Yuddha Kanda Sarga 52 – யுத்³த⁴காண்ட³ த்³விபஞ்சாஶ꞉ ஸர்க³꞉ (52)

ஸ்தோத்ரநிதி → வால்மீகி ராமாயணே யுத்³த⁴காண்ட³ → யுத்³த⁴காண்ட³ த்³விபஞ்சாஶ꞉ ஸர்க³꞉ (52)

॥ தூ⁴ம்ராக்ஷவத⁴꞉ ॥

தூ⁴ம்ராக்ஷம் ப்ரேக்ஷ்ய நிர்யாந்தம் ராக்ஷஸம் பீ⁴மவிக்ரமம் ।
விநேது³ர்வாநரா꞉ ஸர்வே ப்ரஹ்ருஷ்டா யுத்³த⁴காங்க்ஷிண꞉ ॥ 1 ॥

தேஷாம் ஸுதுமுலம் யுத்³த⁴ம் ஸஞ்ஜஜ்ஞே ஹரிரக்ஷஸாம் ।
அந்யோந்யம் பாத³பைர்கோ⁴ரம் நிக்⁴நதாம் ஶூலமுத்³க³ரை꞉ ॥ 2 ॥

கோ⁴ரைஶ்ச பரிகை⁴ஶ்சித்ரைஸ்த்ரிஶூலைஶ்சாபி ஸம்ஹதை꞉ ।
ராக்ஷஸைர்வாநரா கோ⁴ரைர்விநிக்ருத்தா꞉ ஸமந்தத꞉ ॥ 3 ॥

வாநரை ராக்ஷஸாஶ்சாபி த்³ருமைர்பூ⁴மௌ ஸமீக்ருதா꞉ ।
ராக்ஷஸாஶ்சாபி ஸங்க்ருத்³தா⁴ வாநராந்நிஶிதை꞉ ஶரை꞉ ॥ 4 ॥

விவ்யது⁴ர்கோ⁴ரஸங்காஶை꞉ கங்கபத்ரைரஜிஹ்மகை³꞉ ।
தே க³தா³பி⁴ஶ்ச பீ⁴மாபி⁴꞉ பட்டிஶை꞉ கூடமுத்³க³ரை꞉ ॥ 5 ॥

விதா³ர்யமாணா ரக்ஷோபி⁴ர்வாநராஸ்தே மஹாப³லா꞉ ।
அமர்ஷாஜ்ஜநிதோத்³த⁴ர்ஷாஶ்சக்ரு꞉ கர்மாண்யபீ⁴தவத் ॥ 6 ॥

ஶரநிர்பி⁴ந்நகா³த்ராஸ்தே ஶூலநிர்பி⁴ந்நதே³ஹிந꞉ ।
ஜக்³ருஹுஸ்தே த்³ருமாம்ஸ்தத்ர ஶிலாஶ்ச ஹரியூத²பா꞉ ॥ 7 ॥

தே பீ⁴மவேகா³ ஹரயோ நர்த³மாநாஸ்ததஸ்தத꞉ ।
மமந்தூ² ராக்ஷஸாந்பீ⁴மாந்நாமாநி ச ப³பா⁴ஷிரே ॥ 8 ॥

தத்³ப³பூ⁴வாத்³பு⁴தம் கோ⁴ரம் யுத்³த⁴ம் வாநரரக்ஷஸாம் ।
ஶிலாபி⁴ர்விவிதா⁴பி⁴ஶ்ச ப³ஹுபி⁴ஶ்சைவ பாத³பை꞉ ॥ 9 ॥

ராக்ஷஸா மதி²தா꞉ கேசித்³வாநரைர்ஜிதகாஶிபி⁴꞉ ।
வவமூ ருதி⁴ரம் கேசிந்முகை² ருதி⁴ரபோ⁴ஜநா꞉ ॥ 10 ॥

பார்ஶ்வேஷு தா³ரிதா꞉ கேசித்கேசித்³ராஶீக்ருதா த்³ருமை꞉ ।
ஶிலாபி⁴ஶ்சூர்ணிதா꞉ கேசித்கேசித்³த³ந்தைர்விதா³ரிதா꞉ ॥ 11 ॥

த்⁴வஜைர்விமதி²தைர்ப⁴க்³நை꞉ ஸ்வரைஶ்ச விநிபாதிதை꞉ । [க²ரைஶ்ச]
ரதை²ர்வித்⁴வம்ஸிதைஶ்சாபி பதிதை ரஜநீசரை꞉ ॥ 12 ॥

க³ஜேந்த்³ரை꞉ பர்வதாகாரை꞉ பர்வதாக்³ரைர்வநௌகஸாம் ।
மதி²தைர்வாஜிபி⁴꞉ கீர்ணம் ஸாரோஹைர்வஸுதா⁴தலம் ॥ 13 ॥

வாநரைர்பீ⁴மவிக்ராந்தைராப்லுத்யாப்லுத்ய வேகி³தை꞉ ।
ராக்ஷஸா꞉ கரஜைஸ்தீக்ஷ்ணைர்முகே²ஷு விநிகர்திதா꞉ ॥ 14 ॥

விவர்ணவத³நா பூ⁴யோ விப்ரகீர்ணஶிரோருஹா꞉ ।
மூடா⁴꞉ ஶோணிதக³ந்தே⁴ந நிபேதுர்த⁴ரணீதலே ॥ 15 ॥

அந்யே பரமஸங்க்ருத்³தா⁴ ராக்ஷஸா பீ⁴மநி꞉ஸ்வநா꞉ ।
தலைரேவாபி⁴தா⁴வந்தி வஜ்ரஸ்பர்ஶஸமைர்ஹரீந் ॥ 16 ॥

வாநரைராபதந்தஸ்தே வேகி³தா வேக³வத்தரை꞉ ।
முஷ்டிபி⁴ஶ்சரணைர்த³ந்தை꞉ பாத³பைஶ்சாவபோதி²தா꞉ ॥ 17 ॥

வாநரைர்ஹந்யமாநாஸ்தே ராக்ஷஸா விப்ரது³த்³ருவு꞉ ।
ஸைந்யம் து வித்³ருதம் த்³ருஷ்ட்வா தூ⁴ம்ராக்ஷோ ராக்ஷஸர்ஷப⁴꞉ ॥ 18 ॥

க்ரோதே⁴ந கத³நம் சக்ரே வாநராணாம் யுயுத்ஸதாம் ।
ப்ராஸை꞉ ப்ரமதி²தா꞉ கேசித்³வாநரா꞉ ஶோணிதஸ்ரவா꞉ ॥ 19 ॥

முத்³க³ரைராஹதா꞉ கேசித்பதிதா த⁴ரணீதலே ।
பரிகை⁴ர்மதி²தா꞉ கேசித்³பி⁴ந்தி³பாலைர்விதா³ரிதா꞉ ॥ 20 ॥

பட்டிஶைராஹதா꞉ கேசித்³விஹ்வலந்தோ க³தாஸவ꞉ ।
கேசித்³விநிஹதா꞉ ஶூலை ருதி⁴ரார்த்³ரா வநௌகஸ꞉ ॥ 21 ॥

கேசித்³வித்³ராவிதா நஷ்டா꞉ ஸங்க்ருத்³தை⁴ ராக்ஷஸைர்யுதி⁴ । [ஸப³லை]
விபி⁴ந்நஹ்ருத³யா꞉ கேசிதே³கபார்ஶ்வேந தா³ரிதா꞉ ॥ 22 ॥

விதா³ரிதாஸ்த்ரிஶூலைஶ்ச கேசிதா³ந்த்ரைர்விநி꞉ஸ்ருதா꞉ ।
தத்ஸுபீ⁴மம் மஹாயுத்³த⁴ம் ஹரிராக்ஷஸஸங்குலம் ॥ 23 ॥

ப்ரப³பௌ⁴ ஶப்³த³ப³ஹுளம் ஶிலாபாத³பஸங்குலம் ।
த⁴நுர்ஜ்யாதந்த்ரிமது⁴ரம் ஹிக்காதாலஸமந்விதம் ॥ 24 ॥

மந்த³ஸ்தநிதஸங்கீ³தம் யுத்³த⁴கா³ந்த⁴ர்வமாப³பௌ⁴ ।
தூ⁴ம்ராக்ஷஸ்து த⁴நுஷ்பாணிர்வாநராந்ரணமூர்த⁴நி ॥ 25 ॥

ஹஸந்வித்³ராவயாமாஸ தி³ஶஸ்து ஶரவ்ருஷ்டிபி⁴꞉ ।
தூ⁴ம்ராக்ஷேணார்தி³தம் ஸைந்யம் வ்யதி²தம் வீக்ஷ்ய மாருதி꞉ ॥ 26 ॥ [த்³ருஶ்ய]

அப்⁴யவர்தத ஸங்க்ருத்³த⁴꞉ ப்ரக்³ருஹ்ய விபுலாம் ஶிலாம் ।
க்ரோதா⁴த்³த்³விகு³ணதாம்ராக்ஷ꞉ பித்ருதுல்யபராக்ரம꞉ ॥ 27 ॥

ஶிலாம் தாம் பாதயாமாஸ தூ⁴ம்ராக்ஷஸ்ய ரத²ம் ப்ரதி ।
ஆபதந்தீம் ஶிலாம் த்³ருஷ்ட்வா க³தா³முத்³யம்ய ஸம்ப்⁴ரமாத் ॥ 28 ॥

ரதா²தா³ப்லுத்ய வேகே³ந வஸுதா⁴யாம் வ்யதிஷ்ட²த ।
ஸா ப்ரமத்²ய ரத²ம் தஸ்ய நிபபாத ஶிலா பு⁴வி ॥ 29 ॥

ஸசக்ரகூப³ரம் ஸாஶ்வம் ஸத்⁴வஜம் ஸஶராஸநம் ।
ஸ ப⁴ங்க்த்வா து ரத²ம் தஸ்ய ஹநுமாந்மாருதாத்மஜ꞉ ॥ 30 ॥

ரக்ஷஸாம் கத³நம் சக்ரே ஸஸ்கந்த⁴விடபைர்த்³ருமை꞉ ।
விபி⁴ந்நஶிரஸோ பூ⁴த்வா ராக்ஷஸா꞉ ஶோணிதோக்ஷிதா꞉ ॥ 31 ॥

த்³ருமை꞉ ப்ரவ்யதி²தாஶ்சாந்யே நிபேதுர்த⁴ரணீதலே ।
வித்³ராவ்ய ராக்ஷஸம் ஸைந்யம் ஹநுமாந்மாருதாத்மஜ꞉ ॥ 32 ॥

கி³ரே꞉ ஶிக²ரமாதா³ய தூ⁴ம்ராக்ஷமபி⁴து³த்³ருவே ।
தமாபதந்தம் தூ⁴ம்ராக்ஷோ க³தா³முத்³யம்ய வீர்யவாந் ॥ 33 ॥

விநர்த³மாந꞉ ஸஹஸா ஹநுமந்தமபி⁴த்³ரவத் ।
தத꞉ க்ருத்³த⁴ஸ்து வேகே³ந க³தா³ம் தாம் ப³ஹுகண்டகாம் ॥ 34 ॥

பாதயாமாஸ தூ⁴ம்ராக்ஷோ மஸ்தகே து ஹநூமத꞉ ।
தாடி³த꞉ ஸ தயா தத்ர க³த³யா பீ⁴மரூபயா ॥ 35 ॥

ஸ கபிர்மாருதப³லஸ்தம் ப்ரஹாரமசிந்தயந் ।
தூ⁴ம்ராக்ஷஸ்ய ஶிரோமத்⁴யே கி³ரிஶ்ருங்க³மபாதயத் ॥ 36 ॥

ஸ விஹ்வலிதஸர்வாங்கோ³ கி³ரிஶ்ருங்கே³ண தாடி³த꞉ ।
பபாத ஸஹஸா பூ⁴மௌ விகீர்ண இவ பர்வத꞉ ॥ 37 ॥

தூ⁴ம்ராக்ஷம் நிஹதம் த்³ருஷ்ட்வா ஹதஶேஷா நிஶாசரா꞉ ।
த்ரஸ்தா꞉ ப்ரவிவிஶுர்லங்காம் வத்⁴யமாநா꞉ ப்லவங்க³மை꞉ ॥ 38 ॥

ஸ து பவநஸுதோ நிஹத்ய ஶத்ரும்
க்ஷதஜவஹா꞉ ஸரிதஶ்ச ஸந்நிகீர்ய ।
ரிபுவத⁴ஜநிதஶ்ரமோ மஹாத்மா
முத³மக³மத்கபிபி⁴ஶ்ச பூஜ்யமாந꞉ ॥ 39 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ த்³விபஞ்சாஶ꞉ ஸர்க³꞉ ॥ 52 ॥

யுத்³த⁴காண்ட³ த்ரிபஞ்சாஶ꞉ ஸர்க³꞉ (53) >>

---

ஸம்பூர்ண வால்மீகி ராமாயணே யுத்³த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.