Aranya Kanda Sarga 20 – அரண்யகாண்ட³ விம்ஶ꞉ ஸர்க³꞉ (20)

ஸ்தோத்ரநிதி → வால்மீகி ராமாயணே அரண்யகாண்ட³ → அரண்யகாண்ட³ விம்ஶ꞉ ஸர்க³꞉ (20)

॥ சதுர்த³ஶரக்ஷோவத⁴꞉ ॥

தத꞉ ஶூர்பணகா² கோ⁴ரா ராக⁴வாஶ்ரமமாக³தா ।
ரக்ஷஸாமாசசக்ஷே தௌ ப்⁴ராதரௌ ஸஹ ஸீதயா ॥ 1 ॥

தே ராமம் பர்ணஶாலாயாமுபவிஷ்டம் மஹாப³லம் ।
த³த்³ருஶு꞉ ஸீதயா ஸார்த⁴ம் வைதே³ஹ்யா லக்ஷ்மணேந ச ॥ 2 ॥

தாந் த்³ருஷ்ட்வா ராக⁴வ꞉ ஶ்ரீமாநாக³தாம் தாம் ச ராக்ஷஸீம் ।
அப்³ரவீத்³ப்⁴ராதரம் ராமோ லக்ஷ்மணம் தீ³ப்ததேஜஸம் ॥ 3 ॥

முஹூர்தம் ப⁴வ ஸௌமித்ரே ஸீதாயா꞉ ப்ரத்யநந்தர꞉ ।
இமாநஸ்யா வதி⁴ஷ்யாமி பத³வீமாக³தாநிஹ ॥ 4 ॥

வாக்யமேதத்தத꞉ ஶ்ருத்வா ராமஸ்ய விதி³தாத்மந꞉ ।
ததே²தி லக்ஷ்மணோ வாக்யம் ராமஸ்ய ப்ரத்யபூஜயத் ॥ 5 ॥

ராக⁴வோ(அ)பி மஹச்சாபம் சாமீகரவிபூ⁴ஷிதம் ।
சகார ஸஜ்யம் த⁴ர்மாத்மா தாநி ரக்ஷாம்ஸி சாப்³ரவீத் ॥ 6 ॥

புத்ரௌ த³ஶரத²ஸ்யாவாம் ப்⁴ராதரௌ ராமலக்ஷ்மணௌ ।
ப்ரவிஷ்டௌ ஸீதயா ஸார்த⁴ம் து³ஶ்சரம் த³ண்ட³காவநம் ॥ 7 ॥

ப²லமூலாஶநௌ தா³ந்தௌ தாபஸௌ த⁴ர்மசாரிணௌ ।
வஸந்தௌ த³ண்ட³காரண்யே கிமர்த²முபஹிம்ஸத² ॥ 8 ॥

யுஷ்மாந்பாபாத்மகாந் ஹந்தும் விப்ரகாராந் மஹாஹவே ।
ருஷீணாம் து நியோகே³ந ப்ராப்தோ(அ)ஹம் ஸஶராயுத⁴꞉ ॥ 9 ॥

திஷ்ட²தைவாத்ர ஸந்துஷ்டா நோபாவர்திதுமர்ஹத² ।
யதி³ ப்ராணைரிஹார்தோ² வா நிவர்தத்⁴வம் நிஶாசரா꞉ ॥ 10 ॥

தஸ்ய தத்³வசநம் ஶ்ருத்வா ராக்ஷஸாஸ்தே சதுர்த³ஶ ।
ஊசுர்வாசம் ஸுஸங்க்ருத்³தா⁴ ப்³ரஹ்மக்⁴நா꞉ ஶூலபாணய꞉ ॥ 11 ॥

ஸம்ரக்தநயநா கோ⁴ரா ராமம் ஸம்ரக்தலோசநம் ।
பருஷம் மது⁴ராபா⁴ஷம் ஹ்ருஷ்டா த்³ருஷ்டபராக்ரமம் ॥ 12 ॥

க்ரோத⁴முத்பாத்³ய நோ ப⁴ர்து꞉ க²ரஸ்ய ஸுமஹாத்மந꞉ ।
த்வமேவ ஹாஸ்யஸே ப்ராணாநத்³யாஸ்மாபி⁴ர்ஹதோ யுதி⁴ ॥ 13 ॥

கா ஹி தே ஶக்திரேகஸ்ய ப³ஹூநாம் ரணமூர்த⁴நி ।
அஸ்மாகமக்³ரத꞉ ஸ்தா²தும் கிம் புநர்யோத்³து⁴மாஹவே ॥ 14 ॥

ஏஹி பா³ஹுப்ரயுக்தைர்ந꞉ பரிகை⁴꞉ ஶூலபட்டிஶை꞉ ।
ப்ராணாம்ஸ்த்யக்ஷ்யஸி வீர்யம் ச த⁴நுஶ்ச கரபீடி³தம் ॥ 15 ॥

இத்யேவமுக்த்வா ஸங்க்ருத்³தா⁴ ராக்ஷஸாஸ்தே சதுர்த³ஶ ।
உத்³யதாயுத⁴நிஸ்த்ரிம்ஶா ராமமேவாபி⁴து³த்³ருவு꞉ ॥ 16 ॥

சிக்ஷிபுஸ்தாநி ஶூலாநி ராக⁴வம் ப்ரதி து³ர்ஜயம் ।
தாநி ஶூலாநி காகுத்ஸ்த²꞉ ஸமஸ்தாநி சதுர்த³ஶ ॥ 17 ॥

தாவத்³பி⁴ரேவ சிச்சே²த³ ஶரை꞉ காஞ்சநபூ⁴ஷணை꞉ ।
தத꞉ பஶ்சாந்மஹாதேஜா நாராசாந் ஸூர்யஸந்நிபா⁴ந் ॥ 18 ॥

ஜக்³ராஹ பரமக்ருத்³த⁴ஶ்சதுர்த³ஶ ஶிலாஶிதாந் ।
க்³ருஹீத்வா த⁴நுராயம்ய லக்ஷ்யாநுத்³தி³ஶ்ய ராக்ஷஸாந் ॥ 19 ॥

முமோச ராக⁴வோ பா³ணாந் வஜ்ராநிவ ஶதக்ரது꞉ ।
ருக்மபுங்கா²ஶ்ச விஶிகா² தீ³ப்தா ஹேமவிபூ⁴ஷிதா꞉ ॥ 20 ॥

தே பி⁴த்த்வா ரக்ஷஸாம் வேகா³த்³வக்ஷாம்ஸி ருதி⁴ராப்லுதா꞉ ।
விநிஷ்பேதுஸ்ததா³ பூ⁴மௌ ந்யமஜ்ஜந்தாஶநிஸ்வநா꞉ ॥ 21 ॥

தே பி⁴ந்நஹ்ருத³யா பூ⁴மௌ சி²ந்நமூலா இவ த்³ருமா꞉ ।
நிபேது꞉ ஶோணிதார்த்³ராங்கா³ விக்ருதா விக³தாஸவ꞉ ॥ 22 ॥

தாந் த்³ருஷ்ட்வா பதிதாந் பூ⁴மௌ ராக்ஷஸீ க்ரோத⁴மூர்சி²தா ।
பரித்ரஸ்தா புநஸ்தத்ர வ்யஸ்ருஜத்³பை⁴ரவஸ்வநாந் ॥ 23 ॥

ஸா நத³ந்தீ மஹாநாத³ம் ஜவாச்சூ²ர்பணகா² புந꞉ ।
உபக³ம்ய க²ரம் ஸா து கிஞ்சித்ஸம்ஶுஷ்கஶோணிதா ॥ 24 ॥

பபாத புநரேவார்தா ஸநிர்யாஸேவ ஸல்லகீ ।
ப்⁴ராது꞉ ஸமீபே ஶோகார்தா ஸஸர்ஜ நிநத³ம் மஹு꞉ ।
ஸஸ்வரம் முமோசே பா³ஷ்பம் விஷண்ணவத³நா ததா³ ॥ 25 ॥

நிபாதிதாந் த்³ருஷ்ய ரணே து ராக்ஷஸாந்
ப்ரதா⁴விதா ஶூர்பணகா² புநஸ்தத꞉ ।
வத⁴ம் ச தேஷாம் நிகி²லேந ரக்ஷஸாம்
ஶஶம்ஸ ஸர்வம் ப⁴கி³நீ க²ரஸ்ய ஸா ॥ 26 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ விம்ஶ꞉ ஸர்க³꞉ ॥ 20 ॥

---

ஸம்பூர்ண வால்மீகி ராமாயணே அரண்யகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.