Read in తెలుగు / ಕನ್ನಡ / தமிழ் / देवनागरी / English (IAST)
॥ புஷ்பகோத்பதநம் ॥
உபஸ்தி²தம் து தம் த்³ருஷ்ட்வா புஷ்பகம் புஷ்பபூ⁴ஷிதம் ।
அவிதூ³ரஸ்தி²தோ ராமம் ப்ரத்யுவாச விபீ⁴ஷண꞉ ॥ 1 ॥
ஸ து ப³த்³தா⁴ஞ்ஜலி꞉ ப்ரஹ்வோ விநீதோ ராக்ஷஸேஶ்வர꞉ ।
அப்³ரவீத்த்வரயோபேத꞉ கிம் கரோமீதி ராக⁴வம் ॥ 2 ॥
தமப்³ரவீந்மஹாதேஜா லக்ஷ்மணஸ்யோபஶ்ருண்வத꞉ ।
விம்ருஶ்ய ராக⁴வோ வாக்யமித³ம் ஸ்நேஹபுரஸ்க்ருதம் ॥ 3 ॥
க்ருதப்ரயத்நகர்மாணோ விபீ⁴ஷண வநௌகஸ꞉ ।
ரத்நைரர்தை²ஶ்ச விவிதை⁴ர்பூ⁴ஷணைஶ்சாபி பூஜய ॥ 4 ॥
ஸஹைபி⁴ரஜிதா லங்கா நிர்ஜிதா ராக்ஷஸேஶ்வர ।
ஹ்ருஷ்டை꞉ ப்ராணப⁴யம் த்யக்த்வா ஸங்க்³ராமேஷ்வநிவர்திபி⁴꞉ ॥ 5 ॥
த இமே க்ருதகர்மாண꞉ பூஜ்யந்தாம் ஸர்வவாநரா꞉ ।
த⁴நரத்நப்ரதா³நேந கர்மைஷாம் ஸப²லம் குரு ॥ 6 ॥
ஏவம் ஸம்மாநிதாஶ்சைதே மாநார்ஹா மாநத³ த்வயா ।
ப⁴விஷ்யந்தி க்ருதஜ்ஞேந நிர்வ்ருதா ஹரியூத²பா꞉ ॥ 7 ॥
த்யாகி³நம் ஸங்க்³ரஹீதாரம் ஸாநுக்ரோஶம் யஶஸ்விநம் ।
ஸர்வே த்வாமவக³ச்ச²ந்தி தத꞉ ஸம்போ³த⁴யாம்யஹம் ॥ 8 ॥
ஹீநம் ரதிகு³ணை꞉ ஸர்வைரபி⁴ஹந்தாரமாஹவே ।
த்யஜந்தி ந்ருபதிம் ஸைந்யா꞉ ஸம்விக்³நாஸ்தம் நரேஶ்வரம் ॥ 9 ॥
ஏவமுக்தஸ்து ராமேண வாநராம்ஸ்தாந்விபீ⁴ஷண꞉ ।
ரத்நார்தை²꞉ ஸம்விபா⁴கே³ந ஸர்வாநேவாப்⁴யபூஜயத் ॥ 10 ॥
ததஸ்தாந்பூஜிதாந்த்³ருஷ்ட்வா ரத்நைரர்தை²ஶ்ச யூத²பாந் ।
ஆருரோஹ ததோ ராமஸ்தத்³விமாநமநுத்தமம் ॥ 11 ॥
அங்கேநாதா³ய வைதே³ஹீம் லஜ்ஜமாநாம் யஶஸ்விநீம் ।
லக்ஷ்மணேந ஸஹ ப்⁴ராத்ரா விக்ராந்தேந த⁴நுஷ்மதா ॥ 12 ॥
அப்³ரவீச்ச விமாநஸ்த²꞉ பூஜயந்ஸர்வவாநராந் ।
ஸுக்³ரீவம் ச மஹாவீர்யம் காகுத்ஸ்த²꞉ ஸவிபீ⁴ஷணம் ॥ 13 ॥
மித்ரகார்யம் க்ருதமித³ம் ப⁴வத்³பி⁴ர்வாநரோத்தமா꞉ ।
அநுஜ்ஞாதா மயா ஸர்வே யதே²ஷ்டம் ப்ரதிக³ச்ச²த ॥ 14 ॥
யத்து கார்யம் வயஸ்யேந ஸுஹ்ருதா³ வா பரந்தப ।
க்ருதம் ஸுக்³ரீவ தத்ஸர்வம் ப⁴வதா(அ)த⁴ர்மபீ⁴ருணா ॥ 15 ॥
கிஷ்கிந்தா⁴ம் ப்ரதியாஹ்யாஶு ஸ்வஸைந்யேநாபி⁴ஸம்வ்ருத꞉ ।
ஸ்வராஜ்யே வஸ லங்காயாம் மயா த³த்தே விபீ⁴ஷண ॥ 16 ॥
ந த்வாம் த⁴ர்ஷயிதும் ஶக்தா꞉ ஸேந்த்³ரா அபி தி³வௌகஸ꞉ ।
அயோத்⁴யாம் ப்ரதியாஸ்யாமி ராஜதா⁴நீம் பிதுர்மம ॥ 17 ॥
அப்⁴யநுஜ்ஞாதுமிச்சா²மி ஸர்வாம்ஶ்சாமந்த்ரயாமி வ꞉ ।
ஏவமுக்தாஸ்து ராமேண வாநராஸ்தே மஹாப³லா꞉ ॥ 18 ॥
ஊசு꞉ ப்ராஞ்ஜலயோ ராமம் ராக்ஷஸஶ்ச விபீ⁴ஷண꞉ ।
அயோத்⁴யாம் க³ந்துமிச்சா²ம꞉ ஸர்வாந்நயது நோ ப⁴வாந் ॥ 19 ॥
உத்³யுக்தா விசரிஷ்யாமோ வநாநி நக³ராணி ச ।
த்³ருஷ்ட்வா த்வாமபி⁴ஷேகார்த்³ரம் கௌஸல்யாமபி⁴வாத்³ய ச ॥ 20 ॥
அசிரேணாக³மிஷ்யாம꞉ ஸ்வாந்க்³ருஹாந்ந்ருபதே꞉ ஸுத ।
ஏவமுக்தஸ்து த⁴ர்மாத்மா வாநரை꞉ ஸவிபீ⁴ஷணை꞉ ॥ 21 ॥
அப்³ரவீத்³ராக⁴வ꞉ ஶ்ரீமாந்ஸஸுக்³ரீவவிபீ⁴ஷணாந் ।
ப்ரியாத்ப்ரியதரம் லப்³த⁴ம் யத³ஹம் ஸஸுஹ்ருஜ்ஜந꞉ ॥ 22 ॥
ஸர்வைர்ப⁴வத்³பி⁴꞉ ஸஹித꞉ ப்ரீதிம் லப்ஸ்யே புரீம் க³த꞉ ।
க்ஷிப்ரமாரோஹ ஸுக்³ரீவ விமாநம் வாநரை ஸஹ ॥ 23 ॥
த்வமத்⁴யாரோஹ ஸாமாத்யோ ராக்ஷஸேந்த்³ர விபீ⁴ஷண ।
ததஸ்தத்புஷ்பகம் தி³வ்யம் ஸுக்³ரீவ꞉ ஸஹ ஸேநயா ॥ 24 ॥
அத்⁴யாரோஹத்த்வரந் ஶீக்⁴ரம் ஸாமாத்யஶ்ச விபீ⁴ஷண꞉ ।
தேஷ்வாரூடே⁴ஷு ஸர்வேஷு கௌபே³ரம் பரமாஸநம் ॥ 25 ॥
ராக⁴வேணாப்⁴யநுஜ்ஞாதமுத்பபாத விஹாயஸம் ।
யயௌ தேந விமாநேந ஹம்ஸயுக்தேந பா⁴ஸ்வதா ॥ 26 ॥
ப்ரஹ்ருஷ்டஶ்ச ப்ரதீதஶ்ச ப³பௌ⁴ ராம꞉ குபே³ரவத் ।
தே ஸர்வே வாநரா ஹ்ருஷ்டா ராக்ஷஸாஶ்ச மஹாப³லா꞉ ।
யதா²ஸுக²மஸம்பா³த⁴ம் தி³வ்யே தஸ்மிந்நுபாவிஶந் ॥ 27 ॥
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ பஞ்சவிம்ஶத்யுத்தரஶததம꞉ ஸர்க³꞉ ॥ 125 ॥
யுத்³த⁴காண்ட³ ஷட்³விம்ஶத்யுத்தரஶததம꞉ ஸர்க³꞉ (126) >>
ஸம்பூர்ண வால்மீகி ராமாயணே யுத்³த⁴காண்ட³ பார்க்க.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
