Aranya Kanda Sarga 8 – அரண்யகாண்ட³ அஷ்டம꞉ ஸர்க³꞉ (8)

॥ ஸுதீக்ஷ்ணாப்⁴யநுஜ்ஞா ॥

ராமஸ்து ஸஹஸௌமித்ரி꞉ ஸுதீக்ஷ்ணேநாபி⁴பூஜித꞉ ।
பரிணாம்ய நிஶாம் தத்ர ப்ரபா⁴தே ப்ரத்யபு³த்⁴யத ॥ 1 ॥

உத்தா²ய து யதா²காலம் ராக⁴வ꞉ ஸஹ ஸீதயா ।
உபாஸ்ப்ருஶத்ஸுஶீதேந ஜலேநோத்பலக³ந்தி⁴நா ॥ 2 ॥

அத² தே(அ)க்³நிம் ஸுராம்ஶ்சைவ வைதே³ஹீ ராமலக்ஷ்மணௌ ।
கால்யம் விதி⁴வத³ப்⁴யர்ச்ய தபஸ்விஶரணே வநே ॥ 3 ॥

உத³யந்தம் தி³நகரம் த்³ருஷ்ட்வா விக³தகல்மஷா꞉ ।
ஸுதீக்ஷ்ணமபி⁴க³ம்யேத³ம் ஶ்லக்ஷ்ணம் வசநமப்³ருவந் ॥ 4 ॥

ஸுகோ²ஷிதா꞉ ஸ்ம ப⁴க³வம்ஸ்த்வயா பூஜ்யேந பூஜிதா꞉ ।
ஆப்ருச்சா²ம꞉ ப்ரயாஸ்யாமோ முநயஸ்த்வரயந்தி ந꞉ ॥ 5 ॥

த்வராமஹே வயம் த்³ரஷ்டும் ஸர்வமாஶ்ரமமண்ட³லம் ।
ருஷீணாம் புண்யஶீலாநாம் த³ண்ட³காரண்யவாஸிநாம் ॥ 6 ॥

அப்⁴யநுஜ்ஞாதுமிச்சா²ம꞉ ஸஹைபி⁴ர்முநிபுங்க³வை꞉ ।
த⁴ர்மநித்யைஸ்தபோதா³ந்தைர்விஶிகை²ரிவ பாவகை꞉ ॥ 7 ॥

அவிஷஹ்யாதபோ யாவத்ஸூர்யோ நாதிவிராஜதே ।
அமார்கே³ணாக³தாம் லக்ஷ்மீம் ப்ராப்யேவாந்வயவர்ஜித꞉ ॥ 8 ॥

தாவதி³ச்சா²மஹே க³ந்துமித்யுக்த்வா சரணௌ முநே꞉ ।
வவந்தே³ ஸஹ ஸௌமித்ரி꞉ ஸீதயா ஸஹ ராக⁴வ꞉ ॥ 9 ॥

தௌ ஸம்ஸ்ப்ருஶந்தௌ சரணாவுத்தா²ப்ய முநிபுங்க³வ꞉ ।
கா³ட⁴மாலிங்க்³ய ஸஸ்நேஹமித³ம் வசநமப்³ரவீத் ॥ 10 ॥

அரிஷ்டம் க³ச்ச² பந்தா²நம் ராம ஸௌமித்ரிணா ஸஹ ।
ஸீதயா சாநயா ஸார்த⁴ம் சா²யயேவாநுவ்ருத்தயா ॥ 11 ॥

பஶ்யாஶ்ரமபத³ம் ரம்யம் த³ண்ட³காரண்யவாஸிநாம் ।
ஏஷாம் தபஸ்விநாம் வீர தபஸா பா⁴விதாத்மநாம் ॥ 12 ॥

ஸுப்ராஜ்யப²லமூலாநி புஷ்பிதாநி வநாநி ச ।
ப்ரஶஸ்தம்ருக³யூதா²நி ஶாந்தபக்ஷிக³ணாநி ச ॥ 13 ॥

பு²ல்லபங்கஜஷண்டா³நி ப்ரஸந்நஸலிலாநி ச ।
காரண்ட³வவிகீர்ணாநி தடாகாநி ஸராம்ஸி ச ॥ 14 ॥

த்³ரக்ஷ்யஸே த்³ருஷ்டிரம்யாணி கி³ரிப்ரஸ்ரவணாநி ச ।
ரமணீயாந்யரண்யாநி மயூராபி⁴ருதாநி ச ॥ 15 ॥

க³ம்யதாம் வத்ஸ ஸௌமித்ரே ப⁴வாநபி ச க³ச்ச²து ।
ஆக³ந்தவ்யம் த்வயா தாத புநரேவாஶ்ரமம் மம ॥ 16 ॥

ஏவமுக்தஸ்ததே²த்யுக்த்வா காகுத்ஸ்த²꞉ ஸஹலக்ஷ்மண꞉ ।
ப்ரத³க்ஷிணம் முநிம் க்ருத்வா ப்ரஸ்தா²துமுபசக்ரமே ॥ 17 ॥

தத꞉ ஶுப⁴தரே தூணீ த⁴நுஷீ சாயதேக்ஷணா ।
த³தௌ³ ஸீதா தயோர்ப்⁴ராத்ரோ꞉ க²ங்கௌ³ ச விமலௌ தத꞉ ॥ 18 ॥

ஆப³த்⁴ய ச ஶுபே⁴ தூணீ சாபௌ சாதா³ய ஸஸ்வநௌ ।
நிஷ்க்ராந்தாவாஶ்ரமாத்³க³ந்துமுபௌ⁴ தௌ ராமலக்ஷ்மணௌ ॥ 19 ॥

ஶ்ரீமந்தௌ ரூபஸம்பந்நௌ தீ³ப்யமாநௌ ஸ்வதேஜஸா ।
ப்ரஸ்தி²தௌ த்⁴ருதசாபௌ தௌ ஸீதயா ஸஹ ராக⁴வௌ ॥ 20 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ அஷ்டம꞉ ஸர்க³꞉ ॥ 8 ॥


గమనిక: "శ్రీ శివ స్తోత్రనిధి" పుస్తకము ముద్రణ చేయుటకు ఆలోచన చేయుచున్నాము.

Facebook Comments

You may also like...

error: Not allowed
%d bloggers like this: