயா ஹி பா³ல்யாத்ப்ரதிபந்நமேதத்
தந்மாம் த³ஹேத்³வேணுமிவாத்மபுஷ்பம் ॥ 7 ॥

ராமேண யதி³ தே பாபே கிஞ்சித்க்ருதமஶோப⁴நம் ।
அபகார꞉ க இஹ தே வைதே³ஹ்யா த³ர்ஶிதோ(அ)த² மே ॥ 8 ॥

ம்ருகீ³வோத்பு²ல்லநயநா ம்ருது³ஶீலா தபஸ்விநீ ।
அபகாரம் கமிஹ தே கரோதி ஜநகாத்மஜா ॥ 9 ॥

நநு பர்யாப்தமேதத்தே பாபே ராமவிவாஸநம் ।
கிமேபி⁴꞉ க்ருபணைர்பூ⁴ய꞉ பாதகைரபி தே க்ருதை꞉ ॥ 10 ॥

ப்ரதிஜ்ஞாதம் மயா தாவத்த்வயோக்தம் தே³வி ஶ்ருண்வதா ।
ராமம் யத³பி⁴ஷேகாய த்வமிஹாக³தமப்³ரவீ꞉ ॥ 11 ॥

தத்த்வேதத்ஸமதிக்ரம்ய நிரயம் க³ந்துமிச்ச²ஸி ।
மைதி²லீமபி யா ஹி த்வமீக்ஷஸே சீரவாஸிநீம் ॥ 12 ॥

இதீவ ராஜா விளபந்மஹாத்மா
ஶோகஸ்ய நாந்தம் ஸ த³த³ர்ஶ கிஞ்சித் ।
ப்⁴ருஶாதுரத்வாச்ச பபாத பூ⁴மௌ
தேநைவ புத்ரவ்யஸநே நிமக்³ந꞉ ॥ 13 ॥

ஏவம் ப்³ருவந்தம் பிதரம் ராம꞉ ஸம்ப்ரஸ்தி²தோ வநம் ।
அவாக்சி²ரஸமாஸீநமித³ம் வசநமப்³ரவீத் ॥ 14 ॥

இயம் தா⁴ர்மிக கௌஸல்யா மம மாதா யஶஸ்விநீ ।
வ்ருத்³தா⁴ சாக்ஷுத்³ரஶீலா ச ந ச த்வாம் தே³வ க³ர்ஹதே ॥ 15 ॥

மயா விஹீநாம் வரத³ ப்ரபந்நாம் ஶோகஸாக³ரம் ।
அத்³ருஷ்டபூர்வவ்யஸநாம் பூ⁴ய꞉ ஸம்மந்துமர்ஹஸி ॥ 16 ॥

புத்ரஶோகம் யதா² நர்சே²த்த்வயா பூஜ்யேந பூஜிதா ।
மாம் ஹி ஸஞ்சிந்தயந்தீயமபி ஜீவேத்தபஸ்விநீ ॥ 17 ॥

இமாம் மஹேந்த்³ரோபம ஜாதக³ர்தி⁴நீம்
ததா² விதா⁴தும் ஜநநீம் மமார்ஹஸி ।
யதா² வநஸ்தே² மயி ஶோககர்ஶிதா
ந ஜீவிதம் ந்யஸ்ய யமக்ஷயம் வ்ரஜேத் ॥ 18 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அயோத்⁴யாகாண்டே³ அஷ்டாத்ரிம்ஶ꞉ ஸர்க³꞉ ॥ 38 ॥

அயோத்⁴யாகாண்ட³ ஏகோநசத்வாரிம்ஶ꞉ ஸர்க³꞉ (39) >>


ஸம்பூர்ண வால்மீகி ராமாயணே அயோத்⁴யகாண்ட³ பார்க்க.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed
%d bloggers like this: