Yuddha Kanda Sarga 42 – யுத்³த⁴காண்ட³ த்³விசத்வாரிம்ஶ꞉ ஸர்க³꞉ (42)

ஸ்தோத்ரநிதி → வால்மீகி ராமாயணே யுத்³த⁴காண்ட³ → யுத்³த⁴காண்ட³ த்³விசத்வாரிம்ஶ꞉ ஸர்க³꞉ (42)

॥ யுத்³தா⁴ரம்ப⁴꞉ ॥

ததஸ்தே ராக்ஷஸாஸ்தத்ர க³த்வா ராவணமந்தி³ரம் ।
ந்யவேத³யந்புரீம் ருத்³தா⁴ம் ராமேண ஸஹ வாநரை꞉ ॥ 1 ॥

ருத்³தா⁴ம் து நக³ரீம் ஶ்ருத்வா ஜாதக்ரோதோ⁴ நிஶாசர꞉ ।
விதா⁴நம் த்³விகு³ணம் க்ருத்வா ப்ராஸாத³ம் ஸோ(அ)த்⁴யரோஹத ॥ 2 ॥

ஸ த³த³ர்ஶாவ்ருதாம் லங்காம் ஸஶைலவநகாநநாம் ।
அஸங்க்²யேயைர்ஹரிக³ணை꞉ ஸர்வதோ யுத்³த⁴காங்க்ஷிபி⁴꞉ ॥ 3 ॥

ஸ த்³ருஷ்ட்வா வாநரை꞉ ஸர்வாம் வஸுதா⁴ம் கவலீக்ருதாம் ।
கத²ம் க்ஷபயிதவ்யா꞉ ஸ்யுரிதி சிந்தாபரோ(அ)ப⁴வத் ॥ 4 ॥

ஸ சிந்தயித்வா ஸுசிரம் தை⁴ர்யமாலம்ப்³ய ராவண꞉ ।
ராக⁴வம் ஹரியூதா²ம்ஶ்ச த³த³ர்ஶாயதலோசந꞉ ॥ 5 ॥

ராக⁴வ꞉ ஸஹ ஸைந்யேந முதி³தோ நாம புப்லுவே ।
லங்காம் த³த³ர்ஶ கு³ப்தாம் வை ஸர்வதோ ராக்ஷஸைர்வ்ருதாம் ॥ 6 ॥

த்³ருஷ்ட்வா தா³ஶரதி²ர்லங்காம் சித்ரத்⁴வஜபதாகிநீம் ।
ஜகா³ம ஸஹஸா ஸீதாம் தூ³யமாநேந சேதஸா ॥ 7 ॥

அத்ர ஸா ம்ருக³ஶாபா³க்ஷீ மத்க்ருதே ஜநகாத்மஜா ।
பீட்³யதே ஶோகஸந்தப்தா க்ருஶா ஸ்த²ண்டி³லஶாயிநீ ॥ 8 ॥

பீட்³யமாநாம் ஸ த⁴ர்மாத்மா வைதே³ஹீமநுசிந்தயந் ।
க்ஷிப்ரமாஜ்ஞாபயாமாஸ வாநராந்த்³விஷதாம் வதே⁴ ॥ 9 ॥

ஏவமுக்தே து வசநே ராமேணாக்லிஷ்டகர்மணா ।
ஸங்க⁴ர்ஷமாண꞉ ப்லவகா³꞉ ஸிம்ஹநாதை³ரநாத³யந் ॥ 10 ॥

ஶிக²ரைர்விகிராமைநாம் லங்காம் முஷ்டிபி⁴ரேவ வா ।
இதி ஸ்ம த³தி⁴ரே ஸர்வே மநாம்ஸி ஹரியூத²பா꞉ ॥ 11 ॥

உத்³யம்ய கி³ரிஶ்ருங்கா³ணி ஶிக²ராணி மஹாந்தி ச ।
தரூம்ஶ்சோத்பாட்ய விவிதா⁴ம்ஸ்திஷ்ட²ந்தி ஹரியூத²பா꞉ ॥ 12 ॥

ப்ரேக்ஷதோ ராக்ஷஸேந்த்³ரஸ்ய தாந்யநீகாநி பா⁴க³ஶ꞉ ।
ராக⁴வப்ரியகாமார்த²ம் லங்காமாருருஹுஸ்ததா³ ॥ 13 ॥

தே தாம்ரவக்த்ரா ஹேமாபா⁴ ராமார்தே² த்யக்தஜீவிதா꞉ ।
லங்காமேவாப்⁴யவர்தந்த ஸாலதாலஶிலாயுதா⁴꞉ ॥ 14 ॥

தே த்³ருமை꞉ பர்வதாக்³ரைஶ்ச முஷ்டிபி⁴ஶ்ச ப்லவங்க³மா꞉ ।
ப்ராகாராக்³ராண்யரண்யாநி மமந்து²ஸ்தோரணாநி ச ॥ 15 ॥

பரிகா²꞉ பூரயந்தி ஸ்ம ப்ரஸந்நஸலிலாயுதா꞉ ।
பாம்ஸுபி⁴꞉ பர்வதாக்³ரைஶ்ச த்ருணை꞉ காஷ்டை²ஶ்ச வாநரா꞉ ॥ 16 ॥

தத꞉ ஸஹஸ்ரயூதா²ஶ்ச கோடியூதா²ஶ்ச வாநரா꞉ ।
கோடீஶதயுதாஶ்சாந்யே லங்காமாருருஹுஸ்ததா³ ॥ 17 ॥

காஞ்சநாநி ப்ரம்ருத்³நந்தஸ்தோரணாநி ப்லவங்க³மா꞉ ।
கைலாஸஶிக²ராபா⁴ணி கோ³புராணி ப்ரமத்²ய ச ॥ 18 ॥

ஆப்லவந்த꞉ ப்லவந்தஶ்ச க³ர்ஜந்தஶ்ச ப்லவங்க³மா꞉ ।
லங்காம் தாமபி⁴தா⁴வந்தி மஹாவாரணஸந்நிபா⁴꞉ ॥ 19 ॥

ஜயத்யதிப³லோ ராமோ லக்ஷ்மணஶ்ச மஹாப³ல꞉ ।
ராஜா ஜயதி ஸுக்³ரீவோ ராக⁴வேணாபி⁴பாலித꞉ ॥ 20 ॥

இத்யேவம் கோ⁴ஷயந்தஶ்ச க³ர்ஜந்தஶ்ச ப்லவங்க³மா꞉ ।
அப்⁴யதா⁴வந்த லங்காயா꞉ ப்ராகாரம் காமரூபிண꞉ ॥ 21 ॥

வீரபா³ஹு꞉ ஸுபா³ஹுஶ்ச ளஶ்ச வநகோ³சர꞉ ।
நிபீட்³யோபநிவிஷ்டாஸ்தே ப்ராகாரம் ஹரியூத²பா꞉ ॥ 22 ॥

ஏதஸ்மிந்நந்தரே சக்ரு꞉ ஸ்கந்தா⁴வாரநிவேஶநம் ।
பூர்வத்³வாரம் து குமுத³꞉ கோடீபி⁴ர்த³ஶபி⁴ர்வ்ருத꞉ ॥ 23 ॥

ஆவ்ருத்ய ப³லவாம்ஸ்தஸ்தௌ² ஹரிபி⁴ர்ஜிதகாஶிபி⁴꞉ ।
ஸாஹாய்யார்த²ம் து தஸ்யைவ நிவிஷ்ட꞉ ப்ரக⁴ஸோ ஹரி꞉ ॥ 24 ॥

பநஸஶ்ச மஹாபா³ஹுர்வாநரைர்ப³ஹுபி⁴ர்வ்ருத꞉ ।
த³க்ஷிணம் த்³வாரமாக³ம்ய வீர꞉ ஶதவலி꞉ கபி꞉ ॥ 25 ॥

ஆவ்ருத்ய ப³லவாம்ஸ்தஸ்தௌ² விம்ஶத்யா கோடிபி⁴ர்வ்ருத꞉ ।
ஸுஷேண꞉ பஶ்சிமத்³வாரம் க³தஸ்தாராபிதா ஹரி꞉ ॥ 26 ॥

ஆவ்ருத்ய ப³லவாம்ஸ்தஸ்தௌ² ஷஷ்டிகோடிபி⁴ராவ்ருத꞉ ।
உத்தரம் த்³வாரமாஸாத்³ய ராம꞉ ஸௌமித்ரிணா ஸஹ ॥ 27 ॥

ஆவ்ருத்ய ப³லவாம்ஸ்தஸ்தௌ² ஸுக்³ரீவஶ்ச ஹரீஶ்வர꞉ ।
கோ³ளாங்கூ³ளோ மஹாகாயோ க³வாக்ஷோ பீ⁴மத³ர்ஶந꞉ ॥ 28 ॥

வ்ருத꞉ கோட்யா மஹாவீர்யஸ்தஸ்தௌ² ராமஸ்ய பார்ஶ்வத꞉ ।
ருக்ஷாணாம் பீ⁴மவேகா³நாம் தூ⁴ம்ர꞉ ஶத்ருநிப³ர்ஹண꞉ ॥ 29 ॥

வ்ருத꞉ கோட்யா மஹாவீர்யஸ்தஸ்தௌ² ராமஸ்ய பார்ஶ்வத꞉ ।
ஸந்நத்³த⁴ஸ்து மஹாவீர்யோ க³தா³பாணிர்விபீ⁴ஷண꞉ ॥ 30 ॥

வ்ருதோ யத்தைஸ்து ஸசிவைஸ்தஸ்தௌ² தத்ர மஹாப³ல꞉ ।
க³ஜோ க³வாக்ஷோ க³வய꞉ ஶரபோ⁴ க³ந்த⁴மாத³ந꞉ ॥ 31 ॥

ஸமந்தாத்பரிதா⁴வந்தோ ரரக்ஷுர்ஹரிவாஹிநீம் ।
தத꞉ கோபபரீதாத்மா ராவணோ ராக்ஷஸேஶ்வர꞉ ॥ 32 ॥

நிர்யாணம் ஸர்வஸைந்யாநாம் த்³ருதமாஜ்ஞாபயத்ததா³ ।
ஏதச்ச்²ருத்வா ததோ வாக்யம் ராவணஸ்ய முகோ²த்³க³தம் ॥ 33 ॥

ஸஹஸா பீ⁴மநிர்கோ⁴ஷமுத்³கு⁴ஷ்டம் ரஜநீசரை꞉ ।
தத꞉ ப்ரசோதி³தா பே⁴ர்யஶ்சந்த்³ரபாண்டு³ரபுஷ்கரா꞉ ॥ 34 ॥

ஹேமகோணாஹதா பீ⁴மா ராக்ஷஸாநாம் ஸமந்தத꞉ ।
விநேது³ஶ்ச மஹாகோ⁴ஷா꞉ ஶங்கா²꞉ ஶதஸஹஸ்ரஶ꞉ ॥ 35 ॥

ராக்ஷஸாநாம் ஸுகோ⁴ராணாம் முக²மாருதபூரிதா꞉ ।
தே ப³பு⁴꞉ ஶுப⁴நீலாங்கா³꞉ ஸஶங்கா² ரஜநீசரா꞉ ॥ 36 ॥

வித்³யுந்மண்ட³லஸந்நத்³தா⁴꞉ ஸப³லாகா இவாம்பு³தா³꞉ ।
நிஷ்பதந்தி தத꞉ ஸைந்யா ஹ்ருஷ்டா ராவணசோதி³தா꞉ ॥ 37 ॥

ஸமயே பூர்யமாணஸ்ய வேகா³ இவ மஹோத³தே⁴꞉ ।
ததோ வாநரஸைந்யேந முக்தோ நாத³꞉ ஸமந்தத꞉ ॥ 38 ॥

மலய꞉ பூரிதோ யேந ஸஸாநுப்ரஸ்த²கந்த³ர꞉ ।
ஶங்க²து³ந்து³பி⁴ஸங்கு⁴ஷ்ட꞉ ஸிம்ஹநாத³ஸ்தரஸ்விநாம் ॥ 39 ॥

ப்ருதி²வீம் சாந்தரிக்ஷம் ச ஸாக³ரம் சைவ நாத³யந் ।
க³ஜாநாம் ப்³ரும்ஹிதை꞉ ஸார்த⁴ம் ஹயாநாம் ஹேஷிதைரபி ॥ 40 ॥

ரதா²நாம் நேமிகோ⁴ஷைஶ்ச ரக்ஷஸாம் வத³நஸ்வந꞉ ।
ஏதஸ்மிந்நந்தரே கோ⁴ர꞉ ஸங்க்³ராம꞉ ஸமவர்தத ॥ 41 ॥

ரக்ஷஸாம் வாநராணாம் ச யதா² தே³வாஸுரே புரா ।
தே க³தா³பி⁴꞉ ப்ரதீ³ப்தாபி⁴꞉ ஶக்திஶூலபரஶ்வதை⁴꞉ ॥ 42 ॥

நிஜக்⁴நுர்வாநராந்கோ⁴ரா꞉ கத²யந்த꞉ ஸ்வவிக்ரமாந் ।
வாநராஶ்ச மஹாவீர்யா꞉ ராக்ஷஸாந் ஜக்⁴நுராஹவே ॥ 43 ॥

ஜயத்யதிப³லோ ராம꞉ லக்ஷணஶ்ச மஹாப³ல꞉ ।
ராஜா ஜயதி ஸுக்³ரீவ இதி ஶப்³தோ³ மஹாநபூ⁴த் ॥ 44 ॥

ராஜந் ஜய ஜயேத்யுக்த்வா ஸ்வஸ்வநாமகதா²ந்தத꞉ ।
ததா² வ்ருக்ஷைர்மஹாகாயா꞉ பர்வதாக்³ரைஶ்ச வாநரா꞉ ॥ 45 ॥

நிஜக்⁴நுஸ்தாநி ரக்ஷாம்ஸி நகை²ர்த³ந்தைஶ்ச வேகி³தா꞉ ।
ராக்ஷஸாஸ்த்வபரே பீ⁴மா꞉ ப்ராகாரஸ்தா² மஹீக³தாந் ॥ 46 ॥

பி⁴ந்தி³பாலைஶ்ச க²ட்³கை³ஶ்ச ஶூலைஶ்சைவ வ்யதா³ரயந் ।
வாநராஶ்சாபி ஸங்க்ருத்³தா⁴꞉ ப்ராகாரஸ்தா²ந்மஹீக³தா꞉ ॥ 47 ॥

ராக்ஷஸாந்பாதயாமாஸு꞉ ஸமாப்லுத்ய ப்லவங்க³மா꞉ ।
ஸ ஸம்ப்ரஹாரஸ்துமுலோ மாம்ஸஶோணிதகர்த³ம꞉ ।
ரக்ஷஸாம் வாநராணாம் ச ஸம்ப³பூ⁴வாத்³பு⁴தோபம꞉ ॥ 48 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ த்³விசத்வாரிம்ஶ꞉ ஸர்க³꞉ ॥ 42 ॥

யுத்³த⁴காண்ட³ த்ரிசத்வாரிம்ஶ꞉ ஸர்க³꞉ (43) >>

---

ஸம்பூர்ண வால்மீகி ராமாயணே யுத்³த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.