Yuddha Kanda Sarga 89 – யுத்³த⁴காண்ட³ ஏகோநநவதிதம꞉ ஸர்க³꞉ (89)

ஸ்தோத்ரநிதி → வால்மீகி ராமாயணே யுத்³த⁴காண்ட³ → யுத்³த⁴காண்ட³ ஏகோநநவதிதம꞉ ஸர்க³꞉ (89)

॥ ஸௌமித்ரிஸந்து⁴க்ஷணம் ॥

தத꞉ ஶரம் தா³ஶரதி²꞉ ஸந்தா⁴யாமித்ரகர்ஶந꞉ ।
ஸஸர்ஜ ராக்ஷஸேந்த்³ராய க்ருத்³த⁴꞉ ஸர்ப இவ ஶ்வஸந் ॥ 1 ॥

தஸ்ய ஜ்யாதலநிர்கோ⁴ஷம் ஸ ஶ்ருத்வா ராவணாத்மஜ꞉ ।
விவர்ணவத³நோ பூ⁴த்வா லக்ஷ்மணம் ஸமுதை³க்ஷத ॥ 2 ॥

தம் விவர்ணமுக²ம் த்³ருஷ்ட்வா ராக்ஷஸம் ராவணாத்மஜம் ।
ஸௌமித்ரிம் யுத்³த⁴ஸம்யுக்தம் ப்ரத்யுவாச விபீ⁴ஷண꞉ ॥ 3 ॥

நிமித்தாந்யநுபஶ்யாமி யாந்யஸ்மிந்ராவணாத்மஜே ।
த்வர தேந மஹாபோ³ஹோ ப⁴க்³ந ஏஷ ந ஸம்ஶய꞉ ॥ 4 ॥

தத꞉ ஸந்தா⁴ய ஸௌமித்ரிர்பா³ணாநக்³நிஶிகோ²பமாந் ।
முமோச நிஶிதாம்ஸ்தஸ்மிந் ஸர்பாநிவ மஹாவிஷாந் ॥ 5 ॥

ஶக்ராஶநிஸமஸ்பர்ஶைர்லக்ஷ்மணேநாஹத꞉ ஶரை꞉ ।
முஹூர்தமப⁴வந்மூட⁴꞉ ஸர்வஸங்க்ஷுபி⁴தேந்த்³ரிய꞉ ॥ 6 ॥

உபலப்⁴ய முஹூர்தேந ஸஞ்ஜ்ஞாம் ப்ரத்யாக³தேந்த்³ரிய꞉ ।
த³த³ர்ஶாவஸ்தி²தம் வீரம் வீரோ த³ஶரதா²த்மஜம் ॥ 7 ॥

ஸோ(அ)பி⁴சக்ராம ஸௌமித்ரிம் ரோஷாத்ஸம்ரக்தலோசந꞉ ।
அப்³ரவீச்சைநமாஸாத்³ய புந꞉ ஸ பருஷம் வச꞉ ॥ 8 ॥

கிம் ந ஸ்மரஸி தத்³யுத்³தே⁴ ப்ரத²மே மத்பராக்ரமம் ।
நிப³த்³த⁴ஸ்த்வம் ஸஹ ப்⁴ராத்ரா யதா³ பு⁴வி விவேஷ்டஸே ॥ 9 ॥

யுவாம் க²லு மஹாயுத்³தே⁴ ஶக்ராஶநிஸமை꞉ ஶரை꞉ ।
ஶாயிதௌ ப்ரத²மம் பூ⁴மௌ விஸஞ்ஜ்ஞௌ ஸபுர꞉ஸரௌ ॥ 10 ॥

ஸ்ம்ருதிர்வா நாஸ்தி தே மந்யே வ்யக்தம் வா யமஸாத³நம் ।
க³ந்துமிச்ச²ஸி யஸ்மாத்த்வம் மாம் த⁴ர்ஷயிதுமிச்ச²ஸி ॥ 11 ॥

யதி³ தே ப்ரத²மே யுத்³தே⁴ ந த்³ருஷ்டோ மத்பராக்ரம꞉ ।
அத்³ய தே த³ர்ஶயிஷ்யாமி திஷ்டே²தா³நீம் வ்யவஸ்தி²த꞉ ॥ 12 ॥

இத்யுக்த்வா ஸப்தபி⁴ர்பா³ணைரபி⁴விவ்யாத⁴ லக்ஷ்மணம் ।
த³ஶபி⁴ஸ்து ஹநூமந்தம் தீக்ஷ்ணதா⁴ரை꞉ ஶரோத்தமை꞉ ॥ 13 ॥

தத꞉ ஶரஶதேநைவ ஸுப்ரயுக்தேந வீர்யவாந் ।
க்ரோதா⁴த்³த்³விகு³ணஸம்ரப்³தோ⁴ நிர்பி³பே⁴த³ விபீ⁴ஷணம் ॥ 14 ॥

தத்³த்³ருஷ்ட்வேந்த்³ரஜிதா கர்ம க்ருதம் ராமாநுஜஸ்ததா³ ।
அசிந்தயித்வா ப்ரஹஸந்நைதத்கிஞ்சிதி³தி ப்³ருவந் ॥ 15 ॥

முமோச ஸ ஶராந்கோ⁴ராந்ஸங்க்³ருஹ்ய நரபுங்க³வ꞉ ।
அபீ⁴தவத³ந꞉ க்ருத்³தோ⁴ ராவணிம் லக்ஷ்மணோ யுதி⁴ ॥ 16 ॥

நைவம் ரணக³தா꞉ ஶூரா꞉ ப்ரஹரந்தே நிஶாசர ।
லக⁴வஶ்சால்பவீர்யாஶ்ச ஸுகா² ஹீமே ஶராஸ்தவ ॥ 17 ॥

நைவம் ஶூராஸ்து யுத்⁴யந்தே ஸமரே ஜயகாங்க்ஷிண꞉ ।
இத்யேவம் தம் ப்³ருவாணஸ்து ஶரவர்ஷைரவாகிரத் ॥ 18 ॥

தஸ்ய பா³ணை꞉ ஸுவித்⁴வஸ்தம் கவசம் ஹேமபூ⁴ஷிதம் ।
வ்யஶீர்யத ரதோ²பஸ்தே² தாராஜாலமிவாம்ப³ராத் ॥ 19 ॥

விதூ⁴தவர்மா நாராசைர்ப³பூ⁴வ ஸ க்ருதவ்ரண꞉ ।
இந்த்³ரஜித்ஸமரே வீர꞉ ப்ரரூட⁴ இவ ஸாநுமாந் ॥ 20 ॥

தத꞉ ஶரஸஹஸ்ரேண ஸங்க்ருத்³தோ⁴ ராவணாத்மஜ꞉ ।
பி³பே⁴த³ ஸமரே வீரம் லக்ஷ்மணம் பீ⁴மவிக்ரம꞉ ॥ 21 ॥

வ்யஶீர்யத மஹாதி³வ்யம் கவசம் லக்ஷ்மணஸ்ய ச ।
க்ருதப்ரதிக்ருதாந்யோந்யம் ப³பூ⁴வதுரபி⁴த்³ருதௌ ॥ 22 ॥

அபீ⁴க்ஷ்ணம் நிஶ்வஸந்தௌ தௌ யுத்³த்⁴யேதாம் துமுலம் யுதி⁴ ।
ஶரஸங்க்ருத்தஸர்வாங்கௌ³ ஸர்வதோ ருதி⁴ரோக்ஷிதௌ ॥ 23 ॥

ஸுதீ³ர்க⁴காலம் தௌ வீராவந்யோந்யம் நிஶிதை꞉ ஶரை꞉ ।
ததக்ஷதுர்மஹாத்மாநௌ ரணகர்மவிஶாரதௌ³ ॥ 24 ॥

ப³பூ⁴வதுஶ்சாத்மஜயே யத்தௌ பீ⁴மபராக்ரமௌ ।
தௌ ஶரௌகை⁴ஸ்ததா³ கீர்ணௌ நிக்ருத்தகவசத்⁴வஜௌ ॥ 25 ॥

ஸ்ரவந்தௌ ருதி⁴ரம் சோஷ்ணம் ஜலம் ப்ரஸ்ரவணாவிவ ।
ஶரவர்ஷம் ததோ கோ⁴ரம் முஞ்சதோர்பீ⁴மநிஸ்வநம் ॥ 26 ॥

ஸாஸாரயோரிவாகாஶே நீலயோ꞉ காலமேக⁴யோ꞉ ।
தயோரத² மஹாந்காலோ வ்யத்யயாத்³யுத்⁴யமாநயோ꞉ ॥ 27 ॥

ந ச தௌ யுத்³த⁴வைமுக்²யம் ஶ்ரமம் வா(அ)ப்யுபஜக்³மது꞉ ।
அஸ்த்ராண்யஸ்த்ரவிதா³ம் ஶ்ரேஷ்டௌ² த³ர்ஶயந்தௌ புந꞉புந꞉ ॥ 28 ॥

ஶராநுச்சாவசாகாராநந்தரிக்ஷே ப³ப³ந்த⁴து꞉ ।
வ்யபேததோ³ஷமஸ்யந்தௌ லகு⁴ சித்ரம் ச ஸுஷ்டு² ச ॥ 29 ॥

உபௌ⁴ தௌ துமுலம் கோ⁴ரம் சக்ரதுர்நரராக்ஷஸௌ ।
தயோ꞉ ப்ருத²க்ப்ருத²க்³பீ⁴ம꞉ ஶுஶ்ருவே தலநி꞉ஸ்வந꞉ ॥ 30 ॥

ப்ரகம்பயஜ்ஜநம் கோ⁴ரோ நிர்கா⁴த இவ தா³ருண꞉ ।
ஸ தயோர்ப்⁴ராஜதே ஶப்³த³ஸ்ததா³ ஸமரஸக்தயோ꞉ ॥ 31 ॥

ஸுகோ⁴ரயோர்நிஷ்டநதோர்க³க³நே மேக⁴யோர்யதா² ।
ஸுவர்ணபுங்கை²ர்நாராசைர்ப³லவந்தௌ க்ருதவ்ரணௌ ॥ 32 ॥

ப்ரஸுஸ்ருவாதே ருதி⁴ரம் கீர்திமந்தௌ ஜயே த்⁴ருதௌ ।
தே கா³த்ரயோர்நிபதிதா ருக்மபுங்கா²꞉ ஶரா யுதி⁴ ॥ 33 ॥

அஸ்ருங்நத்³தா⁴ விநிஷ்பத்ய விவிஶுர்த⁴ரணீதலம் ।
அந்யே ஸுநிஶிதை꞉ ஶஸ்த்ரைராகாஶே ஸஞ்ஜக⁴ட்டிரே ॥ 34 ॥

ப³ப⁴ஞ்ஜுஶ்சிச்சி²து³ஶ்சாந்யே தயோர்பா³ணா꞉ ஸஹஸ்ரஶ꞉ ।
ஸ ப³பூ⁴வ ரணோ கோ⁴ரஸ்தயோர்பா³ணமயஶ்சய꞉ ॥ 35 ॥

அக்³நிப்⁴யாமிவ தீ³ப்தாப்⁴யாம் ஸத்ரே குஶமயஶ்சய꞉ ।
தயோ꞉ க்ருதவ்ரணௌ தே³ஹௌ ஶுஶுபா⁴தே மஹாத்மநோ꞉ ॥ 36 ॥

ஸபுஷ்பாவிவ நிஷ்பத்ரௌ வநே ஶால்மலிகிம்ஶுகௌ ।
சக்ரதுஸ்துமுலம் கோ⁴ரம் ஸந்நிபாதம் முஹுர்முஹு꞉ ॥ 37 ॥

இந்த்³ரஜில்லக்ஷ்மணஶ்சைவ பரஸ்பரவதை⁴ஷிணௌ ।
லக்ஷ்மணோ ராவணிம் யுத்³தே⁴ ராவணிஶ்சாபி லக்ஷ்மணம் ॥ 38 ॥

அந்யோந்யம் தாவபி⁴க்⁴நந்தௌ ந ஶ்ரமம் ப்ரத்யபத்³யதாம் ।
பா³ணஜாலை꞉ ஶரீரஸ்தை²ரவகா³டை⁴ஸ்தரஸ்விநௌ ॥ 39 ॥

ஶுஶுபா⁴தே மஹாவீர்யௌ ப்ரரூடா⁴விவ பர்வதௌ ।
தயோ ருதி⁴ரஸிக்தாநி ஸம்வ்ருதாநி ஶரைர்ப்⁴ருஶம் ॥ 40 ॥

ப³ப்⁴ராஜு꞉ ஸர்வகா³த்ராணி ஜ்வலந்த இவ பாவகா꞉ ।
தயோரத² மஹாந்காலோ வ்யத்யயாத்³யுத்⁴யமாநயோ꞉ ।
ந ச தௌ யுத்³த⁴வைமுக்²யம் ஶ்ரமம் வா(அ)ப்யுபஜக்³மது꞉ ॥ 41 ॥

அத² ஸமரபரிஶ்ரமம் நிஹந்தும்
ஸமரமுகே²ஷ்வஜிதஸ்ய லக்ஷ்மணஸ்ய ।
ப்ரியஹிதமுபபாத³யந்மஹௌஜா꞉
ஸமரமுபேத்ய விபீ⁴ஷணோ(அ)வதஸ்தே² ॥ 42 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ ஏகோநநவதிதம꞉ ஸர்க³꞉ ॥ 89 ॥

யுத்³த⁴காண்ட³ நவதிதம꞉ ஸர்க³꞉ (90) >>

---

ஸம்பூர்ண வால்மீகி ராமாயணே யுத்³த⁴காண்ட³ பார்க்க

Did you see any mistake/variation in the content above? Click here to report mistakes and corrections in Stotranidhi content.