Sundarakanda Sarga (Chapter) 29 – ஸுந்த³ரகாண்ட³ ஏகோனத்ரிம்ஶ꞉ ஸர்க³꞉ (29)

॥ ஶுப⁴நிமித்தாநி ॥

ததா²க³தாம் தாம் வ்யதி²தாமநிந்தி³தாம்
வ்யபேதஹர்ஷாம் பரிதீ³நமாநஸாம் ।
ஶுபா⁴ம் நிமித்தாநி ஶுபா⁴நி பே⁴ஜிரே
நரம் ஶ்ரியா ஜுஷ்டமிவோபஜீவிந꞉ ॥ 1 ॥

தஸ்யா꞉ ஶுப⁴ம் வாமமராளபக்ஷ்ம-
-ராஜீவ்ருதம் க்ருஷ்ணவிஶாலஶுக்லம் ।
ப்ராஸ்பந்த³தைகம் நயநம் ஸுகேஶ்யா
மீநாஹதம் பத்³மமிவாபி⁴தாம்ரம் ॥ 2 ॥

பு⁴ஜஶ்ச சார்வஞ்சிதபீநவ்ருத்த꞉
பரார்த்⁴யகாலாக³ருசந்த³நார்ஹ꞉ ।
அநுத்தமேநாத்⁴யுஷித꞉ ப்ரியேண
சிரேண வாம꞉ ஸமவேபதாஶு ॥ 3 ॥

க³ஜேந்த்³ரஹஸ்தப்ரதிமஶ்ச பீந-
-ஸ்தயோர்த்³வயோ꞉ ஸம்ஹதயோ꞉ ஸுஜாத꞉ ।
ப்ரஸ்பந்த³மாந꞉ புநரூருரஸ்யா
ராமம் புரஸ்தாத்ஸ்தி²தமாசசக்ஷே ॥ 4 ॥

ஶுப⁴ம் புநர்ஹேமஸமாநவர்ண-
-மீஷத்³ரஜோத்⁴வஸ்தமிவாமலாக்ஷ்யா꞉ ।
வாஸ꞉ ஸ்தி²தாயா꞉ ஶிக²ராக்³ரத³த்யா꞉
கிஞ்சித்பரிஸ்ரம்ஸத சாருகா³த்ர்யா꞉ ॥ 5 ॥

ஏதைர்நிமித்தைரபரைஶ்ச ஸுப்⁴ரூ꞉
ஸம்போ³தி⁴தா ப்ராக³பி ஸாது⁴ ஸித்³தை⁴꞉ ।
வாதாதபக்லாந்தமிவ ப்ரநஷ்டம்
வர்ஷேண பீ³ஜம் ப்ரதிஸஞ்ஜஹர்ஷ ॥ 6 ॥

தஸ்யா꞉ புநர்பி³ம்ப³ப²லாத⁴ரோஷ்ட²ம்
ஸ்வக்ஷிப்⁴ருகேஶாந்தமராளபக்ஷ்ம ।
வக்த்ரம் ப³பா⁴ஸே ஸிதஶுக்லத³ம்ஷ்ட்ரம்
ராஹோர்முகா²ச்சந்த்³ர இவ ப்ரமுக்த꞉ ॥ 7 ॥

ஸா வீதஶோகா வ்யபநீததந்த்³ரீ
ஶாந்தஜ்வரா ஹர்ஷவிவ்ருத்³த⁴ஸத்த்வா ।
அஶோப⁴தார்யா வத³நேந ஶுக்லே
ஶீதாம்ஶுநா ராத்ரிரிவோதி³தேந ॥ 8 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஸுந்த³ரகாண்டே³ ஏகோநத்ரிம்ஶ꞉ ஸர்க³꞉ ॥ 29 ॥

ஸுந்த³ரகாண்ட³ த்ரிம்ஶ꞉ ஸர்க³꞉ (30)>>

---

ஸம்பூர்ண வால்மீகி ஸுந்த³ரகாண்ட³ம் பார்க்க.

Did you see any mistake/variation in the content above? Click here to report mistakes and corrections in Stotranidhi content.