Devi Narayaniyam Dasakam 5 – பஞ்சம த³ஶகம் (5) – ஸுத்³யும்நகதா²

ஸ்தோத்ரநிதி → தே³வீ நாராயணீயம் → பஞ்சம த³ஶகம் (5) – ஸுத்³யும்நகதா²

ஜாதா ஸுதேலா மநுஸப்தமஸ்ய
ஸம்ப்ரார்தி²தோ(அ)நேந முநிர்வஸிஷ்ட²꞉ ।
ஶம்போ⁴꞉ கடாக்ஷேண ஸுதாம் குமாரம்
சக்ரே ஸ காலேந ப³பூ⁴வ ராஜா ॥ 5-1 ॥

ஸுத்³யும்நநாமா ம்ருக³யாவிஹாரீ
க³தோ ஹயாரூட⁴ இலாவ்ருதம் ஸ꞉ ।
ஸ்த்ரீத்வம் புந꞉ ப்ராப்ய ஸுதம் ஹிமாம்ஶோ-
-ர்வவ்ரே பதிம் புத்ரமஸூத சைஷா ॥ 5-2 ॥

ந்யவேத³யத்ஸா கு³ரவே வஸிஷ்டா²-
-யைஷா கதா³சிந்நிஜபும்ஸ்த்வகாமம் ।
தத்ஸாத⁴நார்த²ம் ஹரமேவ த³த்⁴யௌ
முநி꞉ ப்ரஸந்நஸ்தமுவாச ஶம்பு⁴꞉ ॥ 5-3 ॥

இலாவ்ருதம் மா புருஷ꞉ ப்ரயாது
ப்ரயாதி சேத்ஸோ(அ)ஸ்த்வப³லா ததை³வ ।
ஏவம் மயா நிஶ்சிதமேவ ஸௌம்ய
கௌ³ர்யா꞉ ப்ரஸாதா³ய ப⁴வாந் ப்ரியோ மே ॥ 5-4 ॥

ந பக்ஷபே⁴தோ³(அ)த்ர மமாஸ்தி கௌ³ரீ
ப⁴வாம்ஶ்ச த்ருப்தௌ ப⁴வதாம் மதீ³யௌ ।
இத꞉ பரம் தஸ்ய மநோரபத்யம்
மாஸம் புமாந் ஸ்யாத்³வநிதா ச மாஸம் ॥ 5-5 ॥

ஏவம் ஶிவோக்தேந மநோரபத்யம்
லப்³த்⁴வா ச பும்ஸ்த்வம் த⁴ரணீம் ஶஶாஸ ।
ஸ்த்ரீத்வே ச ஹர்ம்யேஷு நிநாய காலம்
ஜநோ ந சைநம் ந்ருபமப்⁴யநந்த³த் ॥ 5-6 ॥

புரூரவஸ்யாத்மஸுதே(அ)ர்பயித்வா
ராஜ்யம் விரக்தோ வநமேத்ய பூ⁴ப꞉ ।
ஶ்ரீநாரதா³ள்லப்³த⁴நவார்ணமந்த்ரோ
ப⁴க்த்யா ஸ த³த்⁴யௌ ப⁴வதாரிணீம் த்வாம் ॥ 5-7 ॥

ஸிம்ஹாதி⁴ரூடா⁴மருணாப்³ஜநேத்ராம்
த்வாம் ஸுப்ரஸந்நாமபி⁴வீக்ஷ்ய நத்வா ।
ஸ்துத்வா ச ப⁴க்த்யா ஸ்தி²ரபும்ஸ்த்வமேஷ
லேபே⁴(அ)த² ஸாயுஜ்யமவாப சாந்தே ॥ 5-8 ॥

ஶௌர்யம் ந வீர்யம் ந ச பௌருஷம் மே
நைவாஸ்தி ச ஸ்த்ரீஸஹஜா திதிக்ஷா ।
மூடோ⁴ ந ஜாநாம்யஶுப⁴ம் ஶுப⁴ம் ச
தே³யம் த்வயா மே ஶுப⁴மேவ மாத꞉ ॥ 5-9 ॥

பஶ்யாநி மாத꞉ ப்ரவராந் கு³ரும்ஸ்தே
காருண்யதோ மாம் ஸுபதா² நயந்து ।
ஸத்ஸங்க³ஸம்பா⁴விதசித்தவ்ருத்தி-
-ர்ப⁴வாநி தே தே³வி நம꞉ ப்ரஸீத³ ॥ 5-10 ॥

ஷஷ்ட² த³ஶகம் (6) – வ்யாஸநாரத³ஸமாக³மம் >>

---

ஸம்பூர்ண தே³வீ நாராயணீயம் பார்க்க.

---