Sri Veda Vyasa Stuti – ஶ்ரீ வேத³வ்யாஸ ஸ்துதி꞉


வ்யாஸம் வஸிஷ்ட²நப்தாரம் ஶக்தே꞉ பௌத்ரமகல்மஷம் ।
பராஶராத்மஜம் வந்தே³ ஶுகதாதம் தபோநிதி⁴ம் ॥ 1

வ்யாஸாய விஷ்ணுரூபாய வ்யாஸரூபாய விஷ்ணவே ।
நமோ வை ப்³ரஹ்மநித⁴யே வாஸிஷ்டா²ய நமோ நம꞉ ॥ 2

க்ருஷ்ணத்³வைபாயநம் வ்யாஸம் ஸர்வலோகஹிதே ரதம் ।
வேதா³ப்³ஜபா⁴ஸ்கரம் வந்தே³ ஶமாதி³நிலயம் முநிம் ॥ 3

வேத³வ்யாஸம் ஸ்வாத்மரூபம் ஸத்யஸந்த⁴ம் பராயணம் ।
ஶாந்தம் ஜிதேந்த்³ரியக்ரோத⁴ம் ஸஶிஷ்யம் ப்ரணமாம்யஹம் ॥ 4

அசதுர்வத³நோ ப்³ரஹ்மா த்³விபா³ஹுரபரோ ஹரி꞉ ।
அபா²லலோசந꞉ ஶம்பு⁴꞉ ப⁴க³வாந் பா³த³ராயண꞉ ॥ 5

ஶங்கரம் ஶங்கராசார்யம் கேஶவம் பா³த³ராயணம் ।
ஸூத்ரபா⁴ஷ்யக்ருதௌ வந்தே³ ப⁴க³வந்தௌ புந꞉ புந꞉ ॥ 6

ப்³ரஹ்மஸூத்ரக்ருதே தஸ்மை வேத³வ்யாஸாய வேத⁴ஸே ।
ஜ்ஞாநஶக்த்யவதாராய நமோ ப⁴க³வதோ ஹரே꞉ ॥ 7

வ்யாஸ꞉ ஸமஸ்தத⁴ர்மாணாம் வக்தா முநிவரேடி³த꞉ ।
சிரஞ்ஜீவீ தீ³ர்க⁴மாயுர்த³தா³து ஜடிலோ மம ॥ 8

ப்ரஜ்ஞாப³லேந தபஸா சதுர்வேத³விபா⁴ஜக꞉ ।
க்ருஷ்ணத்³வைபாயநோ யஶ்ச தஸ்மை ஶ்ரீகு³ரவே நம꞉ ॥ 9

ஜடாத⁴ரஸ்தபோநிஷ்ட²꞉ ஶுத்³த⁴யோகோ³ ஜிதேந்த்³ரிய꞉ ।
க்ருஷ்ணாஜிநத⁴ர꞉ க்ருஷ்ணஸ்தஸ்மை ஶ்ரீகு³ரவே நம꞉ ॥ 10

பா⁴ரதஸ்ய விதா⁴தா ச த்³விதீய இவ யோ ஹரி꞉ ।
ஹரிப⁴க்திபரோ யஶ்ச தஸ்மை ஶ்ரீகு³ரவே நம꞉ ॥ 11

ஜயதி பராஶரஸூநு꞉ ஸத்யவதீ ஹ்ருத³யநந்த³நோ வ்யாஸ꞉ ।
யஸ்யாஸ்ய கமலக³ளிதம் பா⁴ரதமம்ருதம் ஜக³த்பிப³தி ॥ 12

வேத³விபா⁴க³விதா⁴த்ரே விமலாய ப்³ரஹ்மணே நமோ விஶ்வத்³ருஶே ।
ஸகலத்⁴ருதிஹேதுஸாத⁴நஸூத்ரஸ்ருஜே ஸத்யவத்யபி⁴வ்யக்தி மதே ॥ 13

வேதா³ந்தவாக்யகுஸுமாநி ஸமாநி சாரு
ஜக்³ரந்த² ஸூத்ரநிசயேந மநோஹரேண ।
மோக்ஷார்தி²லோகஹிதகாமநயா முநிர்ய꞉
தம் பா³த³ராயணமஹம் ப்ரணமாமி ப⁴க்த்யா ॥ 14

இதி ஶ்ரீ வேத³வ்யாஸ ஸ்துதி꞉ ।


மேலும் ஶ்ரீ கு³ரு ஸ்தோத்திரங்கள் பார்க்க.

Report mistakes and corrections in Stotranidhi content.

Facebook Comments

மறுமொழி இடவும்

உங்கள் மின்னஞ்சல் வெளியிடப்பட மாட்டாது

error: Not allowed
%d bloggers like this: