Akhilandeshwari Stotram – அகி²லாண்டே³ஶ்வரீ ஸ்தோத்ரம்


ஓம்காரார்ணவமத்⁴யகே³ த்ரிபத²கே³ ஓம்காரபீ³ஜாத்மிகே
ஓம்காரேண ஸுக²ப்ரதே³ ஶுப⁴கரே ஓம்காரபி³ந்து³ப்ரியே ।
ஓம்காரே ஜக³த³ம்பி³கே ஶஶிகலே ஓம்காரபீட²ஸ்தி²தே
தா³ஸோ(அ)ஹம் தவ பாத³பத்³மயுக³ளம் வந்தே³(அ)கி²லாண்டே³ஶ்வரி ॥ 1 ॥

ஹ்ரீம்காரார்ணவவர்ணமத்⁴யநிலயே ஹ்ரீம்காரவர்ணாத்மிகே ।
ஹ்ரீம்காராப்³தி⁴ஸுசாருசாந்த்³ரகத⁴ரே ஹ்ரீம்காரநாத³ப்ரியே ।
ஹ்ரீம்காரே த்ரிபுரேஶ்வரீ ஸுசரிதே ஹ்ரீம்காரபீட²ஸ்தி²தே
தா³ஸோ(அ)ஹம் தவ பாத³பத்³மயுக³ளம் வந்தே³(அ)கி²லாண்டே³ஶ்வரி ॥ 2 ॥

ஶ்ரீசக்ராங்கிதபூ⁴ஷணோஜ்ஜ்வலமுகே² ஶ்ரீராஜராஜேஶ்வரி
ஶ்ரீகண்டா²ர்த⁴ஶரீரபா⁴க³நிலயே ஶ்ரீஜம்பு³நாத²ப்ரியே ।
ஶ்ரீகாந்தஸ்ய ஸஹோத³ரே ஸுமநஸே ஶ்ரீபி³ந்து³பீட²ப்ரியே
தா³ஸோ(அ)ஹம் தவ பாத³பத்³மயுக³ளம் வந்தே³(அ)கி²லாண்டே³ஶ்வரி ॥ 3 ॥

கஸ்தூரீதிலகோஜ்ஜ்வலே கலிஹரே க்லீம்காரபீ³ஜாத்மிகே
கல்யாணீ ஜக³தீ³ஶ்வரீ ப⁴க³வதீ காத³ம்ப³வாஸப்ரியே ।
காமாக்ஷீ ஸகலேஶ்வரீ ஶுப⁴கரே க்லீம்காரபீட²ஸ்தி²தே
தா³ஸோ(அ)ஹம் தவ பாத³பத்³மயுக³ளம் வந்தே³(அ)கி²லாண்டே³ஶ்வரி ॥ 4 ॥

நாதே³ நாரத³தும்பு³ராதி³விநுதே நாராயணீ மங்க³ளே
நாநாலங்க்ருதஹாரநூபுரத⁴ரே நாஸாமணீபா⁴ஸுரே ।
நாநாப⁴க்தஸுபூஜ்யபாத³கமலே நாகா³ரிமத்⁴யஸ்த²லே
தா³ஸோ(அ)ஹம் தவ பாத³பத்³மயுக³ளம் வந்தே³(அ)கி²லாண்டே³ஶ்வரி ॥ 5 ॥

ஶ்யாமாங்கீ³ ஶரதி³ந்து³கோடிவத³நே ஸித்³தா⁴ந்தமார்க³ப்ரியே
ஶாந்தே ஶாரத³விக்³ரஹே ஶுப⁴கரே ஶாஸ்த்ராதி³ஷட்³த³ர்ஶநே ।
ஶர்வாணீ பரமாத்மிகே பரஶிவே ப்ரத்யக்ஷஸித்³தி⁴ப்ரதே³
தா³ஸோ(அ)ஹம் தவ பாத³பத்³மயுக³ளம் வந்தே³(அ)கி²லாண்டே³ஶ்வரி ॥ 6 ॥

மாங்க³ல்யே மது⁴ரப்ரியே மது⁴மதீ மாங்க³ல்யஸூத்ரோஜ்ஜ்வலே
மாஹாத்ம்யஶ்ரவணே ஸுதே ஸுதமயீ மாஹேஶ்வரீ சிந்மயி ।
மாந்தா⁴த்ருப்ரமுகா²தி³பூஜிதபதே³ மந்த்ரார்த²ஸித்³தி⁴ப்ரதே³
தா³ஸோ(அ)ஹம் தவ பாத³பத்³மயுக³ளம் வந்தே³(அ)கி²லாண்டே³ஶ்வரி ॥ 7 ॥

தத்த்வே தத்த்வமயீ பராத்பரமயி ஜ்யோதிர்மயீ சிந்மயி
நாதே³ நாத³மயீ ஸதா³ஶிவமயீ தத்த்வார்த²ஸாராத்மிகே ।
ஶப்³த³ப்³ரஹ்மமயீ சராசரமயீ வேதா³ந்தரூபாத்மிகே
தா³ஸோ(அ)ஹம் தவ பாத³பத்³மயுக³ளம் வந்தே³(அ)கி²லாண்டே³ஶ்வரி ॥ 8 ॥

கத³ம்ப³வ்ருக்ஷமூலே த்வம் வாஸிநி ஶுப⁴தா⁴ரிணி ।
த⁴ராத⁴ரஸுதே தே³வி மங்க³ளம் குரு ஶங்கரி ॥ 9 ॥

த்⁴யாத்வா த்வாம் தே³வி த³ஶகம் யே பட²ந்தி ப்⁴ருகோ³ர்தி³நே ।
தேஷாம் ச த⁴நமாயுஷ்யமாரோக்³யம் புத்ரஸம்பத³꞉ ॥ 10 ॥

இதி ஶ்ரீ அகி²லாண்டே³ஶ்வரீ ஸ்தோத்ரம் ।


மேலும் தேவீ ஸ்தோத்திரங்கள் பார்க்க.


గమనిక: "శ్రీ సుబ్రహ్మణ్య స్తోత్రనిధి" ప్రచురించబోవుచున్నాము.

Facebook Comments
error: Not allowed
%d bloggers like this: