Sri Suparna Stotram (Mahabharatam) – ஶ்ரீ ஸுபர்ண ஸ்தோத்ரம் (மஹாபா⁴ரதே)

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → ஶ்ரீ ஸுபர்ண ஸ்தோத்ரம் (மஹாபா⁴ரதே)

தே³வா ஊசு꞉ ।
த்வம்ருஷிஸ்த்வம் மஹாபா⁴க³ஸ்த்வம் தே³வ꞉ பதகே³ஶ்வர꞉ ।
த்வம் ப்ரபு⁴ஸ்தபந꞉ ஸூர்ய꞉ பரமேஷ்டீ² ப்ரஜாபதி꞉ ॥ 1 ॥

த்வமிந்த்³ரஸ்த்வம் ஹயமுக²ஸ்த்வம் ஶர்வஸ்த்வம் ஜக³த்பதி꞉ ।
த்வம் முக²ம் பத்³மஜோ விப்ரஸ்த்வமக்³நி꞉ பவநஸ்ததா² ॥ 2 ॥

த்வம் ஹி தா⁴தா விதா⁴தா ச த்வம் விஷ்ணு꞉ ஸுரஸத்தம꞉ ।
த்வம் மஹாநபி⁴பூ⁴꞉ ஶஶ்வத³ம்ருதம் த்வம் மஹத்³யஶ꞉ ।
த்வம் ப்ரபா⁴ஸ்த்வமபி⁴ப்ரேதம் த்வம் நஸ்த்ராணமநுத்தமம் ॥ 3 ॥

ப³லோர்மிமாந் ஸாது⁴ரதீ³நஸத்த்வ꞉
ஸம்ருத்³தி⁴மாந் து³ர்விஷஹஸ்த்வமேவ ।
த்வத்த꞉ ஸ்ருதம் ஸர்வமஹீநகீர்தே
ஹ்யநாக³தம் சோபக³தம் ச ஸர்வம் ॥ 4 ॥

த்வமுத்தம꞉ ஸர்வமித³ம் சராசரம்
க³ப⁴ஸ்திபி⁴ர்பா⁴நுரிவாவபா⁴ஸஸே ।
ஸமாக்ஷிபந் பா⁴நுமத꞉ ப்ரபா⁴ம் முஹு-
-ஸ்த்வமந்தக꞉ ஸர்வமித³ம் த்⁴ருவாத்⁴ருவம் ॥ 5 ॥

தி³வாகர꞉ பரிகுபிதோ யதா² த³ஹேத்
ப்ரஜாஸ்ததா² த³ஹஸி ஹுதாஶநப்ரப⁴ ।
ப⁴யங்கர꞉ ப்ரளய இவாக்³நிருத்தி²தோ
விநாஶயந் யுக³பரிவர்தநாந்தக்ருத் ॥ 6 ॥

க²கே³ஶ்வரம் ஶரணமுபாக³தா வயம்
மஹௌஜஸம் ஜ்வலநஸமாநவர்சஸம் ।
தடி³த்ப்ரப⁴ம் விதிமிரமப்⁴ரகோ³சரம்
மஹாப³லம் க³ருட³முப்யேத கே²சரம் ॥ 7 ॥

பராவரம் வரத³மஜய்யவிக்ரமம்
தவௌஜஸா ஸர்வமித³ம் ப்ரதாபிதம் ।
ஜக³த்ப்ரபோ⁴ தப்தஸுவர்ணவர்சஸா
த்வம் பாஹி ஸர்வாம்ஶ்ச ஸுராந் மஹாத்மந꞉ ॥ 8 ॥

ப⁴யாந்விதா நப⁴ஸி விமாநகா³மிநோ
விமாநிதா விபத²க³திம் ப்ரயாந்தி தே ।
ருஷே꞉ ஸுதஸ்த்வமஸி த³யாவத꞉ ப்ரபோ⁴
மஹாத்மந꞉ க²க³வர கஶ்யபஸ்ய ஹ ॥ 9 ॥

ஸ மா க்ருத⁴꞉ குரு ஜக³தோ த³யாம் பராம்
த்வமீஶ்வர꞉ ப்ரஶமமுபைஹி பாஹி ந꞉ ।
மஹாஶநிஸ்பு²ரிதஸமஸ்வநேந தே
தி³ஶோ(அ)ம்ப³ரம் த்ரிதி³வமியம் ச மேதி³நீ ॥ 10 ॥

சலந்தி ந꞉ க²க³ ஹ்ருத³யாநி சாநிஶம்
நிக்³ருஹ்யதாம் வபுரித³மக்³நிஸந்நிப⁴ம் ।
தவ த்³யுதிம் குபிதக்ருதாந்தஸந்நிபா⁴ம்
நிஶம்ய நஶ்சலதி மநோ(அ)வ்யவஸ்தி²தம் ।
ப்ரஸீத³ ந꞉ பதக³பதே ப்ரயாசதாம்
ஶிவஶ்ச நோ ப⁴வ ப⁴க³வந் ஸுகா²வஹ꞉ ॥ 11 ॥

ஏவம் ஸ்துத꞉ ஸுபர்ணஸ்து தே³வை꞉ ஸர்ஷிக³ணைஸ்ததா³ ।
தேஜஸ꞉ ப்ரதிஸம்ஹாரமாத்மந꞉ ஸ சகார ஹ ॥ 12 ॥

இதி ஶ்ரீமந்மஹாபா⁴ரதே ஆதி³பர்வணி த்ரயோவிம்ஶோ(அ)த்⁴யாயே தே³வக்ருத ஶ்ரீ ஸுபர்ண ஸ்தோத்ரம் ॥

---

மேலும் ஶ்ரீ விஷ்ணு ஸ்தோத்திரங்கள் பார்க்க.

---