Aranya Kanda Sarga 10 – அரண்யகாண்ட³ த³ஶம꞉ ஸர்க³꞉ (10)

ஸ்தோத்ரநிதி → வால்மீகி ராமாயணே அரண்யகாண்ட³ → அரண்யகாண்ட³ த³ஶம꞉ ஸர்க³꞉ (10)

॥ ரக்ஷோவத⁴ஸமர்த²நம் ॥

வாக்யமேதத்து வைதே³ஹ்யா வ்யாஹ்ருதம் ப⁴ர்த்ருப⁴க்தயா ।
ஶ்ருத்வா த⁴ர்மே ஸ்தி²தோ ராம꞉ ப்ரத்யுவாசாத² மைதி²லீம் ॥ 1 ॥

ஹிதமுக்தம் த்வயா தே³வி ஸ்நிக்³த⁴யா ஸத்³ருஶம் வச꞉ ।
குலம் வ்யபதி³ஶந்த்யா ச த⁴ர்மஜ்ஞே ஜநகாத்மஜே ॥ 2 ॥

கிம் து வக்ஷ்யாம்யஹம் தே³வி த்வயைவோக்தமித³ம் வச꞉ ।
க்ஷத்ரியைர்தா⁴ர்யதே சாபோ நார்த ஶப்³தோ³ ப⁴வேதி³தி ॥ 3 ॥

மாம் ஸீதே ஸ்வயமாக³ம்ய ஶரண்யா꞉ ஶரணம் க³தா꞉ ।
தே சார்தா த³ண்ட³காரண்யே முநய꞉ ஸம்ஶிதவ்ரதா꞉ ॥ 4 ॥

வஸந்தோ த⁴ர்மநிரதா வநே மூலப²லாஶநா꞉ ।
ந லப⁴ந்தே ஸுக²ம் பீ⁴தா ராக்ஷஸை꞉ க்ரூரகர்மபி⁴꞉ ॥ 5 ॥

காலே காலே ச நிரதா நியமைர்விவிதை⁴ர்வநே ।
ப⁴க்ஷ்யந்தே ராக்ஷஸைர்பீ⁴மைர்நரமாம்ஸோபஜீவிபி⁴꞉ ॥ 6 ॥

தே ப⁴க்ஷ்யமாணா முநயோ த³ண்ட³காரண்யவாஸிந꞉ ।
அஸ்மாநப்⁴யவபத்³யேதி மாமூசுர்த்³விஜஸத்தமா꞉ ॥ 7 ॥

மயா து வசநம் ஶ்ருத்வா தேஷாமேவம் முகா²ச்ச்யுதம் ।
க்ருத்வா சரணஶுஶ்ரூஷாம் வாக்யமேதது³தா³ஹ்ருதம் ॥ 8 ॥

ப்ரஸீத³ந்து ப⁴வந்தோ மே ஹ்ரீரேஷா து மமாதுலா ।
யதீ³த்³ருஶைரஹம் விப்ரைருபஸ்தே²யைருபஸ்தி²த꞉ ॥ 9 ॥

கிம் கரோமீதி ச மயா வ்யாஹ்ருதம் த்³விஜஸந்நிதௌ⁴ ।
ஸர்வைரேதை꞉ ஸமாக³ம்ய வாகி³யம் ஸமுதா³ஹ்ருதா ॥ 10 ॥

ராக்ஷஸைர்த³ண்ட³காரண்யே ப³ஹுபி⁴꞉ காமரூபிபி⁴꞉ ।
அர்தி³தா꞉ ஸ்ம த்³ருட⁴ம் ராம ப⁴வாந்நஸ்தத்ர ரக்ஷது ॥ 11 ॥

ஹோமகாலேஷு ஸம்ப்ராப்தா꞉ பர்வகாலேஷு சாநக⁴ ।
த⁴ர்ஷயந்தி ஸுது³ர்த⁴ர்ஷா ராக்ஷஸா꞉ பிஶிதாஶநா꞉ ॥ 12 ॥

ராக்ஷஸைர்த⁴ர்ஷிதாநாம் ச தாபஸாநாம் தபஸ்விநாம் ।
க³திம் ம்ருக³யமாணாநாம் ப⁴வாந்ந꞉ பரமா க³தி꞉ ॥ 13 ॥

காமம் தப꞉ ப்ரபா⁴வேந ஶக்தா ஹந்தும் நிஶாசரான் ।
சிரார்ஜிதம் து நேச்சா²மஸ்தப꞉ க²ண்ட³யிதும் வயம் ॥ 14 ॥

ப³ஹுவிக்⁴நம் தபோ நித்யம் து³ஶ்சரம் சைவ ராக⁴வ ।
தேந ஶாபம் ந முஞ்சாமோ ப⁴க்ஷ்யமாணாஶ்ச ராக்ஷஸை꞉ ॥ 15 ॥

தத³ர்த்³யமாநாந்ரக்ஷோபி⁴ர்த³ண்ட³காரண்யவாஸிபி⁴꞉ ।
ரக்ஷ நஸ்த்வம் ஸஹ ப்⁴ராத்ரா த்வந்நாதா² ஹி வயம் வநே ॥ 16 ॥

மயா சைதத்³வச꞉ ஶ்ருத்வா கார்த்ஸ்ந்யேந பரிபாலநம் ।
ருஷீணாம் த³ண்ட³காரண்யே ஸம்ஶ்ருதம் ஜநகாத்மஜே ॥ 17 ॥

ஸம்ஶ்ருத்ய ச ந ஶக்ஷ்யாமி ஜீவமாந꞉ ப்ரதிஶ்ரவம் ।
முநீநாமந்யதா² கர்தும் ஸத்யமிஷ்டம் ஹி மே ஸதா³ ॥ 18 ॥

அப்யஹம் ஜீவிதம் ஜஹ்யாம் த்வாம் வா ஸீதே ஸலக்ஷ்மணாம் ।
ந து ப்ரதிஜ்ஞாம் ஸம்ஶ்ருத்ய ப்³ராஹ்மணேப்⁴யோ விஶேஷத꞉ ॥ 19 ॥

தத³வஶ்யம் மயா கார்யம்ருஷீணாம் பரிபாலநம் ।
அநுக்தேநாபி வைதே³ஹி ப்ரதிஜ்ஞாய து கிம் புந꞉ ॥ 20 ॥

மம ஸ்நேஹாச்ச ஸௌஹார்தா³தி³த³முக்தம் த்வயா(அ)நகே⁴ ।
பரிதுஷ்டோ(அ)ஸ்ம்யஹம் ஸீதே ந ஹ்யநிஷ்டோ(அ)நுஶிஷ்யதே ॥ 21 ॥

ஸத்³ருஶம் சாநுரூபம் ச குலஸ்ய தவ சாத்மந꞉ ।
ஸத⁴ர்மசாரிணீ மே த்வம் ப்ராணேப்⁴யோ(அ)பி க³ரீயஸீ ॥ 22 ॥

இத்யேவமுக்த்வா வசநம் மஹாத்மா
ஸீதாம் ப்ரியாம் மைதி²லராஜபுத்ரீம் ।
ராமோ த⁴நுஷ்மாந்ஸஹ லக்ஷ்மணேந
ஜகா³ம ரம்யாணி தபோவநாநி ॥ 23 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ த³ஶம꞉ ஸர்க³꞉ ॥ 10 ॥

---

ஸம்பூர்ண வால்மீகி ராமாயணே அரண்யகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

Share this:

• Tweet
• 

Like this:

Like Loading...

Related