Sundarakanda Sarga (Chapter) 41 – ஸுந்த³ரகாண்ட³ ஏகசத்வாரிம்ஶ꞉ ஸர்க³꞉ (41)

ஸ்தோத்ரநிதி → வால்மீகி ராமாயணே ஸுந்த³ரகாண்ட³ → ஸுந்த³ரகாண்ட³ ஏகசத்வாரிம்ஶ꞉ ஸர்க³꞉ (41)

॥ ப்ரமதா³வநப⁴ஞ்ஜநம் ॥

ஸ ச வாக்³பி⁴꞉ ப்ரஶஸ்தாபி⁴ர்க³மிஷ்யந்பூஜிதஸ்தயா ।
தஸ்மாத்³தே³ஶாத³பக்ரம்ய சிந்தயாமாஸ வாநர꞉ ॥ 1 ॥

அல்பஶேஷமித³ம் கார்யம் த்³ருஷ்டேயமஸிதேக்ஷணா ।
த்ரீநுபாயாநதிக்ரம்ய சதுர்த² இஹ த்³ருஶ்யதே ॥ 2 ॥

ந ஸாம ரக்ஷ꞉ஸு கு³ணாய கல்பதே
ந தா³நமர்தோ²பசிதேஷு யுஜ்யதே ।
ந பே⁴த³ஸாத்⁴யா ப³லத³ர்பிதா ஜநா꞉
பராக்ரமஸ்த்வேவ மமேஹ ரோசதே ॥ 3 ॥

ந சாஸ்ய கார்யஸ்ய பராக்ரமாத்³ருதே
விநிஶ்சய꞉ கஶ்சிதி³ஹோபபத்³யதே ।
ஹதப்ரவீரா ஹி ரணே ஹி ராக்ஷஸா꞉
கத²ம்சிதீ³யுர்யதி³ஹாத்³ய மார்த³வம் ॥ 4 ॥

கார்யே கர்மணி நிர்தி³ஷ்டே யோ ப³ஹூந்யபி ஸாத⁴யேத் ।
பூர்வகார்யாவிரோதே⁴ந ஸ கார்யம் கர்துமர்ஹதி ॥ 5 ॥

ந ஹ்யேக꞉ ஸாத⁴கோ ஹேது꞉ ஸ்வல்பஸ்யாபீஹ கர்மண꞉ ।
யோ ஹ்யர்த²ம் ப³ஹுதா⁴ வேத³ ஸ ஸமர்தோ²(அ)ர்த²ஸாத⁴நே ॥ 6 ॥

இஹைவ தாவத்க்ருதநிஶ்சயோ ஹ்யஹம்
யதி³ வ்ரஜேயம் ப்லவகே³ஶ்வராளயம் ।
பராத்மஸம்மர்த³விஶேஷதத்த்வவி-
-த்தத꞉ க்ருதம் ஸ்யாந்மம ப⁴ர்த்ருஶாஸநம் ॥ 7 ॥

கத²ம் நு க²ல்வத்³ய ப⁴வேத்ஸுகா²க³தம்
ப்ரஸஹ்ய யுத்³த⁴ம் மம ராக்ஷஸை꞉ ஸஹ ।
ததை²வ க²ல்வாத்மப³லம் ச ஸாரவ-
-த்ஸம்மாநயேந்மாம் ச ரணே த³ஶாநந꞉ ॥ 8 ॥

தத꞉ ஸமாஸாத்³ய ரணே த³ஶாநநம்
ஸமந்த்ரிவர்க³ம் ஸப³லப்ரயாயிநம் ।
ஹ்ருதி³ ஸ்தி²தம் தஸ்ய மதம் ப³லம் ச வை
ஸுகே²ந மத்வாஹமித꞉ புநர்வ்ரஜே ॥ 9 ॥

இத³மஸ்ய ந்ருஶம்ஸஸ்ய நந்த³நோபமமுத்தமம் ।
வநம் நேத்ரமந꞉காந்தம் நாநாத்³ருமலதாயுதம் ॥ 10 ॥

இத³ம் வித்⁴வம்ஸயிஷ்யாமி ஶுஷ்கம் வநமிவாநல꞉ ।
அஸ்மிந்ப⁴க்³நே தத꞉ கோபம் கரிஷ்யதி த³ஶாநந꞉ ॥ 11 ॥

ததோ மஹத்ஸாஶ்வமஹாரத²த்³விபம்
ப³லம் ஸமாதே³க்ஷ்யதி ராக்ஷஸாதி⁴ப꞉ ।
த்ரிஶூலகாலாயஸபட்டஸாயுத⁴ம்
ததோ மஹத்³யுத்³த⁴மித³ம் ப⁴விஷ்யதி ॥ 12 ॥

அஹம் து தை꞉ ஸம்யதி சண்ட³விக்ரமை꞉
ஸமேத்ய ரக்ஷோபி⁴ரஸஹ்யவிக்ரம꞉ ।
நிஹத்ய தத்³ராவணசோதி³தம் ப³லம்
ஸுக²ம் க³மிஷ்யாமி கபீஶ்வராளயம் ॥ 13 ॥

ததோ மாருதவத்க்ருத்³தோ⁴ மாருதிர்பீ⁴மவிக்ரம꞉ ।
ஊருவேகே³ந மஹதா த்³ருமாந் க்ஷேப்துமதா²ரப⁴த் ॥ 14 ॥

ததஸ்து ஹநுமாந்வீரோ ப³ப⁴ஞ்ஜ ப்ரமதா³வநம் ।
மத்தத்³விஜஸமாகு⁴ஷ்டம் நாநாத்³ருமலதாயுதம் ॥ 15 ॥

தத்³வநம் மதி²தைர்வ்ருக்ஷைர்பி⁴ந்நைஶ்ச ஸலிலாஶயை꞉ ।
சூர்ணிதை꞉ பர்வதாக்³ரைஶ்ச ப³பூ⁴வாப்ரியத³ர்ஶநம் ॥ 16 ॥

நாநாஶகுந்தவிருதை꞉ ப்ரபி⁴ந்நை꞉ ஸலிலாஶயை꞉ ।
தாம்ரை꞉ கிலஸயை꞉ க்லாந்தை꞉ க்லாந்தத்³ருமலதாயுதம் ॥ 17 ॥

ந ப³பௌ⁴ தத்³வநம் தத்ர தா³வாநலஹதம் யதா² ।
வ்யாகுலாவரணா ரேஜுர்விஹ்வலா இவ தா லதா꞉ ॥ 18 ॥

லதாக்³ருஹைஶ்சித்ரக்³ருஹைஶ்ச நாஶிதை-
-ர்மஹோரகை³ர்வ்யாளம்ருகை³ஶ்ச நிர்து⁴தை꞉ ।
ஶிலாக்³ருஹைருந்மதி²தைஸ்ததா² க்³ருஹை꞉
ப்ரநஷ்டரூபம் தத³பூ⁴ந்மஹத்³வநம் ॥ 19 ॥

ஸா விஹ்வலா(அ)ஶோகலதாப்ரதாநா
வநஸ்த²லீ ஶோகலதாப்ரதாநா ।
ஜாதா த³ஶாஸ்யப்ரமதா³வநஸ்ய
கபேர்ப³லாத்³தி⁴ ப்ரமதா³வநஸ்ய ॥ 20 ॥

ஸ தஸ்ய க்ருத்வா(அ)ர்த²பதேர்மஹாகபி-
-ர்மஹத்³வ்யலீகம் மநஸோ மஹாத்மந꞉ ।
யுயுத்ஸுரேகோ ப³ஹுபி⁴ர்மஹாப³லை꞉
ஶ்ரியா ஜ்வலம்ஸ்தோரணமாஸ்தி²த꞉ கபி꞉ ॥ 21 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ ஏகசத்வாரிம்ஶ꞉ ஸர்க³꞉ ॥ 41 ॥

ஸுந்த³ரகாண்ட³ த்³விசத்வாரிம்ஶ꞉ ஸர்க³꞉ (42)>>

---

ஸம்பூர்ண வால்மீகி ஸுந்த³ரகாண்ட³ம் பார்க்க.

---