Yuddha Kanda Sarga 76 – யுத்³த⁴காண்ட³ ஷட்ஸப்ததிதம꞉ ஸர்க³꞉ (76)

ஸ்தோத்ரநிதி → வால்மீகி ராமாயணே யுத்³த⁴காண்ட³ → யுத்³த⁴காண்ட³ ஷட்ஸப்ததிதம꞉ ஸர்க³꞉ (76)

॥ கம்பநாதி³வத⁴꞉ ॥

ப்ரவ்ருத்தே ஸங்குலே தஸ்மிந்கோ⁴ரே வீரஜநக்ஷயே ।
அங்க³த³꞉ கம்பநம் வீரமாஸஸாத³ ரணோத்ஸுக꞉ ॥ 1 ॥

ஆஹூய ஸோ(அ)ங்க³த³ம் கோபாத்தாட³யாமாஸ வேகி³த꞉ ।
க³த³யா கம்பந꞉ பூர்வம் ஸ சசால ப்⁴ருஶாஹத꞉ ॥ 2 ॥

ஸ ஸஞ்ஜ்ஞாம் ப்ராப்ய தேஜஸ்வீ சிக்ஷேப ஶிக²ரம் கி³ரே꞉ ।
அர்தி³தஶ்ச ப்ரஹாரேண கம்பந꞉ பதிதோ பு⁴வி ॥ 3 ॥

ததஸ்து கம்பநம் த்³ருஷ்ட்வா ஶோணிதாக்ஷோ ஹதம் ரணே ।
ரதே²நாப்⁴யபதத் க்ஷிப்ரம் தத்ராங்க³த³மபீ⁴தவத் ॥ 4 ॥

ஸோ(அ)ங்க³த³ம் நிஶிதைர்பா³ணைஸ்ததா³ விவ்யாத⁴ வேகி³த꞉ ।
ஶரீரதா³ரணைஸ்தீக்ஷ்ணை꞉ காலாக்³நிஸமவிக்³ரஹை꞉ ॥ 5 ॥

க்ஷுரக்ஷுரப்ரைர்நாராசைர்வத்ஸத³ந்தை꞉ ஶிலீமுகை²꞉ ।
கர்ணிஶல்யவிபாடை²ஶ்ச ப³ஹுபி⁴ர்நிஶிதை꞉ ஶரை꞉ ॥ 6 ॥

அங்க³த³꞉ ப்ரதிவித்³தா⁴ங்கோ³ வாலிபுத்ர꞉ ப்ரதாபவாந் ।
த⁴நுரக்³ர்யம் ரத²ம் பா³ணாந்மமர்த³ தரஸா ப³லீ ॥ 7 ॥

ஶோணிதாக்ஷஸ்தத꞉ க்ஷிப்ரமஸிசர்ம ஸமாத³தே³ ।
உத்பபாத தி³வம் க்ருத்³தோ⁴ வேக³வாநவிசாரயந் ॥ 8 ॥

தம் க்ஷிப்ரதரமாப்லுத்ய பராம்ருஶ்யாங்க³தோ³ ப³லீ ।
கரேண தஸ்ய தம் க²ட்³க³ம் ஸமாச்சி²த்³ய நநாத³ ச ॥ 9 ॥

தஸ்யாம்ஸப²லகே க²ட்³க³ம் நிஜகா⁴ந ததோ(அ)ங்க³த³꞉ ।
யஜ்ஞோபவீதவச்சைநம் சிச்சே²த³ கபிகுஞ்ஜர꞉ ॥ 10 ॥

தம் ப்ரக்³ருஹ்ய மஹாக²ட்³க³ம் விநத்³ய ச புந꞉ புந꞉ ।
வாலிபுத்ரோ(அ)பி⁴து³த்³ராவ ரணஶீர்ஷே பராநரீந் ॥ 11 ॥

ஆயஸீம் து க³தா³ம் வீர꞉ ப்ரக்³ருஹ்ய கநகாங்க³த³꞉ ।
ஶோணிதாக்ஷ꞉ ஸமாவித்⁴ய தமேவாநுபபாத ஹ ॥ 12 ॥

ப்ரஜங்க⁴ஸஹிதோ வீரோ யூபாக்ஷஸ்து ததோ ப³லீ ।
ரதே²நாபி⁴யயௌ க்ருத்³தோ⁴ வாலிபுத்ரம் மஹாப³லம் ॥ 13 ॥

தயோர்மத்⁴யே கபிஶ்ரேஷ்ட²꞉ ஶோணிதாக்ஷப்ரஜங்க⁴யோ꞉ ।
விஶாக²யோர்மத்⁴யக³த꞉ பூர்ணசந்த்³ர இவாப⁴வத் ॥ 14 ॥

அங்க³த³ம் பரிரக்ஷாந்தௌ மைந்தோ³ த்³விவித³ ஏவ ச ।
தஸ்ய தஸ்த²துரப்⁴யாஶே பரஸ்பரதி³த்³ருக்ஷயா ॥ 15 ॥

அபி⁴பேதுர்மஹாகாயா꞉ ப்ரதியத்தா மஹாப³லா꞉ ।
ராக்ஷஸா வாநராந்ரோஷாத³ஸிசர்மக³தா³த⁴ரா꞉ ॥ 16 ॥

த்ரயாணாம் வாநரேந்த்³ராணாம் த்ரிபீ⁴ ராக்ஷஸபுங்க³வை꞉ ।
ஸம்ஸக்தாநாம் மஹத்³யுத்³த⁴மப⁴வத்³ரோமஹர்ஷணம் ॥ 17 ॥

தே து வ்ருக்ஷாந்ஸமாதா³ய ஸம்ப்ரசிக்ஷிபுராஹவே ।
க²ட்³கே³ந ப்ரதிசிச்சே²த³ தாந்ப்ரஜங்கோ⁴ மஹாப³ல꞉ ॥ 18 ॥

ரதா²நஶ்வாந்த்³ருமை꞉ ஶைலைஸ்தே ப்ரசிக்ஷிபுராஹவே ।
ஶரௌகை⁴꞉ ப்ரதிசிச்சே²த³ தாந்யூபாக்ஷோ நிஶாசர꞉ ॥ 19 ॥

ஸ்ருஷ்டாந்த்³விவித³மைந்தா³ப்⁴யாம் த்³ருமாநுத்பாட்ய வீர்யவாந் ।
ப³ப⁴ஞ்ஜ க³த³யா மத்⁴யே ஶோணிதாக்ஷ꞉ ப்ரதாபவாந் ॥ 20 ॥

உத்³யம்ய விபுலம் க²ட்³க³ம் பரமர்மநிக்ருந்தநம் ।
ப்ரஜங்கோ⁴ வாலிபுத்ராய அபி⁴து³த்³ராவ வேகி³த꞉ ॥ 21 ॥

தமப்⁴யாஶக³தம் த்³ருஷ்ட்வா வாநரேந்த்³ரோ மஹாப³ல꞉ ।
ஆஜகா⁴நாஶ்வகர்ணேந த்³ருமேணாதிப³லஸ்ததா³ ॥ 22 ॥

பா³ஹும் சாஸ்ய ஸநிஸ்த்ரிம்ஶமாஜகா⁴ந ஸ முஷ்டிநா ।
வாலிபுத்ரஸ்ய கா⁴தேந ஸ பபாத க்ஷிதாவஸி꞉ ॥ 23 ॥

தம் த்³ருஷ்ட்வா பதிதம் பூ⁴மௌ க²ட்³க³முத்பலஸந்நிப⁴ம் ।
முஷ்டிம் ஸம்வர்தயாமாஸ வஜ்ரகல்பம் மஹாப³ல꞉ ॥ 24 ॥

லலாடே ஸ மஹாவீர்யமங்க³த³ம் வாநரர்ஷப⁴ம் ।
ஆஜகா⁴ந மஹாதேஜா꞉ ஸ முஹூர்தம் சசால ஹ ॥ 25 ॥

ஸ ஸஞ்ஜ்ஞாம் ப்ராப்ய தேஜஸ்வீ வாலிபுத்ர꞉ ப்ரதாபவாந் ।
ப்ரஜங்க⁴ஸ்ய ஶிர꞉ காயாத்க²ட்³கே³நாபாதயத் க்ஷிதௌ ॥ 26 ॥

ஸ யூபாக்ஷோ(அ)ஶ்ருபூர்ணாக்ஷ꞉ பித்ருவ்யே நிஹதே ரணே ।
அவருஹ்ய ரதா²த் க்ஷிப்ரம் க்ஷீணேஷு꞉ க²ட்³க³மாத³தே³ ॥ 27 ॥

தமாபதந்தம் ஸம்ப்ரேக்ஷ்ய யூபாக்ஷம் த்³விவித³ஸ்த்வரந் ।
ஆஜகா⁴நோரஸி க்ருத்³தோ⁴ ஜக்³ராஹ ச ப³லாத்³ப³லீ ॥ 28 ॥

க்³ருஹீதம் ப்⁴ராதரம் த்³ருஷ்ட்வா ஶோணிதாக்ஷோ மஹாப³ல꞉ ।
ஆஜகா⁴ந க³தா³க்³ரேண வக்ஷஸி த்³விவித³ம் தத꞉ ॥ 29 ॥

ஸ க³தா³பி⁴ஹதஸ்தேந சசால ச மஹாப³ல꞉ ।
உத்³யதாம் ச புநஸ்தஸ்ய ஜஹார த்³விவிதோ³ க³தா³ம் ॥ 30 ॥

ஏதஸ்மிந்நந்தரே வீரோ மைந்தோ³ வாநரயூத²ப꞉ ।
யூபாக்ஷம் தாட³யாமாஸ தலேநோரஸி வீர்யவாந் ॥ 31 ॥

தௌ ஶோணிதாக்ஷயூபாக்ஷௌ ப்லவங்கா³ப்⁴யாம் தரஸ்விநௌ ।
சக்ருது꞉ ஸமரே தீவ்ரமாகர்ஷோத்பாடநம் ப்⁴ருஶம் ॥ 32 ॥

த்³விவித³꞉ ஶோணிதாக்ஷம் து வித³தா³ர நகை²ர்முகே² ।
நிஷ்பிபேஷ ச வேகே³ந க்ஷிதாவாவித்⁴ய வீர்யவாந் ॥ 33 ॥

யூபாக்ஷமபி ஸங்க்ருத்³தோ⁴ மைந்தோ³ வாநரயூத²ப꞉ ।
பீட³யாமாஸ பா³ஹுப்⁴யாம் ஸ பபாத ஹத꞉ க்ஷிதௌ ॥ 34 ॥

ஹதப்ரவீரா வ்யதி²தா ராக்ஷஸேந்த்³ரசமூஸ்ததா³ ।
ஜகா³மாபி⁴முகீ² ஸா து கும்ப⁴கர்ணஸுதோ யத꞉ ॥ 35 ॥

ஆபதந்தீம் ச வேகே³ந கும்ப⁴ஸ்தாம் ஸாந்த்வயச்சமூம் ।
அதோ²த்க்ருஷ்டம் மஹாவீர்யைர்லப்³த⁴ளக்ஷை꞉ ப்லவங்க³மை꞉ ॥ 36 ॥

நிபாதிதமஹாவீராம் த்³ருஷ்ட்வா ரக்ஷஶ்சமூம் தத꞉ ।
கும்ப⁴꞉ ப்ரசக்ரே தேஜஸ்வீ ரணே கர்ம ஸுது³ஷ்கரம் ॥ 37 ॥

ஸ த⁴நுர்த⁴ந்விநாம் ஶ்ரேஷ்ட²꞉ ப்ரக்³ருஹ்ய ஸுஸமாஹித꞉ ।
முமோசாஶீவிஷப்ரக்²யாந் ஶராந்தே³ஹவிதா³ரணாந் ॥ 38 ॥

தஸ்ய தச்சு²ஶுபே⁴ பூ⁴ய꞉ ஸஶரம் த⁴நுருத்தமம் ।
வித்³யுதை³ராவதார்சிஷ்மாத்³த்³விதீயேந்த்³ரத⁴நுர்யதா² ॥ 39 ॥

ஆகர்ணாக்ருஷ்டமுக்தேந ஜகா⁴ந த்³விவித³ம் ததா³ ।
தேந ஹாடகபுங்கே²ந பத்ரிணா பத்ரவாஸஸா ॥ 40 ॥

ஸஹஸா(அ)பி⁴ஹதஸ்தேந விப்ரமுக்தபத³꞉ ஸ்பு²ரந் ।
நிபபாதாத்³ரிகூடாபோ⁴ விஹ்வல꞉ ப்லவகோ³த்தம꞉ ॥ 41 ॥

மைந்த³ஸ்து ப்⁴ராதரம் த்³ருஷ்ட்வா ப⁴க்³நம் தத்ர மஹாஹவே ।
அபி⁴து³த்³ராவ வேகே³ந ப்ரக்³ருஹ்ய மஹதீம் ஶிலாம் ॥ 42 ॥

தாம் ஶிலாம் து ப்ரசிக்ஷேப ராக்ஷஸாய மஹாப³ல꞉ ।
பி³பே⁴த³ தாம் ஶிலாம் கும்ப⁴꞉ ப்ரஸந்நை꞉ பஞ்சபி⁴꞉ ஶரை꞉ ॥ 43 ॥

ஸந்தா⁴ய சாந்யம் ஸுமுக²ம் ஶரமாஸீவிஷோபமம் ।
ஆஜகா⁴ந மஹாதேஜா வக்ஷஸி த்³விவிதா³க்³ரஜம் ॥ 44 ॥

ஸ து தேந ப்ரஹாரேண மைந்தோ³ வாநரயூத²ப꞉ ।
மர்மண்யபி⁴ஹதஸ்தேந பபாத பு⁴வி மூர்சி²த꞉ ॥ 45 ॥

அங்க³தோ³ மாதுலௌ த்³ருஷ்ட்வா பதிதௌ து மஹாப³லௌ ।
அபி⁴து³த்³ராவ வேகே³ந கும்ப⁴முத்³யதகார்முகம் ॥ 46 ॥

தமாபதந்தம் விவ்யாத⁴ கும்ப⁴꞉ பஞ்சபி⁴ராயஸை꞉ ।
த்ரிபி⁴ஶ்சாந்யை꞉ ஶிதைர்பா³ணைர்மாதங்க³மிவ தோமரை꞉ ॥ 47 ॥

ஸோ(அ)ங்க³த³ம் விவிதை⁴ர்பா³ணை꞉ கும்போ⁴ விவ்யாத⁴ வீர்யவாந் ।
அகுண்ட²தா⁴ரைர்நிஶிதைஸ்தீக்ஷ்ணை꞉ கநகபூ⁴ஷணை꞉ ॥ 48 ॥

அங்க³த³꞉ ப்ரதிவித்³தா⁴ங்கோ³ வாலிபுத்ரோ ந கம்பதே ।
ஶிலாபாத³பவர்ஷாணி தஸ்ய மூர்த்⁴நி வவர்ஷ ஹ ॥ 49 ॥

ஸ ப்ரசிச்சே²த³ தாந்ஸர்வாந்பி³பே⁴த³ ச புந꞉ ஶிலா꞉ ।
கும்ப⁴கர்ணாத்மஜ꞉ ஶ்ரீமாந்வாலிபுத்ரஸமீரிதாந் ॥ 50 ॥

ஆபதந்தம் ச ஸம்ப்ரேக்ஷ்ய கும்போ⁴ வாநரயூத²பம் ।
ப்⁴ருவோர்விவ்யாத⁴ பா³ணாப்⁴யாமுல்காப்⁴யாமிவ குஞ்ஜரம் ॥ 51 ॥

தஸ்ய ஸுஸ்ராவ ருதி⁴ரம் பிஹிதே சாஸ்ய லோசநே ।
அங்க³த³꞉ பாணிநா நேத்ரே பிதா⁴ய ருதி⁴ரோக்ஷிதே ॥ 52 ॥

ஸாலமாஸந்நமேகேந பரிஜக்³ராஹ பாணிநா ।
ஸம்பீட்³ய சோரஸி ஸ்கந்த⁴ம் கரேணாபி⁴நிவேஶ்ய ச ॥ 53 ॥

கிஞ்சித³ப்⁴யவநம்யைநமுந்மமாத² யதா² க³ஜ꞉ ।
தமிந்த்³ரகேதுப்ரதிமம் வ்ருக்ஷம் மந்த³ரஸந்நிப⁴ம் ॥ 54 ॥

ஸமுத்ஸ்ருஜந்தம் வேகே³ந பஶ்யதாம் ஸர்வரக்ஷஸாம் ।
ஸ பி³பே⁴த³ ஶிதைர்பா³ணை꞉ ஸப்தபி⁴꞉ காயபே⁴த³நை꞉ ॥ 55 ॥

அங்க³தோ³ விவ்யதே²(அ)பீ⁴க்ஷ்ணம் ஸஸாத³ ச முமோஹ ச ।
அங்க³த³ம் வ்யதி²தம் த்³ருஷ்ட்வா ஸீத³ந்தமிவ ஸாக³ரே ॥ 56 ॥

து³ராஸத³ம் ஹரிஶ்ரேஷ்ட²ம் ராமாயாந்யே ந்யவேத³யந் ।
ராமஸ்து வ்யதி²தம் ஶ்ருத்வா வாலிபுத்ரம் ரணாஜிரே ॥ 57 ॥

வ்யாதி³தே³ஶ ஹரிஶ்ரேஷ்டா²ந் ஜாம்ப³வத்ப்ரமுகா²ம்ஸ்தத꞉ ।
தே து வாநரஶார்தூ³ளா꞉ ஶ்ருத்வா ராமஸ்ய ஶாஸநம் ॥ 58 ॥

அபி⁴பேது꞉ ஸுஸங்க்ருத்³தா⁴꞉ கும்ப⁴முத்³யதகார்முகம் ।
ததோ த்³ருமஶிலாஹஸ்தா꞉ கோபஸம்ரக்தலோசநா꞉ ॥ 59 ॥

ரிரக்ஷிஷந்தோ(அ)ப்⁴யபதந்நங்க³த³ம் வாநரர்ஷபா⁴꞉ ।
ஜாம்ப³வாம்ஶ்ச ஸுஷேணஶ்ச வேக³த³ர்ஶீ ச வாநர꞉ ॥ 60 ॥

கும்ப⁴கர்ணாத்மஜம் வீரம் க்ருத்³தா⁴꞉ ஸமபி⁴து³த்³ருவு꞉ ।
ஸமீக்ஷ்யாபததஸ்தாம்ஸ்து வாநரேந்த்³ராந்மஹாப³லாந் ॥ 61 ॥

ஆவவார ஶரௌகே⁴ண நகே³நேவ ஜலாஶயம் ।
தஸ்ய பா³ணபத²ம் ப்ராப்ய ந ஶேகுரதிவர்திதும் ॥ 62 ॥

வாநரேந்த்³ரா மஹாத்மாநோ வேலாமிவ மஹோத³தி⁴꞉ ।
தாம்ஸ்து த்³ருஷ்ட்வா ஹரிக³ணாந் ஶரவ்ருஷ்டிபி³ரர்தி³தாந் ॥ 63 ॥

அங்க³த³ம் ப்ருஷ்ட²த꞉ க்ருத்வா ப்⁴ராத்ருஜம் ப்லவகே³ஶ்வர꞉ ।
அபி⁴து³த்³ராவ வேகே³ந ஸுக்³ரீவ꞉ கும்ப⁴மாஹவே ॥ 64 ॥

ஶைலஸாநுசரம் நாக³ம் வேக³வாநிவ கேஸரீ ।
உத்பாட்ய ச மஹாஶைலாநஶ்வகர்ணாந்த⁴வாந்ப³ஹூந் ॥ 65 ॥

அந்யாம்ஶ்ச விவிதா⁴ந்வ்ருக்ஷாம்ஶ்சிக்ஷேப ச மஹாப³ல꞉ ।
தாம் சா²த³யந்தீமாகாஶம் வ்ருக்ஷவ்ருஷ்டிம் து³ராஸதா³ம் ॥ 66 ॥

கும்ப⁴கர்ணாத்மஜ꞉ ஶீக்⁴ரம் சிச்சே²த³ நிஶிதை꞉ ஶரை꞉ ।
அபி⁴லக்ஷேண தீவ்ரேண கும்பே⁴ந நிஶிதை꞉ ஶரை꞉ ॥ 67 ॥

ஆசிதாஸ்தே த்³ருமா ரேஜுர்யதா² கோ⁴ரா꞉ ஶதக்⁴நய꞉ ।
த்³ருமவர்ஷம் து தச்சி²ந்நம் த்³ருஷ்ட்வா கும்பே⁴ந வீர்யவாந் ॥ 68 ॥

வாநராதி⁴பதி꞉ ஶ்ரீமாந்மஹாஸத்த்வோ ந விவ்யதே² ।
நிர்பி⁴த்³யமாந꞉ ஸஹஸா ஸஹமாநஶ்ச தாந் ஶராந் ॥ 69 ॥

கும்ப⁴ஸ்ய த⁴நுராக்ஷிப்ய ப³ப⁴ஞ்ஜேந்த்³ரத⁴நுஷ்ப்ரப⁴ம் ।
அவப்லுத்ய தத꞉ ஶீக்⁴ரம் க்ருத்வா கர்ம ஸுது³ஷ்கரம் ॥ 70 ॥

அப்³ரவீத்குபித꞉ கும்ப⁴ம் ப⁴க்³நஶ்ருங்க³மிவ த்³விபம் ।
நிகும்பா⁴க்³ரஜ வீர்யம் தே பா³ணவேக³வத³த்³பு⁴தம் ॥ 71 ॥

ஸந்நதிஶ்ச ப்ரபா⁴வஶ்ச தவ வா ராவணஸ்ய வா ।
ப்ரஹ்லாத³ப³லிவ்ருத்ரக்⁴நகுபே³ரவருணோபம ॥ 72 ॥

ஏகஸ்த்வமநுஜாதோ(அ)ஸி பிதரம் ப³லவ்ருத்தத꞉ ।
த்வாமேவைகம் மஹாபா³ஹும் சாபஹஸ்தமரிந்த³மம் ॥ 73 ॥

த்ரித³ஶா நாதிவர்தந்தே ஜிதேந்த்³ரியமிவாத⁴ய꞉ ।
விக்ரமஸ்வ மஹாபு³த்³தே⁴ கர்மாணி மம பஶ்யத꞉ ॥ 74 ॥

வரதா³நாத்பித்ருவ்யஸ்தே ஸஹதே தே³வதா³நவாந் ।
கும்ப⁴கர்ணஸ்து வீர்யேண ஸஹதே ச ஸுராஸுராந் ॥ 75 ॥

த⁴நுஷீந்த்³ரஜிதஸ்துல்ய꞉ ப்ரதாபே ராவணஸ்ய ச ।
த்வமத்³ய ரக்ஷஸாம் லோகே ஶ்ரேஷ்டோ²(அ)ஸி ப³லவீர்யத꞉ ॥ 76 ॥

மஹாவிமர்த³ம் ஸமரே மயா ஸஹ தவாத்³பு⁴தம் ।
அத்³ய பூ⁴தாநி பஶ்யந்து ஶக்ரஶம்ப³ரயோரிவ ॥ 77 ॥

க்ருதமப்ரதிமம் கர்ம த³ர்ஶிதம் சாஸ்த்ரகௌஶலம் ।
பாதிதா ஹரிவீராஶ்ச த்வயா வை பீ⁴மவிக்ரமா꞉ ॥ 78 ॥

உபாலம்ப⁴ப⁴யாச்சாபி நாஸி வீர மயா ஹத꞉ ।
க்ருதகர்மா பரிஶ்ராந்தோ விஶ்ராந்த꞉ பஶ்ய மே ப³லம் ॥ 79 ॥

தேந ஸுக்³ரீவவாக்யேந ஸாவமாநேந மாநித꞉ ।
அக்³நேராஜ்யாஹுதஸ்யேவ தேஜஸ்தஸ்யாப்⁴யவர்த⁴த ॥ 80 ॥

தத꞉ கும்ப⁴ஸ்து ஸுக்³ரீவம் பா³ஹுப்⁴யாம் ஜக்³ருஹே ததா³ ।
க³ஜாவிவாஹிதமதௌ³ நிஶ்வஸந்தௌ முஹுர்முஹு꞉ ॥ 81 ॥

அந்யோந்யகா³த்ரக்³ரதி²தௌ கர்ஷந்தாவிதரேதரம் ।
ஸதூ⁴மாம் முக²தோ ஜ்வாலாம் விஸ்ருஜந்தௌ பரிஶ்ரமாத் ॥ 82 ॥

தயோ꞉ பாதா³பி⁴கா⁴தாச்ச நிமக்³நா சாப⁴வந்மஹீ ।
வ்யாகூ⁴ர்ணிததரங்க³ஶ்ச சுக்ஷுபே⁴ வருணாலய꞉ ॥ 83 ॥

தத꞉ கும்ப⁴ம் ஸமுத்க்ஷிப்ய ஸுக்³ரீவோ லவணாம்ப⁴ஸி ।
பாதயாமாஸ வேகே³ந த³ர்ஶயந்நுத³தே⁴ஸ்தலம் ॥ 84 ॥

தத꞉ கும்ப⁴நிபாதேந ஜலராஶி꞉ ஸமுத்தி²த꞉ ।
விந்த்⁴யமந்த³ரஸங்காஶோ விஸஸர்ப ஸமந்தத꞉ ॥ 85 ॥

தத꞉ கும்ப⁴꞉ ஸமுத்பத்ய ஸுக்³ரீவமபி⁴பத்ய ச ।
ஆஜகா⁴நோரஸி க்ருத்³தோ⁴ வஜ்ரவேகே³ந முஷ்டிநா ॥ 86 ॥

தஸ்ய சர்ம ச புஸ்போ²ட ப³ஹு ஸுஸ்ராவ ஶோணிதம் ।
ஸ ச முஷ்டிர்மஹாவேக³꞉ ப்ரதிஜக்⁴நே(அ)ஸ்தி²மண்ட³லே ॥ 87 ॥

ததா³ வேகே³ந தத்ராஸீத்தேஜ꞉ ப்ரஜ்வலிதம் முஹு꞉ ।
வஜ்ரநிஷ்பேஷஸஞ்ஜாதா ஜ்வாலா மேரௌ யதா² கி³ரௌ ॥ 88 ॥

ஸ தத்ராபி⁴ஹதஸ்தேந ஸுக்³ரீவோ வாநரர்ஷப⁴꞉ ।
முஷ்டிம் ஸம்வர்தயாமாஸ வஜ்ரகல்பம் மஹாப³ல꞉ ॥ 89 ॥

அர்சி꞉ ஸஹஸ்ரவிகசம் ரவிமண்ட³லஸப்ரப⁴ம் ।
ஸ முஷ்டிம் பாதயாமாஸ கும்ப⁴ஸ்யோரஸி வீர்யவாந் ॥ 90 ॥

ஸ து தேந ப்ரஹாரேண விஹ்வலோ ப்⁴ருஶதாடி³த꞉ ।
நிபபாத ததா³ கும்போ⁴ க³தார்சிரிவ பாவக꞉ ॥ 91 ॥

முஷ்டிநா(அ)பி⁴ஹதஸ்தேந நிபபாதாஶு ராக்ஷஸ꞉ ।
லோஹிதாங்க³ இவாகாஶாத்³தீ³ப்தரஶ்மிர்யத்³ருச்ச²யா ॥ 92 ॥

கும்ப⁴ஸ்ய பததோ ரூபம் ப⁴க்³நஸ்யோரஸி முஷ்டிநா ।
ப³பௌ⁴ ருத்³ராபி⁴பந்நஸ்ய யதா² ரூபம் க³வாம் பதே꞉ ॥ 93 ॥

தஸ்மிந்ஹதே பீ⁴மபராக்ரமேண
ப்லவங்க³மாநாம்ருஷபே⁴ண யுத்³தே⁴ ।
மஹீ ஸஶைலா ஸவநா சசால
ப⁴யம் ச ரக்ஷாம்ஸ்யதி⁴கம் விவேஶ ॥ 94 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ ஷட்ஸப்ததிதம꞉ ஸர்க³꞉ ॥ 76 ॥

யுத்³த⁴காண்ட³ ஸப்தஸப்ததிதம꞉ ஸர்க³꞉ (77) >>

---

ஸம்பூர்ண வால்மீகி ராமாயணே யுத்³த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.