Sri Subramanya Moola Mantra Stava – ஶ்ரீ ஸுப்³ரஹ்மண்ய மூலமந்த்ர ஸ்தவ꞉


அதா²த꞉ ஸம்ப்ரவக்ஷ்யாமி மூலமந்த்ரஸ்தவம் ஶிவம் ।
ஜபதாம் ஶ்ருண்வதாம் ந்ரூணாம் பு⁴க்திமுக்திப்ரதா³யகம் ॥ 1 ॥

ஸர்வஶத்ருக்ஷயகரம் ஸர்வரோக³நிவாரணம் ।
அஷ்டைஶ்வர்யப்ரத³ம் நித்யம் ஸர்வலோகைகபாவநம் ॥ 2 ॥

ஶராரண்யோத்³ப⁴வம் ஸ்கந்த³ம் ஶரணாக³தபாலகம் ।
ஶரணம் த்வாம் ப்ரபந்நஸ்ய தே³ஹி மே விபுலாம் ஶ்ரியம் ॥ 3 ॥

ராஜராஜஸகோ²த்³பூ⁴தம் ராஜீவாயதலோசநம் ।
ரதீஶகோடிஸௌந்த³ர்யம் தே³ஹி மே விபுலாம் ஶ்ரியம் ॥ 4 ॥

வலாரிப்ரமுகை²ர்வந்த்³ய வல்லீந்த்³ராணீஸுதாபதே ।
வரதா³ஶ்ரிதலோகாநாம் தே³ஹி மே விபுலாம் ஶ்ரியம் ॥ 5 ॥

நாரதா³தி³மஹாயோகி³ஸித்³த⁴க³ந்த⁴ர்வஸேவிதம் ।
நவவீரை꞉ பூஜிதாங்க்⁴ரே தே³ஹி மே விபுலாம் ஶ்ரியம் ॥ 6 ॥

ப⁴க³வன் பார்வதீஸூநோ ஸ்வாமின் ப⁴க்தார்திப⁴ஞ்ஜந ।
ப⁴வத்பாதா³ப்³ஜயோர்ப⁴க்திம் தே³ஹி மே விபுலாம் ஶ்ரியம் ॥ 7 ॥

வஸு தா⁴ந்யம் யஶ꞉ கீர்திம் அவிச்சே²த³ம் ச ஸந்ததே꞉ ।
ஶத்ருநாஶநமத்³யாஶு தே³ஹி மே விபுலாம் ஶ்ரியம் ॥ 8 ॥

இத³ம் ஷட³க்ஷரம் ஸ்தோத்ரம் ஸுப்³ரஹ்மண்யஸ்ய ஸந்ததம் ।
ய꞉ படே²த்தஸ்ய ஸித்³த்⁴யந்தி ஸம்பத³ஶ்சிந்திதாதி⁴கா꞉ ॥ 9 ॥

ஹ்ருத³ப்³ஜே ப⁴க்திதோ நித்யம் ஸுப்³ரஹ்மண்யம் ஸ்மரன் பு³த⁴꞉ ।
யோ ஜபேத் ப்ராதருத்தா²ய ஸர்வாந்காமாநவாப்நுயாத் ॥ 10 ॥

இதி குமாரதந்த்ரார்க³தம் ஶ்ரீஸுப்³ரஹ்மண்ய மூலமந்த்ர ஸ்தவ꞉ ।


மேலும் ஶ்ரீ ஸுப்ரஹ்மண்ய ஸ்தோத்திரங்கள் காண்க.


గమనిక: "శ్రీ లక్ష్మీ స్తోత్రనిధి" పారాయణ గ్రంథము తెలుగులో ముద్రణ చేయుటకు ఆలోచన చేయుచున్నాము.

Report mistakes and corrections in Stotranidhi content.

Facebook Comments
error: Not allowed
%d bloggers like this: