Suvarnamala Stuti – ஸுவர்ணமாலா ஸ்துதி꞉


அத² கத²மபி மத்³ராஸநாம் த்வத்³கு³ணலேஶைர்விஶோத⁴யாமி விபோ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 1 ॥

ஆக²ண்ட³லமத³க²ண்ட³நபண்டி³த தண்டு³ப்ரிய சண்டீ³ஶ விபோ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 2 ॥

இப⁴சர்மாம்ப³ர ஶம்ப³ரரிபுவபுரபஹரணோஜ்ஜ்வலநயந விபோ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 3 ॥

ஈஶ கி³ரீஶ நரேஶ பரேஶ மஹேஶ பி³லேஶயபூ⁴ஷண போ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 4 ॥

உமயா தி³வ்யஸுமங்க³ளவிக்³ரஹயாளிங்கி³தவாமாங்க³ விபோ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 5 ॥

ஊரீகுரு மாமஜ்ஞமநாத²ம் தூ³ரீகுரு மே து³ரிதம் போ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 6 ॥

ருஷிவரமாநஸஹம்ஸ சராசரஜநநஸ்தி²திலயகாரண போ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 7 ॥

ரூக்ஷாதீ⁴ஶகிரீட மஹோக்ஷாரூட⁴ வித்⁴ருதருத்³ராக்ஷ விபோ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 8 ॥

லுவர்ணத்³வந்த்³வமவ்ருந்தஸுகுஸுமமிவாங்க்⁴ரௌ தவார்பயாமி விபோ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 9 ॥

ஏகம் ஸதி³தி ஶ்ருத்யா த்வமேவ ஸத³ஸீத்யுபாஸ்மஹே ம்ருட³ போ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 10 ॥

ஐக்யம் நிஜப⁴க்தேப்⁴யோ விதரஸி விஶ்வம்ப⁴ரோ(அ)த்ர ஸாக்ஷீ போ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 11 ॥

ஓமிதி தவ நிர்தே³ஷ்ட்ரீ மாயாஸ்மாகம் ம்ருடோ³பகர்த்ரீ போ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 12 ॥

ஔதா³ஸ்யம் ஸ்பு²டயதி விஷயேஷு தி³க³ம்ப³ரதா ச தவைவ விபோ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 13 ॥

அந்த꞉கரணவிஶுத்³தி⁴ம் ப⁴க்திம் ச த்வயி ஸதீம் ப்ரதே³ஹி விபோ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 14 ॥

அஸ்தோபாதி⁴ஸமஸ்தவ்யஸ்தை ரூபைர்ஜக³ந்மயோ(அ)ஸி விபோ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 15 ॥

கருணாவருணாலய மயி தா³ஸ உதா³ஸஸ்தவோசிதோ ந ஹி போ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 16 ॥

க²லஸஹவாஸம் விக⁴டய க⁴டய ஸதாமேவ ஸங்க³மநிஶம் போ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 17 ॥

க³ரளம் ஜக³து³பக்ருதயே கி³ளிதம் ப⁴வதா ஸமோ(அ)ஸ்தி கோ(அ)த்ர விபோ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 18 ॥

க⁴நஸாரகௌ³ரகா³த்ர ப்ரசுரஜடாஜூடப³த்³த⁴க³ங்க³ விபோ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 19 ॥

ஜ்ஞப்தி꞉ ஸர்வஶரீரேஷ்வக²ண்டி³தா யா விபா⁴தி ஸா த்வம் போ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 20 ॥

சபலம் மம ஹ்ருத³யகபிம் விஷயத்³ருசரம் த்³ருட⁴ம் ப³தா⁴ந விபோ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 21 ॥

சா²யா ஸ்தா²ணோரபி தவ தாபம் நமதாம் ஹரத்யஹோ ஶிவ போ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 22 ॥

ஜய கைலாஸநிவாஸ ப்ரமத²க³ணாதீ⁴ஶ பூ⁴ஸுரார்சித போ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 23 ॥

ஜ²ணுதகஜ²ங்கிணுஜ²ணுதத்கிடதக-ஶப்³தை³ர்நடஸி மஹாநட போ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 24 ॥

ஜ்ஞாநம் விக்ஷேபாவ்ருதிரஹிதம் குரு மே கு³ருஸ்த்வமேவ விபோ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 25 ॥

டங்காரஸ்தவ த⁴நுஷோ த³ளயதி ஹ்ருத³யம் த்³விஷாமஶநிரிவ போ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 26 ॥

டா²க்ருதிரிவ தவ மாயா ப³ஹிரந்த꞉ ஶூந்யரூபிணீ க²லு போ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 27 ॥

ட³ம்ப³ரமம்பு³ருஹாமபி த³ளயத்யநக⁴ம் த்வத³ங்க்⁴ரியுக³ளம் போ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 28 ॥

ட⁴க்காக்ஷஸூத்ரஶூலத்³ருஹிணகரோடீஸமுல்லஸத்கர போ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 29 ॥

ணாகாரக³ர்பி⁴ணீ சேச்சு²ப⁴தா³ தே ஶரக³திர்ந்ருணாமிஹ போ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 30 ॥

தவ மந்வதிஸஞ்ஜபத꞉ ஸத்³யஸ்தரதி நரோ ஹி ப⁴வாப்³தி⁴ம் போ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 31 ॥

தூ²த்காரஸ்தஸ்ய முகே² பூ⁴யாத்தே நாம நாஸ்தி யஸ்ய விபோ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 32 ॥

த³யநீயஶ்ச த³யாளு꞉ கோ(அ)ஸ்தி மத³ந்யஸ்த்வத³ந்ய இஹ வத³ போ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 33 ॥

த⁴ர்மஸ்தா²பநத³க்ஷ த்ர்யக்ஷ கு³ரோ த³க்ஷயஜ்ஞஶிக்ஷக போ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 34 ॥

நநு தாடி³தோ(அ)ஸி த⁴நுஷா லுப்³த⁴தி⁴யா த்வம் புரா நரேண விபோ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 35 ॥

பரிமாதும் தவ மூர்திம் நாலமஜஸ்தத்பராத்பரோ(அ)ஸி விபோ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 36 ॥

ப²லமிஹ ந்ருதயா ஜநுஷஸ்த்வத்பத³ஸேவா ஸநாதநேஶ விபோ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 37 ॥

ப³லமாரோக்³யம் சாயுஸ்த்வத்³கு³ணருசிதாம் சிரம் ப்ரதே³ஹி விபோ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 38 ॥

ப⁴க³வந்ப⁴ர்க³ ப⁴யாபஹ பூ⁴தபதே பூ⁴திபூ⁴ஷிதாங்க³ விபோ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 39 ॥

மஹிமா தவ ந ஹி மாதி ஶ்ருதிஷு ஹிமாநீத⁴ராத்மஜாத⁴வ போ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 40 ॥

யமநியமாதி³பி⁴ரங்கை³ர்யமிநோ ஹ்ருத³யே ப⁴ஜந்தி ஸ த்வம் போ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 41 ॥

ரஜ்ஜாவஹிரிவ ஶுக்தௌ ரஜதமிவ த்வயி ஜக³ந்தி பா⁴ந்தி விபோ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 42 ॥

லப்³த்⁴வா ப⁴வத்ப்ரஸாதா³ச்சக்ரம் விது⁴ரவதி லோகமகி²லம் போ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 43 ॥

வஸுதா⁴தத்³த⁴ரதச்ச²யரத²மௌர்வீஶர பராக்ருதாஸுர போ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 44 ॥

ஶர்வ தே³வ ஸர்வோத்தம ஸர்வத³ து³ர்வ்ருத்தக³ர்வஹரண விபோ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 45 ॥

ஷட்³ரிபுஷடூ³ர்மிஷட்³விகாரஹர ஸந்முக² ஷண்முக²ஜநக விபோ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 46 ॥

ஸத்யம் ஜ்ஞாநமநந்தம் ப்³ரஹ்மேத்யேதல்லக்ஷணலக்ஷித போ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 47 ॥

ஹாஹாஹூஹூமுக²ஸுரகா³யககீ³தாபதா³நபத்³ய விபோ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 48 ॥

லாதி³ர்ந ஹி ப்ரயோக³ஸ்தத³ந்தமிஹ மங்க³ளம் ஸதா³ஸ்து விபோ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 49 ॥

க்ஷணமிவ தி³வஸாந்நேஷ்யதி த்வத்பத³ஸேவாக்ஷணோத்ஸுக꞉ ஶிவ போ⁴ ।
ஸாம்ப³ ஸதா³ஶிவ ஶம்போ⁴ ஶங்கர ஶரணம் மே தவ சரணயுக³ம் ॥ 50 ॥

இதி ஶ்ரீமத்பரமஹம்ஸபரிவ்ராஜகாசார்யஸ்ய ஶ்ரீகோ³விந்த³ப⁴க³வத்பூஜ்யபாத³ஶிஷ்யஸ்ய ஶ்ரீமச்ச²ங்கரப⁴க³வத꞉ க்ருதௌ ஸுவர்ணமாலா ஸ்துதி꞉ ஸம்பூர்ணா ॥


மேலும் ஶ்ரீ ஶிவ ஸ்தோத்ராணி காண்க.


గమనిక : "శ్రీ గాయత్రీ స్తోత్రనిధి" పారాయణ గ్రంథము ముద్రణ చేయుటకు ఆలోచన చేయుచున్నాము.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

மறுமொழி இடவும்

உங்கள் மின்னஞ்சல் வெளியிடப்பட மாட்டாது

error: Not allowed