Yuddha Kanda Sarga 20 – யுத்³த⁴காண்ட³ விம்ஶ꞉ ஸர்க³꞉ (20)

ஸ்தோத்ரநிதி → வால்மீகி ராமாயணே யுத்³த⁴காண்ட³ → யுத்³த⁴காண்ட³ விம்ஶ꞉ ஸர்க³꞉ (20)

॥ ஸுக்³ரீவபே⁴த³நோபாய꞉ ॥

ததோ நிவிஷ்டாம் த்⁴வஜிநீம் ஸுக்³ரீவேணாபி⁴பாலிதாம் ।
த³த³ர்ஶ ராக்ஷஸோ(அ)ப்⁴யேத்ய ஶார்தூ³ளோ நாம வீர்யவாந் ॥ 1 ॥

சாரோ ராக்ஷஸராஜஸ்ய ராவணஸ்ய து³ராத்மந꞉ ।
தாம் த்³ருஷ்ட்வா ஸர்வதோ வ்யக்³ரம் ப்ரதிக³ம்ய ஸ ராக்ஷஸ꞉ ॥ 2 ॥

ப்ரவிஶ்ய லங்காம் வேகே³ந ராவணம் வாக்யமப்³ரவீத் ।
ஏஷ வாநரருக்ஷௌகோ⁴ லங்காம் ஸமபி⁴வர்ததே ॥ 3 ॥

அகா³த⁴ஶ்சாப்ரமேயஶ்ச த்³விதீய இவ ஸாக³ர꞉ ।
புத்ரௌ த³ஶரத²ஸ்யேமௌ ப்⁴ராதரௌ ராமலக்ஷ்மணௌ ॥ 4 ॥

உத்தமாயுத⁴ஸம்பந்நௌ ஸீதாயா꞉ பத³மாக³தௌ ।
ஏதௌ ஸாக³ரமாஸாத்³ய ஸந்நிவிஷ்டௌ மஹாத்³யுதீ ॥ 5 ॥

ப³லமாகாஶமாவ்ருத்ய ஸர்வதோ த³ஶயோஜநம் ।
தத்த்வபூ⁴தம் மஹாரஜ க்ஷிப்ரம் வேதி³துமர்ஹஸி ॥ 6 ॥

தவ தூ³தா மஹாராஜ க்ஷிப்ரமர்ஹந்த்யவேக்ஷிதும் ।
உபப்ரதா³நம் ஸாந்த்வம் வா பே⁴தோ³ வாத்ர ப்ரயுஜ்யதாம் ॥ 7 ॥

ஶார்தூ³ளஸ்ய வச꞉ ஶ்ருத்வா ராவணோ ராக்ஷஸேஶ்வர꞉ ।
உவாச ஸஹஸா வ்யக்³ர꞉ ஸம்ப்ரதா⁴ர்யார்த²மாத்மந꞉ ॥ 8 ॥

ஶுகம் நாம ததா³ ரக்ஷோ வாக்யமர்த²விதா³ம் வரம் ।
ஸுக்³ரீவம் ப்³ரூஹி க³த்வா த்வம் ராஜாநம் வசநாந்மம ।
யதா² ஸந்தே³ஶமக்லீப³ம் ஶ்லக்ஷ்ணயா பரயா கி³ரா ॥ 9 ॥

த்வம் வை மஹாராஜ குலப்ரஸூதோ
மஹாப³லஶ்சர்க்ஷரஜ꞉ஸுதஶ்ச ।
ந கஶ்சித³ர்த²ஸ்தவ நாஸ்த்யநர்த²-
-ஸ்ததா² ஹி மே ப்⁴ராத்ருஸமோ ஹரீஶ ॥ 10 ॥

அஹம் யத்³யஹரம் பா⁴ர்யாம் ராஜபுத்ரஸ்ய தீ⁴மத꞉ ।
கிம் தத்ர தவ ஸுக்³ரீவ கிஷ்கிந்தா⁴ம் ப்ரதிக³ம்யதாம் ॥ 11 ॥

ந ஹீயம் ஹரிபி⁴ர்லங்கா ஶக்யா ப்ராப்தும் கத²ஞ்சந ।
தே³வைரபி ஸக³ந்த⁴ர்வை꞉ கிம் புநர்நரவாநரை꞉ ॥ 12 ॥

ஸ ததா² ராக்ஷஸேந்த்³ரேண ஸந்தி³ஷ்டோ ரஜநீசர꞉ ।
ஶுகோ விஹங்க³மோ பூ⁴த்வா தூர்ணமாப்லுத்ய சாம்ப³ரம் ॥ 13 ॥

ஸ க³த்வா தூ³ரமத்⁴வாநமுபர்யுபரி ஸாக³ரம் ।
ஸம்ஸ்தி²தோ ஹ்யம்ப³ரே வாக்யம் ஸுக்³ரீவமித³மப்³ரவீத் ॥ 14 ॥

ஸர்வமுக்தம் யதா²தி³ஷ்டம் ராவணேந து³ராத்மநா ।
தம் ப்ராபயந்தம் வசநம் தூர்ணமாப்லுத்ய வாநரா꞉ ॥ 15 ॥

ப்ராபத்³யந்த தி³வம் க்ஷிப்ரம் லோப்தும் ஹந்தும் ச முஷ்டிபி⁴꞉ ।
ஸ தை꞉ ப்லவங்கை³꞉ ப்ரஸப⁴ம் நிக்³ருஹீதோ நிஶாசர꞉ ॥ 16 ॥

க³க³நாத்³பூ⁴தலே சாஶு பரிக்³ருஹ்ய நிபாதித꞉ ।
வாநரை꞉ பீட்³யமாநஸ்து ஶுகோ வசநமப்³ரவீத் ॥ 17 ॥

ந தூ³தாந்க்⁴நந்தி காகுத்ஸ்த² வார்யந்தாம் ஸாது⁴ வாநரா꞉ ।
யஸ்து ஹித்வா மதம் ப⁴ர்து꞉ ஸ்வமதம் ஸம்ப்ரபா⁴ஷதே ॥ 18 ॥

அநுக்தவாதீ³ தூ³த꞉ ஸந்ஸ தூ³தோ வத⁴மர்ஹதி ।
ஶுகஸ்ய வசநம் ஶ்ருத்வா ராமஸ்து பரிதே³விதம் ॥ 19 ॥

உவாச மா வதி⁴ஷ்டே²தி க்⁴நத꞉ ஶாகா²ம்ருக³ர்ஷபா⁴ந் ।
ஸ ச பத்ரளகு⁴ர்பூ⁴த்வா ஹரிபி⁴ர்த³ர்ஶிதே ப⁴யே ॥ 20 ॥

அந்தரிக்ஷஸ்தி²தோ பூ⁴த்வா புநர்வசநமப்³ரவீத் ।
ஸுக்³ரீவ ஸத்த்வஸம்பந்ந மஹாப³லபராக்ரம ।
கிம் மயா க²லு வக்தவ்யோ ராவணோ லோகராவண꞉ ॥ 21 ॥

ஸ ஏவமுக்த꞉ ப்லவகா³தி⁴பஸ்ததா³
ப்லவங்க³மாநாம்ருஷபோ⁴ மஹாப³ல꞉ ।
உவாச வாக்யம் ரஜநீசரஸ்ய
சாரம் ஶுகம் தீ³நமதீ³நஸத்த்வ꞉ ॥ 22 ॥

ந மே(அ)ஸி மித்ரம் ந ததா²(அ)நுகம்ப்யோ
ந சோபகர்தா(அ)ஸி ந மே ப்ரியோஸி ।
அரிஶ்ச ராமஸ்ய ஸஹாநுப³ந்த⁴꞉
ஸ மேஸி வாலீவ வதா⁴ர்ஹ வத்⁴ய꞉ ॥ 23 ॥

நிஹந்ம்யஹம் த்வாம் ஸஸுதம் ஸப³ந்து⁴ம்
ஸஜ்ஞாதிவர்க³ம் ரஜநீசரேஶ ।
லங்காம் ச ஸர்வாம் மஹதா ப³லேந ।
க்ஷிப்ரம் கரிஷ்யாமி ஸமேத்ய ப⁴ஸ்ம ॥ 24 ॥

ந மோக்ஷ்யஸே ராவண ராக⁴வஸ்ய
ஸுரை꞉ ஸஹேந்த்³ரைரபி மூட⁴ கு³ப்த꞉ ।
அந்தர்ஹித꞉ ஸூர்யபத²ம் க³தோ வா
நபோ⁴ ந பாதாலமநுப்ரவிஷ்ட꞉ ॥ 25

[* அதி⁴கபாட²꞉ –
கி³ரீஶபாதா³ம்பு³ஜஸங்க³தோ வா
ஹதோ(அ)ஸி ராமேண ஸஹாநுஜஸ்த்வம் ।
*]

தஸ்ய தே த்ரிஷு லோகேஷு ந பிஶாசம் ந ராக்ஷஸம் ।
த்ராதாரமநுபஶ்யாமி ந க³ந்த⁴ர்வம் ந சாஸுரம் ॥ 27 ॥

அவதீ⁴ர்யஜ்ஜராவ்ருத்³த⁴ம் க்³ருத்⁴ரராஜாநமக்ஷமம் । [ஜடாயுஷம்]
கிம் நு தே ராமஸாந்நித்⁴யே ஸகாஶே லக்ஷ்மணஸ்ய வா ॥ 28 ॥

ஹ்ருதா ஸீதா விஶாலாக்ஷீ யாம் த்வம் க்³ருஹ்ய ந பு³த்⁴யஸே ।
மஹாப³லம் மஹாப்ராஜ்ஞம் து³ர்த⁴ர்ஷமமரைரபி ॥ 29 ॥ [மஹாத்மாநம்]

ந பு³த்⁴யஸே ரகு⁴ஶ்ரேஷ்ட²ம் யஸ்தே ப்ராணாந்ஹரிஷ்யதி ।
ததோ(அ)ப்³ரவீத்³வாலிஸுதஸ்த்வங்க³தோ³ ஹரிஸத்தம꞉ ॥ 30 ॥

நாயம் தூ³தோ மஹாராஜ சாரிக꞉ ப்ரதிபா⁴தி மே ।
துலிதம் ஹி ப³லம் ஸர்வமநேநாத்ரைவ திஷ்ட²தா ॥ 31 ॥

க்³ருஹ்யதாம் மா க³மல்லங்காமேதத்³தி⁴ மம ரோசதே ।
ததோ ராஜ்ஞா ஸமாதி³ஷ்டா꞉ ஸமுத்ப்லுத்ய வலீமுகா²꞉ ॥ 32 ॥

ஜக்³ருஹுஸ்தம் ப³ப³ந்து⁴ஶ்ச விளபந்தமநாத²வத் ।
ஶுகஸ்து வாநரைஶ்சண்டை³ஸ்தத்ர தை꞉ ஸம்ப்ரபீடி³த꞉ ॥ 33 ॥

வ்யாக்ரோஶத மஹாத்மாநம் ராமம் த³ஶரதா²த்மஜம் ।
லுப்யேதே மே ப³லாத்பக்ஷௌ பி⁴த்³யேதே மே ததா²(அ)க்ஷிணீ ॥ 34 ॥

யாம் ச ராத்ரிம் மரிஷ்யாமி ஜாயே ராத்ரிம் ச யாமஹம் ।
ஏதஸ்மிந்நந்தரே காலே யந்மயா ஹ்யஶுப⁴ம் க்ருதம் ॥ 35 ॥

ஸர்வம் தது³பபத்³யேதா² ஜஹ்யாம் சேத்³யதி³ ஜீவிதம் ।
நாகா⁴தயத்ததா³ ராம꞉ ஶ்ருத்வா தத்பரிதே³வநம் ।
வாநராநப்³ரவீத்³ராமோ முச்யதாம் தூ³த ஆக³த꞉ ॥ 36 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ விம்ஶ꞉ ஸர்க³꞉ ॥ 20 ॥

விஷூசிகா மந்த்ர கத²நம் (யோக³வாஸிஷ்ட²ம்) , யுத்³த⁴காண்ட³ ஏகவிம்ஶ꞉ ஸர்க³꞉ (21) >>

---

ஸம்பூர்ண வால்மீகி ராமாயணே யுத்³த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.