Aranya Kanda Sarga 43 – அரண்யகாண்ட³ த்ரிசத்வாரிம்ஶ꞉ ஸர்க³꞉ (43)

॥ லக்ஷ்மணஶங்காப்ரதிஸமாதா⁴நம் ॥

ஸா தம் ஸம்ப்ரேக்ஷ்ய ஸுஶ்ரோணீ குஸுமாந்யபசிந்வதீ ।
ஹைமராஜதவர்ணாப்⁴யாம் பார்ஶ்வாப்⁴யாமுபஶோபி⁴தம் ॥ 1 ॥

ப்ரஹ்ருஷ்டா சாநவத்³யாங்கீ³ ம்ருஷ்டஹாடகவர்ணிநீ ।
ப⁴ர்தாரமபி⁴சக்ரந்த³ லக்ஷ்மணம் சாபி ஸாயுத⁴ம் ॥ 2 ॥

தயா(ஆ)ஹூதௌ நரவ்யாக்⁴ரௌ வைதே³ஹ்யா ராமலக்ஷ்மணௌ ।
வீக்ஷமாணௌ து தம் தே³ஶம் ததா³ த³த்³ருஶதுர்ம்ருக³ம் ॥ 3 ॥

ஶங்கமாநஸ்து தம் த்³ருஷ்ட்வா லக்ஷ்மணோ ராமமப்³ரவீத் ।
தமேவைநமஹம் மந்யே மாரீசம் ராக்ஷஸம் ம்ருக³ம் ॥ 4 ॥

சரந்தோ ம்ருக³யாம் ஹ்ருஷ்டா꞉ பாபேநோபாதி⁴நா வநே ।
அநேந நிஹதா ராஜந் ராஜாந꞉ காமரூபிணா ॥ 5 ॥

அஸ்ய மாயாவிதோ³ மாயாம்ருக³ரூபமித³ம் க்ருதம் ।
பா⁴நுமத் புருஷவ்யாக்⁴ர க³ந்த⁴ர்வபுரஸந்நிப⁴ம் ॥ 6 ॥

ம்ருகோ³ ஹ்யேவம் விதோ⁴ ரத்நவிசித்ரோ நாஸ்தி ராக⁴வ ।
ஜக³த்யாம் ஜக³தீநாத² மாயைஷா ஹி ந ஸம்ஶய꞉ ॥ 7 ॥

ஏவம் ப்³ருவாணம் காகுத்ஸ்த²ம் ப்ரதிவார்ய ஶுசிஸ்மிதா ।
உவாச ஸீதா ஸம்ஹ்ருஷ்டா சர்மணா ஹ்ருதசேதநா ॥ 8 ॥

ஆர்யபுத்ராபி⁴ராமோ(அ)ஸௌ ம்ருகோ³ ஹரதி மே மந꞉ ।
ஆநயைநம் மஹாபா³ஹோ க்ரீடா³ர்த²ம் நோ ப⁴விஷ்யதி ॥ 9 ॥

இஹாஶ்ரமபதே³(அ)ஸ்மாகம் ப³ஹவ꞉ புண்யத³ர்ஶநா꞉ ।
ம்ருகா³ஶ்சரந்தி ஸஹிதா꞉ ஸ்ருமராஶ்சமராஸ்ததா² ॥ 10 ॥

ருக்ஷா꞉ ப்ருஷதஸங்கா⁴ஶ்ச வாநரா꞉ கிந்நராஸ்ததா² ।
விசரந்தி மஹாபா³ஹோ ரூபஶ்ரேஷ்டா² மநோஹரா꞉ ॥ 11 ॥

ந சாஸ்ய ஸத்³ருஶோ ராஜந் த்³ருஷ்டபூர்வோ ம்ருக³꞉ புரா ।
தேஜஸா க்ஷமயா தீ³ப்த்யா யதா²(அ)யம் ம்ருக³ஸத்தம꞉ ॥ 12 ॥

நாநாவர்ணவிசித்ராங்கோ³ ரத்நபி³ந்து³ஸமாசித꞉ ।
த்³யோதயந் வநமவ்யக்³ரம் ஶோப⁴தே ஶஶிஸந்நிப⁴꞉ ॥ 13 ॥

அஹோ ரூபமஹோ லக்ஷ்மீ꞉ ஸ்வரஸம்பச்ச ஶோப⁴நா ।
ம்ருகோ³(அ)த்³பு⁴தோ விசித்ராங்கோ³ ஹ்ருத³யம் ஹரதீவ மே ॥ 14 ॥

யதி³ க்³ரஹணமப்⁴யேதி ஜீவந்நேவ ம்ருக³ஸ்தவ ।
ஆஶ்சர்யபூ⁴தம் ப⁴வதி விஸ்மயம் ஜநயிஷ்யதி ॥ 15 ॥

ஸமாப்தவநவாஸாநாம் ராஜ்யஸ்தா²நாம் ச ந꞉ புந꞉ ।
அந்த꞉புரவிபூ⁴ஷார்தோ² ம்ருக³ ஏஷ ப⁴விஷ்யதி ॥ 16 ॥

ப⁴ரதஸ்யார்யபுத்ரஸ்ய ஶ்வஶ்ரூணாம் மம ச ப்ரபோ⁴ ।
ம்ருக³ரூபமித³ம் வ்யக்தம் விஸ்மயம் ஜநயிஷ்யதி ॥ 17 ॥

ஜீவந்ந யதி³ தே(அ)ப்⁴யேதி க்³ரஹணம் ம்ருக³ஸத்தம꞉ ।
அஜிநம் நரஶார்தூ³ள ருசிரம் மே ப⁴விஷ்யதி ॥ 18 ॥

நிஹதஸ்யாஸ்ய ஸத்த்வஸ்ய ஜாம்பூ³நத³மயத்வசி ।
ஶஷ்பப்³ருஸ்யாம் விநீதாயாமிச்சா²ம்யஹமுபாஸிதும் ॥ 19 ॥

காமவ்ருத்தமித³ம் ரௌத்³ரம் ஸ்த்ரீணாமஸத்³ருஶம் மதம் ।
வபுஷா த்வஸ்ய ஸத்த்வஸ்ய விஸ்மயோ ஜநிதோ மம ॥ 20 ॥

தேந காஞ்சநரோம்ணா து மணிப்ரவரஶ்ருங்கி³ணா ।
தருணாதி³த்யவர்ணேந நக்ஷத்ரபத²வர்சஸா ॥ 21 ॥

ப³பூ⁴வ ராக⁴வஸ்யாபி மநோ விஸ்மயமாக³தம் ।
ஏவம் ஸீதாவச꞉ ஶ்ருத்வா தம் த்³ருஷ்ட்வா ம்ருக³மத்³பு⁴தம் ॥ 22 ॥

லோபி⁴தஸ்தேந ரூபேண ஸீதாயா ச ப்ரசோதி³த꞉ ।
உவாச ராக⁴வோ ஹ்ருஷ்டோ ப்⁴ராதரம் லக்ஷ்மணம் வச꞉ ॥ 23 ॥

பஶ்ய லக்ஷ்மண வைதே³ஹ்யா꞉ ஸ்ப்ருஹாம் ம்ருக³க³தாமிமாம் ।
ரூபஶ்ரேஷ்ட²தயா ஹ்யேஷ ம்ருகோ³(அ)த்³ய ந ப⁴விஷ்யதி ॥ 24 ॥

ந வநே நந்த³நோத்³தே³ஶே ந சைத்ரரத²ஸம்ஶ்ரயே ।
குத꞉ ப்ருதி²வ்யாம் ஸௌமித்ரே யோ(அ)ஸ்ய கஶ்சித்ஸமோ ம்ருக³꞉ ॥ 25 ॥

ப்ரதிலோமாநுலோமாஶ்ச ருசிரா ரோமராஜய꞉ ।
ஶோப⁴ந்தே ம்ருக³மாஶ்ரித்ய சித்ரா꞉ கநகபி³ந்து³பி⁴꞉ ॥ 26 ॥

பஶ்யாஸ்ய ஜ்ரும்ப⁴மாணஸ்ய தீ³ப்தாமக்³நிஶிகோ²பமாம் ।
ஜிஹ்வாம் முகா²ந்நி꞉ஸரந்தீம் மேகா⁴தி³வ ஶதஹ்ரதா³ம் ॥ 27 ॥

மஸாரக³ள்லர்கமுக²꞉ ஶங்க²முக்தாநிபோ⁴த³ர꞉ ।
கஸ்ய நாமாபி⁴ரூபோ(அ)ஸௌ ந மநோ லோப⁴யேந்ம்ருக³꞉ ॥ 28 ॥

கஸ்ய ரூபமித³ம் த்³ருஷ்ட்வா ஜாம்பூ³நத³மயம் ப்ரபோ⁴ ।
நாநாரத்நமயம் தி³வ்யம் ந மநோ விஸ்மயம் வ்ரஜேத் ॥ 29 ॥

[* கிம் புநர்மைதி²லீ ஸீதா பா³லா நாரீ ந விஸ்மயேத் । *]
மாம்ஸஹேதோரபி ம்ருகா³ந் விஹாரார்த²ம் ச த⁴ந்விந꞉ ।
க்⁴நந்தி லக்ஷ்மண ராஜாநோ ம்ருக³யாயாம் மஹாவநே ॥ 30 ॥

த⁴நாநி வ்யவஸாயேந விசீயந்தே மஹாவநே ।
தா⁴தவோ விவிதா⁴ஶ்சாபி மணிரத்நஸுவர்ணிந꞉ ॥ 31 ॥

தத்ஸாரமகி²லம் ந்ரூணாம் த⁴நம் நிசயவர்த⁴நம் ।
மநஸா சிந்திதம் ஸர்வம் யதா² ஶுக்ரஸ்ய லக்ஷ்மண ॥ 32 ॥

அர்தீ² யேநார்த²க்ருத்யேந ஸம்வ்ரஜத்யவிசாரயந் ।
தமர்த²மர்த²ஶாஸ்த்ரஜ்ஞா꞉ ப்ராஹுரர்த்²யாஶ்ச லக்ஷ்மண ॥ 33 ॥

ஏதஸ்ய ம்ருக³ரத்நஸ்ய பரார்த்⁴யே காஞ்சநத்வசி ।
உபவேக்ஷ்யதி வைதே³ஹீ மயா ஸஹ ஸுமத்⁴யமா ॥ 34 ॥

ந காத³ளீ ந ப்ரியகீ ந ப்ரவேணீ ந சாவிகீ ।
ப⁴வேதே³தஸ்ய ஸத்³ருஶீ ஸ்பர்ஶநேநேதி மே மதி꞉ ॥ 35 ॥

ஏஷ சைவ ம்ருக³꞉ ஶ்ரீமாந் யஶ்ச தி³வ்யோ நப⁴ஶ்சர꞉ ।
உபா⁴வேதௌ ம்ருகௌ³ தி³வ்யௌ தாராம்ருக³மஹீம்ருகௌ³ ॥ 36 ॥

யதி³ வா(அ)யம் ததா² யந்மாம் ப⁴வேத்³வத³ஸி லக்ஷ்மண ।
மாயைஷா ராக்ஷஸஸ்யேதி கர்தவ்யோ(அ)ஸ்ய வதோ⁴ மயா ॥ 37 ॥

ஏதேந ஹி ந்ருஶம்ஸேந மாரீசேநாக்ருதாத்மநா ।
வநே விசரதா பூர்வம் ஹிம்ஸிதா முநிபுங்க³வா꞉ ॥ 38 ॥

உத்தா²ய ப³ஹவோ யேந ம்ருக³யாயாம் ஜநாதி⁴பா꞉ ।
நிஹதா꞉ பரமேஷ்வாஸாஸ்தஸ்மாத்³வத்⁴யஸ்த்வயம் ம்ருக³꞉ ॥ 39 ॥

புரஸ்தாதி³ஹ வாதாபி꞉ பரிபூ⁴ய தபஸ்விந꞉ ।
உத³ரஸ்தோ² த்³விஜாந் ஹந்தி ஸ்வக³ர்போ⁴(அ)ஶ்வதரீமிவ ॥ 40 ॥

ஸ கதா³சிச்சிராள்லோபா⁴தா³ஸஸாத³ மஹாமுநிம் ।
அக³ஸ்த்யம் தேஜஸா யுக்தம் ப⁴க்ஷ்யஸ்தஸ்ய ப³பூ⁴வ ஹ ॥ 41 ॥

ஸமுத்தா²நே ச தத்³ரூபம் கர்துகாமம் ஸமீக்ஷ்ய தம் ।
உத்ஸ்மயித்வா து ப⁴க³வாந் வாதாபிமித³மப்³ரவீத் ॥ 42 ॥

த்வயாவிக³ண்ய வாதாபே பரிபூ⁴தா꞉ ஸ்வதேஜஸா ।
ஜீவலோகே த்³விஜஶ்ரேஷ்டா²ஸ்தஸ்மாத³ஸி ஜராம் க³த꞉ ॥ 43 ॥

ததே³தந்ந ப⁴வேத்³ரக்ஷோ வாதாபிரிவ லக்ஷ்மண ।
மத்³வித⁴ம் யோ(அ)திமந்யேத த⁴ர்மநித்யம் ஜிதேந்த்³ரியம் ॥ 44 ॥

ப⁴வேத்³த⁴தோ(அ)யம் வாதாபிரக³ஸ்த்யேநேவ மாம் க³த꞉ ।
இஹ த்வம் ப⁴வ ஸந்நத்³தோ⁴ யந்த்ரிதோ ரக்ஷ மைதி²லீம் ॥ 45 ॥

அஸ்யாமாயத்தமஸ்மாகம் யத்க்ருத்யம் ரகு⁴நந்த³ந ।
அஹமேநம் வதி⁴ஷ்யாமி க்³ரஹீஷ்யாம்யபி வா ம்ருக³ம் ॥ 46 ॥

யாவத்³க³ச்சா²மி ஸௌமித்ரே ம்ருக³மாநயிதும் த்³ருதம் ।
பஶ்ய லக்ஷ்மண வைதே³ஹீம் ம்ருக³த்வசி க³தஸ்ப்ருஹாம் ॥ 47 ॥

த்வசா ப்ரதா⁴நயா ஹ்யேஷ ம்ருகோ³(அ)த்³ய ந ப⁴விஷ்யதி ।
அப்ரமத்தேந தே பா⁴வ்யமாஶ்ரமஸ்தே²ந ஸீதயா ॥ 48 ॥

யாவத்ப்ருஷதமேகேந ஸாயகேந நிஹந்ம்யஹம் ।
ஹத்வைதச்சர்ம சாதா³ய ஶீக்⁴ரமேஷ்யாமி லக்ஷ்மண ॥ 49 ॥

ப்ரத³க்ஷிணேநாதிப³லேந பக்ஷிணா
ஜடாயுஷா பு³த்³தி⁴மதா ச லக்ஷ்மண ।
ப⁴வாப்ரமத்த꞉ ப்ரதிக்³ருஹ்ய மைதி²லீம்
ப்ரதிக்ஷணம் ஸர்வத ஏவ ஶங்கித꞉ ॥ 50 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ த்ரிசத்வாரிம்ஶ꞉ ஸர்க³꞉ ॥ 43 ॥

Did you see any mistake/variation in the content above? Click here to report mistakes and corrections in Stotranidhi content.