Yuddha Kanda Sarga 43 – யுத்³த⁴காண்ட³ த்ரிசத்வாரிம்ஶ꞉ ஸர்க³꞉ (43)


॥ த்³வந்த்³வயுத்³த⁴ம் ॥

யுத்³த்⁴யதாம் து ததஸ்தேஷாம் வாநராணாம் மஹாத்மநாம் ।
ரக்ஷஸாம் ஸம்ப³பூ⁴வாத² ப³லகோப꞉ ஸுதா³ருண꞉ ॥ 1 ॥

தே ஹயை꞉ காஞ்சநாபீடை³ர்த்⁴வஜைஶ்சாக்³நிஶிகோ²பமை꞉ ।
ரதை²ஶ்சாதி³த்யஸங்காஶை꞉ கவசைஶ்ச மநோரமை꞉ ॥ 2 ॥

நிர்யயூ ராக்ஷஸவ்யாக்⁴ரா நாத³யந்தோ தி³ஶோ த³ஶ ।
ராக்ஷஸா பீ⁴மகர்மாணோ ராவணஸ்ய ஜயைஷிண꞉ ॥ 3 ॥

வாநராணாமபி சமூர்ப்³ருஹதீ ஜயமிச்ச²தாம் ।
அப்⁴யதா⁴வத தாம் ஸேநாம் ரக்ஷஸாம் காமரூபிணாம் ॥ 4 ॥

ஏதஸ்மிந்நந்தரே தேஷாமந்யோந்யமபி⁴தா⁴வதாம் ।
ரக்ஷஸாம் வாநராணாம் ச த்³வந்த்³வயுத்³த⁴மவர்தத ॥ 5 ॥

அங்க³தே³நேந்த்³ரஜித்ஸார்த⁴ம் வாலிபுத்ரேண ராக்ஷஸ꞉ ।
அயுத்⁴யத மஹாதேஜாஸ்த்ர்யம்ப³கேண யதா²ந்தக꞉ ॥ 6 ॥

ப்ரஜங்கே⁴ந ச ஸம்பாதிர்நித்யம் து³ர்மர்ஷணோ ரணே ।
ஜம்பு³மாலிநமாரப்³தோ⁴ ஹநுமாநபி வாநர꞉ ॥ 7 ॥

ஸங்க³த꞉ ஸுமஹாக்ரோதோ⁴ ராக்ஷஸோ ராவணாநுஜ꞉ ।
ஸமரே தீக்ஷ்ணவேகே³ந மித்ரக்⁴நேந விபீ⁴ஷண꞉ ॥ 8 ॥

தபநேந க³ஜ꞉ ஸார்த⁴ம் ராக்ஷஸேந மஹாப³ல꞉ ।
நிகும்பே⁴ந மஹாதேஜா நீலோ(அ)பி ஸமயுத்⁴யத ॥ 9 ॥

வாநரேந்த்³ரஸ்து ஸுக்³ரீவ꞉ ப்ரக⁴ஸேந ஸமாக³த꞉ ।
ஸங்க³த꞉ ஸமரே ஶ்ரீமாந்விரூபாக்ஷேண லக்ஷ்மண꞉ ॥ 10 ॥

அக்³நிகேதுஶ்ச து³ர்த⁴ர்ஷோ ரஶ்மிகேதுஶ்ச ராக்ஷஸ꞉ ।
ஸுப்தக்⁴நோ யஜ்ஞகோபஶ்ச ராமேண ஸஹ ஸங்க³தா꞉ ॥ 11 ॥

வஜ்ரமுஷ்டிஸ்து மைந்தே³ந த்³விவிதே³நாஶநிப்ரப⁴꞉ ।
ராக்ஷஸாப்⁴யாம் ஸுகோ⁴ராப்⁴யாம் கபிமுக்²யௌ ஸமாக³தௌ ॥ 12 ॥

வீர꞉ ப்ரதபநோ கோ⁴ரோ ராக்ஷஸோ ரணது³ர்த⁴ர꞉ ।
ஸமரே தீக்ஷ்ணவேகே³ந ளேந ஸமயுத்⁴யத ॥ 13 ॥

த⁴ர்மஸ்ய புத்ரோ ப³லவாந்ஸுஷேண இதி விஶ்ருத꞉ ।
ஸ வித்³யுந்மாலிநா ஸார்த⁴மயுத்⁴யத மஹாகபி꞉ ॥ 14 ॥

வாநராஶ்சாபரே பீ⁴மா ராக்ஷஸைரபரை꞉ ஸஹ ।
த்³வந்த்³வம் ஸமீயுர்ப³ஹுதா⁴ யுத்³தா⁴ய ப³ஹுபி⁴꞉ ஸஹ ॥ 15 ॥

தத்ராஸீத்ஸுமஹத்³யுத்³த⁴ம் துமுலம் ரோமஹர்ஷணம் ।
ரக்ஷஸாம் வாநராணாம் ச வீராணாம் ஜயமிச்ச²தாம் ॥ 16 ॥

ஹரிராக்ஷஸதே³ஹேப்⁴ய꞉ ப்ரபூ⁴தா꞉ கேஶஶாத்³வலா꞉ ।
ஶரீரஸங்கா⁴டவஹா꞉ ப்ரஸுஸ்ரு꞉ ஶோணிதாபகா³꞉ ॥ 17 ॥

ஆஜகா⁴நேந்த்³ரஜித்க்ருத்³தோ⁴ வஜ்ரேணேவ ஶதக்ரது꞉ ।
அங்க³த³ம் க³த³யா வீரம் ஶத்ருஸைந்யவிதா³ரணம் ॥ 18 ॥

தஸ்ய காஞ்சநசித்ராங்க³ம் ரத²ம் ஸாஶ்வம் ஸஸாரதி²ம் ।
ஜகா⁴ந ஸமரே ஶ்ரீமாநங்க³தோ³ வேக³வாந்கபி꞉ ॥ 19 ॥

ஸம்பாதிஸ்து த்ரிபி⁴ர்பா³ணை꞉ ப்ரஜங்கே⁴ந ஸமாஹத꞉ ।
நிஜகா⁴நாஶ்வகர்ணேந ப்ரஜங்க⁴ம் ரணமூர்த⁴நி ॥ 20 ॥

ஜம்பு³மாலீ ரத²ஸ்த²ஸ்து ரத²ஶக்த்யா மஹாப³ல꞉ ।
பி³பே⁴த³ ஸமரே க்ருத்³தோ⁴ ஹநூமந்தம் ஸ்தநாந்தரே ॥ 21 ॥

தஸ்ய தம் ரத²மாஸ்தா²ய ஹநூமாந்மாருதாத்மஜ꞉ ।
ப்ரமமாத² தலேநாஶு ஸஹ தேநைவ ரக்ஷஸா ॥ 22 ॥

நத³ந்ப்ரதபநோ கோ⁴ரோ ளம் ஸோ(அ)ப்யந்வதா⁴வத ।
ள꞉ ப்ரதபநஸ்யாஶு பாதயாமாஸ சக்ஷுஷீ ॥ 23 ॥

பி⁴ந்நகா³த்ர꞉ ஶரைஸ்தீக்ஷ்ணை꞉ க்ஷிப்ரஹஸ்தேந ரக்ஷஸா ।
க்³ரஸந்தமிவ ஸைந்யாநி ப்ரக⁴ஸம் வாநராதி⁴ப꞉ ॥ 24 ॥

ஸுக்³ரீவ꞉ ஸப்தபர்ணேந நிர்பி³பே⁴த³ ஜகா⁴ந ச ।
[* அதி⁴கபாட²꞉ –
ப்ரபீட்³ய ஶரவர்ஷேண ராக்ஷஸம் பீ⁴மத³ர்ஶநம் ।
நிஜகா⁴ந விரூபாக்ஷம் ஶரணைகேந லக்ஷ்மண꞉ ।
*]
அக்³நிகேதுஶ்ச து³ர்த⁴ர்ஷோ ரஶ்மிகேதுஶ்ச ராக்ஷஸ꞉ ॥ 25 ॥

ஸுப்தக்⁴நோ யஜ்ஞகோபஶ்ச ராமம் நிர்பி³பி⁴து³꞉ ஶரை꞉ ।
தேஷாம் சதுர்ணாம் ராமஸ்து ஶிராம்ஸி நிஶிதை꞉ ஶரை ॥ 26 ॥

க்ருத்³த⁴ஶ்சதுர்பி⁴ஶ்சிச்சே²த³ கோ⁴ரைரக்³நிஶிகோ²பமை꞉ ।
வஜ்ரமுஷ்டிஸ்து மைந்தே³ந முஷ்டிநா நிஹதோ ரணே ॥ 27 ॥

பபாத ஸரத²꞉ ஸாஶ்வ꞉ ஸுராட்ட இவ பூ⁴தலே । [புராட்ட]
[* அதி⁴கபாட²꞉ –
மித்ரக்⁴நமரித³ர்பக்⁴ந ஆபதந்தம் விபீ⁴ஷண꞉ ।
ஆஸாத்³ய க³த³யா கு³ர்வ்யா ஜகா⁴ந ரணமூர்த⁴நி ।
பி⁴ந்நகா³த்ர꞉ ஶரைஸ்தீக்ஷ்ணை꞉ க்ஷிப்ரஹஸ்தேந ரக்ஷஸா ।
*]
நிகும்ப⁴ஸ்து ரணே நீலம் நீலாஞ்ஜநசயப்ரப⁴ம் ।
நிர்பி³பே⁴த³ ஶரைஸ்தீக்ஷ்ணை꞉ கரைர்மேக⁴மிவாம்ஶுமாந் ॥ 28 ॥

புந꞉ ஶரஶதேநாத² க்ஷிப்ரஹஸ்தோ நிஶாசர꞉ ।
பி³பே⁴த³ ஸமரே நீலம் நிகும்ப⁴꞉ ப்ரஜஹாஸ ச ॥ 29 ॥

தஸ்யைவ ரத²சக்ரேண நீலோ விஷ்ணுரிவாஹவே ।
ஶிரஶ்சிச்சே²த³ ஸமரே நிகும்ப⁴ஸ்ய ச ஸாரதே²꞉ ॥ 30 ॥

வஜ்ராஶநிஸமஸ்பர்ஶோ த்³விவிதோ³(அ)ப்யஶநிப்ரப⁴ம் ।
ஜகா⁴ந கி³ரிஶ்ருங்கே³ண மிஷதாம் ஸர்வரக்ஷஸாம் ॥ 31 ॥

த்³விவித³ம் வாநரேந்த்³ரம் து நக³யோதி⁴நமாஹவே ।
ஶரைரஶநிஸங்காஶை꞉ ஸ விவ்யாதா⁴ஶநிப்ரப⁴꞉ ॥ 32 ॥

ஸ ஶரைரதிவித்³தா⁴ங்கோ³ த்³விவித³꞉ க்ரோத⁴மூர்சி²த꞉ ।
ஸாலேந ஸரத²ம் ஸாஶ்வம் நிஜகா⁴நாஶநிப்ரப⁴ம் ॥ 33 ॥

[* அதி⁴கஶ்லோகம் –
நத³ந்ப்ரபதநோ கோ⁴ரோ ளம் ஸோ(அ)ப்யந்வதா⁴வத ।
ள꞉ ப்ரதபநஸ்யாஶு பாதயாமாஸ சக்ஷுஷீ ॥
*]

வித்³யுந்மாலீ ரத²ஸ்த²ஸ்து ஶரை꞉ காஞ்சநபூ⁴ஷணை꞉ ।
ஸுஷேணம் தாட³யாமாஸ நநாத³ ச முஹுர்முஹு꞉ ॥ 34 ॥

தம் ரத²ஸ்த²மதோ² த்³ருஷ்ட்வா ஸுஷேணோ வாநரோத்தம꞉ ।
கி³ரிஶ்ருங்கே³ண மஹதா ரத²மாஶு ந்யபாதயத் ॥ 35 ॥

லாக⁴வேந து ஸம்யுக்தோ வித்³யுந்மாலீ நிஶாசர꞉ ।
அபக்ரம்ய ரதா²த்தூர்ணம் க³தா³பாணி꞉ க்ஷிதௌ ஸ்தி²த꞉ ॥ 36 ॥

தத꞉ க்ரோத⁴ஸமாவிஷ்ட꞉ ஸுஷேணோ ஹரிபுங்க³வ꞉ ।
ஶிலாம் ஸுமஹதீம் க்³ருஹ்ய நிஶாசரமபி⁴த்³ரவத் ॥ 37 ॥

தமாபதந்தம் க³த³யா வித்³யுந்மாலீ நிஶாசர꞉ ।
வக்ஷஸ்யபி⁴ஜகா⁴நாஶு ஸுஷேணம் ஹரிஸத்தமம் ॥ 38 ॥

க³தா³ப்ரஹாரம் தம் கோ⁴ரமசிந்த்ய ப்லவகோ³த்தம꞉ ।
தாம் ஶிலாம் பாதயாமாஸ தஸ்யோரஸி மஹாம்ருதே⁴ ॥ 39 ॥

ஶிலாப்ரஹாராபி⁴ஹதோ வித்³யுந்மாலீ நிஶாசர꞉ ।
நிஷ்பிஷ்டஹ்ருத³யோ பூ⁴மௌ க³தாஸுர்நிபபாத ஹ ॥ 40 ॥

ஏவம் தைர்வாநரை꞉ ஶூரை꞉ ஶூராஸ்தே ரஜநீசரா꞉ ।
த்³வந்த்³வே விம்ருதி³தாஸ்தத்ர தை³த்யா இவ தி³வௌகஸை꞉ ॥ 41 ॥

ப⁴க்³நை꞉ க²ட்³கை³ர்க³தா³பி⁴ஶ்ச ஶக்திதோமரபட்டிஶை꞉ ।
அபவித்³தை⁴ஶ்ச பி⁴ந்நைஶ்ச ரதை²꞉ ஸாங்க்³ராமிகைர்ஹயை꞉ ॥ 42 ॥

நிஹதை꞉ குஞ்ஜரைர்மத்தைஸ்ததா² வாநரராக்ஷஸை꞉ ।
சக்ராக்ஷயுக³த³ண்டை³ஶ்ச ப⁴க்³நைர்த⁴ரணிஸம்ஶ்ரிதை꞉ ॥ 43 ॥

ப³பூ⁴வாயோத⁴நம் கோ⁴ரம் கோ³மாயுக³ணஸங்குலம் ।
கப³ந்தா⁴நி ஸமுத்பேதுர்தி³க்ஷு வாநரரக்ஷஸாம் ।
விமர்தே³ துமுலே தஸ்மிந்தே³வாஸுரரணோபமே ॥ 44 ॥

விதா³ர்யமாணா ஹரிபுங்க³வைஸ்ததா³
நிஶாசரா꞉ ஶோணிததி³க்³த⁴கா³த்ரா꞉ ।
புந꞉ ஸுயுத்³த⁴ம் தரஸா ஸமாஸ்தி²தா
தி³வாகரஸ்யாஸ்தமயாபி⁴காங்க்ஷிண꞉ ॥ 45 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ த்ரிசத்வாரிம்ஶ꞉ ஸர்க³꞉ ॥ 43 ॥

யுத்³த⁴காண்ட³ சதுஶ்சத்வாரிம்ஶ꞉ ஸர்க³꞉ (44) >>


ஸம்பூர்ண வால்மீகி ராமாயணே யுத்³த⁴காண்ட³ பார்க்க.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed