Ayodhya Kanda Sarga 17 – அயோத்⁴யாகாண்ட³ ஸப்தத³ஶ꞉ ஸர்க³꞉ (17)


॥ ராமாக³மநம் ॥

ஸ ராமோ ரத²மாஸ்தா²ய ஸம்ப்ரஹ்ருஷ்டஸுஹ்ருஜ்ஜந꞉ ।
பதாகாத்⁴வஜஸம்பந்நம் மஹார்ஹாக³ருதூ⁴பிதம் ॥ 1 ॥

அபஶ்யந்நக³ரம் ஶ்ரீமாந்நாநாஜநஸமாகுலம் ।
ஸ க்³ருஹைரப்⁴ரஸங்காஶை꞉ பாண்டு³ரைருபஶோபி⁴தம் ॥ 2 ॥

ராஜமார்க³ம் யயௌ ராம꞉ மத்⁴யேநாக³ருதூ⁴பிதம் ।
சந்த³நாநாம் ச முக்²யாநாமக³ரூணாம் ச ஸஞ்சயை꞉ ॥ 3 ॥

உத்தமாநாம் ச க³ந்தா⁴நாம் க்ஷௌமகௌஶாம்ப³ரஸ்ய ச ।
அவித்³தா⁴பி⁴ஶ்ச முக்தாபி⁴ருத்தமை꞉ ஸ்பா²டிகைரபி ॥ 4 ॥

ஶோப⁴மாநமஸம்பா³தை⁴ஸ்தம் ராஜபத²முத்தமம் ।
ஸம்வ்ருதம் விவிதை⁴꞉ பண்யைர்ப⁴க்ஷ்யைருச்சாவசைரபி ॥ 5 ॥

த³த³ர்ஶ தம் ராஜபத²ம் தி³வி தே³வபத²ம் யதா² ।
த³த்⁴யக்ஷதஹவிர்லாஜைர்தூ⁴பைரக³ருசந்த³நை꞉ ॥ 6 ॥

நாநாமால்யோபக³ந்தை⁴ஶ்ச ஸதா³(அ)ப்⁴யர்சிதசத்வரம் ।
ஆஶீர்வாதா³ந்ப³ஹூந் ஶ்ருண்வந்ஸுஹ்ருத்³பி⁴꞉ ஸமுதீ³ரிதாந் ॥ 7 ॥

யதா²(அ)ர்ஹம் சாபி ஸம்பூஜ்ய ஸர்வாநேவ நராந்யயௌ ।
பிதாமஹைராசரிதம் ததை²வ ப்ரபிதாமஹை꞉ ॥ 8 ॥

அத்³யோபாதா³ய தம் மார்க³மபி⁴ஷிக்தோ(அ)நுபாலய ।
யதா² ஸ்ம லாலிதா꞉ பித்ரா யதா² பூர்வை꞉ பிதாமஹை꞉ ॥ 9 ॥

தத꞉ ஸுக²தரம் ராமே வத்ஸ்யாம꞉ ஸதி ராஜநி ।
அலமத்³ய ஹி பு⁴க்தேந பரமார்தை²ரளம் ச ந꞉ ॥ 10 ॥

யதா² பஶ்யாம நிர்யாந்தம் ராமம் ராஜ்யே ப்ரதிஷ்டி²தம் ।
ததோ ஹி ந꞉ ப்ரியதரம் நாந்யத்கிஞ்சித்³ப⁴விஷ்யதி ॥ 11 ॥

யதா²பி⁴ஷேகோ ராமஸ்ய ராஜ்யேநாமிததேஜஸ꞉ ।
ஏதாஶ்சாந்யாஶ்ச ஸுஹ்ருதா³முதா³ஸீந꞉ கதா²꞉ ஶுபா⁴꞉ ॥ 12 ॥

ஆத்மஸம்பூஜநீ꞉ ஶ்ருண்வந்யயௌ ராமோ மஹாபத²ம் ।
ந ஹி தஸ்மாந்மந꞉ கஶ்சிச்சக்ஷுஷீ வா நரோத்தமாத் ॥ 13 ॥

நர꞉ ஶக்நோத்யபாக்ரஷ்டுமதிக்ராந்தே(அ)பி ராக⁴வே ।
யஶ்ச ராமம் ந பஶ்யேத்து யம் ச ராமோ ந பஶ்யதி ॥ 14 ॥

நிந்தி³த꞉ ஸ வஸேல்லோகே ஸ்வாத்மா(அ)ப்யேநம் விக³ர்ஹதே ।
ஸர்வேஷாம் ஹி ஸ த⁴ர்மாத்மா வர்ணாநாம் குருதே த³யாம் ॥ 15 ॥

சதுர்ணாம் ஹி வயஸ்தா²நாம் தேந தே தமநுவ்ரதா꞉ ।
சதுஷ்பதா²ந்தே³வபதா²ம்ஶ்சைத்யாந்யாயதநாநி ச ॥ 16 ॥

ப்ரத³க்ஷிணம் பரிஹரந்ஜகா³ம ந்ருபதே꞉ ஸுத꞉ ।
ஸ ராஜகுலமாஸாத்³ய மேக⁴ஸங்கோ⁴பமை꞉ ஶுபை⁴꞉ ॥ 17 ॥

ப்ராஸாத³ஶ்ருங்கை³ர்விவிதை⁴꞉ கைலாஸஶிக²ரோபமை꞉ ।
ஆவாரயத்³பி⁴ர்க³க³நம் விமாநைரிவ பாண்ட³ரை꞉ ॥ 18 ॥

வர்த⁴மாநக்³ருஹைஶ்சாபி ரத்நஜாலபரிஷ்க்ருதை꞉ ।
தத்ப்ருதி²வ்யாம் க்³ருஹவரம் மஹேந்த்³ரப⁴வநோபமம் ॥ 19 ॥

ராஜபுத்ர꞉ பிதுர்வேஶ்ம ப்ரவிவேஶ ஶ்ரியா ஜ்வலந் ।
ஸ கக்ஷ்யா த⁴ந்விபி⁴ர்கு³ப்தாஸ்திஸ்ரோ(அ)திக்ரம்ய வாஜிபி⁴꞉ ॥ 20 ॥

பதா³திரபரே கக்ஷ்யே த்³வே ஜகா³ம நரோத்தம꞉ ।
ஸ ஸர்வா꞉ ஸமதிக்ரம்ய கக்ஷ்யா த³ஶரதா²த்மஜ꞉ ।
ஸந்நிவர்த்ய ஜநம் ஸர்வம் ஶுத்³தா⁴ந்தம் புநரப்⁴யகா³த் ॥ 21 ॥

தத꞉ ப்ரவிஷ்டே பிதுரந்திகம் ததா³
ஜந꞉ ஸ ஸர்வோ முதி³தோ ந்ருபாத்மஜே ।
ப்ரதீக்ஷதே தஸ்ய புநர்விநிர்க³மம்
யதோ²த³யம் சந்த்³ரமஸ꞉ ஸரித்பதி꞉ ॥ 22 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அயோத்⁴யாகாண்டே³ ஸப்தத³ஶ꞉ ஸர்க³꞉ ॥ 17 ॥

அயோத்⁴யாகாண்ட³ அஷ்டாத³ஶ꞉ ஸர்க³꞉ (18) >>


ஸம்பூர்ண வால்மீகி ராமாயணே அயோத்⁴யகாண்ட³ பார்க்க.


గమనిక: "శ్రీ లక్ష్మీ స్తోత్రనిధి" ముద్రణ పూర్తి అయినది. Click here to buy

Report mistakes and corrections in Stotranidhi content.

Facebook Comments
error: Not allowed
%d bloggers like this: