Yuddha Kanda Sarga 86 – யுத்³த⁴காண்ட³ ஷட³ஶீதிதம꞉ ஸர்க³꞉ (86)

ஸ்தோத்ரநிதி → வால்மீகி ராமாயணே யுத்³த⁴காண்ட³ → யுத்³த⁴காண்ட³ ஷட³ஶீதிதம꞉ ஸர்க³꞉ (86)

॥ ராவணிப³லகத³நம் ॥

அத² தஸ்யாமவஸ்தா²யாம் லக்ஷ்மணம் ராவணாநுஜ꞉ ।
பரேஷாமஹிதம் வாக்யமர்த²ஸாத⁴கமப்³ரவீத் ॥ 1 ॥

யதே³தத்³ராக்ஷஸாநீகம் மேக⁴ஶ்யாமம் விளோக்யதே ।
ஏததா³யோத்⁴யதாம் ஶீக்⁴ரம் கபிபி⁴꞉ பாத³பாயுதை⁴꞉ ॥ 2 ॥

அஸ்யாநீகஸ்ய மஹதோ பே⁴த³நே யத லக்ஷ்மண ।
ராக்ஷஸேந்த்³ரஸுதோ(அ)ப்யத்ர பி⁴ந்நே த்³ருஶ்யோ ப⁴விஷ்யதி ॥ 3 ॥

ஸ த்வமிந்த்³ராஶநிப்ரக்²யை꞉ ஶரைரவகிரந்பராந் ।
அபி⁴த்³ரவாஶு யாவத்³வை நைதத்கர்ம ஸமாப்யதே ॥ 4 ॥

ஜஹி வீர து³ராத்மாநம் மாயாபரமதா⁴ர்மிகம் ।
ராவணிம் க்ரூரகர்மாணம் ஸர்வலோகப⁴யாவஹம் ॥ 5 ॥

விபீ⁴ஷணவச꞉ ஶ்ருத்வா லக்ஷ்மண꞉ ஶுப⁴லக்ஷண꞉ ।
வவர்ஷ ஶரவர்ஷாணி ராக்ஷஸேந்த்³ரஸுதம் ப்ரதி ॥ 6 ॥

ருக்ஷா꞉ ஶாகா²ம்ருகா³ஶ்சாபி த்³ருமாத்³ரிநக²யோதி⁴ந꞉ ।
அப்⁴யதா⁴வந்த ஸஹிதாஸ்தத³நீகமவஸ்தி²தம் ॥ 7 ॥

ராக்ஷஸாஶ்ச ஶிதைர்பா³ணைரஸிபி⁴꞉ ஶக்திதோமரை꞉ ।
உத்³யதை꞉ ஸமவர்தந்த கபிஸைந்யஜிகா⁴ம்ஸவ꞉ ॥ 8 ॥

ஸ ஸம்ப்ரஹாரஸ்துமுல꞉ ஸஞ்ஜஜ்ஞே கபிராக்ஷஸாம் ।
ஶப்³தே³ந மஹதா லங்காம் நாத³யந்வை ஸமந்தத꞉ ॥ 9 ॥

ஶஸ்த்ரைஶ்ச ப³ஹுதா⁴காரை꞉ ஶிதைர்பா³ணைஶ்ச பாத³பை꞉ ।
உத்³யதைர்கி³ரிஶ்ருங்கை³ஶ்ச கோ⁴ரைராகாஶமாவ்ருதம் ॥ 10 ॥

தே ராக்ஷஸா வாநரேஷு விக்ருதாநநபா³ஹவ꞉ ।
நிவேஶயந்த꞉ ஶஸ்த்ராணி சக்ருஸ்தே ஸுமஹத்³ப⁴யம் ॥ 11 ॥

ததை²வ ஸகலைர்வ்ருக்ஷைர்கி³ரிஶ்ருங்கை³ஶ்ச வாநரா꞉ ।
அபி⁴ஜக்⁴நுர்நிஜக்⁴நுஶ்ச ஸமரே ராக்ஷஸர்ஷபா⁴ந் ॥ 12 ॥

ருக்ஷவாநரமுக்²யைஶ்ச மஹாகாயைர்மஹாப³லை꞉ ।
ரக்ஷஸாம் வத்⁴யமாநாநாம் மஹத்³ப⁴யமஜாயத ॥ 13 ॥

ஸ்வமநீகம் விஷண்ணம் து ஶ்ருத்வா ஶத்ருபி⁴ரார்தி³தம் ।
உத³திஷ்ட²த து³ர்த⁴ர்ஷஸ்தத்கர்மண்யநநுஷ்டி²தே ॥ 14 ॥

வ்ருக்ஷாந்த⁴காராந்நிர்க³த்ய ஜாதக்ரோத⁴꞉ ஸ ராவணி꞉ ।
ஆருரோஹ ரத²ம் ஸஜ்ஜம் பூர்வயுக்தம் ஸ ராக்ஷஸ꞉ ॥ 15 ॥

ஸ பீ⁴மகார்முகத⁴ர꞉ காலமேக⁴ஸமப்ரப⁴꞉ ।
ரக்தாஸ்யநயந꞉ க்ருத்³தோ⁴ ப³பௌ⁴ ம்ருத்யுரிவாந்தக꞉ ॥ 16 ॥

த்³ருஷ்ட்வைவ து ரத²ஸ்த²ம் தம் பர்யவர்தத தத்³ப³லம் ।
ரக்ஷஸாம் பீ⁴மவேகா³நாம் லக்ஷ்மணேந யுயுத்ஸதாம் ॥ 17 ॥

தஸ்மிந்காலே து ஹநுமாநுத்³யம்ய ஸுது³ராஸத³ம் ।
த⁴ரணீத⁴ரஸங்காஶோ மஹாவ்ருக்ஷமரிந்த³ம꞉ ॥ 18 ॥

ஸ ராக்ஷஸாநாம் தத்ஸைந்யம் காலாக்³நிரிவ நிர்த³ஹந் ।
சகார ப³ஹுபி⁴ர்வ்ருக்ஷைர்நி꞉ஸஞ்ஜ்ஞம் யுதி⁴ வாநர꞉ ॥ 19 ॥

வித்⁴வம்ஸயந்தம் தரஸா த்³ருஷ்ட்வைவ பவநாத்மஜம் ।
ராக்ஷஸாநாம் ஸஹஸ்ராணி ஹநுமந்தமவாகிரந் ॥ 20 ॥

ஶிதஶூலத⁴ரா꞉ ஶூலைரஸிபி⁴ஶ்சாஸிபாணய꞉ ।
ஶக்திபி⁴꞉ ஶக்திஹஸ்தாஶ்ச பட்டிஶை꞉ பட்டிஶாயுதா⁴꞉ ॥ 21 ॥

பரிகை⁴ஶ்ச க³தா³பி⁴ஶ்ச சக்ரைஶ்ச ஶுப⁴த³ர்ஶநை꞉ ।
ஶதஶஶ்ச ஶதக்⁴நீபி⁴ராயஸைரபி முத்³க³ரை꞉ ॥ 22 ॥

கௌ⁴ரை꞉ பரஶ்வதை⁴ஶ்சைவ பி⁴ந்தி³பாலைஶ்ச ராக்ஷஸா꞉ ।
முஷ்டிபி⁴ர்வஜ்ரகல்பைஶ்ச தலைரஶநிஸந்நிபை⁴꞉ ॥ 23 ॥

அபி⁴ஜக்⁴நு꞉ ஸமாஸாத்³ய ஸமந்தாத்பர்வதோபமம் ।
தேஷாமபி ச ஸங்க்ருத்³த⁴ஶ்சகார கத³நம் மஹத் ॥ 24 ॥

ஸ த³த³ர்ஶ கபிஶ்ரேஷ்ட²மசலோபமமிந்த்³ரஜித் ।
ஸூத³யந்தமமித்ரக்⁴நமமித்ராந்பவநாத்மஜம் ॥ 25 ॥

ஸ ஸாரதி²முவாசேத³ம் யாஹி யத்ரைஷ வாநர꞉ ।
க்ஷயமேஷ ஹி ந꞉ குர்யாத்³ராக்ஷஸாநாமுபேக்ஷித꞉ ॥ 26 ॥

இத்யுக்த꞉ ஸாரதி²ஸ்தேந யயௌ யத்ர ஸ மாருதி꞉ ।
வஹந்பரமது³ர்த⁴ர்ஷம் ஸ்தி²தமிந்த்³ரஜிதம் ரதே² ॥ 27 ॥

ஸோ(அ)ப்⁴யுபேத்ய ஶராந்க²ட்³கா³ந்பட்டிஶாம்ஶ்ச பரஶ்வதா⁴ந் ।
அப்⁴யவர்ஷத து³ர்த⁴ர்ஷ꞉ கபிமூர்த்⁴நி ஸ ராக்ஷஸ꞉ ॥ 28 ॥

தாநி ஶஸ்த்ராணி கோ⁴ராணி ப்ரதிக்³ருஹ்ய ஸ மாருதி꞉ ।
ரோஷேண மஹதா(ஆ)விஷ்டோ வாக்யம் சேத³முவாச ஹ ॥ 29 ॥

யுத்⁴யஸ்வ யதி³ ஶூரோ(அ)ஸி ராவணாத்மஜ து³ர்மதே ।
வாயுபுத்ரம் ஸமாஸாத்³ய ஜீவந்ந ப்ரதியாஸ்யஸி ॥ 30 ॥

பா³ஹுப்⁴யாம் ப்ரதியுத்⁴யஸ்வ யதி³ மே த்³வந்த்³வமாஹவே ।
வேக³ம் ஸஹஸ்வ து³ர்பு³த்³தே⁴ ததஸ்த்வம் ரக்ஷஸாம் வர꞉ ॥ 31 ॥

ஹநுமந்தம் ஜிகா⁴ம்ஸந்தம் ஸமுத்³யதஶராஸநம் ।
ராவணாத்மஜமாசஷ்டே லக்ஷ்மணாய விபீ⁴ஷண꞉ ॥ 32 ॥

ய꞉ ஸ வாஸவநிர்ஜேதா ராவணஸ்யாத்மஸம்ப⁴வ꞉ ।
ஸ ஏஷ ரத²மாஸ்தா²ய ஹநுமந்தம் ஜிகா⁴ம்ஸதி ॥ 33 ॥

தமப்ரதிமஸம்ஸ்தா²நை꞉ ஶரை꞉ ஶத்ருவிதா³ரணை꞉ ।
ஜீவிதாந்தகரைர்கோ⁴ரை꞉ ஸௌமித்ரே ராவணிம் ஜஹி ॥ 34 ॥

இத்யேவமுக்தஸ்து ததா³ மஹாத்மா
விபீ⁴ஷணேநாரிவிபீ⁴ஷணேந ।
த³த³ர்ஶ தம் பர்வதஸந்நிகாஶம்
ரணே ஸ்தி²தம் பீ⁴மப³லம் நத³ந்தம் ॥ 35 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ ஷட³ஶீதிதம꞉ ஸர்க³꞉ ॥ 86 ॥

யுத்³த⁴காண்ட³ ஸப்தாஶீதிதம꞉ ஸர்க³꞉ (87) >>

---

ஸம்பூர்ண வால்மீகி ராமாயணே யுத்³த⁴காண்ட³ பார்க்க

---