Read in తెలుగు / ಕನ್ನಡ / தமிழ் / देवनागरी / English (IAST)
॥ ஸ்வர்ணம்ருக³ப்ரேக்ஷணம் ॥
ஏவமுக்த்வா து வசநம் மாரீசோ ராவணம் தத꞉ ।
க³ச்சா²வேத்யப்³ரவீத்³தீ³நோ ப⁴யாத்³ராத்ரிஞ்சரப்ரபோ⁴꞉ ॥ 1 ॥
த்³ருஷ்டஶ்சாஹம் புநஸ்தேந ஶரசாபாஸிதா⁴ரிணா ।
மத்³வதோ⁴த்³யதஶஸ்த்ரேண விநஷ்டம் ஜீவிதம் ச மே ॥ 2 ॥
ந ஹி ராமம் பராக்ரம்ய ஜீவந்ப்ரதிநிவர்ததே ।
வர்ததே ப்ரதிரூபோ(அ)ஸௌ யமத³ண்ட³ஹதஸ்ய தே ॥ 3 ॥
கிம் நு ஶக்யம் மயா கர்துமேவம் த்வயி து³ராத்மநி ।
ஏஷ க³ச்சா²ம்யஹம் தாத ஸ்வஸ்தி தே(அ)ஸ்து நிஶாசர ॥ 4 ॥
ப்ரஹ்ருஷ்டஸ்த்வப⁴வத்தேந வசநேந ஸ ராவண꞉ ।
பரிஷ்வஜ்ய ஸுஸம்ஶ்லிஷ்டமித³ம் வசநமப்³ரவீத் ॥ 5 ॥
ஏதச்சௌ²ண்டீ³ர்யயுக்தம் தே மச்ச²ந்தா³தி³வ பா⁴ஷிதம் ।
இதா³நீமஸி மாரீச꞉ பூர்வமந்யோ நிஶாசர꞉ ॥ 6 ॥
ஆருஹ்யதாமயம் ஶீக்⁴ரம் ரதோ² ரத்நவிபூ⁴ஷித꞉ ।
மயா ஸஹ ததா² யுக்த꞉ பிஶாசவத³நை꞉ க²ரை꞉ ॥ 7 ॥
ப்ரளோப⁴யித்வா வைதே³ஹீம் யதே²ஷ்டம் க³ந்துமர்ஹஸி ।
தாம் ஶூந்யே ப்ரஸப⁴ம் ஸீதாமாநயிஷ்யாமி மைதி²லீம் ॥ 8 ॥
ததோ ராவணமாரீசௌ விமாநமிவ தம் ரத²ம் ।
ஆருஹ்ய யயது꞉ ஶீக்⁴ரம் தஸ்மாதா³ஶ்ரமமண்ட³லாத் ॥ 9 ॥
ததை²வ தத்ர பஶ்யந்தௌ பத்தநாநி வநாநி ச ।
கி³ரீம்ஶ்ச ஸரித꞉ ஸர்வா ராஷ்ட்ராணி நக³ராணி ச ॥ 10 ॥
ஸமேத்ய த³ண்ட³காரண்யம் ராக⁴வஸ்யாஶ்ரமம் தத꞉ ।
த³த³ர்ஶ ஸஹமரீசோ ராவணோ ராக்ஷஸாதி⁴ப꞉ ॥ 11 ॥
அவதீர்ய ரதா²த்தஸ்மாத்தத꞉ காஞ்சநபூ⁴ஷணாத் ।
ஹஸ்தே க்³ருஹீத்வா மாரீசம் ராவணோ வாக்யமப்³ரவீத் ॥ 12 ॥
ஏதத்³ராமாஶ்ரமபத³ம் த்³ருஶ்யதே கத³ளீவ்ருதம் ।
க்ரியதாம் தத்ஸகே² ஶீக்⁴ரம் யத³ர்த²ம் வயமாக³தா꞉ ॥ 13 ॥
ஸ ராவணவச꞉ ஶ்ருத்வா மாரீசோ ராக்ஷஸஸ்ததா³ ।
ம்ருகோ³ பூ⁴த்வா(ஆ)ஶ்ரமத்³வாரி ராமஸ்ய விசசார ஹ ॥ 14 ॥
ஸ து ரூபம் ஸமாஸ்தா²ய மஹத³த்³பு⁴தத³ர்ஶநம் ।
மணிப்ரவரஶ்ருங்கா³க்³ர꞉ ஸிதாஸிதமுகா²க்ருதி꞉ ॥ 15 ॥
ரக்தபத்³மோத்பலமுக² இந்த்³ரநீலோத்பலஶ்ரவா꞉ ।
கிஞ்சித³ப்⁴யுந்நதக்³ரீவ꞉ இந்த்³ரநீலத³ளாத⁴ர꞉ ॥ 16 ॥
குந்தே³ந்து³வஜ்ரஸங்காஶமுத³ரம் சாஸ்ய பா⁴ஸ்வரம் ।
மதூ⁴கநிப⁴பார்ஶ்வஶ்ச பத்³மகிஞ்ஜல்கஸந்நிப⁴꞉ ॥ 17 ॥
வைடூ³ர்யஸங்காஶகு²ரஸ்தநுஜங்க⁴꞉ ஸுஸம்ஹத꞉ ।
இந்த்³ராயுத⁴ஸவர்ணேந புச்சே²நோர்த்⁴வம் விராஜதா ॥ 18 ॥
மநோஹர꞉ ஸ்நிக்³த⁴வர்ணோ ரத்நைர்நாநாவிதை⁴ர்வ்ருத꞉ ।
க்ஷணேந ராக்ஷஸோ ஜாதோ ம்ருக³꞉ பரமஶோப⁴ந꞉ ॥ 19 ॥
வநம் ப்ரஜ்வலயந்ரம்யம் ராமாஶ்ரமபத³ம் ச தத் ।
மநோஹரம் த³ர்ஶநீயம் ரூபம் க்ருத்வா ஸ ராக்ஷஸ꞉ ॥ 20 ॥
ப்ரளோப⁴நார்த²ம் வைதே³ஹ்யா நாநாதா⁴துவிசித்ரிதம் ।
விசரந் க³ச்ச²தே தஸ்மாச்சா²த்³வலாநி ஸமந்தத꞉ ॥ 21 ॥
ரூப்யைர்பி³ந்து³ஶதைஶ்சித்ரோ பூ⁴த்வா ஸ ப்ரியத³ர்ஶந꞉ ।
விடபீநாம் கிஸலயாந் ப⁴ங்க்த்வாத³ந் விசசார ஹ ॥ 22 ॥
கத³ளீக்³ருஹகம் க³த்வா கர்ணிகாராநிதஸ்தத꞉ ।
ஸமாஶ்ரயந்மந்த³க³தி꞉ ஸீதாஸந்த³ர்ஶநம் ததா² ॥ 23 ॥
ராஜீவசித்ரப்ருஷ்ட²꞉ ஸ விரராஜ மஹாம்ருக³꞉ ।
ராமாஶ்ரமபதா³ப்⁴யாஶே விசசார யதா²ஸுக²ம் ॥ 24 ॥
புநர்க³த்வா நிவ்ருத்தஶ்ச விசசார ம்ருகோ³த்தம꞉ ।
க³த்வா முஹூர்தம் த்வரயா புந꞉ ப்ரதிநிவர்ததே ॥ 25 ॥
விக்ரீட³ம்ஶ்ச க்வசித்³பூ⁴மௌ புநரேவ நிஷீத³தி ।
ஆஶ்ரமத்³வாரமாக³ம்ய ம்ருக³யூதா²நி க³ச்ச²தி ॥ 26 ॥
ம்ருக³யூதை²ரநுக³த꞉ புநரேவ நிவர்ததே ।
ஸீதாத³ர்ஶநமாகாங்க்ஷந் ராக்ஷஸோ ம்ருக³தாம் க³த꞉ ॥ 27 ॥
பரிப்⁴ரமதி சித்ராணி மண்ட³லாநி விநிஷ்பதந் ।
ஸமுத்³வீக்ஷ்ய ச தம் ஸர்வே ம்ருகா³ ஹ்யந்யே வநேசரா꞉ ॥ 28 ॥
உபக³ம்ய ஸமாக்⁴ராய வித்³ரவந்தி தி³ஶோ த³ஶ ।
ராக்ஷஸ꞉ ஸோ(அ)பி தாந்வந்யாந் ம்ருகா³ந் ம்ருக³வதே⁴ ரத꞉ ॥ 29 ॥
ப்ரச்சா²த³நார்த²ம் பா⁴வஸ்ய ந ப⁴க்ஷயதி ஸம்ஸ்ப்ருஶந் ।
தஸ்மிந்நேவ தத꞉ காலே வைதே³ஹீ ஶுப⁴லோசநா ॥ 30 ॥
குஸுமாபசயவ்யக்³ரா பாத³பாநப்⁴யவர்தத ।
கர்ணிகாராநஶோகாம்ஶ்ச சூதாம்ஶ்ச மதி³ரேக்ஷணா ॥ 31 ॥
குஸுமாந்யபசிந்வந்தீ சசார ருசிராநநா ।
அநர்ஹா(அ)ரண்யவாஸஸ்ய ஸா தம் ரத்நமயம் ம்ருக³ம் ॥ 32 ॥
முக்தாமணிவிசித்ராங்க³ம் த³த³ர்ஶ பரமாங்க³நா ।
ஸா தம் ருசிரத³ந்தோஷ்டீ² ரூப்யதா⁴துதநூருஹம் ॥ 33 ॥
விஸ்மயோத்பு²ல்லநயநா ஸஸ்நேஹம் ஸமுதை³க்ஷத ।
ஸ ச தாம் ராமத³யிதாம் பஶ்யந் மாயாமயோ ம்ருக³꞉ ॥ 34 ॥
விசசார புநஶ்சித்ரம் தீ³பயந்நிவ தத்³வநம் ।
அத்³ருஷ்டபூர்வம் தம் த்³ருஷ்ட்வா நாநாரத்நமயம் ம்ருக³ம் ।
விஸ்மயம் பரமம் ஸீதா ஜகா³ம ஜநகாத்மஜா ॥ 35 ॥
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ த்³விசத்வாரிம்ஶ꞉ ஸர்க³꞉ ॥ 42 ॥
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
