Read in తెలుగు / ಕನ್ನಡ / தமிழ் / देवनागरी / English (IAST)
॥ ராமநிர்வேத³꞉ ॥
கோ⁴ரேண ஶரப³ந்தே⁴ந ப³த்³தௌ⁴ த³ஶரதா²த்மஜௌ ।
நி꞉ஶ்வஸந்தௌ யதா² நாகௌ³ ஶயாநௌ ருதி⁴ரோக்ஷிதௌ ॥ 1 ॥
ஸர்வே தே வாநரஶ்ரேஷ்டா²꞉ ஸஸுக்³ரீவா மஹாப³லா꞉ ।
பரிவார்ய மஹாத்மாநௌ தஸ்து²꞉ ஶோகபரிப்லுதா꞉ ॥ 2 ॥
ஏதஸ்மிந்நந்தரே ராம꞉ ப்ரத்யபு³த்⁴யத வீர்யவாந் ।
ஸ்தி²ரத்வாத்ஸத்த்வயோகா³ச்ச ஶரை꞉ ஸந்தா³நிதோ(அ)பி ஸந் ॥ 3 ॥
ததோ த்³ருஷ்ட்வா ஸருதி⁴ரம் விஷண்ணம் கா³ட⁴மர்பிதம் ।
ப்⁴ராதரம் தீ³நவத³நம் பர்யதே³வயதா³துர꞉ ॥ 4 ॥
கிம் நு மே ஸீதயா கார்யம் கிம் கார்யம் ஜீவிதேந வா ।
ஶயாநம் யோ(அ)த்³ய பஶ்யாமி ப்⁴ராதரம் யுதி⁴ நிர்ஜிதம் ॥ 5 ॥
ஶக்யா ஸீதாஸமா நாரீ மர்த்யலோகே விசிந்வதா ।
ந லக்ஷ்மணஸமோ ப்⁴ராதா ஸசிவ꞉ ஸாம்பராயிக꞉ ॥ 6 ॥
பரித்யக்ஷ்யாம்யஹம் ப்ராணம் வாநராணாம் து பஶ்யதாம் ।
யதி³ பஞ்சத்வமாபந்ந꞉ ஸுமித்ராநந்த³வர்த⁴ந꞉ ॥ 7 ॥
கிம் நு வக்ஷ்யாமி கௌஸல்யாம் மாதரம் கிம் நு கைகயீம் ।
கத²மம்பா³ம் ஸுமித்ராம் ச புத்ரத³ர்ஶநலாலஸாம் ॥ 8 ॥
விவத்ஸாம் வேபமாநாம் ச க்ரோஶந்தீம் குரரீமிவ ।
கத²மாஶ்வாஸயிஷ்யாமி யதா³ யாஸ்யாமி தம் விநா ॥ 9 ॥
கத²ம் வக்ஷ்யாமி ஶத்ருக்⁴நம் ப⁴ரதம் ச யஶஸ்விநம் ।
மயா ஸஹ வநம் யாதோ விநா தேந க³த꞉ புந꞉ ॥ 10 ॥
உபாலம்ப⁴ம் ந ஶக்ஷ்யாமி ஸோடு⁴ம் ப³த ஸுமித்ரயா ।
இஹைவ தே³ஹம் த்யக்ஷ்யாமி ந ஹி ஜீவிதுமுத்ஸஹே ॥ 11 ॥
தி⁴ங்மாம் து³ஷ்க்ருதகர்மாணமநார்யம் யத்க்ருதே ஹ்யஸௌ ।
லக்ஷ்மண꞉ பதித꞉ ஶேதே ஶரதல்பே க³தாஸுவத் ॥ 12 ॥
த்வம் நித்யம் ஸ விஷண்ணம் மாமாஶ்வாஸயஸி லக்ஷ்மண ।
க³தாஸுர்நாத்³ய ஶக்நோஷி மாமார்தமபி⁴பா⁴ஷிதும் ॥ 13 ॥
யேநாத்³ய நிஹதா யுத்³தே⁴ ராக்ஷஸா விநிபாதிதா꞉ ।
தஸ்யாமேவ க்ஷிதௌ வீர꞉ ஸ ஶேதே நிஹத꞉ பரை꞉ ॥ 14 ॥
ஶயாந꞉ ஶரதல்பே(அ)ஸ்மிந் ஸ்வஶோணிதபரிப்லுத꞉ ।
ஶரஜாலைஶ்சிதோ பா⁴தி பா⁴ஸ்கரோ(அ)ஸ்தமிவ வ்ரஜந் ॥ 15 ॥
பா³ணாபி⁴ஹதமர்மத்வாந்ந ஶக்நோத்யபி⁴பா⁴ஷிதும் ।
ருஜா சாப்³ருவதோ(அ)ப்யஸ்ய த்³ருஷ்டிராகே³ண ஸூச்யதே ॥ 16 ॥
யதை²வ மாம் வநம் யாந்தமநுயாதோ மஹாத்³யுதி꞉ ।
அஹமப்யநுயாஸ்யாமி ததை²வைநம் யமக்ஷயம் ॥ 17 ॥
இஷ்டப³ந்து⁴ஜநோ நித்யம் மாம் ச நித்யமநுவ்ரத꞉ ।
இமாமத்³ய க³தோ(அ)வஸ்தா²ம் மமாநார்யஸ்ய து³ர்நயை꞉ ॥ 18 ॥
ஸுருஷ்டேநாபி வீரேண லக்ஷ்மணேந ந ஸம்ஸ்மரே ।
பருஷம் விப்ரியம் வா(அ)பி ஶ்ராவிதம் து கதா³சந ॥ 19 ॥
விஸஸர்ஜைகவேகே³ந பஞ்சபா³ணஶதாநி ய꞉ ।
இஷ்வஸ்த்ரேஷ்வதி⁴கஸ்தஸ்மாத்கார்தவீர்யாச்ச லக்ஷ்மண꞉ ॥ 20 ॥
அஸ்த்ரைரஸ்த்ராணி யோ ஹந்யாச்ச²க்ரஸ்யாபி மஹாத்மந꞉ ।
ஸோ(அ)யமுர்வ்யாம் ஹத꞉ ஶேதே மஹார்ஹஶயநோசித꞉ ॥ 21 ॥
தச்ச மித்²யாப்ரளப்தம் மாம் ப்ரத⁴க்ஷ்யதி ந ஸம்ஶய꞉ ॥ 22 ॥
யந்மயா ந க்ருதோ ராஜா ராக்ஷஸாநாம் விபீ⁴ஷண꞉ ।
அஸ்மிந்முஹூர்தே ஸுக்³ரீவ ப்ரதியாதுமிதோ(அ)ர்ஹஸி ।
மத்வா ஹீநம் மயா ராஜந்ராவணோ(அ)பி⁴த்³ரவேத்³ப³லீ ॥ 23 ॥
அங்க³த³ம் து புரஸ்க்ருத்ய ஸஸைந்ய꞉ ஸஸுஹ்ருஜ்ஜந꞉ ।
ஸாக³ரம் தர ஸுக்³ரீவ நீலேந ச ளேந ச ॥ 24 ॥
க்ருதம் ஹநுமதா கார்யம் யத³ந்யைர்து³ஷ்கரம் ரணே ।
ருக்ஷராஜேந துஷ்யாமி கோ³ளாங்கூ³ளாதி⁴பேந ச ॥ 25 ॥
அங்க³தே³ந க்ருதம் கர்ம மைந்தே³ந த்³விவிதே³ந ச ।
யுத்³த⁴ம் கேஸரிணா ஸங்க்²யே கோ⁴ரம் ஸம்பாதிநா க்ருதம் ॥ 26 ॥
க³வயேந க³வாக்ஷேண ஶரபே⁴ண க³ஜேந ச ।
அந்யைஶ்ச ஹரிபி⁴ர்யுத்³த⁴ம் மத³ர்தே² த்யக்தஜீவிதை꞉ ॥ 27 ॥
ந சாதிக்ரமிதும் ஶக்யம் தை³வம் ஸுக்³ரீவ மாநுஷை꞉ ।
யத்து ஶக்யம் வயஸ்யேந ஸுஹ்ருதா³ ச பரந்தப ॥ 28 ॥
க்ருதம் ஸுக்³ரீவ தத்ஸர்வம் ப⁴வதா த⁴ர்மபீ⁴ருணா ।
மித்ரகார்யம் க்ருதமித³ம் ப⁴வத்³பி⁴ர்வாநரர்ஷபா⁴꞉ ॥ 29 ॥
அநுஜ்ஞாதா மயா ஸர்வே யதே²ஷ்டம் க³ந்துமர்ஹத² ।
ஶுஶ்ரூவுஸ்தஸ்ய தே ஸர்வே வாநரா꞉ பரிதே³வநம் ॥ 30 ॥
வர்தயாஞ்சக்ருரஶ்ரூணிநேத்ரை꞉ க்ருஷ்ணேதரேக்ஷணா꞉ ।
தத꞉ ஸர்வாண்யநீகாநி ஸ்தா²பயித்வா விபீ⁴ஷண꞉ ॥ 31 ॥
ஆஜகா³ம க³தா³பாணிஸ்த்வரிதோ யத்ர ராக⁴வ꞉ ।
தம் த்³ருஷ்ட்வா த்வரிதம் யாந்தம் நீலாஞ்ஜநசயோபமம் ।
வாநரா து³த்³ருவு꞉ ஸர்வே மந்யமாநாஸ்து ராவணிம் ॥ 32 ॥
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ ஏகோநபஞ்சாஶ꞉ ஸர்க³꞉ ॥ 49 ॥
யுத்³த⁴காண்ட³ பஞ்சாஶ꞉ ஸர்க³꞉ (50) >>
ஸம்பூர்ண வால்மீகி ராமாயணே யுத்³த⁴காண்ட³ பார்க்க.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
