Yuddha Kanda Sarga 6 – யுத்³த⁴காண்ட³ ஷஷ்ட²꞉ ஸர்க³꞉ (6)

ஸ்தோத்ரநிதி → வால்மீகி ராமாயணே யுத்³த⁴காண்ட³ → யுத்³த⁴காண்ட³ ஷஷ்ட²꞉ ஸர்க³꞉ (6)

॥ ராவணமந்த்ரணம் ॥

லங்காயாம் து க்ருதம் கர்ம கோ⁴ரம் த்³ருஷ்ட்வா ப⁴யாவஹம் ।
ராக்ஷஸேந்த்³ரோ ஹநுமதா ஶக்ரேணேவ மஹாத்மநா ॥ 1 ॥

அப்³ரவீத்³ராக்ஷஸாந் ஸர்வாந் ஹ்ரியா கிஞ்சித³வாங்முக²꞉ ।
த⁴ர்ஷிதா ச ப்ரவிஷ்டா ச லங்கா து³ஷ்ப்ரஸஹா புரீ ॥ 2 ॥

தேந வாநரமாத்ரேண த்³ருஷ்டா ஸீதா ச ஜாநகீ ।
ப்ராஸாதோ³ த⁴ர்ஷிதஶ்சைத்ய꞉ ப்ரப³லா ராக்ஷஸா ஹதா꞉ ॥ 3 ॥ [ப்ரவரா]

ஆகுலா ச புரீ லங்கா ஸர்வா ஹநுமதா க்ருதா । [ஆவிளா]
கிம் கரிஷ்யாமி ப⁴த்³ரம் வ꞉ கிம் வா யுக்தமநந்தரம் ॥ 4 ॥

உச்யதாம் ந꞉ ஸமர்த²ம் யத்க்ருதம் ச ஸுக்ருதம் ப⁴வேத் ।
மந்த்ரமூலம் ஹி விஜயம் ப்ராஹுரார்யா மநஸ்விந꞉ ॥ 5 ॥

தஸ்மாத்³வை ரோசயே மந்த்ரம் ராமம் ப்ரதி மஹாப³லா꞉ ।
த்ரிவிதா⁴꞉ புருஷா லோகே உத்தமாத⁴மமத்⁴யமா꞉ ॥ 6 ॥

தேஷாம் து ஸமவேதாநாம் கு³ணதோ³ஷௌ வதா³ம்யஹம் ।
மந்த்ரிபி⁴ர்ஹிதஸம்யுக்தை꞉ ஸமர்தை²ர்மந்த்ரநிர்ணயே ॥ 7 ॥

மித்ரைர்வாபி ஸமாநார்தை²ர்பா³ந்த⁴வைரபி வா ஹிதை꞉ ।
ஸஹிதோ மந்த்ரயித்வா ய꞉ கர்மாரம்பா⁴ந் ப்ரவர்தயேத் ॥ 8 ॥

தை³வே ச குருதே யத்நம் தமாஹு꞉ புருஷோத்தமம் ।
ஏகோ(அ)ர்த²ம் விம்ருஶேதே³கோ த⁴ர்மே ப்ரகுருதே மந꞉ ॥ 9 ॥

ஏக꞉ கார்யாணி குருதே தமாஹுர்மத்⁴யமம் நரம் ।
கு³ணதோ³ஷாவநிஶ்சித்ய த்யக்த்வா த⁴ர்மவ்யபாஶ்ரயம் ॥ 10 ॥

கரிஷ்யாமீதி ய꞉ கார்யமுபேக்ஷேத்ஸ நராத⁴ம꞉ ।
யதே²மே புருஷா நித்யமுத்தமாத⁴மமத்⁴யமா꞉ ॥ 11 ॥

ஏவம் மந்த்ரா ஹி விஜ்ஞேயா உத்தமாத⁴மமத்⁴யம꞉ ।
ஐகமத்யமுபாக³ம்ய ஶாஸ்த்ரத்³ருஷ்டேந சக்ஷுஷா ॥ 12 ॥

மந்த்ரிணோ யத்ர நிரதாஸ்தமாஹுர்மந்த்ரமுத்தமம் ।
ப³ஹ்வ்யோ(அ)பி மதயோ பூ⁴த்வா மந்த்ரிணாமர்த²நிர்ணயே ॥ 13 ॥

புநர்யத்ரைகதாம் ப்ராப்தா꞉ ஸ மந்த்ரோ மத்⁴யம꞉ ஸ்ம்ருத꞉ ।
அந்யோந்யம் மதிமாஸ்தா²ய யத்ர ஸம்ப்ரதிபா⁴ஷ்யதே ॥ 14 ॥

ந சைகமத்யே ஶ்ரேயோ(அ)ஸ்தி மந்த்ர꞉ ஸோ(அ)த⁴ம உச்யதே ।
தஸ்மாத்ஸுமந்த்ரிதம் ஸாது⁴ ப⁴வந்தோ மதிஸத்தமா꞉ ॥ 15 ॥

கார்யம் ஸம்ப்ரதிபத்³யந்தாமேதத்க்ருத்யம் மதம் மம ।
வாநராணாம் ஹி வீராணாம் ஸஹஸ்ரை꞉ பரிவாரித꞉ ॥ 16 ॥

ராமோ(அ)ப்⁴யேதி புரீம் லங்காமஸ்மாகமுபரோத⁴க꞉ ।
தரிஷ்யதி ச ஸுவ்யக்தம் ராக⁴வ꞉ ஸாக³ரம் ஸுக²ம் ॥ 17 ॥

தரஸா யுக்தரூபேண ஸாநுஜ꞉ ஸப³லாநுக³꞉ ।
ஸமுத்³ரமுச்சோ²ஷயதி வீர்யேணாந்யத்கரோதி வா ॥ 18 ॥

அஸ்மிந்நேவம் க³தே கார்யே விருத்³தே⁴ வாநரை꞉ ஸஹ ।
ஹிதம் புரே ச ஸைந்யே ச ஸர்வம் ஸம்மந்த்ர்யதாம் மம ॥ 19 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴கண்டே³ ஷஷ்ட²꞉ ஸர்க³꞉ ॥ 6 ॥

யுத்³த⁴காண்ட³ ஸப்தம꞉ ஸர்க³꞉ (7) >>

---

ஸம்பூர்ண வால்மீகி ராமாயணே யுத்³த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.