Yuddha Kanda Sarga 5 – யுத்³த⁴காண்ட³ பஞ்சம꞉ ஸர்க³꞉ (5)

ஸ்தோத்ரநிதி → வால்மீகி ராமாயணே யுத்³த⁴காண்ட³ → யுத்³த⁴காண்ட³ பஞ்சம꞉ ஸர்க³꞉ (5)

॥ ராமவிப்ரளம்ப⁴꞉ ॥

ஸா து நீலேந விதி⁴வத்ஸ்வாரக்ஷா ஸுஸமாஹிதா ।
ஸாக³ரஸ்யோத்தரே தீரே ஸாது⁴ ஸேநா நிவேஶிதா ॥ 1 ॥

மைந்த³ஶ்ச த்³விவித³ஶ்சோபௌ⁴ தத்ர வாநரபுங்க³வௌ ।
விசேரதுஶ்ச தாம் ஸேநாம் ரக்ஷார்த²ம் ஸர்வதோ தி³ஶம் ॥ 2 ॥

நிவிஷ்டாயாம் து ஸேநாயாம் தீரே நத³நதீ³பதே꞉ ।
பார்ஶ்வஸ்த²ம் லக்ஷ்மணம் த்³ருஷ்ட்வா ராமோ வசநமப்³ரவீத் ॥ 3 ॥

ஶோகஶ்ச கில காலேந க³ச்ச²தா ஹ்யபக³ச்ச²தி ।
மம சாபஶ்யத꞉ காந்தாமஹந்யஹநி வர்த⁴தே ॥ 4 ॥

ந மே து³꞉க²ம் ப்ரியா தூ³ரே ந மே து³꞉க²ம் ஹ்ருதேதி வா ।
ஏததே³வாநுஶோசாமி வயோ(அ)ஸ்யா ஹ்யதிவர்ததே ॥ 5 ॥

வாஹி வாத யத꞉ காந்தா தாம் ஸ்ப்ருஷ்ட்வா மாமபி ஸ்ப்ருஶ ।
த்வயி மே கா³த்ரஸம்ஸ்பர்ஶஶ்சந்த்³ரே த்³ருஷ்டிஸமாக³ம꞉ ॥ 6 ॥

தந்மே த³ஹதி கா³த்ராணி விஷம் பீதமிவாஶயே ।
ஹா நாதே²தி ப்ரியா ஸா மாம் ஹ்ரியமாணா யத³ப்³ரவீத் ॥ 7 ॥

தத்³வியோகே³ந்த⁴நவதா தச்சிந்தாவிபுலார்சிஷா ।
ராத்ரிம்தி³வம் ஶரீரம் மே த³ஹ்யதே மத³நாக்³நிநா ॥ 8 ॥

அவகா³ஹ்யார்ணவம் ஸ்வப்ஸ்யே ஸௌமித்ரே ப⁴வதா விநா ।
கத²ஞ்சித்ப்ரஜ்வலந்காமோ ஸ மா ஸுப்தம் ஜலே த³ஹேத் ॥ 9 ॥

ப³ஹ்வேதத்காமயாநஸ்ய ஶக்யமேதேந ஜீவிதும் ।
யத³ஹம் ஸா ச வாமோரூரேகாம் த⁴ரணிமாஶ்ரிதௌ ॥ 10 ॥

கேதா³ரஸ்யேவ கேதா³ர꞉ ஸோத³கஸ்ய நிரூத³க꞉ ।
உபஸ்நேஹேந ஜீவாமி ஜீவந்தீம் யச்ச்²ருணோமி தாம் ॥ 11 ॥

கதா³ நு க²லு ஸுஶ்ரோணீம் ஶதபத்ராயதேக்ஷணாம் ।
விஜித்ய ஶத்ரூந் த்³ரக்ஷ்யாமி ஸீதாம் ஸ்பீ²தாமிவ ஶ்ரியம் ॥ 12 ॥

கதா³ நு சாருபி³ம்போ³ஷ்ட²ம் தஸ்யா꞉ பத்³மமிவாநநம் ।
ஈஷது³ந்நம்ய பாஸ்யாமி ரஸாயநமிவாதுர꞉ ॥ 13 ॥

தஸ்யாஸ்து ஸம்ஹதௌ பீநௌ ஸ்தநௌ தாலப²லோபமௌ ।
கதா³ நு க²லு ஸோத்கம்பௌ ஶ்லிஷ்யந்த்யா மாம் ப⁴ஜிஷ்யத꞉ ॥ 14 ॥

ஸா நூநமஸிதாபாங்கீ³ ரக்ஷோமத்⁴யக³தா ஸதீ ।
மந்நாதா² நாத²ஹீநேவ த்ராதாரம் நாதி⁴க³ச்ச²தி ॥ 15 ॥

கத²ம் ஜநகராஜஸ்ய து³ஹிதா ஸா மம ப்ரியா ।
ராக்ஷஸீமத்⁴யகா³ ஶேதே ஸ்நுஷா த³ஶரத²ஸ்ய ச ॥ 16 ॥

கதா³(அ)விக்ஷோப்⁴யரக்ஷாம்ஸி ஸா விதூ⁴யோத்பதிஷ்யதி ।
விதூ⁴ய ஜலதா³ந்நீலாந் ஶஶிரேகா² ஶரத்ஸ்விவ ॥ 17 ॥

ஸ்வபா⁴வதநுகா நூநம் ஶோகேநாநஶநேந ச ।
பூ⁴யஸ்தநுதரா ஸீதா தே³ஶகாலவிபர்யயாத் ॥ 18 ॥

கதா³ நு ராக்ஷஸேந்த்³ரஸ்ய நிதா⁴யோரஸி ஸாயகாந் ।
ஸீதாம் ப்ரத்யாஹரிஷ்யாமி ஶோகமுத்ஸ்ருஜ்ய மாநஸம் ॥ 19 ॥

கதா³ நு க²லு மாம் ஸாத்⁴வீ ஸீதா ஸுரஸுதோபமா ।
ஸோத்கண்டா² கண்ட²மாலம்ப்³ய மோக்ஷ்யத்யாநந்த³ஜம் பய꞉ ॥ 20 ॥

கதா³ ஶோகமிமம் கோ⁴ரம் மைதி²லீ விப்ரயோக³ஜம் ।
ஸஹஸா விப்ரமோக்ஷ்யாமி வாஸ꞉ ஶுக்லேதரம் யதா² ॥ 21 ॥

ஏவம் விளபதஸ்தஸ்ய தத்ர ராமஸ்ய தீ⁴மத꞉ ।
தி³நக்ஷயாந்மந்த³ருசிர்பா⁴ஸ்கரோ(அ)ஸ்தமுபாக³மத் ॥ 22 ॥

ஆஶ்வாஸிதோ லக்ஷ்மணேந ராம꞉ ஸந்த்⁴யாமுபாஸத ।
ஸ்மரந் கமலபத்ராக்ஷீம் ஸீதாம் ஶோகாகுலீக்ருத꞉ ॥ 23 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ பஞ்சம꞉ ஸர்க³꞉ ॥ 5 ॥

யுத்³த⁴காண்ட³ ஷஷ்ட²꞉ ஸர்க³꞉ (6) >>

---

ஸம்பூர்ண வால்மீகி ராமாயணே யுத்³த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

Share this:

• Tweet
• 

Like this:

Like Loading...

Related