Read in తెలుగు / ಕನ್ನಡ / தமிழ் / देवनागरी / English (IAST)
॥ ஸீதாஶ்வாஸநம் ॥
ப⁴ர்தாரம் நிஹதம் த்³ருஷ்ட்வா லக்ஷ்மணம் ச மஹாப³லம் ।
விளலாப ப்⁴ருஶம் ஸீதா கருணம் ஶோககர்ஶிதா ॥ 1 ॥
ஊசுர்லக்ஷணிநோ யே மாம் புத்ரிண்யவித⁴வேதி ச ।
தே(அ)த்³ய ஸர்வே ஹதே ராமே ஜ்ஞாநிநோ(அ)ந்ருதவாதி³ந꞉ ॥ 2 ॥
யஜ்வநோ மஹிஷீம் யே மாமூசு꞉ பத்நீம் ச ஸத்ரிண꞉ ।
தே(அ)த்³ய ஸர்வே ஹதே ராமே ஜ்ஞாநிநோ(அ)ந்ருதவாதி³ந꞉ ॥ 3 ॥
ஊசு꞉ ஸம்ஶ்ரவணே யே மாம் த்³விஜா꞉ கார்தாந்திகா꞉ ஶுபா⁴ம் ।
தே(அ)த்³ய ஸர்வே ஹதே ராமே ஜ்ஞாநிநோ(அ)ந்ருதவாதி³ந꞉ ॥ 4 ॥
வீரபார்தி²வபத்நீ த்வம் யே த⁴ந்யேதி ச மாம் விது³꞉ ।
தே(அ)த்³ய ஸர்வே ஹதே ராமே ஜ்ஞாநிநோ(அ)ந்ருதவாதி³ந꞉ ॥ 5 ॥
இமாநி க²லு பத்³மாநி பாத³யோர்யை꞉ கில ஸ்த்ரிய꞉ ।
ஆதி⁴ராஜ்யே(அ)பி⁴ஷிச்யந்தே நரேந்த்³ரை꞉ பதிபி⁴꞉ ஸஹ ॥ 6 ॥
வைத⁴வ்யம் யாந்தி யைர்நார்யோ லக்ஷணைர்பா⁴க்³யது³ர்லபா⁴꞉ ।
நாத்மநஸ்தாநி பஶ்யாமி பஶ்யந்தீ ஹதலக்ஷணா ॥ 7 ॥
ஸத்யநாமாநி பத்³மாநி ஸ்த்ரீணாமுக்தாநி லக்ஷணை꞉ ।
தாந்யத்³ய நிஹதே ராமே விததா²நி ப⁴வந்தி மே ॥ 8 ॥
கேஶா꞉ ஸூக்ஷ்மா꞉ ஸமா நீலா ப்⁴ருவௌ சாஸங்க³தே மம ।
வ்ருத்தே சாரோமஶே ஜங்கே⁴ த³ந்தாஶ்சாவிரளா மம ॥ 9 ॥
ஶங்கே² நேத்ரே கரௌ பாதௌ³ கு³ள்பா²வூரூ ச மே சிதௌ ।
அநுவ்ருத்தநகா²꞉ ஸ்நிக்³தா⁴꞉ ஸமாஶ்சாங்கு³ளயோ மம ॥ 10 ॥
ஸ்தநௌ சாவிரளௌ பீநௌ மமேமௌ மக்³நசூசுகௌ ।
மக்³நா சோத்ஸங்கி³நீ நாபி⁴꞉ பார்ஶ்வோரஸ்காஶ்ச மே சிதா꞉ ॥ 11 ॥
மம வர்ணோ மணிநிபோ⁴ ம்ருதூ³ந்யங்க³ருஹாணி ச ।
ப்ரதிஷ்டி²தாம் த்³வாத³ஶபி⁴ர்மாமூசு꞉ ஶுப⁴லக்ஷணாம் ॥ 12 ॥
ஸமக்³ரயவமச்சி²த்³ரம் பாணிபாத³ம் ச வர்ணவத் ।
மந்த³ஸ்மிதேத்யேவ ச மாம் கந்யாளக்ஷணிநோ த்³விஜா꞉ ॥ 13 ॥
ஆதி⁴ராஜ்யே(அ)பி⁴ஷேகோ மே ப்³ராஹ்மணை꞉ பதிநா ஸஹ ।
க்ருதாந்தகுஶலைருக்தம் தத்ஸர்வம் விததீ²க்ருதம் ॥ 14 ॥
ஶோத⁴யித்வா ஜநஸ்தா²நம் ப்ரவ்ருத்திமுபலப்⁴ய ச ।
தீர்த்வா ஸாக³ரமக்ஷோப்⁴யம் ப்⁴ராதரௌ கோ³ஷ்பதே³ ஹதௌ ॥ 15 ॥
நநு வாருணமாக்³நேயமைந்த்³ரம் வாயவ்யமேவ ச ।
அஸ்த்ரம் ப்³ரஹ்மஶிரஶ்சைவ ராக⁴வௌ ப்ரத்யபத்³யதாம் ॥ 16 ॥
அத்³ருஶ்யமாநேந ரணே மாயயா வாஸவோபமௌ ।
மம நாதா²வநாதா²யா நிஹதௌ ராமலக்ஷ்மணௌ ॥ 17 ॥
ந ஹி த்³ருஷ்டிபத²ம் ப்ராப்ய ராக⁴வஸ்ய ரணே ரிபு꞉ ।
ஜீவந்ப்ரதி நிவர்தேத யத்³யபி ஸ்யாந்மநோஜவ꞉ ॥ 18 ॥
ந காலஸ்யாதிபா⁴ரோ(அ)ஸ்தி க்ருதாந்தஶ்ச ஸுது³ர்ஜய꞉ ।
யத்ர ராம꞉ ஸஹ ப்⁴ராத்ரா ஶேதே யுதி⁴ நிபாதித꞉ ॥ 19 ॥
ந ஶோசாமி ததா² ராமம் லக்ஷ்மணம் ச மஹாப³லம் ।
நாத்மாநம் ஜநநீம் வா(அ)பி யதா² ஶ்வஶ்ரூம் தபஸ்விநீம் ॥ 20 ॥
ஸா(அ)நுசிந்தயதே நித்யம் ஸமாப்தவ்ரதமாக³தம் ।
கதா³ த்³ரக்ஷ்யாமி ஸீதாம் ச லக்ஷ்மணம் ச ஸராக⁴வம் ॥ 21 ॥
பரிதே³வயமாநாம் தாம் ராக்ஷஸீ த்ரிஜடாப்³ரவீத் ।
மா விஷாத³ம் க்ருதா² தே³வி ப⁴ர்தா(அ)யம் தவ ஜீவதி ॥ 22 ॥
காரணாநி ச வக்ஷ்யாமி மஹாந்தி ஸத்³ருஶாநி ச ।
யதே²மௌ ஜீவதோ தே³வி ப்⁴ராதரௌ ராமலக்ஷ்மணௌ ॥ 23 ॥
ந ஹி கோபபரீதாநி ஹர்ஷபர்யுத்ஸுகாநி ச ।
ப⁴வந்தி யுதி⁴ யோதா⁴நாம் முகா²நி நிஹதே பதௌ ॥ 24 ॥
இத³ம் விமாநம் வைதே³ஹி புஷ்பகம் நாம நாமத꞉ ।
தி³வ்யம் த்வாம் தா⁴ரயேந்நைவம் யத்³யேதௌ க³தஜீவிதௌ ॥ 25 ॥
ஹதவீரப்ரதா⁴நா ஹி ஹதோத்ஸாஹா நிருத்³யமா ।
ஸேநா ப்⁴ரமதி ஸங்க்²யேஷு ஹதகர்ணேவ நௌர்ஜலே ॥ 26 ॥
இயம் புநரஸம்ப்⁴ராந்தா நிருத்³விக்³நா தரஸ்விநீ ।
ஸேநா ரக்ஷதி காகுத்ஸ்தௌ² மயா ப்ரீத்யா நிவேதி³தௌ ॥ 27 ॥
ஸா த்வம் ப⁴வ ஸுவிஸ்ரப்³தா⁴ அநுமாநை꞉ ஸுகோ²த³யை꞉ ।
அஹதௌ பஶ்ய காகுத்ஸ்தௌ² ஸ்நேஹாதே³தத்³ப்³ரவீமி தே ॥ 28 ॥
அந்ருதம் நோக்தபூர்வம் மே ந ச வக்ஷ்யே கதா³சந ।
சாரித்ரஸுக²ஶீலத்வாத்ப்ரவிஷ்டாஸி மநோ மம ॥ 29 ॥
நேமௌ ஶக்யௌ ரணே ஜேதும் ஸேந்த்³ரைரபி ஸுராஸுரை꞉ ।
தாத்³ருஶம் த³ர்ஶநம் த்³ருஷ்ட்வா மயா சாவேதி³தம் தவ ॥ 30 ॥
இத³ம் ச ஸுமஹச்சிஹ்நம் ஶநை꞉ பஶ்யஸ்வ மைதி²லி ।
நி꞉ஸஞ்ஜ்ஞாவப்யுபா⁴வேதௌ நைவ லக்ஷ்மீர்வியுஜ்யதே ॥ 31 ॥
ப்ராயேண க³தஸத்த்வாநாம் புருஷாணாம் க³தாயுஷாம் ।
த்³ருஶ்யமாநேஷு வக்த்ரேஷு பரம் ப⁴வதி வைக்ருதம் ॥ 32 ॥
த்யஜ ஶோகம் ச மோஹம் ச து³꞉க²ம் ச ஜநகாத்மஜே ।
ராமலக்ஷ்மணயோரர்தே² நாத்³ய ஶக்யமஜீவிதும் ॥ 33 ॥
ஶ்ருத்வா து வசநம் தஸ்யா꞉ ஸீதா ஸுரஸுதோபமா ।
க்ருதாஞ்ஜலிருவாசேத³மேவமஸ்த்விதி மைதி²லீ ॥ 34 ॥
விமாநம் புஷ்பகம் தத்து ஸந்நிவர்த்ய மநோஜவம் ।
தீ³நா த்ரிஜடயா ஸீதா லங்காமேவ ப்ரவேஶிதா ॥ 35 ॥
ததஸ்த்ரிஜடயா ஸார்த⁴ம் புஷ்பகாத³வருஹ்ய ஸா ।
அஶோகவநிகாமேவ ராக்ஷஸீபி⁴꞉ ப்ரவேஶிதா ॥ 36 ॥
ப்ரவிஶ்ய ஸீதா ப³ஹுவ்ருக்ஷஷண்டா³ம்
தாம் ராக்ஷஸேந்த்³ரஸ்ய விஹாரபூ⁴மிம் ।
ஸம்ப்ரேக்ஷ்ய ஸஞ்சிந்த்ய ச ராஜபுத்ரௌ
பரம் விஷாத³ம் ஸமுபாஜகா³ம ॥ 37 ॥
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ அஷ்டசத்வாரிம்ஶ꞉ ஸர்க³꞉ ॥ 48 ॥
யுத்³த⁴காண்ட³ ஏகோநபஞ்சாஶ꞉ ஸர்க³꞉ (49) >>
Did you see any mistake/variation in the content above? Click here to report mistakes and corrections in Stotranidhi content.
