Aranya Kanda Sarga 41 – அரண்யகாண்ட³ ஏகசத்வாரிம்ஶ꞉ ஸர்க³꞉ (41)

ஸ்தோத்ரநிதி → வால்மீகி ராமாயணே அரண்யகாண்ட³ → அரண்யகாண்ட³ ஏகசத்வாரிம்ஶ꞉ ஸர்க³꞉ (41)

॥ ராவணநிந்தா³ ॥

ஆஜ்ஞப்தோ(அ)ராஜவத்³வாக்யம் ப்ரதிகூலம் நிஶாசர꞉ ।
அப்³ரவீத் பருஷம் வாக்யம் மாரீசோ ராக்ஷஸாதி⁴பம் ॥ 1 ॥

கேநாயமுபதி³ஷ்டஸ்தே விநாஶ꞉ பாபகர்மணா ।
ஸபுத்ரஸ்ய ஸராஷ்ட்ரஸ்ய ஸாமாத்யஸ்ய நிஶாசர ॥ 2 ॥

கஸ்த்வயா ஸுகி²நா ராஜந் நாபி⁴நந்த³தி பாபக்ருத் ।
கேநேத³முபதி³ஷ்டம் தே ம்ருத்யுத்³வாரமுபாயத꞉ ॥ 3 ॥

ஶத்ரவஸ்தவ ஸுவ்யக்தம் ஹீநவீர்யா நிஶாசரா꞉ ।
இச்ச²ந்தி த்வாம் விநஶ்யந்தமுபருத்³த⁴ம் ப³லீயஸா ॥ 4 ॥

கேநேத³முபதி³ஷ்டம் தே க்ஷுத்³ரேணாஹிதவாதி³நா ।
யஸ்த்வாமிச்ச²தி நஶ்யந்தம் ஸ்வக்ருதேந நிஶாசர ॥ 5 ॥

வத்⁴யா꞉ க²லு ந ஹந்யந்தே ஸசிவாஸ்தவ ராவண ।
யே த்வாமுத்பத²மாரூட⁴ம் ந நிக்³ருஹ்ணந்தி ஸர்வஶ꞉ ॥ 6 ॥

அமாத்யை꞉ காமவ்ருத்தோ ஹி ராஜா காபத²மாஶ்ரித꞉ ।
நிக்³ராஹ்ய꞉ ஸர்வதா² ஸத்³பி⁴ர்ந நிக்³ராஹ்யோ நிக்³ருஹ்யஸே ॥ 7 ॥

த⁴ர்மமர்த²ம் ச காமம் ச யஶஶ்ச ஜயதாம் வர ।
ஸ்வாமிப்ரஸாதா³த் ஸசிவா꞉ ப்ராப்நுவந்தி நிஶாசர ॥ 8 ॥

விபர்யயே து தத்ஸர்வம் வ்யர்த²ம் ப⁴வதி ராவண ।
வ்யஸநம் ஸ்வாமிவைகு³ண்யாத் ப்ராப்நுவந்தீதரே ஜநா꞉ ॥ 9 ॥

ராஜமூலோ ஹி த⁴ர்மஶ்ச ஜயஶ்ச ஜயதாம் வர ।
தஸ்மாத்ஸர்வாஸ்வவஸ்தா²ஸு ரக்ஷிதவ்யா நராதி⁴பா꞉ ॥ 10 ॥

ராஜ்யம் பாலயிதும் ஶக்யம் ந தீக்ஷ்ணேந நிஶாசர ।
ந சாபி ப்ரதிகூலேந நாவிநீதேந ராக்ஷஸ ॥ 11 ॥

யே தீக்ஷ்ணமந்த்ரா꞉ ஸசிவா ப⁴ஜ்யந்தே ஸஹ தேந வை ।
விஷமே துரகா³꞉ ஶீக்⁴ரா மந்த³ஸாரத²யோ யதா² ॥ 12 ॥

ப³ஹவ꞉ ஸாத⁴வோ லோகே யுக்தா த⁴ர்மமநுஷ்டி²தா꞉ ।
பரேஷாமபராதே⁴ந விநஷ்டா꞉ ஸபரிச்ச²தா³꞉ ॥ 13 ॥

ஸ்வாமிநா ப்ரதிகூலேந ப்ரஜாஸ்தீக்ஷ்ணேந ராவண ।
ரக்ஷ்யமாணா ந வர்த⁴ந்தே மேஷா கோ³மாயுநா யதா² ॥ 14 ॥

அவஶ்யம் விநஶிஷ்யந்தி ஸர்வே ராவண ராக்ஷஸா꞉ ।
யேஷாம் த்வம் கர்கஶோ ராஜா து³ர்பு³த்³தி⁴ரஜிதேந்த்³ரிய꞉ ॥ 15 ॥

ததி³த³ம் காகதாலீயம் கோ⁴ரமாஸாதி³தம் மயா ।
அத்ரைவ ஶோசநீயஸ்த்வம் ஸஸைந்யோ விநஶிஷ்யஸி ॥ 16 ॥

மாம் நிஹத்ய து ராமஶ்ச ந சிராத்த்வாம் வதி⁴ஷ்யதி ।
அநேந க்ருதக்ருத்யோ(அ)ஸ்மி ம்ரியே யத³ரிணா ஹத꞉ ॥ 17 ॥

த³ர்ஶநாதே³வ ராமஸ்ய ஹதம் மாமுபதா⁴ரய ।
ஆத்மாநம் ச ஹதம் வித்³தி⁴ ஹ்ருத்வா ஸீதாம் ஸபா³ந்த⁴வம் ॥ 18 ॥

ஆநயிஷ்யஸி சேத் ஸீதாமாஶ்ரமாத் ஸஹிதோ மயா ।
நைவ த்வமஸி நைஹம் ச நைவ லங்கா ந ராக்ஷஸா꞉ ॥ 19 ॥

நிவார்யமாணஸ்து மயா ஹிதைஷிணா
ந ம்ருஷ்யஸே வாக்யமித³ம் நிஶாசர ।
பரேதகல்பா ஹி க³தாயுஷோ நரா
ஹிதம் ந க்³ருஹ்ணந்தி ஸுஹ்ருத்³பி⁴ரீரிதம் ॥ 20 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ ஏகசத்வாரிம்ஶ꞉ ஸர்க³꞉ ॥ 41 ॥

---

ஸம்பூர்ண வால்மீகி ராமாயணே அரண்யகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.