Sundarakanda Sarga (Chapter) 49 – ஸுந்த³ரகாண்ட³ ஏகோனபஞ்சாஶ꞉ ஸர்க³꞉ (49)

॥ ராவணப்ரபா⁴வத³ர்ஶநம் ॥

தத꞉ ஸ கர்மணா தஸ்ய விஸ்மிதோ பீ⁴மவிக்ரம꞉ ।
ஹநுமாந்ரோஷதாம்ராக்ஷோ ரக்ஷோ(அ)தி⁴பமவைக்ஷத ॥ 1 ॥

ப்⁴ராஜமாநம் மஹார்ஹேண காஞ்சநேந விராஜதா ।
முக்தாஜாலாவ்ருதேநாத² முகுடேந மஹாத்³யுதிம் ॥ 2 ॥

வஜ்ரஸம்யோக³ஸம்யுக்தைர்மஹார்ஹமணிவிக்³ரஹை꞉ ।
ஹைமைராப⁴ரணைஶ்சித்ரைர்மநஸேவ ப்ரகல்பிதை꞉ ॥ 3 ॥

மஹார்ஹக்ஷௌமஸம்வீதம் ரக்தசந்த³நரூஷிதம் ।
ஸ்வநுலிப்தம் விசித்ராபி⁴ர்விவிதா⁴பி⁴ஶ்ச ப⁴க்திபி⁴꞉ ॥ 4 ॥

விவ்ருதைர்த³ர்ஶநீயைஶ்ச ரக்தாக்ஷைர்பீ⁴மத³ர்ஶநை꞉ ।
தீ³ப்ததீக்ஷ்ணமஹாத³ம்ஷ்ட்ரை꞉ ப்ரளம்ப³த³ஶநச்ச²தை³꞉ ॥ 5 ॥

ஶிரோபி⁴ர்த³ஶபி⁴ர்வீரம் ப்⁴ராஜமாநம் மஹௌஜஸம் ।
நாநாவ்யாளஸமாகீர்ணை꞉ ஶிக²ரைரிவ மந்த³ரம் ॥ 6 ॥

நீலாஞ்ஜநசயப்ரக்²யம் ஹாரேணோரஸி ராஜதா ।
பூர்ணசந்த்³ராப⁴வக்த்ரேண ஸப³லாகமிவாம்பு³த³ம் ॥ 7 ॥

பா³ஹுபி⁴ர்ப³த்³த⁴கேயூரைஶ்சந்த³நோத்தமரூஷிதை꞉ ।
ப்⁴ராஜமாநாங்க³தை³꞉ பீநை꞉ பஞ்சஶீர்ஷைரிவோரகை³꞉ ॥ 8 ॥

மஹதி ஸ்பா²டிகே சித்ரே ரத்நஸம்யோக³ஸம்ஸ்க்ருதே ।
உத்தமாஸ்தரணாஸ்தீர்ணே ஸூபவிஷ்டம் வராஸநே ॥ 9 ॥

அலங்க்ருதாபி⁴ரத்யர்த²ம் ப்ரமதா³பி⁴꞉ ஸமந்தத꞉ ।
வாலவ்யஜநஹஸ்தாபி⁴ராராத்ஸமுபஸேவிதம் ॥ 10 ॥

து³ர்த⁴ரேண ப்ரஹஸ்தேந மஹாபார்ஶ்வேந ரக்ஷஸா ।
மந்த்ரிபி⁴ர்மந்த்ரதத்த்வஜ்ஞைர்நிகும்பே⁴ந ச மந்த்ரிணா ॥ 11 ॥

உபோபவிஷ்டம் ரக்ஷோபி⁴ஶ்சதுர்பி⁴ர்ப³லத³ர்பிதை꞉ । [ஸுகோ²ப-]
க்ருத்ஸ்நம் பரிவ்ருதம் லோகம் சதுர்பி⁴ரிவ ஸாக³ரை꞉ ॥ 12 ॥

மந்த்ரிபி⁴ர்மந்த்ரதத்த்வஜ்ஞைரந்யைஶ்ச ஶுப⁴பு³த்³தி⁴பி⁴꞉ । [ஸசிவை]
அந்வாஸ்யமாநம் ஸசிவை꞉ ஸுரைரிவ ஸுரேஶ்வரம் ॥ 13 ॥ [ரக்ஷோபி⁴꞉]

அபஶ்யத்³ராக்ஷஸபதிம் ஹநுமாநதிதேஜஸம் ।
விஷ்டி²தம் மேருஶிக²ரே ஸதோயமிவ தோயத³ம் ॥ 14 ॥

ஸ தை꞉ ஸம்பீட்³யமாநோ(அ)பி ரக்ஷோபி⁴ர்பீ⁴மவிக்ரமை꞉ ।
விஸ்மயம் பரமம் க³த்வா ரக்ஷோ(அ)தி⁴பமவைக்ஷத ॥ 15 ॥

ப்⁴ராஜமாநம் ததோ த்³ருஷ்ட்வா ஹநுமாந்ராக்ஷஸேஶ்வரம் ।
மநஸா சிந்தயாமாஸ தேஜஸா தஸ்ய மோஹித꞉ ॥ 16 ॥

அஹோ ரூபமஹோ தை⁴ர்யமஹோ ஸத்த்வமஹோ த்³யுதி꞉ ।
அஹோ ராக்ஷஸராஜஸ்ய ஸர்வலக்ஷணயுக்ததா ॥ 17 ॥

யத்³யத⁴ர்மோ ந ப³லவாந்ஸ்யாத³யம் ராக்ஷஸேஶ்வர꞉ ।
ஸ்யாத³யம் ஸுரளோகஸ்ய ஸஶக்ரஸ்யாபி ரக்ஷிதா ॥ 18 ॥

அஸ்ய க்ரூரைர்ந்ருஶம்ஸைஶ்ச கர்மபி⁴ர்லோககுத்ஸிதை꞉ ।
தேந பி³ப்⁴யதி க²ல்வஸ்மால்லோகா꞉ ஸாமரதா³நவா꞉ ॥ 19 ॥

அயம் ஹ்யுத்ஸஹதே க்ருத்³த⁴꞉ கர்துமேகார்ணவம் ஜக³த் ।
இதி சிந்தாம் ப³ஹுவிதா⁴மகரோந்மதிமாந்கபி꞉ । [ஹரி꞉]
த்³ருஷ்ட்வா ராக்ஷஸராஜஸ்ய ப்ரபா⁴வமமிதௌஜஸ꞉ ॥ 20 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ ஏகோநபஞ்சாஶ꞉ ஸர்க³꞉ ॥ 49 ॥

ஸுந்த³ரகாண்ட³ பஞ்சாஶ꞉ ஸர்க³꞉ (50)>>


ஸம்பூர்ண வால்மீகி ஸுந்த³ரகாண்ட³ம் பார்க்க.


గమనిక: "శ్రీ శివ స్తోత్రనిధి" పుస్తకము ముద్రణ చేయుటకు ఆలోచన చేయుచున్నాము.

Facebook Comments

You may also like...

மறுமொழி இடவும்

உங்கள் மின்னஞ்சல் வெளியிடப்பட மாட்டாது

error: Not allowed
%d bloggers like this: