Yuddha Kanda Sarga 118 – யுத்³த⁴காண்ட³ அஷ்டாத³ஶோத்தரஶததம꞉ ஸர்க³꞉ (118)

ஸ்தோத்ரநிதி → வால்மீகி ராமாயணே யுத்³த⁴காண்ட³ → யுத்³த⁴காண்ட³ அஷ்டாத³ஶோத்தரஶததம꞉ ஸர்க³꞉ (118)

॥ ஸீதாப்ரத்யாதே³ஶ꞉ ॥

தாம் து பார்ஶ்வஸ்தி²தாம் ப்ரஹ்வாம் ராம꞉ ஸம்ப்ரேக்ஷ்ய மைதி²லீம் ।
ஹ்ருத³யாந்தர்க³தக்ரோதோ⁴ வ்யாஹர்துமுபசக்ரமே ॥ 1 ॥

ஏஷா(அ)ஸி நிர்ஜிதா ப⁴த்³ரே ஶத்ரும் ஜித்வா மயா ரணே ।
பௌருஷாத்³யத³நுஷ்டே²யம் ததே³தது³பபாதி³தம் ॥ 2 ॥

க³தோ(அ)ஸ்ம்யந்தமமர்ஷஸ்ய த⁴ர்ஷணா ஸம்ப்ரமார்ஜிதா ।
அவமாநஶ்ச ஶத்ருஶ்ச மயா யுக³பது³த்³த்⁴ருதௌ ॥ 3 ॥

அத்³ய மே பௌருஷம் த்³ருஷ்டமத்³ய மே ஸப²ல꞉ ஶ்ரம꞉ ।
அத்³ய தீர்ணப்ரதிஜ்ஞத்வாத்ப்ரப⁴வாமீஹ சாத்மந꞉ ॥ 4 ॥

யா த்வம் விரஹிதா நீதா சலசித்தேந ரக்ஷஸா ।
தை³வஸம்பாதி³தோ தோ³ஷோ மாநுஷேண மயா ஜித꞉ ॥ 5 ॥

ஸம்ப்ராப்தமவமாநம் யஸ்தேஜஸா ந ப்ரமார்ஜதி ।
கஸ்தஸ்ய புருஷார்தோ²(அ)ஸ்தி புருஷஸ்யாள்பதேஜஸ꞉ ॥ 6 ॥

லங்க⁴நம் ச ஸமுத்³ரஸ்ய லங்காயாஶ்சாவமர்த³நம் ।
ஸப²லம் தஸ்ய தச்ச்²லாக்⁴யம் மஹத்கர்ம ஹநூமத꞉ ॥ 7 ॥

யுத்³தே⁴ விக்ரமதஶ்சைவ ஹிதம் மந்த்ரயதஶ்ச மே ।
ஸுக்³ரீவஸ்ய ஸஸைந்யஸ்ய ஸப²லோ(அ)த்³ய பரிஶ்ரம꞉ ॥ 8 ॥

நிர்கு³ணம் ப்⁴ராதரம் த்யக்த்வா யோ மாம் ஸ்வயமுபஸ்தி²த꞉ ।
விபீ⁴ஷணஸ்ய ப⁴க்தஸ்ய ஸப²லோ(அ)த்³ய பரிஶ்ரம꞉ ॥ 9 ॥

இத்யேவம் ப்³ருவதஸ்தஸ்ய ஸீதா ராமஸ்ய தத்³வச꞉ ।
ம்ருகீ³வோத்பு²ல்லநயநா ப³பூ⁴வாஶ்ருபரிப்லுதா ॥ 10 ॥

பஶ்யதஸ்தாம் து ராமஸ்ய பூ⁴ய꞉ க்ரோதோ⁴ வ்யவர்த⁴த ।
ப்ரபூ⁴தாஜ்யாவஸிக்தஸ்ய பாவகஸ்யேவ தீ³ப்யத꞉ ॥ 11 ॥

ஸ ப³த்³த்⁴வா ப்⁴ருகுடீம் வக்த்ரே திர்யக்ப்ரேக்ஷிதலோசந꞉ ।
அப்³ரவீத்பருஷம் ஸீதாம் மத்⁴யே வாநரரக்ஷஸாம் ॥ 12 ॥

யத்கர்தவ்யம் மநுஷ்யேண த⁴ர்ஷணாம் பரிமார்ஜதா ।
தத்க்ருதம் ஸகலம் ஸீதே ஶத்ருஹஸ்தாத³மர்ஷணாத் ॥ 13 ॥

நிர்ஜிதா ஜீவலோகஸ்ய தபஸா பா⁴விதாத்மநா ।
அக³ஸ்த்யேந து³ராத⁴ர்ஷா முநிநா த³க்ஷிணேவ தி³க் ॥ 14 ॥

விதி³தஶ்சாஸ்து தே ப⁴த்³ரே யோ(அ)யம் ரணபரிஶ்ரம꞉ ।
ஸ தீர்ண꞉ ஸுஹ்ருதா³ம் வீர்யாந்ந த்வத³ர்த²ம் மயா க்ருத꞉ ॥ 15 ॥

ரக்ஷதா து மயா வ்ருத்தமபவாத³ம் ச ஸர்வஶ꞉ ।
ப்ரக்²யாதஸ்யாத்மவம்ஶஸ்ய ந்யங்க³ம் ச பரிரக்ஷதா ॥ 16 ॥

ப்ராப்தசாரித்ரஸந்தே³ஹா மம ப்ரதிமுகே² ஸ்தி²தா ।
தீ³போ நேத்ராதுரஸ்த்யேவ ப்ரதிகூலாஸி மே த்³ருட⁴ம் ॥ 17 ॥

தத்³க³ச்ச² ஹ்யப்⁴யநுஜ்ஞாதா யதே²ஷ்டம் ஜநகாத்மஜே ।
ஏதா த³ஶ தி³ஶோ ப⁴த்³ரே கார்யமஸ்தி ந மே த்வயா ॥ 18 ॥

க꞉ புமாந்ஹி குலே ஜாத꞉ ஸ்த்ரியம் பரக்³ருஹோஷிதாம் ।
தேஜஸ்வீ புநராத³த்³யாத்ஸுஹ்ருல்லேக்²யேந சேதஸா ॥ 19 ॥

ராவணாங்கபரிப்⁴ரஷ்டாம் த்³ருஷ்டாம் து³ஷ்டேந சக்ஷுஷா ।
கத²ம் த்வாம் புநராத³த்³யாம் குலம் வ்யபதி³ஶந்மஹத் ॥ 20 ॥

தத³ர்த²ம் நிர்ஜிதா மே த்வம் யஶ꞉ ப்ரத்யாஹ்ருதம் மயா ।
நாஸ்தி மே த்வய்யபி⁴ஷ்வங்கோ³ யதே²ஷ்டம் க³ம்யதாமித꞉ ॥ 21 ॥

இதி ப்ரவ்யாஹ்ருதம் ப⁴த்³ரே மயைதத்க்ருதபு³த்³தி⁴நா ।
லக்ஷ்மணே ப⁴ரதே வா த்வம் குரு பு³த்³தி⁴ம் யதா²ஸுக²ம் ॥ 22 ॥

ஸுக்³ரீவே வாநரேந்த்³ரே வா ராக்ஷஸேந்த்³ரே விபீ⁴ஷணே ।
நிவேஶய மந꞉ ஸீதே யதா² வா ஸுக²மாத்மந꞉ ॥ 23 ॥

ந ஹி த்வாம் ராவணோ த்³ருஷ்ட்வா தி³வ்யரூபாம் மநோரமாம் ।
மர்ஷயேத சிரம் ஸீதே ஸ்வக்³ருஹே பரிவர்திநீம் ॥ 24 ॥

தத꞉ ப்ரியார்ஹஶ்ரவணா தத³ப்ரியம்
ப்ரியாது³பஶ்ருத்ய சிரஸ்ய மைதி²லீ ।
முமோச பா³ஷ்பம் ஸுப்⁴ருஶம் ப்ரவேபிதா
க³ஜேந்த்³ரஹஸ்தாபி⁴ஹதேவ ஸல்லகீ ॥ 25 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ அஷ்டாத³ஶோத்தரஶததம꞉ ஸர்க³꞉ ॥ 118 ॥

யுத்³த⁴காண்ட³ ஏகோநவிம்ஶத்யுத்தரஶததம꞉ ஸர்க³꞉ (119) >>

---

ஸம்பூர்ண வால்மீகி ராமாயணே யுத்³த⁴காண்ட³ பார்க்க.

---