Sri Ranganatha Ashtottara Shatanama Stotram – ஶ்ரீ ரங்க³நாத² அஷ்டோத்தரஶதநாம ஸ்தோத்ரம்


அஸ்ய ஶ்ரீரங்க³நாதா²ஷ்டோத்தரஶதநாமஸ்தோத்ரமஹாமந்த்ரஸ்ய வேத³வ்யாஸோ ப⁴க³வாந்ருஷி꞉ அநுஷ்டுப்ச²ந்த³꞉ ப⁴க³வாந் ஶ்ரீமஹாவிஷ்ணுர்தே³வதா, ஶ்ரீரங்க³ஶாயீதி பீ³ஜம் ஶ்ரீகாந்த இதி ஶக்தி꞉ ஶ்ரீப்ரத³ இதி கீலகம் மம ஸமஸ்தபாபநாஶார்தே² ஶ்ரீரங்க³ராஜப்ரஸாத³ ஸித்³த்⁴யர்தே² ஜபே விநியோக³꞉ ।

தௌ⁴ம்ய உவாச ।
ஶ்ரீரங்க³ஶாயீ ஶ்ரீகாந்த꞉ ஶ்ரீப்ரத³꞉ ஶ்ரிதவத்ஸல꞉ ।
அநந்தோ மாத⁴வோ ஜேதா ஜக³ந்நாதோ² ஜக³த்³கு³ரு꞉ ॥ 1 ॥

ஸுரவர்ய꞉ ஸுராராத்⁴ய꞉ ஸுரராஜாநுஜ꞉ ப்ரபு⁴꞉ ।
ஹரிர்ஹதாரிர்விஶ்வேஶ꞉ ஶாஶ்வத꞉ ஶம்பு⁴ரவ்யய꞉ ॥ 2 ॥

ப⁴க்தார்திப⁴ஞ்ஜநோ வாக்³மீ வீரோ விக்²யாதகீர்திமாந் ।
பா⁴ஸ்கர꞉ ஶாஸ்த்ரதத்த்வஜ்ஞோ தை³த்யஶாஸ்தா(அ)மரேஶ்வர꞉ ॥ 3 ॥

நாராயணோ நரஹரிர்நீரஜாக்ஷோ நரப்ரிய꞉ ।
ப்³ரஹ்மண்யோ ப்³ரஹ்மக்ருத்³ப்³ரஹ்மா ப்³ரஹ்மாங்கோ³ ப்³ரஹ்மபூஜித꞉ ॥ 4 ॥

க்ருஷ்ண꞉ க்ருதஜ்ஞோ கோ³விந்தோ³ ஹ்ருஷீகேஶோ(அ)க⁴நாஶந꞉ ।
விஷ்ணுர்ஜிஷ்ணுர்ஜிதாராதி꞉ ஸஜ்ஜநப்ரிய ஈஶ்வர꞉ ॥ 5 ॥

த்ரிவிக்ரமஸ்த்ரிலோகேஶ꞉ த்ரய்யர்த²ஸ்த்ரிகு³ணாத்மக꞉ ।
காகுத்ஸ்த²꞉ கமலாகாந்த꞉ காலீயோரக³மர்த³ந꞉ ॥ 6 ॥

காலாம்பு³த³ஶ்யாமலாங்க³꞉ கேஶவ꞉ க்லேஶநாஶந꞉ ।
கேஶிப்ரப⁴ஞ்ஜந꞉ காந்தோ நந்த³ஸூநுரரிந்த³ம꞉ ॥ 7 ॥

ருக்மிணீவல்லப⁴꞉ ஶௌரிர்ப³லப⁴த்³ரோ ப³லாநுஜ꞉ ।
தா³மோத³ரோ ஹ்ருஷீகேஶோ வாமநோ மது⁴ஸூத³ந꞉ ॥ 8 ॥

பூத꞉ புண்யஜநத்⁴வம்ஸீ புண்யஶ்லோகஶிகா²மணி꞉ ।
ஆதி³மூர்திர்த³யாமூர்தி꞉ ஶாந்தமூர்திரமூர்திமாந் ॥ 9 ॥

பரம்ப்³ரஹ்ம பரந்தா⁴ம பாவந꞉ பவநோ விபு⁴꞉ ।
சந்த்³ரஶ்ச²ந்தோ³மயோ ராம꞉ ஸம்ஸாராம்பு³தி⁴தாரக꞉ ॥ 10 ॥

ஆதி³தேயோ(அ)ச்யுதோ பா⁴நு꞉ ஶங்கரஶ்ஶிவ ஊர்ஜித꞉ ।
மஹேஶ்வரோ மஹாயோகீ³ மஹாஶக்திர்மஹத்ப்ரிய꞉ ॥ 11 ॥

து³ர்ஜநத்⁴வம்ஸகோ(அ)ஶேஷஸஜ்ஜநோபாஸ்தஸத்ப²லம் ।
பக்ஷீந்த்³ரவாஹநோ(அ)க்ஷோப்⁴ய꞉ க்ஷீராப்³தி⁴ஶயநோ விது⁴꞉ ॥ 12 ॥

ஜநார்த³நோ ஜக³த்³தே⁴துர்ஜிதமந்மத²விக்³ரஹ꞉ ।
சக்ரபாணி꞉ ஶங்க²தா⁴ரீ ஶார்ங்கீ³ க²ட்³கீ³ க³தா³த⁴ர꞉ ॥ 13 ॥

ஏவம் விஷ்ணோஶ்ஶதம் நாம்நாமஷ்டோத்தரமிஹேரிதம் ।
ஸ்தோத்ராணாமுத்தமம் கு³ஹ்யம் நாமரத்நஸ்தவாபி⁴த⁴ம் ॥ 14 ॥

ஸர்வதா³ ஸர்வரோக³க்⁴நம் சிந்திதார்த²ப²லப்ரத³ம் ।
த்வம் து ஶீக்⁴ரம் மஹாராஜ க³ச்ச² ரங்க³ஸ்த²லம் ஶுப⁴ம் ॥ 15 ॥

ஸ்நாத்வா துலார்கே காவேர்யாம் மாஹாத்ம்ய ஶ்ரவணம் குரு ।
க³வாஶ்வவஸ்த்ரதா⁴ந்யாந்நபூ⁴மிகந்யாப்ரதோ³ ப⁴வ ॥ 16 ॥

த்³வாத³ஶ்யாம் பாயஸாந்நேந ஸஹஸ்ரம் த³ஶ போ⁴ஜய ।
நாமரத்நஸ்தவாக்²யேந விஷ்ணோரஷ்டஶதேந ச ।
ஸ்துத்வா ஶ்ரீரங்க³நாத²ம் த்வமபீ⁴ஷ்டப²லமாப்நுஹி ॥ 17 ॥

இதி துலாகாவேரீமாஹாத்ம்யே ஶந்தநும் ப்ரதி தௌ⁴ம்யோபதி³ஷ்ட ஶ்ரீரங்க³நாதா²ஷ்டோத்தரஶதநாம ஸ்தோத்ரம் ।


மேலும் அஷ்டோத்தரஶதநாமாவள்யஃ பார்க்க. மேலும் ஶ்ரீ விஷ்ணு ஸ்தோத்திரங்கள் பார்க்க.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

மறுமொழி இடவும்

error: Not allowed