Ayodhya Kanda Sarga 113 – அயோத்⁴யாகாண்ட³ த்ரயோத³ஶோத்தரஶததம꞉ ஸர்க³꞉ (113)

ஸ்தோத்ரநிதி → வால்மீகி ராமாயணே அயோத்⁴யகாண்ட³ → அயோத்⁴யாகாண்ட³ த்ரயோத³ஶோத்தரஶததம꞉ ஸர்க³꞉ (113)

॥ பாது³காக்³ரஹணம் ॥

தத꞉ ஶிரஸி க்ருத்வா து பாது³கே ப⁴ரதஸ்ததா³ ।
ஆருரோஹ ரத²ம் ஹ்ருஷ்ட꞉ ஶத்ருக்⁴நேந ஸமந்வித꞉ ॥ 1 ॥

வஸிஷ்டோ² வாமதே³வஶ்ச ஜாபா³லிஶ்ச த்³ருட⁴வ்ரத꞉ ।
அக்³ரத꞉ ப்ரயயு꞉ ஸர்வே மந்த்ரிணோ மந்த்ரபூஜிதா꞉ ॥ 2 ॥

மந்தா³கிநீம் நதீ³ம் ரம்யாம் ப்ராங்க்³முகா²ஸ்தே யயுஸ்ததா³ ।
ப்ரத³க்ஷிணம் ச குர்வாணாஶ்சித்ரகூடம் மஹாகி³ரிம் ॥ 3 ॥

பஶ்யந் தா⁴துஸஹஸ்ராணி ரம்யாணி விவிதா⁴நி ச ।
ப்ரயயௌ தஸ்ய பார்ஶ்வேந ஸஸைந்யோ ப⁴ரதஸ்ததா³ ॥ 4 ॥

அதூ³ராச்சித்ரகூடஸ்ய த³த³ர்ஶ ப⁴ரதஸ்ததா³ ।
ஆஶ்ரமம் யத்ர ஸ முநிர்ப⁴ரத்³வாஜ꞉ க்ருதாலய꞉ ॥ 5 ॥

ஸ தமாஶ்ரமமாக³ம்ய ப⁴ரத்³வாஜஸ்ய பு³த்³தி⁴மாந் ।
அவதீர்ய ரதா²த் பாதௌ³ வவந்தே³ ப⁴ரதஸ்ததா³ ॥ 6 ॥

ததோ ஹ்ருஷ்டோ ப⁴ரத்³வாஜோ ப⁴ரதம் வாக்யமப்³ரவீத் ।
அபி க்ருத்யம் க்ருதம் தாத ராமேண ச ஸமாக³தம் ॥ 7 ॥

ஏவமுக்த꞉ ஸ து ததோ ப⁴ரத்³வாஜேந தீ⁴மதா ।
ப்ரத்யுவாச ப⁴ரத்³வாஜம் ப⁴ரதோ ப்⁴ராத்ருவத்ஸல꞉ ॥ 8 ॥

ஸ யாச்யமாநோ கு³ருணா மயா ச த்³ருட⁴விக்ரம꞉ ।
ராக⁴வ꞉ பரமப்ரீதோ வஸிஷ்ட²ம் வாக்யமப்³ரவீத் ॥ 9 ॥

பிது꞉ ப்ரதிஜ்ஞாம் தாமேவ பாலயிஷ்யாமி தத்த்வத꞉ ।
சதுர்த³ஶ ஹி வர்ஷாணி யா ப்ரதிஜ்ஞா பிதுர்மம ॥ 10 ॥

ஏவமுக்தோ மஹாப்ராஜ்ஞோ வஸிஷ்ட²꞉ ப்ரத்யுவாச ஹ ।
வாக்யஜ்ஞோ வாக்யகுஶலம் ராக⁴வம் வசநம் மஹத் ॥ 11 ॥

ஏதே ப்ரயச்ச² ஸம்ஹ்ருஷ்ட꞉ பாது³கே ஹேமபூ⁴ஷிதே ।
அயோத்⁴யாயாம் மஹாப்ராஜ்ஞ யோக³க்ஷேமகரே தவ ॥ 12 ॥

ஏவமுக்தோ வஸிஷ்டே²ந ராக⁴வ꞉ ப்ராங்முக²꞉ ஸ்தி²த꞉ ।
பாது³கே அதி⁴ருஹ்யைதே மம ராஜ்யாய வை த³தௌ³ ॥ 13 ॥

நிவ்ருத்தோ(அ)ஹமநுஜ்ஞாதோ ராமேண ஸுமஹாத்மநா ।
அயோத்⁴யாமேவ க³ச்சா²மி க்³ருஹீத்வா பாது³கே ஶுபே⁴ ॥ 14 ॥

ஏதச்ச்²ருத்வா ஶுப⁴ம் வாக்யம் ப⁴ரதஸ்ய மஹாத்மந꞉ ।
ப⁴ரத்³வாஜ꞉ ஶுப⁴தரம் முநிர்வாக்யமுவாச தம் ॥ 15 ॥

நைதச்சித்ரம் நரவ்யாக்⁴ர ஶீலவ்ருத்தவதாம் வர ।
யதா³ர்யம் த்வயி திஷ்டே²த்து நிம்நே ஸ்ருஷ்டமிவோத³கம் ॥ 16 ॥

அம்ருத꞉ ஸ மஹாபா³ஹு꞉ பிதா த³ஶரத²ஸ்தவ ।
யஸ்ய த்வமீத்³ருஶ꞉ புத்ரோ த⁴ர்மஜ்ஞோ த⁴ர்மவத்ஸல꞉ ॥ 17 ॥

தம்ருஷிம் து மஹாத்மாநமுக்தவாக்யம் க்ருதாஞ்ஜலி꞉ ।
ஆமந்த்ரயிதுமாரேபே⁴ சரணாவுபக்³ருஹ்ய ச ॥ 18 ॥

தத꞉ ப்ரத³க்ஷிணம் க்ருத்வா ப⁴ரத்³வாஜம் புந꞉புந꞉ ।
ப⁴ரதஸ்து யயௌ ஶ்ரீமாநயோத்⁴யாம் ஸஹ மந்த்ரிபி⁴꞉ ॥ 19 ॥

யாநைஶ்ச ஶகடைஶ்சைவ ஹயைர்நாகை³ஶ்ச ஸா சமூ꞉ ।
புநர்நிவ்ருத்தா விஸ்தீர்ணா ப⁴ரதஸ்யாநுயாயிநீ ॥ 20 ॥

ததஸ்தே யமுநாம் தி³வ்யாம் நதீ³ம் தீர்த்வோர்மிமாலிநீம் ।
த³த்³ருஶுஸ்தாம் புந꞉ ஸர்வே க³ங்கா³ம் ஶுப⁴ஜலாம் நதீ³ம் ॥ 21 ॥

தாம் ரம்யஜலஸம்பூர்ணாம் ஸந்தீர்ய ஸஹபா³ந்த⁴வ꞉ ।
ஶ்ருங்கி³பே³ரபுரம் ரம்யம் ப்ரவிவேஶ ஸஸைநிக꞉ ॥ 22 ॥

ஶ்ருங்கி³பே³ரபுராத்³பூ⁴யஸ்த்வயோத்⁴யாம் ஸந்த³த³ர்ஶ ஹ ।
அயோத்⁴யாம் ச ததோ த்³ருஷ்ட்வா பித்ரா ப்⁴ராத்ரா விவர்ஜிதாம் ॥ 23 ॥

ப⁴ரதோ து³꞉க²ஸந்தப்த꞉ ஸாரதி²ம் சேத³மப்³ரவீத் ।
ஸாரதே² பஶ்ய வித்⁴வஸ்தா ஸா(அ)யோத்⁴யா ந ப்ரகாஶதே ।
நிராகாரா நிராநந்தா³ தீ³நா ப்ரதிஹதஸ்வரா ॥ 24 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அயோத்⁴யாகாண்டே³ த்ரயோத³ஶோத்தரஶததம꞉ ஸர்க³꞉ ॥ 113 ॥

அயோத்⁴யாகாண்ட³ சதுர்த³ஶோத்தரஶததம꞉ ஸர்க³꞉ (114) >>

---

ஸம்பூர்ண வால்மீகி ராமாயணே அயோத்⁴யகாண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.