Ayodhya Kanda Sarga 119 – அயோத்⁴யாகாண்ட³ ஏகோநவிம்ஶதிஶததம꞉ ஸர்க³꞉ (119)


॥ த³ண்ட³காரண்யப்ரவேஶ꞉ ॥

அநஸூயா து த⁴ர்மஜ்ஞா ஶ்ருத்வா தாம் மஹதீம் கதா²ம் ।
பர்யஷ்வஜத பா³ஹுப்⁴யாம் ஶிரஸ்யாக்⁴ராய மைதி²லீம் ॥ 1 ॥

வ்யக்தாக்ஷரபத³ம் சித்ரம் பா⁴ஷிதம் மது⁴ரம் த்வயா ।
யதா² ஸ்வயம்வரம் வ்ருத்தம் தத்ஸர்வம் ஹி ஶ்ருதம் மயா ।
ரமே(அ)ஹம் கத²யா தே து த்³ருட⁴ம் மது⁴ரபா⁴ஷிணி ॥ 2 ॥

ரவிரஸ்தம் க³த꞉ ஶ்ரீமாநுபோஹ்ய ரஜநீம் ஶிவாம் ।
தி³வஸம் ப்ரதிகீர்ணாநாமாஹாரார்த²ம் பததித்ரணாம் ॥ 3 ॥

ஸந்த்⁴யாகாலே நிலீநாநாம் நித்³ரார்த²ம் ஶ்ரூயதே த்⁴வநி꞉ ।
ஏதே சாப்யபி⁴ஷேகார்த்³ரா முநய꞉ கலஶோத்³யதா꞉ ॥ 4 ॥

ஸஹிதா உபவர்தந்தே ஸலிலாப்லுதவல்கலா꞉ ।
ருஷீணாமக்³நிஹோத்ரேஷு ஹுதேஷு விதி⁴பூர்வகம் ॥ 5 ॥

கபோதாங்கா³ருணோ தூ⁴மோ த்³ருஶ்யதே பவநோத்³த⁴த꞉ ।
அல்பபர்ணாஹி தரவோ க⁴நீபூ⁴தா꞉ ஸமந்தத꞉ ॥ 6 ॥

விப்ரக்ருஷ்டே(அ)பி தே³ஶே(அ)ஸ்மிந்ந ப்ரகாஶந்தி வை தி³ஶ꞉ ।
ரஜநீசரஸத்த்வாநி ப்ரசரந்தி ஸமந்தத꞉ ॥ 7 ॥

தபோவநம்ருகா³ ஹ்யேதே வேதி³தீர்தே²ஷு ஶேரதே ।
ஸம்ப்ரவ்ருத்³தா⁴ நிஶா ஸீதே நக்ஷத்ரஸமலங்க்ருதா ॥ 8 ॥

ஜோத்ஸ்நாப்ராவரணஶ்சந்த்³ரோ த்³ருஶ்யதே(அ)ப்⁴யுதி³தோ(அ)ம்ப³ரே ।
க³ம்யதாமநுஜாநாமி ராமஸ்யாநுசரீ ப⁴வ ॥ 9 ॥

கத²யந்த்யா ஹி மது⁴ரம் த்வயா(அ)ஹம் பரிதோஷிதா ।
அலங்குரு ச தாவத்த்வம் ப்ரத்யக்ஷம் மம மைதி²லி ॥ 10 ॥

ப்ரீதிம் ஜநய மே வத்ஸே தி³வ்யாளங்காரஶோபி⁴தா ।
ஸா ததா² ஸமலங்க்ருத்ய ஸீதா ஸுரஸுதோபமா ॥ 11 ॥

ப்ரணம்ய ஶிரஸா தஸ்யை ராமம் த்வபி⁴முகீ² யயௌ ।
ததா² து பூ⁴ஷிதாம் ஸீதாம் த³த³ர்ஶ வத³தாம் வர꞉ ॥ 12 ॥

ராக⁴வ꞉ ப்ரீதிதா³நேந தபஸ்விந்யா ஜஹர்ஷ ச ।
ந்யவேத³யத்தத꞉ ஸர்வம் ஸீதா ராமாய மைதி²லீ ॥ 13 ॥

ப்ரீதிதா³நம் தபஸ்விந்யா வஸநாப⁴ரணஸ்ரஜம் ।
ப்ரஹ்ருஷ்டஸ்த்வப⁴வத்³ராமோ லக்ஷ்மணஶ்ச மஹாரத²꞉ ॥ 14 ॥

மைதி²ல்யா꞉ ஸத்க்ரியாம் த்³ருஷ்ட்வா மாநுஷேஷு ஸுது³ர்லபா⁴ம் ।
ததஸ்தாம் ஶர்வரீம் ப்ரீத꞉ புண்யாம் ஶஶிநிபா⁴நந꞉ ॥ 15 ॥

அர்சிதஸ்தாபஸை꞉ ஸித்³தை⁴ருவாஸ ரகு⁴நந்த³ந꞉ ।
தஸ்யாம் ராத்ர்யாம் வ்யதீதாயாமபி⁴ஷிச்ய ஹுதாக்³நிகாந் ॥ 16 ॥

ஆப்ருச்சே²தாம் நரவ்யாக்⁴ரௌ தாபஸாந் வநகோ³சராந் ।
தாவூசுஸ்தே வநசராஸ்தாபஸா த⁴ர்மசாரிண꞉ ॥ 17 ॥

வநஸ்ய தஸ்ய ஸஞ்சாரம் ராக்ஷஸை꞉ ஸமபி⁴ப்லுதம் ।
ரக்ஷாம்ஸி புருஷாதா³நி நாநாரூபாணி ராக⁴வ ॥ 18 ॥

வஸந்த்யஸ்மிந் மஹாரண்யே வ்யாளாஶ்ச ருதி⁴ராஶநா꞉ ।
உச்சி²ஷ்டம் வா ப்ரமத்தம் வா தாபஸம் த⁴ர்மசாரிணம் ॥ 19 ॥

அத³ந்த்யஸ்மிந் மஹாரண்யே தாந்நிவாரய ராக⁴வ ।
ஏஷ பந்தா² மஹர்ஷீணாம் ப²லாந்யாஹரதாம் வநே ।
அநேந து வநம் து³ர்க³ம் க³ந்தும் ராக⁴வ தே க்ஷமம் ॥ 20 ॥

இதீவ தை꞉ ப்ராஞ்ஜலிபி⁴ஸ்தபஸ்விபி⁴꞉
த்³விஜை꞉ க்ருத꞉ ஸ்வஸ்த்யயந꞉ பரந்தப꞉ ।
வநம் ஸபா⁴ர்ய꞉ ப்ரவிவேஶ ராக⁴வ꞉
ஸலக்ஷ்மண꞉ ஸூர்யமிவாப்⁴ரமண்ட³லம் ॥ 21 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அயோத்⁴யாகாண்டே³ ஏகோநவிம்ஶதிஶததம꞉ ஸர்க³꞉ ॥ 119 ॥

॥ இத்யயோத்⁴யாகாண்ட³꞉ ஸமாப்த꞉ ॥


ஸம்பூர்ண வால்மீகி ராமாயணே அயோத்⁴யகாண்ட³ பார்க்க.


గమనిక: "శ్రీ లక్ష్మీ స్తోత్రనిధి" ముద్రణ పూర్తి అయినది. Click here to buy

Report mistakes and corrections in Stotranidhi content.

Facebook Comments
error: Not allowed
%d bloggers like this: