Sri Vamana Stotram 3 (Vamana Puranam) – ஶ்ரீ வாமன ஸ்தோத்ரம் – 3 (வாமனபுராணே)

ஸ்தோத்ரநிதி → த³ஶாவதார ஸ்தோத்திரங்கள் → ஶ்ரீ வாமன ஸ்தோத்ரம் – 3 (வாமனபுராணே)

லோமஹர்ஷண உவாச ।
தே³வதே³வோ ஜக³த்³யோநிரயோநிர்ஜக³தா³தி³ஜ꞉ ।
அநாதி³ராதி³ர்விஶ்வஸ்ய வரேண்யோ வரதோ³ ஹரி꞉ ॥ 1 ॥

பராவராணாம் பரம꞉ பராபரஸதாம் க³தி꞉ ।
ப்ரபு⁴꞉ ப்ரமாணம் மாநாநாம் ஸப்தலோககு³ரோர்கு³ரு꞉ ।
ஸ்தி²திம் கர்தும் ஜக³ந்நாத²ம் ஸோ(அ)சிந்த்யோ க³ர்ப⁴தாம் க³த꞉ ॥ 2 ॥

ப்ரபு⁴꞉ ப்ரபூ⁴ணாம் பரம꞉ பராணா-
-மநாதி³மத்⁴யோ ப⁴க³வாநநந்த꞉ ।
த்ரைலோக்யமம்ஶேந ஸநாத²மேக꞉
கர்தும் மஹாத்மா(அ)தி³திஜோ(அ)வதீர்ண꞉ ॥ 3 ॥

ந யஸ்ய ருத்³ரா ந ச பத்³மயோநி-
-ர்நேந்த்³ரோ ந ஸூர்யேந்து³மரீசிமிஶ்ரா꞉ ।
ஜாநந்தி தை³த்யாதி⁴ப யத்ஸ்வரூபம்
ஸ வாஸுதே³வ꞉ கலயாவதீர்ண꞉ ॥ 4 ॥

யமக்ஷரம் வேத³விதோ³ வத³ந்தி
விஶந்தி யம் ஜ்ஞாநவிதூ⁴தபாபா꞉ ।
யஸ்மிந் ப்ரவிஷ்டா ந புநர்ப⁴வந்தி
தம் வாஸுதே³வம் ப்ரணமாமி தே³வம் ॥ 5 ॥

பூ⁴தாந்யஶேஷாணி யதோ ப⁴வந்தி
யதோ²ர்மயஸ்தோயநிதே⁴ரஜஸ்ரம் ।
லயம் ச யஸ்மிந் ப்ரளயே ப்ரயாந்தி
தம் வாஸுதே³வம் ப்ரணதோ(அ)ஸ்ம்யசிந்த்யம் ॥ 6 ॥

ந யஸ்ய ரூபம் ந ப³லம் ப்ரபா⁴வோ
ந ச ப்ரதாப꞉ பரமஸ்ய பும்ஸ꞉ ।
விஜ்ஞாயதே ஸர்வபிதாமஹாத்³யை-
-ஸ்தம் வாஸுதே³வம் ப்ரணமாமி நித்யம் ॥ 7 ॥

ரூபஸ்ய சக்ஷுர்க்³ரஹணே த்வகே³ஷா
ஸ்பர்ஶக்³ரஹித்ரீ ரஸநா ரஸஸ்ய ।
க்⁴ராணம் ச க³ந்த⁴க்³ரஹணே நியுக்தம்
ந க்⁴ராணசக்ஷு꞉ ஶ்ரவணாதி³ தஸ்ய ॥ 8 ॥

ஸ்வயம்ப்ரகாஶ꞉ பரமார்த²தோ ய꞉
ஸர்வேஶ்வரோ வேதி³தவ்ய꞉ ஸ யுக்த்யா ।
ஶக்யம் தமீட்³யமநக⁴ம் ச தே³வம்
க்³ராஹ்யம் நதோ(அ)ஹம் ஹரிமீஶிதாரம் ॥ 9 ॥

யேநைகத³ம்ஷ்ட்ரேண ஸமுத்³த்⁴ருதேயம்
த⁴ரா சலா தா⁴ரயதீஹ ஸர்வம் ।
ஶேதே க்³ரஸித்வா ஸகலம் ஜக³த்³ய-
-ஸ்தமீட்³யமீஶம் ப்ரணதோ(அ)ஸ்மி விஷ்ணும் ॥ 10 ॥

அம்ஶாவதீர்ணேந ச யேந க³ர்பே⁴
ஹ்ருதாநி தேஜாம்ஸி மஹாஸுராணாம் ।
நமாமி தம் தே³வமநந்தமீஶ-
-மஶேஷஸம்ஸாரதரோ꞉ குடா²ரம் ॥ 11 ॥

தே³வோ ஜக³த்³யோநிரயம் மஹாத்மா
ஸ ஷோட³ஶாம்ஶேந மஹா(அ)ஸுரேந்த்³ரா꞉ ।
ஸுரேந்த்³ரமாதுர்ஜட²ரம் ப்ரவிஷ்டோ
ஹ்ருதாநி வஸ்தேந ப³லம் வபூம்ஷி ॥ 12 ॥

இதி ஶ்ரீவாமநபுராணே நவவிம்ஶதிதமோ(அ)த்⁴யாயே ஶ்ரீ வாமந ஸ்தோத்ரம் ।

---

மேலும் ஶ்ரீ விஷ்ணு ஸ்தோத்திரங்கள் பார்க்க.

---