Devi Narayaniyam Dasakam 6 – ஷஷ்ட² த³ஶகம் (6) – வ்யாஸநாரத³ஸமாக³மம்

ஸ்தோத்ரநிதி → தே³வீ நாராயணீயம் → ஷஷ்ட² த³ஶகம் (6) – வ்யாஸநாரத³ஸமாக³மம்

த்வதி³ச்ச²யா தே³வி புலஸ்த்யவாசா
பராஶராத்³விஷ்ணுபுராணகர்து꞉ ।
முநேர்ஹரிர்லோகஹிதாய தீ³பா-
-த்³யதா² ப்ரதீ³போ(அ)ஜநி க்ருஷ்ணநாமா ॥ 6-1 ॥

வேத³ம் சதுர்தா⁴ வ்யத³த⁴த்ஸ க்ருஷ்ண-
-த்³வைபாயநோ வ்யாஸ இதி ப்ரஸித்³த⁴꞉ ।
வேதா³ந்தஸூத்ராணி புராணஜாலம்
மஹேதிஹாஸம் ச மஹாம்ஶ்சகார ॥ 6-2 ॥

தப꞉ ப்ரவ்ருத்த꞉ கலவிங்கபோதம்
மாத்ரா ஸ ஸம்லாலிதமாஶ்ரமாந்தே ।
பஶ்யந்நத⁴ந்யாமநபத்யதாம் ஸ்வாம்
ஸபுத்ரபா⁴க்³யாதிஶயம் ச த³த்⁴யௌ ॥ 6-3 ॥

ஸத்புத்ரளாபா⁴ய தபஶ்சிகீர்ஷு-
-ஸ்தீவ்ரம் மஹாமேருஸமீபமேத்ய ।
ஆராத⁴நீய꞉ க இதி க்ஷணம் ஸ
சிந்தாதுரோ லோககு³ரு꞉ ஸ்தி²தோ(அ)பூ⁴த் ॥ 6-4 ॥

ஶ்ரீநாரத³ஸ்தத்ர ஸமாக³தஸ்த்வ-
-த்க்ருபாகடாக்ஷாங்குரவந்மஹர்ஷி꞉ ।
அர்க்⁴யாதி³ஸம்பூஜித ஆஸநஸ்தோ²
வ்யாஸேந ப்ருஷ்ட꞉ ப்ரஹஸந்நிவாஹ ॥ 6-5 ॥

கிம் சிந்தயா க்ருஷ்ண ப⁴ஜஸ்வ தே³வீம்
க்ருபாவதீ வாஞ்சி²ததா³நத³க்ஷா ।
அஹேதுரேஷா க²லு ஸர்வஹேது-
-ர்நிரஸ்தஸாம்யாதிஶயா நிரீஹா ॥ 6-6 ॥

ஸைஷா மஹாஶக்திரிதி ப்ரஸித்³தா⁴
யதா³ஜ்ஞயா ப்³ரஹ்மரமேஶருத்³ரா꞉ ।
ப்³ரஹ்மாண்ட³ஸர்க³ஸ்தி²திஸம்ஹ்ருதீஶ்ச
குர்வந்தி காலே ந ச தே ஸ்வதந்த்ரா꞉ ॥ 6-7 ॥

யஸ்யாஶ்ச தே ஶக்திபி⁴ரேவ ஸர்வ-
-கர்மாணி குர்வந்தி ஸுராஸுராத்³யா꞉ ।
மர்த்யா ம்ருகா³꞉ க்ருஷ்ண பதத்ரிணஶ்ச
ஶக்தேர்விதே⁴யா꞉ க இஹாவிதே⁴ய꞉ ॥ 6-8 ॥

ப்ரத்யக்ஷமுக்²யைர்ந ச ஸா ப்ரமாணை-
-ர்ஜ்ஞேயா தபோபி⁴꞉ கடி²நைர்வ்ரதைஶ்ச ।
ந வேத³ஶாஸ்த்ராத்⁴யயநேந சாபி
ப⁴க்த்யைவ ஜாநாதி புமாந் மஹேஶீம் ॥ 6-9 ॥

தாமேவ ப⁴க்த்யா ஸததம் ப⁴ஜஸ்வ
ஸர்வார்த²தா³ம் க்ருஷ்ண தவாஸ்து ப⁴த்³ரம் ।
இத்யூசுஷி ப்³ரஹ்மஸுதே க³தே ஸ
வ்யாஸஸ்தபோ(அ)ர்த²ம் கி³ரிமாருரோஹ ॥ 6-10 ॥

இஹாஸ்மி பர்யாகுலசித்தவ்ருத்தி-
-ர்கு³ரும் ந பஶ்யாமி மஹத்தமம் ச ।
ஸந்மார்க³தோ மாம் நய விஶ்வமாத꞉
ப்ரஸீத³ மே த்வாம் ஶரணம் வ்ரஜாமி ॥ 6-11 ॥

ஸப்தம த³ஶகம் (7) – ஶுகோத்பத்தி꞉ >>

---

ஸம்பூர்ண தே³வீ நாராயணீயம் பார்க்க.

---