Anjaneya Bhujanga Stotram – ஶ்ரீ ஆஞ்ஜனேய புஜங்க ஸ்தோத்ரம்


ப்ரஸந்நாங்க³ராக³ம் ப்ரபா⁴காஞ்சநாங்க³ம்
ஜக³த்³பீ⁴தஶௌர்யம் துஷாராத்³ரிதை⁴ர்யம் ।
த்ருணீபூ⁴தஹேதிம் ரணோத்³யத்³விபூ⁴திம்
ப⁴ஜே வாயுபுத்ரம் பவித்ராப்தமித்ரம் ॥ 1 ॥

ப⁴ஜே பாவநம் பா⁴வநா நித்யவாஸம்
ப⁴ஜே பா³லபா⁴நு ப்ரபா⁴ சாருபா⁴ஸம் ।
ப⁴ஜே சந்த்³ரிகா குந்த³ மந்தா³ர ஹாஸம்
ப⁴ஜே ஸந்ததம் ராமபூ⁴பால தா³ஸம் ॥ 2 ॥

ப⁴ஜே லக்ஷ்மணப்ராணரக்ஷாதித³க்ஷம்
ப⁴ஜே தோஷிதாநேக கீ³ர்வாணபக்ஷம் ।
ப⁴ஜே கோ⁴ர ஸங்க்³ராம ஸீமாஹதாக்ஷம்
ப⁴ஜே ராமநாமாதி ஸம்ப்ராப்தரக்ஷம் ॥ 3 ॥

க்ருதாபீ⁴லநாத⁴க்ஷிதக்ஷிப்தபாத³ம்
க⁴நக்ராந்த ப்⁴ருங்க³ம் கடிஸ்தோ²ரு ஜங்க⁴ம் ।
வியத்³வ்யாப்தகேஶம் பு⁴ஜாஶ்லேஷிதாஶ்மம்
ஜயஶ்ரீ ஸமேதம் ப⁴ஜே ராமதூ³தம் ॥ 4 ॥

சலத்³வாலகா⁴தம் ப்⁴ரமச்சக்ரவாளம்
கடோ²ராட்டஹாஸம் ப்ரபி⁴ந்நாப்³ஜஜாண்ட³ம் ।
மஹாஸிம்ஹநாதா³ த்³விஶீர்ணத்ரிலோகம்
ப⁴ஜே சாஞ்ஜநேயம் ப்ரபு⁴ம் வஜ்ரகாயம் ॥ 5 ॥

ரணே பீ⁴ஷணே மேக⁴நாதே³ ஸநாதே³
ஸரோஷே ஸமாரோபணாமித்ர முக்²யே ।
க²கா³நாம் க⁴நாநாம் ஸுராணாம் ச மார்கே³
நடந்தம் ஸமந்தம் ஹநூமந்தமீடே³ ॥ 6 ॥

க⁴நத்³ரத்ந ஜம்பா⁴ரி த³ம்போ⁴லி பா⁴ரம்
க⁴நத்³த³ந்த நிர்தூ⁴த காலோக்³ரத³ந்தம் ।
பதா³கா⁴த பீ⁴தாப்³தி⁴ பூ⁴தாதி³வாஸம்
ரணக்ஷோணித³க்ஷம் ப⁴ஜே பிங்க³ளாக்ஷம் ॥ 7 ॥

மஹாக்³ராஹபீடா³ம் மஹோத்பாதபீடா³ம்
மஹாரோக³பீடா³ம் மஹாதீவ்ரபீடா³ம் ।
ஹரத்யஸ்து தே பாத³பத்³மாநுரக்தோ
நமஸ்தே கபிஶ்ரேஷ்ட² ராமப்ரியாய ॥ 8 ॥

ஜராபா⁴ரதோ பூ⁴ரி பீடா³ம் ஶரீரே
நிராதா⁴ரணாரூட⁴ கா³ட⁴ ப்ரதாபீ ।
ப⁴வத்பாத³ப⁴க்திம் ப⁴வத்³ப⁴க்திரக்திம்
குரு ஶ்ரீஹநூமத்ப்ரபோ⁴ மே த³யாளோ ॥ 9 ॥

மஹாயோகி³நோ ப்³ரஹ்மருத்³ராத³யோ வா
ந ஜாநந்தி தத்த்வம் நிஜம் ராக⁴வஸ்ய ।
கத²ம் ஜ்ஞாயதே மாத்³ருஶே நித்யமேவ
ப்ரஸீத³ ப்ரபோ⁴ வாநரேந்த்³ரோ நமஸ்தே ॥ 10 ॥

நமஸ்தே மஹாஸத்த்வவாஹாய துப்⁴யம்
நமஸ்தே மஹாவஜ்ரதே³ஹாய துப்⁴யம் ।
நமஸ்தே பரீபூ⁴த ஸூர்யாய துப்⁴யம்
நமஸ்தே க்ருதாமர்த்ய கார்யாய துப்⁴யம் ॥ 11 ॥

நமஸ்தே ஸதா³ ப்³ரஹ்மசர்யாய துப்⁴யம்
நமஸ்தே ஸதா³ வாயுபுத்ராய துப்⁴யம் ।
நமஸ்தே ஸதா³ பிங்க³ளாக்ஷாய துப்⁴யம்
நமஸ்தே ஸதா³ ராமப⁴க்தாய துப்⁴யம் ॥ 12 ॥

ஹநூமத்³பு⁴ஜங்க³ப்ரயாதம் ப்ரபா⁴தே
ப்ரதோ³ஷே(அ)பி வா சார்த⁴ராத்ரே(அ)பி மர்த்ய꞉ ।
பட²ந்நஶ்நதோ(அ)பி ப்ரமுக்தோக⁴ஜாலோ
ஸதா³ ஸர்வதா³ ராமப⁴க்திம் ப்ரயாதி ॥ 13 ॥

இதி ஶ்ரீமதா³ஞ்ஜநேய பு⁴ஜங்க³ப்ரயாத ஸ்தோத்ரம் ।


மேலும் ஶ்ரீ ஹனுமான் ஸ்தோத்திரங்கள் பார்க்க.


గమనిక: "శ్రీ లక్ష్మీ స్తోత్రనిధి" పారాయణ గ్రంథము తెలుగులో ముద్రణ చేయుటకు ఆలోచన చేయుచున్నాము.

Report mistakes and corrections in Stotranidhi content.

Facebook Comments

மறுமொழி இடவும்

உங்கள் மின்னஞ்சல் வெளியிடப்பட மாட்டாது

error: Not allowed
%d bloggers like this: