Yuddha Kanda Sarga 68 – யுத்³த⁴காண்ட³ அஷ்டஷஷ்டிதம꞉ ஸர்க³꞉ (68)

ஸ்தோத்ரநிதி → வால்மீகி ராமாயணே யுத்³த⁴காண்ட³ → யுத்³த⁴காண்ட³ அஷ்டஷஷ்டிதம꞉ ஸர்க³꞉ (68)

॥ ராவணாநுஶோக꞉ ॥

கும்ப⁴கர்ணம் ஹதம் த்³ருஷ்ட்வா ராக⁴வேண மஹாத்மநா ।
ராக்ஷஸா ராக்ஷஸேந்த்³ராய ராவணாய ந்யவேத³யந் ॥ 1 ॥

ராஜந்ஸ காலஸங்காஶ꞉ ஸம்யுக்த꞉ காலகர்மணா ।
வித்³ராவ்ய வாநரீம் ஸேநாம் ப⁴க்ஷயித்வா ச வாநராந் ॥ 2 ॥

ப்ரதபித்வா முஹூர்தம் ச ப்ரஶாந்தோ ராமதேஜஸா ।
காயேநார்த⁴ப்ரவிஷ்டேந ஸமுத்³ரம் பீ⁴மத³ர்ஶநம் ॥ 3 ॥

நிக்ருத்தகண்டோ²ருபு⁴ஜோ விக்ஷரந்ருதி⁴ரம் ப³ஹு ।
ருத்³த்⁴வா த்³வாரம் ஶரீரேண லங்காயா꞉ பர்வதோபம꞉ ॥ 4 ॥

கும்ப⁴கர்ணஸ்தவ ப்⁴ராதா காகுத்ஸ்த²ஶரபீடி³த꞉ ।
லக³ண்ட³பூ⁴தோ விக்ருதோ தா³வத³க்³த⁴ இவ த்³ரும꞉ ॥ 5 ॥

தம் ஶ்ருத்வா நிஹதம் ஸங்க்²யே கும்ப⁴கர்ணம் மஹாப³லம் ।
ராவண꞉ ஶோகஸந்தப்தோ முமோஹ ச பபாத ச ॥ 6 ॥

பித்ருவ்யம் நிஹதம் த்³ருஷ்ட்வா தே³வாந்தகநராந்தகௌ ।
த்ரிஶிராஶ்சாதிகாயஶ்ச ருருது³꞉ ஶோகபீடி³தா꞉ ॥ 7 ॥

ப்⁴ராதரம் நிஹதம் த்³ருஷ்ட்வா ராமேணாக்லிஷ்டகர்மணா ।
மஹோத³ரமஹாபார்ஶ்வௌ ஶோகாக்ராந்தௌ ப³பூ⁴வது꞉ ॥ 8 ॥

தத꞉ க்ருச்ச்²ராத்ஸமாஸாத்³ய ஸஞ்ஜ்ஞாம் ராக்ஷஸபுங்க³வ꞉ ।
கும்ப⁴கர்ணவதா⁴த்³தீ³நோ விளலாப ஸ ராவண꞉ ॥ 9 ॥

ஹா வீர ரிபுத³ர்பக்⁴ந கும்ப⁴கர்ண மஹாப³ல ।
த்வம் மாம் விஹாய வை தை³வாத்³யாதோ(அ)ஸி யமஸாத³நம் ॥ 10 ॥

மம ஶல்யமநுத்³த்⁴ருத்ய பா³ந்த⁴வாநாம் மஹாப³ல ।
ஶத்ருஸைந்யம் ப்ரதாப்யைகஸ்த்வம் மாம் ஸந்த்யஜ்ய க³ச்ச²ஸி ॥ 11 ॥

இதா³நீம் க²ல்வஹம் நாஸ்மி யஸ்ய மே த³க்ஷிணோ பு⁴ஜ꞉ ।
பதிதோ யம் ஸமாஶ்ரித்ய ந பி³பே⁴மி ஸுராஸுராத் ॥ 12 ॥

கத²மேவம்விதோ⁴ வீரோ தே³வதா³நவத³ர்பஹா ।
காலாக்³நிருத்³ரப்ரதிமோ ரணே ராமேண வை ஹத꞉ ॥ 13 ॥

யஸ்ய தே வஜ்ரநிஷ்பேஷோ ந குர்யாத்³வ்யஸநம் ஸதா³ ।
ஸ கத²ம் ராமபா³ணார்த꞉ ப்ரஸுப்தோ(அ)ஸி மஹீதலே ॥ 14 ॥

ஏதே தே³வக³ணா꞉ ஸார்த⁴ம்ருஷிபி⁴ர்க³க³நே ஸ்தி²தா꞉ ।
நிஹதம் த்வாம் ரணே த்³ருஷ்ட்வா நிநத³ந்தி ப்ரஹர்ஷிதா꞉ ॥ 15 ॥

த்⁴ருவமத்³யைவ ஸம்ஹ்ருஷ்டா லப்³த⁴ளக்ஷா꞉ ப்லவங்க³மா꞉ ।
ஆரோக்ஷ்யந்தி ஹி து³ர்கா³ணி லங்காத்³வாராணி ஸர்வஶ꞉ ॥ 16 ॥

ராஜ்யேந நாஸ்தி மே கார்யம் கிம் கரிஷ்யாமி ஸீதயா ।
கும்ப⁴கர்ணவிஹீநஸ்ய ஜீவிதே நாஸ்தி மே ரதி꞉ ॥ 17 ॥

யத்³யஹம் ப்⁴ராத்ருஹந்தாரம் ந ஹந்மி யுதி⁴ ராக⁴வம் ।
நநு மே மரணம் ஶ்ரேயோ ந சேத³ம் வ்யர்த²ஜீவிதம் ॥ 18 ॥

அத்³யைவ தம் க³மிஷ்யாமி தே³ஶம் யத்ராநுஜோ மம ।
ந ஹி ப்⁴ராத்ருந்ஸமுத்ஸ்ருஜ்ய க்ஷணம் ஜீவிதுமுத்ஸஹே ॥ 19 ॥

தே³வா ஹி மாம் ஹஸிஷ்யந்தி த்³ருஷ்ட்வா பூர்வாபகாரிணம் ।
கத²மிந்த்³ரம் ஜயிஷ்யாமி கும்ப⁴கர்ண ஹதே த்வயி ॥ 20 ॥

ததி³த³ம் மாமநுப்ராப்தம் விபீ⁴ஷணவச꞉ ஶுப⁴ம் ।
யத³ஜ்ஞாநாந்மயா தஸ்ய ந க்³ருஹீதம் மஹாத்மந꞉ ॥ 21 ॥

விபீ⁴ஷணவசோ யாவத்கும்ப⁴கர்ணப்ரஹஸ்தயோ꞉ ।
விநாஶோ(அ)யம் ஸமுத்பந்நோ மாம் வ்ரீட³யதி தா³ருண꞉ ॥ 22 ॥

தஸ்யாயம் கர்மண꞉ ப்ராப்தோ விபாகோ மம ஶோகத³꞉ ।
யந்மயா தா⁴ர்மிக꞉ ஶ்ரீமாந்ஸ நிரஸ்தோ விபீ⁴ஷண꞉ ॥ 23 ॥

இதி ப³ஹுவித⁴மாகுலாந்தராத்மா
க்ருபணமதீவ விளப்ய கும்ப⁴கர்ணம் ।
ந்யபதத³த² த³ஶாநநோ ப்⁴ருஶார்த-
-ஸ்தமநுஜமிந்த்³ரரிபும் ஹதம் விதி³த்வா ॥ 24 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ அஷ்டஷஷ்டிதம꞉ ஸர்க³꞉ ॥ 68 ॥

யுத்³த⁴காண்ட³ ஏகோநஸப்ததிதம꞉ ஸர்க³꞉ (69) >>

---

ஸம்பூர்ண வால்மீகி ராமாயணே யுத்³த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.