Sri Shiva Stuti (Narayanacharya Kritam) – ஶ்ரீ ஶிவ ஸ்துதி꞉ (நாராயணாசார்ய க்ருதம்)


ஸ்பு²டம் ஸ்ப²டிகஸப்ரப⁴ம் ஸ்பு²டிதஹாரகஶ்ரீஜடம்
ஶஶாங்கத³லஶேக²ரம் கபிலபு²ல்லனேத்ரத்ரயம் |
தரக்ஷுவரக்ருத்திமத்³பு⁴ஜக³பூ⁴ஷணம் பூ⁴திம-
த்கதா³ நு ஶிதிகண்ட² தே வபுரவேக்ஷதே வீக்ஷணம் || 1 ||

த்ரிலோசன விலோசனே லஸதி தே லலாமாயிதே
ஸ்மரோ நியமக⁴ஸ்மரோ நியமினாமபூ⁴த்³ப⁴ஸ்மஸாத் |
ஸ்வப⁴க்திலதயா வஶீக்ருதபதீ ஸதீயம் ஸதீ
ஸ்வப⁴க்தவஶதோ ப⁴வானபி வஶீ ப்ரஸீத³ ப்ரபோ⁴ || 2 ||

மஹேஶ மஹிதோ(அ)ஸி தத்புருஷ பூருஷாக்³ர்யோ ப⁴வா-
நகோ⁴ரரிபுகோ⁴ர தே(அ)னவம வாமதே³வாஞ்ஜலி꞉ |
நமஸ்ஸபதி³ ஜாத தே த்வமிதி பஞ்சரூபோசித-
ப்ரபஞ்சசயபஞ்சவ்ருன்மம மனஸ்தமஸ்தாட³ய || 3 ||

ரஸாக⁴னரஸானலானிலவியத்³விவஸ்வத்³விது⁴-
ப்ரயஷ்ட்ருஷு நிவிஷ்டமித்யஜ ப⁴ஜாமி மூர்த்யஷ்டகம் |
ப்ரஶாந்தமுத பீ⁴ஷணம் பு⁴வனமோஹனம் சேத்யஹோ
வபூம்ஷி கு³ணபூ⁴ஷிதேஹமஹமாத்மனோ(அ)ஹம் பி⁴தே³ || 4 ||

விமுக்திபரமாத்⁴வனாம் தவ ஷட³த்⁴வனாமாஸ்பத³ம்
பத³ம் நிக³மவேதி³னோ ஜக³தி வாமதே³வாத³ய꞉ |
கத²ஞ்சிது³பஶிக்ஷிதா ப⁴க³வதைவ ஸம்வித்³ரதே
வயம் து விரலாந்தரா꞉ கத²முமேஶ தன்மன்மஹே || 5 ||

கடோ²ரிதகுடா²ரயா லலிதஶூலயா வாஹயா
ரணட்³ட³மருணா ஸ்பு²ரத்³த⁴ரிணயா ஸக²ட்வாங்க³யா |
சலாபி⁴ரசலாபி⁴ரப்யக³ணிதாபி⁴ருன்ம்ருத்யத-
ஶ்சதுர்த³ஶ ஜக³ந்தி தே ஜயஜயேத்யயுர்விஸ்மயம் || 6 ||

புரா த்ரிபுரரந்த⁴னம் விவித⁴தை³த்யவித்⁴வம்ஸனம்
பராக்ரமபரம்பரா அபி பரா ந தே விஸ்மய꞉ |
அமர்ஷிப³லஹர்ஷிதக்ஷுபி⁴தவ்ருத்தனேத்ரோஜ்ஜ்வல-
ஜ்ஜ்வலஜ்ஜ்வலனஹேலயா ஶலபி⁴தம் ஹி லோகத்ரயம் || 7 ||

ஸஹஸ்ரனயனோ கு³ஹஸ்ஸஹஸஹஸ்ரரஶ்மிர்விது⁴꞉
ப்³ருஹஸ்பதிருதாப்பதிஸ்ஸஸுரஸித்³த⁴வித்³யாத⁴ரா꞉ |
ப⁴வத்பத³பராயணாஶ்ஶ்ரியமிமாம் யயு꞉ ப்ரார்தி²தாம்
ப⁴வான் ஸுரதருர்ப்⁴ருஶம் ஶிவ ஶிவாம் ஶிவாவல்லபா⁴ம் || 8 ||

தவ ப்ரியதமாத³திப்ரியதமம் ஸதை³வாந்தரம்
பயஸ்யுபஹிதம் க்⁴ருதம் ஸ்வயமிவ ஶ்ரியோ வல்லப⁴ம் |
விபு³த்³த்⁴ய லகு⁴பு³த்³த⁴யஸ்ஸ்வபரபக்ஷலக்ஷ்யாயிதம்
பட²ந்தி ஹி லுட²ந்தி தே ஶட²ஹ்ருத³ஶ்ஶுசா ஶுண்டி²தா꞉ || 9 ||

நிவாஸனிலயாசிதா தவ ஶிரஸ்ததிர்மாலிகா
கபாலமபி தே கரே த்வமஶிவோ(அ)ஸ்யனந்தர்தி⁴யாம் |
ததா²பி ப⁴வத꞉ பத³ம் ஶிவஶிவேத்யதோ³ ஜல்பதா-
மகிஞ்சன ந கிஞ்சன வ்ருஜினமஸ்தி ப⁴ஸ்மீ ப⁴வேத் || 10 ||

த்வமேவ கில காமது⁴க்ஸகலகாமமாபூரயன்
ஸதா³ த்ரினயனோ ப⁴வான்வஹஸி சாத்ரினேத்ரோத்³ப⁴வம் |
விஷம் விஷத⁴ராந்த³த⁴த்பிப³ஸி தேன சானந்த³வா-
ந்னிருத்³த⁴சரிதோசிதா ஜக³த³தீ⁴ஶ தே பி⁴க்ஷுதா || 11 ||

நம꞉ ஶிவஶிவா ஶிவாஶிவ ஶிவார்த² க்ருந்தாஶிவம்
நமோ ஹரஹரா ஹராஹர ஹராந்தரீம் மே த்³ருஶம் |
நமோ ப⁴வப⁴வா ப⁴வப்ரப⁴வபூ⁴தயே மே ப⁴வா-
ந்னமோ ம்ருட³ நமோ நமோ நம உமேஶ துப்⁴யம் நம꞉ || 12 ||

ஸதாம் ஶ்ரவணபத்³த⁴திம் ஸரது ஸன்னதோக்தேத்யஸௌ
ஶிவஸ்ய கருணாங்குராத்ப்ரதிக்ருதாத்மதா³ ஸோசிதா |
இதி ப்ரதி²தமானஸோ வ்யதி²த நாம நாராயண꞉
ஶிவஸ்துதிமிமாம் ஶிவாம் லிகுசிஸூரிஸூனுஸ்ஸுதீ⁴꞉ || 13 ||

இதி ஶ்ரீலிகுசிஸூரிஸூனு நாராயணாசார்யவிரசிதா ஶ்ரீ ஶிவஸ்துதி꞉ |


மேலும் ஶ்ரீ ஶிவ ஸ்தோத்ராணி காண்க.


గమనిక: "శ్రీ లక్ష్మీ స్తోత్రనిధి" పారాయణ గ్రంథము తెలుగులో ముద్రణ చేయుటకు ఆలోచన చేయుచున్నాము.

Report mistakes and corrections in Stotranidhi content.

Facebook Comments

மறுமொழி இடவும்

உங்கள் மின்னஞ்சல் வெளியிடப்பட மாட்டாது

error: Not allowed
%d bloggers like this: