Read in తెలుగు / ಕನ್ನಡ / தமிழ் / देवनागरी / English (IAST)
ருஷப⁴ உவாச ।
நமஸ்க்ருத்ய மஹாதே³வம் விஶ்வவ்யாபிநமீஶ்வரம் ।
வக்ஷ்யே ஶிவமயம் வர்ம ஸர்வரக்ஷாகரம் ந்ருணாம் ॥ 1 ॥
ஶுசௌ தே³ஶே ஸமாஸீநோ யதா²வத்கல்பிதாஸந꞉ ।
ஜிதேந்த்³ரியோ ஜிதப்ராணஶ்சிந்தயேச்சி²வமவ்யயம் ॥ 2 ॥
ஹ்ருத்புண்ட³ரீகாந்தரஸந்நிவிஷ்டம்
ஸ்வதேஜஸா வ்யாப்தநபோ⁴வகாஶம் ।
அதீந்த்³ரியம் ஸூக்ஷ்மமநந்தமாத்³யம்
த்⁴யாயேத்பராநந்த³மயம் மஹேஶம் ॥ 3 ॥
த்⁴யாநாவதூ⁴தாகி²லகர்மப³ந்த⁴-
-ஶ்சிரம் சிதா³நந்த³நிமக்³நசேதா꞉ ।
ஷட³க்ஷரந்யாஸஸமாஹிதாத்மா
ஶைவேந குர்யாத்கவசேந ரக்ஷாம் ॥ 4 ॥
மாம் பாது தே³வோ(அ)கி²லதே³வதாத்மா
ஸம்ஸாரகூபே பதிதம் க³பீ⁴ரே ।
தந்நாம தி³வ்யம் வரமந்த்ரமூலம்
து⁴நோது மே ஸர்வமக⁴ம் ஹ்ருதி³ஸ்த²ம் ॥ 5 ॥
ஸர்வத்ர மாம் ரக்ஷது விஶ்வமூர்தி-
-ர்ஜ்யோதிர்மயாநந்த³க⁴நஶ்சிதா³த்மா ।
அணோரணீயாநுருஶக்திரேக꞉
ஸ ஈஶ்வர꞉ பாது ப⁴யாத³ஶேஷாத் ॥ 6 ॥
யோ பூ⁴ஸ்வரூபேண பி³ப⁴ர்தி விஶ்வம்
பாயாத்ஸ பூ⁴மேர்கி³ரிஶோ(அ)ஷ்டமூர்தி꞉ ।
யோ(அ)பாம் ஸ்வரூபேண ந்ருணாம் கரோதி
ஸஞ்ஜீவநம் ஸோ(அ)வது மாம் ஜலேப்⁴ய꞉ ॥ 7 ॥
கல்பாவஸாநே பு⁴வநாநி த³க்³த்⁴வா
ஸர்வாணி யோ ந்ருத்யதி பூ⁴ரிலீல꞉ ।
ஸ காலருத்³ரோ(அ)வது மாம் த³வாக்³நே-
-ர்வாத்யாதி³பீ⁴தேரகி²லாச்ச தாபாத் ॥ 8 ॥
ப்ரதீ³ப்தவித்³யுத்கநகாவபா⁴ஸோ
வித்³யாவராபீ⁴திகுடா²ரபாணி꞉ ।
சதுர்முக²ஸ்தத்புருஷஸ்த்ரிநேத்ர꞉
ப்ராச்யாம் ஸ்தி²தம் ரக்ஷது மாமஜஸ்ரம் ॥ 9 ॥
குடா²ர கே²டாங்குஶபாஶஶூல
கபாலட⁴க்காக்ஷகு³ணாந்த³தா⁴ந꞉ ।
சதுர்முகோ² நீலருசிஸ்த்ரிநேத்ர꞉
பாயாத³கோ⁴ரோ தி³ஶி த³க்ஷிணஸ்யாம் ॥ 10 ॥
குந்தே³ந்து³ஶங்க²ஸ்ப²டிகாவபா⁴ஸோ
வேதா³க்ஷமாலாவரதா³ப⁴யாங்க꞉ ।
த்ர்யக்ஷஶ்சதுர்வக்த்ர உருப்ரபா⁴வ꞉
ஸத்³யோதி⁴ஜாதோவது மாம் ப்ரதீச்யாம் ॥ 11 ॥
வராக்ஷமாலாப⁴யடங்கஹஸ்த꞉
ஸரோஜகிஞ்ஜல்கஸமாநவர்ண꞉ ।
த்ரிலோசநஶ்சாருசதுர்முகோ² மாம்
பாயாது³தீ³ச்யாம் தி³ஶி வாமதே³வ꞉ ॥ 12 ॥
வேதா³ப⁴யேஷ்டாங்குஶடங்கபாஶ-
-கபாலட⁴க்காக்ஷரஶூலபாணி꞉ ।
ஸிதத்³யுதி꞉ பஞ்சமுகோ²(அ)வதாந்மா-
-மீஶாந ஊர்த்⁴வம் பரமப்ரகாஶ꞉ ॥ 13 ॥
மூர்தா⁴நமவ்யாந்மம சந்த்³ரமௌளி꞉
பா²லம் மமாவ்யாத³த² பா²லநேத்ர꞉ ।
நேத்ரே மமாவ்யாத்³ப⁴க³நேத்ரஹாரீ
நாஸாம் ஸதா³ ரக்ஷது விஶ்வநாத²꞉ ॥ 14 ॥
பாயாச்ச்²ருதீ மே ஶ்ருதிகீ³தகீர்தி꞉
கபோலமவ்யாத்ஸததம் கபாலீ ।
வக்த்ரம் ஸதா³ ரக்ஷது பஞ்சவக்த்ரோ
ஜிஹ்வாம் ஸதா³ ரக்ஷது வேத³ஜிஹ்வ꞉ ॥ 15 ॥
கண்ட²ம் கி³ரீஶோ(அ)வது நீலகண்ட²꞉
பாணித்³வயம் பாது பிநாகபாணி꞉ ।
தோ³ர்மூலமவ்யாந்மம த⁴ர்மபா³ஹு꞉
வக்ஷ꞉ஸ்த²லம் த³க்ஷமகா²ந்தகோ(அ)வ்யாத் ॥ 16 ॥
மமோத³ரம் பாது கி³ரீந்த்³ரத⁴ந்வா
மத்⁴யம் மமாவ்யாந்மத³நாந்தகாரீ ।
ஹேரம்ப³தாதோ மம பாது நாபி⁴ம்
பாயாத்கடிம் தூ⁴ர்ஜடிரீஶ்வரோ மே ॥ 17 ॥
ஊருத்³வயம் பாது குபே³ரமித்ரோ
ஜாநுத்³வயம் மே ஜக³தீ³ஶ்வரோ(அ)வ்யாத் ।
ஜங்கா⁴யுக³ம் புங்க³வகேதுரவ்யா-
-த்பாதௌ³ மமாவ்யாத்ஸுரவந்த்³யபாத³꞉ ॥ 18 ॥
மஹேஶ்வர꞉ பாது தி³நாதி³யாமே
மாம் மத்⁴யயாமே(அ)வது வாமதே³வ꞉ ।
த்ரியம்ப³க꞉ பாது த்ருதீயயாமே
வ்ருஷத்⁴வஜ꞉ பாது தி³நாந்த்யயாமே ॥ 19 ॥
பாயாந்நிஶாதௌ³ ஶஶிஶேக²ரோ மாம்
க³ங்கா³த⁴ரோ ரக்ஷது மாம் நிஶீதே² ।
கௌ³ரீபதி꞉ பாது நிஶாவஸாநே
ம்ருத்யுஞ்ஜயோ ரக்ஷது ஸர்வகாலம் ॥ 20 ॥
அந்த꞉ஸ்தி²தம் ரக்ஷது ஶங்கரோ மாம்
ஸ்தா²ணு꞉ ஸதா³ பாது ப³ஹி꞉ஸ்தி²தம் மாம் ।
தத³ந்தரே பாது பதி꞉ பஶூநாம்
ஸதா³ஶிவோ ரக்ஷது மாம் ஸமந்தாத் ॥ 21 ॥
திஷ்ட²ந்தமவ்யாத்³பு⁴வநைகநாத²꞉
பாயாத்³வ்ரஜந்தம் ப்ரமதா²தி⁴நாத²꞉ ।
வேதா³ந்தவேத்³யோ(அ)வது மாம் நிஷண்ணம்
மாமவ்யய꞉ பாது ஶிவ꞉ ஶயாநம் ॥ 22 ॥
மார்கே³ஷு மாம் ரக்ஷது நீலகண்ட²꞉
ஶைலாதி³து³ர்கே³ஷு புரத்ரயாரி꞉ ।
அரண்யவாஸாதி³மஹாப்ரவாஸே
பாயாந்ம்ருக³வ்யாத⁴ உதா³ரஶக்தி꞉ ॥ 23 ॥
கல்பாந்தகாடோபபடுப்ரகோப꞉ [காலோக்³ர]
ஸ்பு²டாட்டஹாஸோச்சலிதாண்ட³கோஶ꞉ ।
கோ⁴ராரிஸேநார்ணவது³ர்நிவார-
-மஹாப⁴யாத்³ரக்ஷது வீரப⁴த்³ர꞉ ॥ 24 ॥
பத்த்யஶ்வமாதங்க³க⁴டாவரூத²-
-ஸஹஸ்ரளக்ஷாயுதகோடிபீ⁴ஷணம் ।
அக்ஷௌஹிணீநாம் ஶதமாததாயிநாம்
சி²ந்த்³யாந்ம்ருடோ³ கோ⁴ரகுடா²ரதா⁴ரயா ॥ 25 ॥
நிஹந்து த³ஸ்யூந்ப்ரளயாநலார்சி-
-ர்ஜ்வலத்த்ரிஶூலம் த்ரிபுராந்தகஸ்ய ।
ஶார்தூ³ளஸிம்ஹர்க்ஷவ்ருகாதி³ஹிம்ஸ்ரான்
ஸந்த்ராஸயத்வீஶத⁴நு꞉ பிநாகம் ॥ 26 ॥
து³꞉ஸ்வப்ந து³꞉ஶகுந து³ர்க³தி தௌ³ர்மநஸ்ய
து³ர்பி⁴க்ஷ து³ர்வ்யஸந து³꞉ஸஹ து³ர்யஶாம்ஸி ।
உத்பாததாபவிஷபீ⁴திமஸத்³க்³ரஹார்தி-
-வ்யாதீ⁴ம்ஶ்ச நாஶயது மே ஜக³தாமதீ⁴ஶ꞉ ॥ 27 ॥
ஓம் நமோ ப⁴க³வதே ஸதா³ஶிவாய ஸகலதத்த்வாத்மகாய ஸகலதத்த்வவிதூ³ராய
ஸகலலோகைககர்த்ரே ஸகலலோகப⁴ர்த்ரே ஸகலலோகைகஹர்த்ரே ஸகலலோகைககு³ரவே ஸகலலோகைகஸாக்ஷிணே ஸகலநிக³மகு³ஹ்யாய ஸகலவரப்ரதா³ய ஸகலது³ரிதார்திப⁴ஞ்ஜநாய ஸகலஜக³த³ப⁴யங்கராய ஸகலலோகைகஶங்கராய ஶஶாங்கஶேக²ராய ஶாஶ்வதநிஜாவாஸாய நிர்கு³ணாய நிருபமாய நீரூபாய நிராபா⁴ஸாய நிராமயாய நிஷ்ப்ரபஞ்சாய நிஷ்களங்காய நிர்த்³வந்த்³வாய நி꞉ஸங்கா³ய நிர்மலாய நிர்க³மாய நித்யரூபவிப⁴வாய நிருபமவிப⁴வாய நிராதா⁴ராய
நித்யஶுத்³த⁴பு³த்³த⁴பரிபூர்ணஸச்சிதா³நந்தா³த்³வயாய பரமஶாந்தப்ரகாஶதேஜோரூபாய
ஜயஜய மஹாருத்³ர மஹாரௌத்³ர ப⁴த்³ராவதார து³꞉க²தா³வதா³ரண மஹாபை⁴ரவ காலபை⁴ரவ கல்பாந்தபை⁴ரவ கபாலமாலாத⁴ர க²ட்வாங்க³ க²ட்³க³ சர்ம பாஶாங்குஶ ட³மரு ஶூல சாப பா³ண க³தா³ ஶக்தி பி⁴ண்டி³ பால தோமர முஸல முத்³க³ர பட்டிஶ பரஶு பரிக⁴ பு⁴ஶுண்டீ³ ஶதக்⁴நீ சக்ராத்³யாயுத⁴பீ⁴ஷணகர ஸஹஸ்ரமுக² த³ம்ஷ்ட்ராகராள விகடாட்டஹாஸ விஸ்ப²ரித ப்³ரஹ்மாமண்ட³ல நாகே³ந்த்³ரகுண்ட³ல நாகே³ந்த்³ரஹார நாகே³ந்த்³ரவலய நாகே³ந்த்³ரசர்மத⁴ர ம்ருத்யுஞ்ஜய த்ர்யம்ப³க த்ரிபுராந்தக விரூபாக்ஷ விஶ்வேஶ்வர விஶ்வரூப வ்ருஷப⁴வாஹந விஷபூ⁴ஷண விஶ்வதோமுக² ஸர்வதோ ரக்ஷரக்ஷ மாம் ஜ்வலஜ்வல மஹாம்ருத்யுப⁴யமபம்ருத்யுப⁴யம் நாஶயநாஶய ரோக³ப⁴யமுத்ஸாத³யோத்ஸாத³ய விஷஸர்பப⁴யம் ஶமயஶமய சோரப⁴யம் மாரயமாரய மம ஶத்ரூநுச்சாடயோச்சாடய ஶூலேந விதா³ரய விதா³ரய குடா²ரேண பி⁴ந்தி⁴பி⁴ந்தி⁴ க²ட்³கே³ந சி²ந்தி⁴சி²ந்தி⁴ க²ட்வாங்கே³ந விபோத²ய விபோத²ய முஸலேந நிஷ்பேஷயநிஷ்பேஷய பா³ணை꞉ஸந்தாட³ய ஸந்தாட³ய ரக்ஷாம்ஸி பீ⁴ஷயபீ⁴ஷய பூ⁴தாநி வித்³ராவயவித்³ராவய கூஷ்மாண்ட³வேதாலமாரீக³ண ப்³ரஹ்மராக்ஷஸான் ஸந்த்ராஸயஸந்த்ராஸய மமாப⁴யம் குருகுரு வித்ரஸ்தம் மாமாஶ்வாஸயாஶ்வாஸய நரகப⁴யாந்மாமுத்³தா⁴ரயோத்³தா⁴ரய ஸஞ்ஜீவயஸஞ்ஜீவய க்ஷுத்ருட்³ப்⁴யாம் மாமாப்யாயயாப்யாயய து³꞉கா²துரம் மாமாநந்த³யாநந்த³ய ஶிவகவசேந மாமாச்சா²த³யாச்சா²த³ய த்ர்யம்ப³க ஸதா³ஶிவ நமஸ்தே நமஸ்தே நமஸ்தே ।
ருஷப⁴ உவாச ।
இத்யேதத்கவசம் ஶைவம் வரத³ம் வ்யாஹ்ருதம் மயா ।
ஸர்வபா³தா⁴ப்ரஶமநம் ரஹஸ்யம் ஸர்வதே³ஹிநாம் ॥ 28 ॥
ய꞉ ஸதா³ தா⁴ரயேந்மர்த்ய꞉ ஶைவம் கவசமுத்தமம் ।
ந தஸ்ய ஜாயதே க்வாபி ப⁴யம் ஶம்போ⁴ரநுக்³ரஹாத் ॥ 29 ॥
க்ஷீணாயுர்ம்ருத்யுமாபந்நோ மஹாரோக³ஹதோ(அ)பி வா ।
ஸத்³ய꞉ ஸுக²மவாப்நோதி தீ³ர்க⁴மாயுஶ்ச விந்த³தி ॥ 30 ॥
ஸர்வதா³ரித்³ர்யஶமநம் ஸௌமாங்க³ல்யவிவர்த⁴நம் ।
யோ த⁴த்தே கவசம் ஶைவம் ஸ தே³வைரபி பூஜ்யதே ॥ 31 ॥
மஹாபாதகஸங்கா⁴தைர்முச்யதே சோபபாதகை꞉ ।
தே³ஹாந்தே ஶிவமாப்நோதி ஶிவவர்மாநுபா⁴வத꞉ ॥ 32 ॥
த்வமபி ஶ்ரத்³த⁴யா வத்ஸ ஶைவம் கவசமுத்தமம் ।
தா⁴ரயஸ்வ மயா த³த்தம் ஸத்³ய꞉ ஶ்ரேயோ ஹ்யவாப்ஸ்யஸி ॥ 33 ॥
ஸூத உவாச ।
இத்யுக்த்வா ருஷபோ⁴ யோகீ³ தஸ்மை பார்தி²வஸூநவே ।
த³தௌ³ ஶங்க²ம் மஹாராவம் க²ட்³க³ம் சாரிநிஷூத³நம் ॥ 34 ॥
புநஶ்ச ப⁴ஸ்ம ஸம்மந்த்ர்ய தத³ங்க³ம் ஸர்வதோ(அ)ஸ்ப்ருஶத் ।
க³ஜாநாம் ஷட்ஸஹஸ்ரஸ்ய த்³விகு³ணம் ச ப³லம் த³தௌ³ ॥ 35 ॥
ப⁴ஸ்மப்ரபா⁴வாத்ஸம்ப்ராப்ய ப³லைஶ்வர்யத்⁴ருதிஸ்ம்ருதி꞉ ।
ஸ ராஜபுத்ர꞉ ஶுஶுபே⁴ ஶரத³ர்க இவ ஶ்ரியா ॥ 36 ॥
தமாஹ ப்ராஞ்ஜலிம் பூ⁴ய꞉ ஸ யோகீ³ ராஜநந்த³நம் ।
ஏஷ க²ட்³கோ³ மயா த³த்தஸ்தபோமந்த்ராநுபா⁴வத꞉ ॥ 37 ॥
ஶிததா⁴ரமிமம் க²ட்³க³ம் யஸ்மை த³ர்ஶயஸி ஸ்பு²டம் ।
ஸ ஸத்³யோ ம்ரியதே ஶத்ரு꞉ ஸாக்ஷாந்ம்ருத்யுரபி ஸ்வயம் ॥ 38 ॥
அஸ்ய ஶங்க²ஸ்ய நிஹ்ராத³ம் யே ஶ்ருண்வந்தி தவாஹிதா꞉ ।
தே மூர்சி²தா꞉ பதிஷ்யந்தி ந்யஸ்தஶஸ்த்ரா விசேதநா꞉ ॥ 39 ॥
க²ட்³க³ஶங்கா²விமௌ தி³வ்யௌ பரஸைந்யவிநாஶிநௌ ।
ஆத்மஸைந்யஸ்வபக்ஷாணாம் ஶௌர்யதேஜோவிவர்த⁴நௌ ॥ 40 ॥
ஏதயோஶ்ச ப்ரபா⁴வேந ஶைவேந கவசேந ச ।
த்³விஷட்ஸஹஸ்ரநாகா³நாம் ப³லேந மஹதாபி ச ॥ 41 ॥
ப⁴ஸ்மதா⁴ரணஸாமர்த்²யாச்ச²த்ருஸைந்யம் விஜேஷ்யஸி ।
ப்ராப்ய ஸிம்ஹாஸநம் பைத்ர்யம் கோ³ப்தாஸி ப்ருதி²வீமிமாம் ॥ 42 ॥
இதி ப⁴த்³ராயுஷம் ஸம்யக³நுஶாஸ்ய ஸமாத்ருகம் ।
தாப்⁴யாம் ஸம்பூஜித꞉ ஸோ(அ)த² யோகீ³ ஸ்வைரக³திர்யயௌ ॥ 43 ॥
இதி ஶ்ரீஸ்காந்த³புராணே த்ருதீயே ப்³ரஹ்மோத்தரக²ண்டே³ ஶிவகவசகத²நம் நாம த்³வாத³ஶோ(அ)த்⁴யாய꞉ ।
மேலும் ஶ்ரீ ஶிவ ஸ்தோத்திரங்கள் பார்க்க.
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
